RVA PWO KAREN

ထၧၫ့ဖုဝဲထံၩၥိၭထီးလူၬၥံၪဧ့ ပကဲၪၦၡၩကမံၩ့နီၪ အ့ၪမွဲပၥုၪ့ၥၭဂ့ၩဘွၩမၬ ပမ့ၬကဎံၫလၩဂီၩ့ အ့ၪမွဲပၥုၪ့အုၪၥၭအုၪနီၪ ပဆၧဎံၫလၩလဖၪကလၩ့မါဒၪခွံၬပၧၩနီၪ ပကိၭဂၩဒ့ၭပၥ့ၪယၫဝ့ၫလီၫႉ ဆၧနီၪအကၠီၩ့ ပဆၧဎံၫဆၧလၩဆၧဎံၫဖံၫ့လဖၪ ဘဲၫလလၩ့မါဘၪအဂး  အဆိၪထုၬ ပကဘၪဂၭဎ့ၬဝ့ၫဒၪကမံၩ့နီၪ ၦလၧလအဲၪဒိၭဘၪ ပဆၧလ့ၩထၪ့လ့ၩထီၫ လဖၪအဂး မၩၡၪ့ဘၪပၥုၪ့ပၥၭဒဲ ပနးခီၫ့မိၡါနီၪလဂ့ၩနဲၪႉ ၂ႉ လၧပဖၫ့ခိၪ ၦၡၩဒၪပၧၩ စီၪပၧၩပၥ့ၪလဲၪနီၪ လီၩ့အၪ့ဎၬထၪ့ဂီၩ့ မၩၡၪ့ဘၪပၥၭလဂ့ၩႉ ယိဖၬခွံၬ နဲၩ့ဎီၩ့အဆၧဒၪလဖၪနီၪလါဆံၭႉ ၃ႉ ပဘၪခိၭဖ့ၪဆၧၫ့ကၠၧၩ့ပၧၩလီၫဂီၩ့ ဆၧဂဲၫထဲၩ့ထဲၩ့လအီၪဘၪ ဆၧဆုးကျိၭလဖၪအဂး မၩၡၪ့ဘၪ နၥၭလဂ့ၩႉ ၄ႉ အဝ့ၫၥံၪအ့ၪအလိၫအီၪမၬ ဂဲၫၥိၩ့ပၧၩ ၦလဖၪအဂး မၩပွံၩဘၪနၥၭလဂ့ၩႉ ၅ႉ လီၩ့မၩပျၩ့ခွံၬအ့ၪၦၡၩအဆၧကၪဆၧဂဲၩလဖၪဂီၩ့ မၩလူၬခွံၬနအခံၫ့လဖၪနီၪလဂ့ၩႉ ထိးဘၪဂါ…

ၦမုၪလဂၩနီၪ အဆၧမၩဒၪအဝ့ၫ ကြၨၭအီၪဝ့ၫဒၪကမံၩ့လီၫႉဆၧထုၬဖျီၪ့ထၪ့ထၬလၧခီၫ့နီၪ တခၩကကဲၪနးမံၩ့ နဂံၪ့ဒီၪ့နီၪ ကဲၪဒၪကဲၪမုဒၪဝ့ၫ နအီၪနီၪ ဆၧမၩကြၨၭအီၪကမံၩ့ဒဲ နထီးဒၪနၧၩ ကြၨၭအီၪဝ့ၫလီၫႉ နထီးလလိၪဘၪမွဲဂ့ၩႇ နန့ထၬဘၪၦၥထံၫကဂၩမွဲဂ့ၩႇ ၦၡၩအီၪက့ၪထၬနၧၩ ခိၭနးဎွၩမုၪအၥိၭမွဲဂ့ၩႇဆၧဖံၭဆၧမၩကမံၩ့နီၪ ဖ့ၪလၫ့အ့ၪနၧၩထီးန့ လကၭဘၪ ဖ့ၪလၫ့အ့ၪနၧၩ ၥၭလၧအဒိၭနဲၩ့လၩ့ၥၭ ၥၭလၧလမိလီၩ့ဒိၭနဲၩ့ဘၪအၥၭလၧၦဂူၫဂၩအဖၫ့ခိၪ န့နီၪလီၫႉ နထီးဂဲၫနုၬလၩ့နီၪ ၡၩမွဲဂ့ၩ အၪမွဲဂ့ၩ အၡၩထုၬနဂးနီၪ နထံၩၥိၭကဂဲၫအီၪထၪ့လီၫႉ ကိၭနံၩဒ့ၭ နဆၧမၩကအၪဒၪလၧ နဖိၪနဝၩအဂးစွါဘဲၫ ယံၭထၪ့ကဆံၭ နၧၩဒၪနၧၩ နကလၩ့မါ ထၪ့ကဆံၭနီၪလီၫႉ အ့ၪယံၭထၪ့ယူၭစွါဘဲၫ နကဖျါလၧ နဲၩ့ဎီၩ့လးဝၩ့ဖၧၩ့ဒဲ ဂၪ့ခိၪချိၫ့ဖၧၩ့နီၪလီၫႉ ဆၧၥၭမၧၫ့လၧ အဒိၭနဲၩ့ၥၭဖီၩ့ဖျ့ၭဝ့ၫဒၪနီၪမၬ မွဲလၧၦမုၪအခိၪနုၬဂ့ၩလဖၪအဆၧရွံထၪ့ လီၫႉပမ့ၬဎံၪယၪဘွၩအလးနီၪ…

ပကဲၪၥၭဘၪ့ကဂၩဂီၩ့ အ့ၪပနဲၩလၨၪဆၧနီၪ မွဲဒၪပဆၧဆီၫ့မီၪ့ဆီၫ့မၬၡၩနီၪလီၫႉ ပကဲၪၥၭ ဘၪ့ကဂၩဂီၩ့ အ့ၪမွဲပၥၭကွံၩဆၧနၬလၨၪနီၪ မွဲဒၪပခိၪနုၬၡၩနီၪလီၫႉ ပကဲၪၥၭဘၪ့ကဂၩဂီၩ့ အ့ၪမွဲ ဆၧမ့ၬလဲၩ့ၥၭဂဲၫ့အီၪအၪနီၪ မွဲဒၪပၥၭလလၧၫ့ဎွ့ၩဘၪလီၫႉ ပကဲၭၥၭဘၪ့ကဂၩဂီၩ့ ယၧၩမၬယဆၧ ဘိၪ့ဘၪအၧၩ့ထဲဖိၭယီၩဒ့ၭ ပကဂၪ့အံၪဂၪ့အူၭဘဲၫနီၪဂီၩ့ အ့ၪမွဲပကထိးစၪခွံၬပၥၭစွါဘဲၫ မွဲဒၪပၥၭ ဆါနီၪလီၫႉ         ပကဲၪၥၭဘၪ့ကဂၩဂီၩ့ ထၧၩ့ဆၧကဲၪထၪ့ဒၪနးမံၩ့ အယီၩမွဲဒၪကကဲၪထၪ့ဆၧအဂ့ၩလီၫဘ့ၩ ပကစီၪဘဲၫနီၪဂီၩ့ အ့ၪမွဲပကထွံၩလၩ့ပခၪ့လၧ ဆၧဘိၪ့အမ့ၬယၫနီၪဘိၭ အယီၩမွဲဒၪ ပလနဲၩလၩ့ ဘၪပၥၭနီၪလီၫႉ ၥဒၪ့နီၪ အခိၪနုၬအီၪအ့ၬလါနၫ့ကအီၪအၪ့ဘၪ ဂ့ၩဂ့ၩဘၪဘၪအဂး ခုၪ့လၩ့ဒၪအ ဖၧၩ့ၥ့ၪဝ့ၫလီၫႉ အခိၪနုၬဂဲၫပၫထဲးၦၡၩလဖၪနီၪ ပအီၪဘၪ ပကလီၩ့ဒိၭနဲၩ့ပၥၭလၧၦၡၩအအီၪ စွါဘဲၫ ကြၨၭပညၩၡၫၥဒၪ့လဖၪလီၫႉ ဆၧၥၭမၧၫ့လၩ့ဆ့ၬလၩ့ယွၩၥၭဘၪ့လဖၪနီၪ လီၩ့ယိယိနးထံၪႉ အၥၭဂၭဂီၩ့ဂီၩ့…

မုဆၫကနံၩယီၩ ပကဒၪဘၪထၧၫ့မၫဝၩၥံၪ အဲၪဘိၩ့လိၬၥၭဂဲၫအၪအၪ့အၪအၪလ့ၬလ့ၬနီၪလီၫႉ အဝ့ၫၥံၪနီၪ မွဲဆၧမ့ၬမဲလအီၪကၠၭလၧၩ့ဘၪနီၪလီၫႉ ဆၧနီၪအကၠီၩ့ကနံၩယီၩ ဘၪထွ့ၫလၧဆၧအဲၪဘိၩ့လိၬၥၭအဂဲးနီၪ ယမိလီၩၥ့ၪ ယၫအ့ၪဘၪနၥံၪ ၡါဖိၪကယွ့နီၪလီၫႉ လၧကကၠၪအိၩ ၦဎွၩကဂၩနီၪ ရွံထၪ့ၦမုၪလၧအဂ့ၩထုၬလဂၩနီၪဂီၩ့ ထံၭလၫ့ဝ့ၫ လၧနးဎွၩမုၪအလးနီၪလီၫႉ  ကနံၩတၭ ၦအဘၪအၪ့ဖီၪ့အ့ၪၦဎွၩယီၩမ့ၩအွံၪၥုၪ့ဆၧၫ့လဂၩနီၪ ဒၪဘၪနးဎွၩမုၪနီၪအထီ နးဎွၩမုၪအဆၧဎံၪဆၧလၩနီၪ မၩဝၭထိၬအဝ့ၫအၥၭဒိၪဒိၪလ့ၬနီၪလီၫႉ စၭထၪ့လၧမုနံၩနီၪအဝ့ၫယီၩအၪ့ထံၩ့အၪ့ဖီၪ့အခၫ အၥၭအီၪစိၩဒၪလၧ နးဎွၩမုၪနီၪအအီၪအကၠီၩ့ အၥၧၫ့လဖၪနီၪ အအွံၪအဆၧၫ့လဘၪလၧၩ့ဘၪနီၪလီၫႉ ၦဎွၩယီၩအၪ့မ့ၩ အခၫ ၥၧၫ့ၥံၪလဖၪနီၪ အအွံၪအဆၧၫ့လအီၪလၧၩ့ဘၪအဂဲး ထုၪ့အၥၭချုၭအကၠီၩ့ ထၪ့ဘၭ၇ၥၫ့ကကၠၪ အၪ့စၪ့ၦအအီၪ ဖီၪ့ဆၧနီၪ ဘဲၫယီၩနအၪ့ဖီၪ့ဆၧလဖၪ အအွံၪအဆၧၫ့အီၪလၧၩ့အ့ၬနဲၪ နဆၧကၪဆၧဂဲၩအီၪမန့လဲၪ လီၩအ့ၪယၧၩတီၩ တီၩနးထံၪ ၦဎွၩအၪ့စၪ့ဘဲၫနီၪကကၠၪ အဝ့ၫယီၩ…

ဆၧအၪ့ဆၧအီၪလၧ လအိၭဘၪလၧပၧၩနီၪ ပအၪ့အ့ၬႉ ပမ့ၬပနၪဘၪဆံၭအလးနီၪ ပအီၪအ့ၬႉ ပခွံၬလၩ့ထၬပၥၭလၧပကမၩဝ့ၫဒၪ ဆၧမၩကမံၩ့မံၩ့နီၪ ပဘၪမၩပကၠုၪ့ဝ့ၫဒၪလါနၫ့ ပမၩခွံၬထၧၩ့အဂီၩ့, ဘဲၫပကထီၩ့လၧပဆၧထိစိၩအီၪအဂးနီၪ တခၩပဘၪဒၪဆၧၫ့ယၫလၧဆၧကၪဆၧဂဲၩနးမံၩ့ပကျ့ၭစၨၭ လ့ၩကၥုၭဘၪကၥုၭႇ ဘဲၫပအုၩ့လၩ့ထၬအၥိၭ ပဖိၬပဆၧအုၩ့လၩ့အခဲၫ့ႇ ပဆၧချဲၩ့အဖၫ့ခိၪ ပအၪ့န့ထၪ့မူၩဒၩ အလၧၫ့အဎွ့ၩႇ ဆၧလဖၪယီၩနီၪ မွဲလၧၥနိၫ့လဖၪနီၪလီၫႉ ပကဲၪၦၡၩနီၪ ပကဘၪအီၪလၧၥနိၫ့လဖၪ ယီၩဒဲ ပကဘၪအီၪက့ၪထၬ ၥနိၫ့လဖၪယီၩနီၪလီၫႉ ၥနိၫ့လဖၪယီၩနီၪ မွဲမၩလ့ၩထၪ့လ့ၩထီၫပဆၧၥၭ မၧၫ့န့ဂီၩ့ ၡၩအလူအဎွ့ၩဆ့နီၪလီၫႉ မူးရင်းရေးစားသူအား လေးစားစွာဖြင့်