RVA PWO KAREN

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဆၧမၩကၪထဲၩ့ဆၧနီၪ မၩလီၩပျၩ့ ဆၧကၪဆၧဂဲၩ လန့ဘၪ အဂဲးအကၠီၩ့နီၪလီၫႉ ဆၧလၧၦဖျါခွံၬဆၧနီၪ ၦဆၧဘၪမၪ ဖီၩ့ဖျ့ၭထီးအလူၬ လမွဲဘၪနီၪလီၫႉ ဆၧအယီၩ့နီၪ မွဲဝ့ၫဒၪ ပယုၭယၪ့ၦဂူၫဂၩႇ ပအဲၪဒိၭဘၪလိၬဎွ့ၩဎီၩ့ႇ ပဂၭဎ့ၭ ဆၧအၧၩ့ဆၧၥၫ့ နီၪလီၫႉ ဆၧလၧ မၩကၪထဲၩ့ ဆၧနီၪ ဆၧၥၭထၪ့အဂး မွဲဝ့ၫဒၪ စဲၪ့ထၪ့ဖိး နီၪလီၫႉ ၦဖျါခွံၬဆၧနီၪ မွဲဝ့ၫဒၪ ပလီၩ့ဎွါ ဘၪလိၬဎွ့ၩဎီၩ့ နီၪလီၫႉ လၧခဲၫ့ကမံၩ့နီၪ ၦဖျါခွံၬဆၧနီၪန့ လါနၫ့ႇ ပၥၭနၫ့လန့ဘၪ ကအီၪဝ့ၫဒၪနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ…

အဝ့ၫဒၪလ့ၩလၩ့ဝ့ၫလၧဒိၩ့ကပၧနအၫ့ လၧခးဂၫလလံၫအဖၧၩ့တၭ, ၥီၪ့ထဲၩ့ၥၫ့ထဲၩ့အဝ့ၫၥံၪ လၧမးၥံၫအနံၩလီၫ.- ၦလဖၪနီၪထီၫမံၫထီၫမၪဝ့ၫလၧအၥီၪ့ဆၧၥၫ့ဆၧအဂဲးလီၫ. အဂဲးဘဲၫယီၩ အလူအီၪလၧအစီၩ့အမၩ့လီၫ.- လၧၥရိၬဖၧၩ့နီၪ, ၦလၧဆၧနၪစံၪစၪအီၪ လၧအလီၩ့အီၪဝ့ၫလဂၩတၭ, ကိၭၡၭထၪ့ဆၧလၧ အလူၥီၫဖၭဒိၪတၭ, စံၭဝ့ၫ,- အၩလါ,ၦနၭဇရ့ၭဖိၪယ့ၫၡုၬဧ့, ဆၧဘၪဆဲၫ့လိၬပၥၭလၧနၧၩ, မွဲဆၧနီၪလမံၩ့လဲၪ. မွဲနဂဲၫမၩဂၭဂီၩ့ပၧၩဆ့ဧၪ. နဝ့ၫဒၪယီၩ နမွဲပလၫလဂၩလဲၪနီၪ, ယၥ့ၪယၫ, နမွဲယွၩအဆၧဆံၫ့ဎံၪလဂၩနီၪလီၫ.- ယ့ၫၡုၬအၪ့လၬအဝ့ၫတၭ, စံၭဝ့ၫ,အီၪလၩ့မါပံၭ, စဲၪ့ထၪ့ခွံၬလၧ ၦလဂၩနီၪအလီၩ့ဆံၭ. ဆၧနၪထုၭဆ့ၪဝ့ၫလၧဆၧၥၭကျၩတၭ, လမၩဆၫဘၪဝ့ၫနီၪ, စဲၪ့ထၪ့ခွံၬလၧအလီၩ့လီၫ.- ၦထီးအလူၬထီၫမံၫထီၫမၪဝ့ၫတၭ, ချဲၩ့လိၬအၥၭစံၭဝ့ၫ, ဆၧယီၩမွဲဆၧချဲၩ့ဘဲၫၥ့ၪလဲၪ. အဂဲးဘဲၫယီၩမွဲအမၪလူၬ ဆၧနၪစံၪစၪ လၧအၥူၭအၥဲၪ့ဒဲအစီၩ့အမၩ့တၭ, အဝ့ၫၥံၪစဲၪ့ထၪ့ခွံၬဝ့ၫလီၫ.- ထီးနီၪလဖၧၫ့ အဂဲးအကၠီၪ့ ဂၧၫ့ထၪ့ၥၩလၩ့လၧခးထၧၫ့ခးယၫကိၭစီၪ့ဒ့ၭလီၫ.

ၦနၭဇရ့ၭဖိၪလထိးဆၧၫ့ဘၪယ့ၫၡူၬ အဝ့ၫဒၪထဲၩ့ထဲၩ့ဝ့ၫလၧနၭဇရ့ၭ လၧအဒိၪထၪ့ဝ့ၫလၧအဖၧၩ့တၭ, ဘဲၫအထူၫအရူၫဒၪဝ့ၫအၥိၭနီၪ, ဘၪမးၥံၫအနံၩတၭ, လ့ၩနုၬဝ့ၫလၧၥရိၬဖၧၩ့နီၪ, ဂဲထုၪ့ဝ့ၫဘဲၫၥိၭအမိဖီဘၪလံၬလီၫ.- ဆၧဖ့ၪလၫ့အဝ့ၫ လၧမီၪစအဲၫစ့ယၫအလံၬလီၫ. ပၠၪလၩ့လံၬနီၪတၭ, ဒၪန့ဝ့ၫအလးထီးဆၧကွ့ၭဝ့ၫ, ယွၩအၥၭအီၪလၧယလီၩ့လီၫ. အဂဲးဘဲၫယီၩဂုၪယူၭယၧၩ ဘဲၫၥိၭယမိလီၩလၩ့လၬလၩ့ ဆၧၥၭထိၬအပရၧၫ့ လၧၦၡၪ့ဖိၪယၬဖိၪလီၫ. အၪ့မၧၫ့လၩ့ယၧၩဘဲၫၥိၭယမိမၩဘျၪထဲၩ့ၦ အၥုၪ့ခါအၥၭလၩ့, ဘဲၫၥိၭယမိကိၭထၪ့ဆၧဖီၩ့ဖျ့ၭ လၧၦဘၪဆၧအၪ့မၧၫ့ဎီးဝ့ၫအဂး, ဒဲဒုၭဒၪထၪ့ထဲၩ့ၦလၧအမ့ၬဘျီၪ, ဘဲၫၥိၭယမိဖျါခွံၬၦဘၪဆၧမၩအၧၩ့မၩနၭဝ့ၫ, ဘဲၫၥိၭယမိမၩဂၧၫ့ထၪ့ၥၩလၩ့နံၪ့လၧ အဘၪယွၩအၥၭနီၪလီၫ. အဝ့ၫဒၪထူၫထၪ့ထဲၩ့လံၬတၭ, ဖ့ၪလၫ့ထဲၩ့ဝ့ၫလၧဆၧအခ့ၫအၡၩလဂၩနီၪ, ဆၧၫ့နၩ့ထဲၩ့ဝ့ၫလီၫ. ၦအီၪ လၧၥရိၬဖၧၩ့ကိၭဂၩဒ့ၭလဖၪနီၪ, ယိအမ့ၬထံၫထံၫဆၭဆၭလီၫ.- အဝ့ၫဒၪချဲၩ့ထၪ့ၥၫ့ဆၧလၧအဝ့ၫၥံၪ, စံၭဝ့ၫ,ဆၧကွ့ၭအၥၭယီၩ, လၧၫ့ထၪ့ဎွ့ၩထၪ့လၧနၥံၪအနါဖၧၩ့ လၧမုဆၫလနံၩယီၩလီၫ.- ၦထီးအလူၬထိး အၥၭလၧအဝ့ၫဒၪအဂးတၭ, လၧဆၧချဲၩ့အဂ့ၩလၧအဂဲၫထၪ့လၧအနိၭဖၧၩ့အကၠီၩ့နီၪ, ထီၫမံၫထီၫမၪဝ့ၫဒၪလီၫ. ၦလဖၪနီၪစံၭဝ့ၫ,အဝ့ၫဒၪယီၩ, မွဲစယိၥၭအဖိၪခွၫနီၪမွဲအ့ၬဧၪ.-…

အဲၪကွံၩဘၪၦခိၭနၪဆၧဖိၪၥံၪဧ့ႇ ၥၭဎွံၫမုၬမုၬကိၭဂၩဒ့ၭလါဆံၭနဲၪႉဆၧလၧၦကဲၪၦၡၩနီၪ ဖီၫအခံၫ့ဘၪပကဘၪဖီၫထၪ့ဝ့ၫဒၪႇၥၪအခံၫ့ဘၪပကဘၪၥၪထၪ့ဝ့ၫဒၪနီၪလီၫႉ ၦဝ့ၫၥံၪလဖၪယီၩ လၧပဖိၪၥၪဆံၭအထီအိၩဖီၩ့မၬလၧမိဖါနီၪ ပကဘၪအဲၪတၧၩ့ၦဂူၫဂၩမွဲလအီၪဘၪလါနၫ့ ပၥၭဂဲၫဎိၩထၪ့ကနံၩကဆံၭဖိၪပကဲၪထၪ့ထဲၩ့ၥၭဘၪ့အထီ ပအၪ့ဎၬလီၩ့ဎွါထၪ့ ဆၧအဲၪဂူၫဂၩ နီၪလီၫႉပဆၧအဲၪလၧမိဖါအဖၫ့ခိၪ လၩ့ၡၩဝ့ၫဒၪဂီၩ့ ပအီၪက့ၪအၪထၪ့ထဲၩ့ပဆၧအဲၪလၧ ၦဂူၪဂၩအဖၫ့ခိၪနီၪလီၫႉၦခိၭနၪဆၧဖိၪၥံၪဧ့ႇပအီၪက့ၪထးပမိပဖါဂီၩ့ ပအၪ့ဎၬလီၩ့ဎွါထၪ့ထဲၩ့ ဆၧအဲၪအၥၫ့ဒဲ မုၪဒဲခွၫပအီၪက့ၪဆၧအဲၪလါခီၫလါဘၪ ဂုးခၧၫ့ဝ့ၫကကၠၪ ပထၪ့ၡါ အီၪဎုၬဒဲ ပမၩကဲၪထၪ့ဝ့ၫဒၪဂံၪ့ဒီၪ့လဒီၪ့နီၪလီၫႉၦခိၭနၪဆၧဖိၪၥံၪဧ့ႇ ဆၧအထူၫအဂူၫယီၩ ဂဲၫထဲၩ့ အီၪဝ့ၫဒၪခီၫလၧအခၫ့ထံၭၥၫ့ဒၪအိၩဒဲအီၪဂုးခၧၫ့ဝ့ၫထီၩ့ မုဆၫကနံၩယီၩလကၭဘၪ ကထဲၩ့အီၪဂုးခၧၫ့ထီၩ့ဂၪ့ခိၪဒံၩခွံၬကကၠၪနီၪလီၫႉ အ့ၪမွဲပကစံၭထၧၩ့ ၦၡၩနၪၥ့ၪနီၪဘိၭ ၦမုၪဒဲၦခွၫဒၩ့ဂံၪ့ဂၩ့ဎၪ့အဆၧအီၪဎုၬယီၩကအီၪဝ့ၫဒၪထီၩ့ အခံၫ့အဆၧၫ့အထီ လဆိၩၡၩနီၪလီၫႉ အခၪ့ထံၭၥၫ့အိၩပကဲၪဝ့ၫဒၪဖိၪၥၪဆံၭဖိၪလဖၪထီးနီၪပဂဲၪဎိၩထၪ့ဒိၪထၪ့ ကနံၩကဆံၭဖိၪ ဒဲ ပကဲၪထၪ့ထဲၩ့ၥၭဘၪ့ဂီၩ့နီၪပၥၭဂဲၫၡါထၪ့ကနံၩကဆံၭဖိၪတၭ ပကဲၪထၪ့ဝ့ၫဒၪ ဖံၫၥၭၡါႇ ဖူၪၥၭၡါ လခဲၫ့ထုၬကကၠၪပဘၪလၩ့စိၩဝ့ၫဒၪလၧဆၧၥံၫအလၩၡၪဖၧၩ့နီၪလီၫႉ ဘဲၫနီၪအၥိၭအခၪ့ထံၭနီၪ ပကဲၪထၪ့ဖိၪၥၪဂီၩ့နီၪပကဲၪထၪ့ၥၭဘၪ…

ၦဘၧၩ့လၩ့ဆၧစယီဟၫ့အဆၧၥံၫ အ့ၪမွဲထီးစဟ့ရၧၭ နါဂၧၫ့နီၪ စံၭဝ့ၫ အယီၩမွဲစ ယီဟၫ့လၧယဖ့ၬခွံၬယူၭအခိၬတၭ ဂဲထုၪ့ထဲၩ့ဝ့ၫလၧ ဆၧၥံၫအဖၧၩ့ယူၭလီၫ.- အဂဲးဘဲၫယီၩ မွဲလၧအထၧၫ့ ဖုဝဲစဖံလံၭအမၫနးဟရိဒအၭ လၧအအီၪဎုၬလိၬအၥၭ လၧအဝ့ၫနီၪအကၠီၩ့တၭ စဟ့ရၧၭအၪ့မၧၫ့ ၦလ့ၩဖီၪ့ထၬ စယီဟၫ့တၭ စၧၩ့ထၬဝ့ၫလၧထီၫ့ဖၧၩ့လီၫ.  အဂဲးဘဲၫယီၩ စယီဟၫ့စံၭစဟ့ရၧၭ မွဲနအီၪဎုၬလၧ နထၧၫ့ဖုဝဲအမၫနီၪတီၩအ့ၬ.- မၩအၥၭဘဲၫနီၪတၭ နးဟရိဒအၭ ၥၭထၪ့စယီဟၫ့တၭ မိမၩၥံၫဘၪအၥၭနီၪ မၩဝ့ၫၥ့ၪအ့ၬ.- အဂဲးဘဲၫယီၩ စဟ့ရၧၭၥ့ၪယၫဝ့ၫ လၧစယီဟၫ့ မွဲၦအတီၩအလီၩ့ ဒဲၦအဆံၫ့အဎံၪနီၪ ၥၭမဲၪဝ့ၫတၭ ယိထံၫယိဆၭဝ့ၫ ထီးအနါဂၧၫ့အလူနီၪ မၩဝ့ၫအၪမံၩ့တၭ နါဂၧၫ့ဝ့ၫအလူ ၡုၪၡုၪမုၬမုၬလီၫ. ထီးဘၪအမုနံၩအထီဂ့ၩ စဟ့ရၧၭအီၪဖျဲၪဝ့ၫ အနံၩဆၧၫ့ထဲၩ့အလးတၭ…

ၦကွ့ၭလံၬဒဲၦဖၫရစံၫ, ၦအၪ့လီၫဆၧၥံၪဧ့, နၥံၪဘၪဆၧအၡၪ့လီၫ. အဂဲးဘဲၫယီၩ နၥံၪလၩ့ဂၬလၧဆၧၥွၪ ခိၪဖၧၩ့ လၧအဂုၪဘွၩအၥၭအၥိၭနီၪလီၫ. အချိၫ့လခီၫဖျီၪဝ့ၫလၧအဎံၫအလၩတကၨ. အ့ၪမွဲအဖၧၩ့ နီၪဎွ့ၩဝ့ၫလၧၦၥံၫအဎွံၪအနၧၩ့, ဒဲကယဲဆၧစံၪစၪ ဘၪၥၭလိၪၥၭလံၭထီးအလူၬလီၫ.- ဘဲၫနီၪအၥိၭနၥံၪဝ့ၫဒၪ ယီၩ,နၥံၪမၩတီၩနၥံၪအၥၭလၧခီၫ့ လၧၦၡၩအမ့ၬယၫလီၫ. အ့ၪမွဲလၧယၫလခီၫနီၪ, နၥံၪဎွ့ၩလၧဆၧအၪ့လီၫ ဆၧအၪ့ဝံၩ, ဒဲဆၧလတီၩလလီၩ့ဘၪလီၫ. ယ့ၫရှူၬလီၩဆိၫဝဲၩဆၧစ့ၩရၫ့လၧအဝ့ၫၥံၪအဂး. (လု,ၥၥ;၄၇-၅ၥ). ၦကွ့ၭလံၬဒဲၦဖၫရစံၫ, ၦအၪ့လီၫဆၧၥံၪဧ့,နၥံၪဘၪ ဆၧအၡၪ့လီၫ. အဂဲးဘဲၫယီၩနၥံၪမၩထၪ့မီၪလဖၪအၥွၪခိၪဖၧၩ့နီၪ, နၥံၪကယၧၩ့ၦအတီၩအလီၩ့ လဖၪအၥွၪခိၪနီၪ,- နၥံၪစံၭနၥံၪဝ့ၫ, လၧပမိပဖါအဆိၩနီၪ ပအ့ၪအီၪဝ့ၫတၭ, ၦမၩဎုၬဆၧလၧအဝ့ၫၥံၪအၥိၭ လၧမီၪအၥွံၪဆ့အ့ၬ.- မၩအၥၭဘဲၫနီၪတၭ,နၥံၪထိးလၩ့ဒၪနၥံၪအၥၭ လၧနၥံၪမွဲၦမၩၥံၫမီၪလဖၪ အဖိၪအလံၩလီၫ. နၥံၪဝ့ၫဒၪယီၩမၩဎွ့ၩထၪ့နၥံၪအဖါလဖၪ အဆၧတိၪ့နီၪဆံၭ.

ၦကွ့ၭလံၬဒဲၦဖၫရစံၫ, ၦအၪ့လီၫဆၧၥံၪဧ့, နၥံၪဘၪဆၧအၡၪ့လီၫ. အဂဲးဘဲၫယီၩနၥံၪမၩဘိၪ့ဖီၫဘိၭ, ဒဲစမူၭ,ဒဲစံၩယၩၥံၪဆံၫပိၩ့နီၪလပိၩ့လီၫ. အ့ၪမွဲဆၧၥီၪ့ဆၧၥၫ့လၧ အဎၧၫ့နဲၪ့အနီၪ, ဆၧစ့ၩရၫ့,ဆၧယၫ့ၥၭ ဒဲဆၧနဲၩနီၪ,နၥံၪအီၪက့ၪလၩ့ထးဝ့ၫလီၫ. အနီၪလဖၪ နၥံၪကြၨၭမၩတၭ, အယီၩလဖၪကြၨၭနၥံၪအီၪက့ၪ လၩ့ထးဝ့ၫဆ့အ့ၬ.- ၦမ့ၬဘျီၪလၧအဒုၭနဲၪဖၧၩ့ၥၭၥံၪဧ့, နၥံၪဆၩ့ခွံၬခံၫနိၬနးဘီၩ့တၭ, အၪ့ယုလၩ့ကလအူၭနးဒုၩလီၫ. ၦကွ့ၭလံၬဒဲၦဖၫရစံၫၦအၪ့လီၫဆၧၥံၪဧ့, နၥံၪဘၪဆၧအၡၪ့လီၫ. အဂဲးဘဲၫယီၩနၥံၪၥူၫဝၭဆံၫ့ လိၫ့အ ချိၫ့ဒဲတဲၪလဲၪအချိၫ့လီၫ. အ့ၪမွဲအဖၧၩ့နီၪဎွ့ၩဝ့ၫလၧ ဆၧအၪ့ဘျံၭအၪ့ဘျၪ ဒဲဆၧလတီၩလလီၩ့ဘၪလီၫ. ၦဖၫရစံၫ လၧအမ့ၬဘျီၪၥံၪဧ့, ၥူၫဝၭဆံၫ့ဆိၫဒၪခလူၬ လိၫ့ဒဲတဲၪလဲၪအဖၧၩ့လခီၫဘီၪ, တၭအချိၫ့နီၪမိဆံၫ့ဝ့ၫ ဘဲၫနီၪၥိၭဆ့လီၫ.

လၩခူၭခဲးစူၪအဖၧၩ့ ပၫဝ့ၫဒၪဆၧပိၭဆၧလၫ့လဖၪနီၪမွဲဝ့ၫ နိၪဝါႇ ဆံၫဖိၬႇ ၥၭကျုၩၥၪႇ မ့ၩဒူၪႇ ဖီၫဝံ ႇ မ့ၩအဲၩ့ ႇ ထံၫ ဒဲ လူၫဘွၩနီၪလီၫႉ           အဆိၪထုၬ နိၪဝါနီၪ အခီၫပယီၫအီၪဝ့ၫ ဘဲၫၥိၭပၥၭကမၧၫ့အဂး ပဘၪအၪ့ထံၩ့အၪ့ဖီၫ့ကိၭနံၩဒ့ၭအကၠီၩ့           လၧခဲၫ ဆၧလၧဆံၫဖိၬနီၪ ပမၩလၩ့ဘျ့ၭလၩ့နူၬလါနၫ့ အဝ့ၫအဆၧၫ့ထံၫလလူၬဘၪဒဲ အဆၧၫ့လဖၪ ဆုးၥၭမၧၫ့ထၪ့ဝ့ၫန့အကၠီၩ့           ထီး ၥၭကျုၩၥၪနီၪ အခီၫပယီၫအီၪဝ့ၫဒၪ ဆၧလၧၥၭကျုၩနီၪ မွဲလအီၪဘၪကထံၭလီၫဒဲ အထံၭၥံၪလဖၪ စူၭကီၪ့မၧၫ့ထၪ့ဝ့ၫဒၪ လကၭဘၪ ၥၪအခၫနးဆ့ ၥၪဝ့ၫဒၪလၧအဎံၫအဆူၭနီၪလီၫႉ           ဂီၩ့နီၪ မ့ၪဒူၪအခီၫပယီၫနီၪ…

ထၧၫ့ဖုဝဲထံၭၥိၭ ၦလၧအဲၪဒိၭခိၭနၪ ၦဖျိၩ့ၡါဖိၪၥံၪဧ့ မုကနွ့ၫယီၩ ယမိအဲၪဒိၭလီၩအ့ၪဘၪနၥံၪ ၦဖျိၩ့ၡါဖိၪယီၩအမံၩ့နီၪ မွဲ စီၩ့မၩ့ဎိၩဒိၪ ၦဖျိၩ့ကျိၪ ၡါဖိၪနီၪလီၫႉ လၧဖျိၩ့ဖျိၩ့အိၩ ဝံးအမံၩ့မွဲ နီၫတမၫ့ ဘနီၪအီၪဝ့ၫလီၫႉ လၧဝံးယီၩ အထိၭနၫနီၪ ၦမုၪမဲၫအဖိၪခွၫအီၪဝ့ၫကဂၩလီၫႉ အဝ့ၫနီၪကၠၧၫ့ခီၫကၠၧၫ့နၭလ့ၬ လကၭဒံၭဘၪ အလီၩ့အခံၫထၧၫ့ဂၩယၫနီၪ ထူၭဘၪတၭ ၦၡၩကိၭကၠၭအဝ့ၫလၧ ဆၧကၠၧၫ့ထူၭ နီၪလီၫႉဂၪ့ခိၪယီၩ ၦၡၩကၠၧၫ့ခိၭအဝ့ၫနီၪအီၪနးဂၩအ့ၬ စွါဘဲၫႉ ကနံၩနီၪတၭ ဆၧကၠၧၫ့ထူၭလဂၩ လ့ၩထီၩ့လၧဂၠဲၩ့ဘံၩအနဲၩ့ထံၭအခၫ ဒၪခိၭဘွၩကထံၭတၭ ယိစိၩဝ့ၫအခၫ ဒၪလၫ့စိၩခိၭဘွၩၥၪၥံၪနီၪ ကမိအၪ့ဝ့ၫအၪမၬ လါနၫ့ ကဘၪထၪ့အၪ့မၩဝ့ၫနီၪ ကၠၧၫ့ဘိၭ လ့ၩမံၫနၩ့အီၪလၧ ခိၭထံၭအဖၫ့လၬနီၪဂီၩ့ အၩ့လၫ့ထၬအနိၭ ခိၬဝ့ၫ…

ပခးပယၩ့ယီၩ လၧပကိၪ့ၥ့ၪၥံၪအဆၧထယါအဖၧၩ့ ထံၫအထိၪအဎၩ့ ၉၁ယၩဒူၩနီၪ မွဲထံၫလၧဖံၭဖၫ့ခိၪဒဲ ၉ယၩဒူၩနီၪ မွဲထံၫလၧ ဖံၬဖၫ့လၬနီၪလီၫႉ ထံၫလဖၪၥံၪယီၩ ၥိၩ့ထၪ့ဝ့ၫအနိၪ့ၥံၪနီၪမွဲ ဆၧၥုၪ့ဆၧဖျါအဂး ၈၉ယၩဒူၩႇ ၦအီၪလၧဝံး ၁၀ယၩဒဲ စဲၭဒူၭဆၧမၩလဖၪၥံၪနီၪ မွဲဝ့ၫ ၁ ယၩဒူၩအကၠီၩ့ ပၥ့ၪယၫဘၪနီၪလီၫႉ  ၦအီၪလၧဝံး အၪဒၪဆၧနီၪ ပဝဲထၪ့အမဲၥဲကထုၪ့ဎး ထံၫန့ဝ့ၫဒၪယီၫယီၫဆၧၫ့ထီယီၩ မွဲကဲၪထၪ့ပၥိၩ့ထၪ့ထံၫအ့ၬဂီၩ့ ကဲၪထၪ့ ပမၩလူၬပျီၩ့ဂီၩ့ထံၫနီၪလီၫႉ ပကဘၪၥိၩ့လၩ့ၡၩထၪ့ထံၫဒဲ ထံၫယီၩ အကၧၩ့ဒိၪဎွ့ပၥ့ၪလဲၪနီၪ ကျ့ၭပၥ့ၪယၫထၬနီၪလီၫႉ လၧခဲၫ့ကမံၩ့ ကိၭနံၪ့ဒ့ၭကဲၪဝ့ၫဒၪ ဆၧကၪဆၧဂဲၩကမံၩ့မွဲဝ့ၫ အ့ၪမွဲထီၩ့ဆၧခိခၫစွါဘဲၫ ၦလၧအီၪတဝၫ့ၦခမျၧးလနၩ့နၩ့ ဘၪဒၪဎီၩ့ဆၧၫ့ယၫ ထံၫၡၩဝ့ၫဒၪဆၧကၪဆၧဂဲၩနီၪလီၫႉ မွဲဆၧဘဲၫနီၪ ထံၫလၧပအီၩကအီၪအလၧၫ့အဎွ့ၩအဂး ၦလၧအမူၩဒၩအီၪလဖၪ…