RVA PWO KAREN

လၧခးပယၩ့ဖၧၩ့ယီၩ ခိဆၧၩ့ချံၫ့လၨၪခၫ့ဖၬၥနိၫနီၪ လၩ့ၡၩအ့ၬႉ ဆုးအၪ့လဲၩ့ထၪ့ၥၭ ဘဲၫဒံၭနီၪလီၫႉ ၦခမျၧးၥံၪနးဆ့ ခိဆၧၩ့ချံၫ့အၪ့လဲၩထၪ့အၥၭနီၪ မွဲပဒၩ့ထၬဝ့ၫလန့ဒံၭဘၪတၭ အဆၧၫ့အထီနီၪ အၧၩ့ဘဲၫဒံၭလီၫႉ ဆၧစူၭကီၪ့ထၪ့ ကၫဘိၫ့ဒဲၪ့အီၭစဲၭ စီၩ့ဂဲးနးဆ့ ဖးဖီၩ့ဖၧၩ့မွဲဝ့ၫ အထီၫ့ထုၬလီၫႉ ပကယိထဲၩ့ဂၪ့ခိၪထၧၫ့ဘံၪ့ယၫစွါဘဲၫ ဆၧခိအၪ့လၨၪ အလးအီၪႇ ဆၧချံၫ့အၪလၨၪအလးႇ ထံၫဎိၩလၩ့အလး ဒဲ ဘၪထိးလံၩမုလဖုၬအလးအီၪဝ့ၫဒၪလီၫႉ လကၭဒံၭဘၪ မ့ၪခိၪလီၩ့ဖီးဖၭအီၪအၥိၭ ဖူၫဆံၫဂုဆ့မွဲအီၪလီၫႉ ဘၪန့လဲၪ ခိဆၧၩ့ချံၫ့ယီၩ ဘၪကဲၪထၪ့ဘဲၫယီၩၥိၭနီၪ မွဲဝ့ၫဒၪ ၦၡၩၥံၪအကၠီၩ့လီၫႉ ပကယိထဲၩ့လၧ ခးအ့ၩၡၩအဖၧၩ့ယီၩစွါဘဲၫ ခးဖလပ့ၩနီၪ ဘၪထိးလံၩမုလဖုၬအဆၧလၩ့အၪ့ယိၫအၪမၬလီၫႉ ဂီၩ့နီၪ ခးအံၪ့ဒံၫယၩနးဆ့ မွဲဘၪထိး လံၩမုလဖုၬအဆၧလၩ့ယိၫနၭနၭဒ့ၭလီၫႉ မခးပယၩ့နီၪ ပဘၪလီၩအလးအီၪလၧၩ့အ့ၬႉ…

ဘၪန့လဲၪခိဆၧၩ့ချံၫ့ဘၪအၪ့လဲၩထၪ့အၥၭ ဘဲၫယီၩၥိၭနီၪ အရ့ၩဒိၪထုၬအကၠီၩ့နီၪ မွဲဝ့ၫ ဂၪ့ခိၪချိၫ့ဂဲၫခိထၪ့အဂဲး နီၪလီၫႉ ဘၪန့လဲၪဂၪ့ခိၪချိၫ့ ဘၪခိထၪ့ဝ့ၫဒၪနီၪစွါဘဲၫ ဆၧဎုထၪ့ဂၩ့ဎွံၫလးႇ မ့ၪဆၫနီၪဘိၭ မွဲ လိးၥွၫထီးႇ ကျဲၩ့တံၭဒဲ စီၩ့အွံၩၥံၪလဖၪနီၪလီၫႉ အထီဘဲၫယီၩ လၧခးပယၩ့ဖၧၩ့ ဆၧမၩၥံၪလဖၪယီၩ မွဲမၩအၪထၪ့ဝ့ၫလီၫႉ လိးၥွၫထီးစဲၭဒူၭလဖၪ ကၥုၪ့ထၪ့ဝ့ၫဒၪအၪမၬလီၫႉ ဆၧယီၩမွဲ ကြၨၭအၪ့ဎၬထၪ့ထဲၩ့ဆွံဆွံယိၬယိၬလီၫႉ ပနဲၩ့ဎီၩ့မွဲဝ့ၫ ခးတရူၭနးဆ့ ၥိၩ့ထၪ့ လိးၥွၫထီးစဲၭဒူၭအၪ့မၬဒဲ မွဲလယိထဲၩ့ဘၪအနဲၩ့ဎီၩ့အကၠီၩ့ အဝ့ၫၥံၪအထံၫခး နဲၩ့ဎီၩ့အဆၧလၩ့အၪ့ယိၫကဲၪထၪ့အၪမၬလီၫႉ ဆၧဎုထၪ့ ဂၩ့ဎွံၫလးမ့ၪဆၫဂီၩ့ ထုၬထၪ့ စီၩ့အွံၩ လခဲၫကမံၩ့နီၪ ဆၧမၩဆိၫ့ဂီၩ့ ၥံၪ့ကျိၭနီၪလီၫႉ ဆၧမၩဆိၫ့ဂီၩ့ ၥံၪ့ကျိၭအလးနီၪ မွဲခးပယၩ့ယီၩ အနၭထုၬလီၫႉ…

ဆၧထုၭထၪ့ထၭလၧ ၂၀၁၇နံၪ့ဒၪအိၩ ဆၧအၪ့ဎၬထိၪတွၭလနၩ့နီၪ ဘရၫဇံၩႇ ကိုလံဘီယာဒဲ ပီရူးထံၫခးၥံၪနီၪ အီၪဝ့ၫဒၪအထီၫ ကံၫလိၫမံၫတၫ ၆၉၀၀ မွဲဝ့ၫ အမ့ၫဇိၫ့ထံၫချိၬနီၪ မွဲထံၫချိၬလၧ အထီၫ့ထုၬအကၠီၩ့ ထုၬထၪ့ထၭဝ့ၫဒၪနီၪလီၫႉ ဘၪအၪ့န့ထၪ့ဂဲးဘၭလၧ အမ့ၫဇိၫ့ၥံၪ့ကျိၭဂီၩ့ အီၪၥၭမၧၫ့ဝ့ၫဒၪ ဆၨၩဆၬလဖၪနီၪ ဂဲၫထဲၩ့အီၪကၠၭကအီၪ ဖိၬဘိၭ အနံၪ့ ၁၁၀၀၀ ဘျဲၪဂီၩ့ လၩ့ဘူၭ ၃ခွးနီၪ မွဲဝ့ၫ ဆၨၩဒီၪ့ဖိၪအီၪ ၄၂၀ အင်ဒီးယန်း  ဆၨၩဆၬၥံၪနီၪလီၫႉ           ဆၧထုၭထၪ့ထၭလၧ ACTO အဖၧၩ့ ဆၨၩဒီၪ့ဖိၪ ဖိၬဘိၭ (၆၀) နီၪ မွဲလၧဆုးကျိၭလဲၩ့မွံၩဘၪအၥၭလၧ ၦဂူၫဂၩတၭ အီၪဒၪဝ့ၫဒၪလီၫႉ အဝ့ၫၥံၪ ချဲၩ့ ဆၨၩဆၧချဲၩ့ကအီၪ ဖိၬဘိၭ ၈၆မံၩ့ဒဲ လးဝၩ့ဆၧချဲၩ့ ကအီၪ ၆၅၀နီၪလီၫႉ ဆၨၩဒီၪ့အဎိၩထုၬနီၪ မွဲဝ့ၫ Tikuna တၭ ၦခမျၧးကအီၪ ၄လၬဘျဲၪဂီၩ့ အီၪလၩ့ဘူၭလၧ ဘရားဇီး၊ ပီရူးဒဲ  ကိုလံဘီယာ ထံၫခးလးကျဲၩ့ လဖၪနီၪလီၫႉ အမ့ၫဇိၫ့အဂး မၩနဲၪ့ထၬဝ့ၫဒၪ ဝံးဒီၪ့ဖၭဒိၪနီၪ မွဲ ဝံးManaus ဂီၩ့ လဲဝ့ၫဒၪ (၁ႉ၅) စတုယၩ့ကံၫလိၫမံၫတၫအကၠီၩ့  ဘရၫဇံၩထံၫခးဖၧၩ့နီၪ မွဲအဎိၩထုၬဝံးကဝံးလီၫႉ ၁၆၆၉နံၪ့ဒၪအိၩ ပေါ်တူဂီဆၨၩဖိၪလဖၪ စၭထၪ့ဖိၬလိၬထၪ့ထၬ ဝံးManaus နီၪ အထီဘဲၫယီၩ ၦၡၩကအီၪ အခွး(၁ႉ၈) ဘျဲၪယူၭနီၪလီၫႉ အအၪထုၬနီၪဘိၭ မၩဆၧဖံၭဆၧမၩလၧ စဲၭဆၧမၩအနိၪ့နီၪလီၫႉ အထီဘဲၫယီၩ အီၪဝ့ၫဒၪကဒုၩလီၫ မွဲဝ့ၫအမ့ၫဇိၫ့ၥံၪ့ကျိၭဖၭဒိၪနီၪ ဂဲၫဂၭဂီၩ့ဂၭစၪထၪ့ဝ့ၫဒၪ လၩ့ဘူၭ ၂၀ယၩဒူၩယူၭအကၠီၩ့ WWF (World Wide Fund for Nature) နီၪ ထုၬထၪ့ဖ့ၪလၫ့ထၬ ဆၧထုၪ့ၥုၪ့ထုၪ့ၥၭ နီၪလီၫႉ  အမ့ၫဇိၫ့ဆၧဆၧၩ့ၥံၪ့ကျိၭဖၭဒိၪဖၧၩ့ယီၩ မ့ၪအၪ့ၡိၬကဲၪ့ထၪ့ ၇၃၀၀၀ဘျဲၪအကၠီၩ့တၭ စၭထၪ့ခီၫလၧ ၂၀၁၃နံၪ့အလးခဲၫနီၪ ဂဲၫကဲၪထၪ့ မ့ၪအၪ့ၡိၬအထီၫ့ထုၬလးကျဲၩ့နီၪလီၫႉ

ထၧၫ့ဖုဝဲမုၪခွၫၥံၪဧ့ ဆၧချဲၩ့ဒီၩ့လၩ့လၧ ဂၪ့ခိၪအပိၬၥိၭ မွဲဝ့ၫ အမ့ၫဇိၫ့ဆၧခိလးဝၩ့ၥံၪ့ကျိၭဖၭဒိၪနီၪ အလဲအီၪဝ့ၫ စတုယၩ့ကံၫလိၫမံၫတၫ (၅ႉ၅) (ဖီး) ခွးအၥိၭ ဂၪ့ခိၪ အီၭဆံၫဂၠံၫ လိၫဝ့ၫဒၪ ယၩဒူၩ၂၀ဘျဲၪနီၪ မၩလၧၫ့ဎွ့ၩဝ့ၫန့ထၪ့ အီၪဝ့ၫဒၪကဒုၩလီၫ ဆၧဆၧၩ့ၥံၪ့ကျိၭဖၭဒိၪနီၪလီၫႉ အထီဘဲၫယီၩ ၦခမျၧးၥံၪလဖၪ မၩလဲးထၪ့ ဆၧၥုၪ့ဆၧဖျါဒဲ ဖ့ၬခုၥံၪ့ၥံၪလဖၪ နါလၨၪအကၠီၩ့တၭ ၥံၪ့ကျိၭလူၬပျီၩခွံၬအၥိၭ ဘဲၫယီၩမ့ၪအၪ့ဆၧဂဲၫအၪထၪ့အကၠီၩ့ ဆၧဂၭဂီၩ့ဂၭစၪ ဂဲၫအၪထၪ့နီၪလီၫႉ           အမ့ၫဇိၫ့ၥံၪ့ကျိၭဖၭဒိၪနီၪ အီၪလၧ ခးဘရၫဇံၩ လကၭဘၪ ထီၩ့စိၩလၧ လက်တင်အမ့ၫရံကၭ (၉) ခးနီၪလီၫႉ ခီၫလၧစၭထၪ့နီၪထီးအထုၬ အီၪဝ့ၫ စတုယၩ့ကံၫလိၫမံၫတၫ (၇ႉ၄) ခွးတၭ ဘိုလီဗီးယား၊ ကိုလံဘီယာ၊ အီကွေဒေါ၊ French Guiana၊ ဂူယာနာ၊ ပီရူး၊ Suriname ဆူးရီနမ်ဒဲ ဗင်နီဇွဲလား ထံၫခးလဖၪနီၪ ပၫဝ့ၫဒၪ ကအီၪ ယၩဒူၩ (၄၀) ဒဲ ဘရၫဇံၩထံၫခးနီၪဘိၭ ၥံၪ့ကျိၭယီၩ ကအီၪ ၆၀ယၩဒူၩနီၪလီၫႉ           ဂၪ့ခိၪချိၫ့ယီၩ အီၪဝ့ၫကဒုၩလီၫ ဆၧဖိၪဆၧဎါၥံၪလဖၪအီၪအလး အမ့ၫဇိၫ့ၥံၪ့ကျိၭဖၭဒိၪ စတုယၩ့ကံၫလိၫမံၫတၫ (၂ႉ၁) ခွးဘျဲၪနီၪ အီၪက့ၪထၬဝ့ၫလၧ ဆၧယိထွ့ၫပဒၩ့ထၬအလးတၭ ယိထွ့ၫထၬဝ့ၫနီၪလီၫႉ                 အမ့ၫဇိၫ့ၥံၪ့ကျိၭယီၩ ဆၧထံၭဆၧဘီၩ့အဆၨၩအီၪ ၃လၬဘျဲၪႇ ယၪအဆၨၩအီၪ ၂၅၀၀ႇ ထိၪအဆၨၩအီၪ ၁၅၀၀ႇ ဆၧဖိၪဆၧဎါလၧအအီၩနူလဖၪ အဆၨၩအီၪ ၅၀၀ႇ ဆၧဖိၪဆၧဎါလၧအစွၩလဖၪ အဆၨၩအီၪ ၅၅၀ ဒဲ ၥံၭလၧအအီၪလၧ မိၡါၥၧၫ့ကဲၩ့ဒဲ ခၫ့ဎူၫခီၫ (အ့ၩဆဲၭ) လဖၪ အဆၨၩထီးလူၬကအီၪ (၂ႉ၅) ခွးဘျဲၪ အီၪၥၭမၧၫ့ဝ့ၫဒၪအကၠီၩ့ Amazon Cooperation Treaty Organization (ACTO) ထူၭထၪ့ထၭဝ့ၫဒၪအကၠီၩ့ ပၥ့ၪယၫဘၪနီၪလီၫႉ

အီၪဂုးခၧၫ့ ဘဲၫခးပယၩ့အၥၭၥွံၪဖျီၩ့မွဲဝ့ၫ အ့ၫယၫဝတံၫဘံၩနီၪ ခၪ့ဂၬခးပယၩ့အကျၩၥၭဂီၩ့ လၩ့ယွၩဝ့ၫဒၪလၧ လံၩထံၭဒဲ လံၩခံၫနီၪလီၫႉအ့ၫယၫဝတံၫဘံၩ စၭထၪ့ ဂဲၫကဲၪထၪ့ခီၫလၧ ဖီၩ့ခွံၬနံၪ့ ဖိၭဘိၭ ခွး ၄၅ အိၩ ဆၧနီၪ ခးပယၩ့ ဆၧလ့ၩထၪ့လ့ၩထီၫ့ဒဲ ဆုးကျိၭအၥၭ ဘံၭဖၭဒိၪနီၪလီၫႉ  ဆၧကိၭဝ့ၫအမံၩ့လၧ အ့ၫယၫဝတံၫနီၪ ၦလနၩ့နၩ့ ထယၬန့ထၬ မွဲအီၪဂဲၫလၧ ဟိန္ဒီအဆၧချဲၩ့  ဣရဝတီႇ အခီၫပယီၫနီၪမွဲ ကဆၫ့ဘံၩလါနၫ့ဂ့ၩ သင်္သကရိုက် ဆၧချဲၩ့ ပရုပဏီ (ဧရာဝတီ) အမံၩ့နီၪ မွဲ လၩ့ဘူၭနၭထၪ့အကၠီၩ့ လီၩ့ထၬဝ့ၫဒၪနီၪလီၫႉ အခီၫပယီၫနီၪဘိၭ မၩလၧၫ့ဎွ့ၩထၪ့ဂဲးဘၭ လမွဲဘၪ ဘံၩ နီၪလီၫႉ…

ပခးပယၩ့ယီၩ အီၪဝ့ၫဒၪ အလဲး စတုယၩ့ ကံၫလိၫမံၫတၫ ၆၇၇၀၀၀ ဂီၩ့ မွဲဒံၭလၧ ခးအ့ၩၡၩယီၩအဖၧၩ့ ထံၫခးလၧအဎိၩထုၬကခးနီၪလီၫႉ အီၪထၬဝဲၩ့ အဎံၫအလၩလၧၫ့ဎွ့ၩဝ့ၫဒၪ ပခးပယၩ့ယီၩ လံၩခံၫႇ မုထၪ့ ဒဲ မုနုၬနီၪ မွဲခိၪလီၩ့လဖၪ အီၪဝၩ့ဖီၩ့ထၬနီၪလီၫႉ လၧခိၪလီၩ့လဖၪအကျၩ ဖံၬဒၩလးနီၪ ကအီၪဝ့ၫ ထံၫထၪကျိၩ့ႇ ခၠ့ၩတွ့ၩ ဒဲ စ့ၭတီၩ့ထံၫချိၬဂူၭဒၩလဖၪဂီၩ့ ထံၫခးအၥၭၥွံၪဖျီၩ့မွဲဝ့ၫ ဆၧၥုၪ့ဆၧဖျါဆၧအနိၪ့နီၪ ဖီၪ့ထၪ့ဖံၭထၪ့ဝ့ၫအအၪထုၬဒဲ ၦခမျၧးအီၪၥၭမၧၫ့အၪမၬနီၪလီၫႉ ခပယၩ့ ခးဆၧၫ့လဖၪနီၪ မွဲဝ့ၫ ဘင်္ဂလားဒေ့ရှ်ထံၫခးႇ တရူၭထံၫခးႇ ၥဲၫ့ထံၫခးႇ ခးအိန္ဒိယ ဒဲ ခးလၫအိၫၥံၪနီၪလီၫႉ ခးပယၩ့ယီၩ…

အထီၫအီၪဝ့ၫဒၪ ကံၫလိၫမံၫတၫ ၄၈၀၀ မွဲဝ့ၫ မဲခီၫဘံၩနီၪ ခးအ့ၩၡၩ မုထၪ့လံၩထံၭကကဲၩ့ခီၫ ဆ့ၭလၩ့ယွၩလၧ ထံၫခး ၆ ခးနီၪလီၫႉ မဲခီၫဘံၩယီၩ ဆ့ၭလၩ့ယွၩဝ့ၫဒၪ ထံၫခး (၆) ခးနီၪ မွဲဝ့ၫ တရုတ်၊ မြန်မာ၊ လာအို၊ ထိုင်း၊ ကမ္ဘောဒီးယား၊ ဗီယက်နမ် ထံၫခးၥံၪနီၪလီၫႉ ဘံၩယီၩ မွဲလးကျဲၩ့ယီၩအဖၧၩ့ အထီၫထုၬ ဘံၩလဘီၩ့ဂီၩ့ အဝ့ၫအထံၫခံနီၪ အီၪလုၭဘံၭဝ့ၫဒၪ ခီၫလၧ တံဘဲၭလးကျဲၩ့ ထီးထီၩ့ ဘံၫယဲနၫ့ထံၫချိၬ လးကျဲၩ့ၥံၪနီၪလီၫႉ ၦခမျၧးအီၪဝ့ၫဖိၭဘိၭ အခွး (၆၀) နီၪ အီၪဒူၭနဲၩ့အၥၭလၧ မဲခီၫဘံၩ ဆၧအၪ့ဆၧအီၩ ထံၫဒဲ ဆၧၥိၪ့ထုၬၥိၪ့လၩ့ ဆၧလဖၪအဂး ၥိၩ့ထၪ့ဘံၩယီၩနီၪလီၫႉ လကၭဒံၭဘၪ…

ခၫကၫဘိၫရၫဇံၫခိၪလီၩ့နီၪ လၧခးအ့ၩၡၩမုထၪ့ယီၩ မွဲအထီၫထုၬခိၪလီၩ့ဂီၩ့ အီၪဝ့ၫဒၪလၧ ခးပယၩ့ ကခၠ့ၫဆၨၩခးဒီၪ့ လံၩခံၫကကဲၩ့ ခးဆၧၫ့အလးနီၪလီၫႉ ဆုးကျိၭအၥၭလၧ ဟိမဝန္တာခိၪလီၩ့ဂီၩ့  ပၫ့လဲၪထံၫမ့ၬပၫ အဖၫ့ခိၪ ထီၫဝ့ၫ ၁၉၂၉၆ (ပေ)နီၪလီၫႉ ခိၪလီၩ့ယီၩ အထီၫအီၪဝ့ၫ ၁၉၂၉၆ (ပေ) ဒဲ ဆၧထီးနဲၪ့လနၩ့နၩ့လီၩ့ထၬဝ့ၫ အထီၫအီၪ ၁၉၃၁၄ (ပေ) နီၪလီၫႉ ဆၩ့လၩ့ဝ့ၫဒၪ ကနံၪ့ခၧၩ့နံၪ့နီၪလီၫႉ မွဲဒံၭလၧ တိဗက်ဒဲ ခးပယၩ့အဆၧၫ့ဒံၭ နီၪလီၫႉ ယဲၩ့ဝ့ၫလၧ တံဘဲခးဆၧၫ့ ဖိၭဘိၭ နံၫမဲၪနီၪလီၫႉ ဆၧအမံၩ့မွဲဝ့ၫ ခၫကၫဘိၫရၫဇံၫနီၪ မွဲဝ့ၫ တံဘဲဆၧချဲၩ့ အီၪဂဲၫစဲၪ့လၩ့လၧ ခၫခၫဘိၫရၫဇံၫ…