ပကဘၪအၪ့ဎၬထၪ့ထဲၩ့ ၦဖျိၩ့ဆၨၩဖးဖီၩ့
ထၧၫ့ဖုဝဲထံၩၥိၭဖျိၩ့ဖိၪၥံၪဧ့ ဆၧလၧဖးဖီၩ့နီၪ ပမိၥ့ၪယၫ ဘဲၫအီၪအၥိၭ ဖးဖီၩ့အအီၪ အမွဲ အတီၩ ထီးအလူၬလီၫႉ ခးပယၩ့ဆၧဖီၩ့ဖျ့ၭန့ဂီၩ့ ပဒိၪပမုၥံၪလဖၪ ဘဲၫထံၫခးဖးဖီၩ့ကဂဲၫအီၪထၪ့အဂး ၁၉၅၉နံၪ့ လၩစဲၭတ့ၫဘၫနီၪ ဖိၬလိၬထၪ့ ခးပယၩ့ဖးဖီၩ့ကီၫမၡ့ၫခရၧၫ့ လံၬလဲကိၪ့ၥ့ၪလဖၪဒဲ ဖးဖီၩ့ပကိၪ့ၥ့ၪလဖၪနီၪလီၫႉ ခီၫလၧဖျိၩ့ဖျိၩ့အိၩ ခပယၩ့ဖးဖီၩ့နီၪ မၩကဲၪထၪ့ထၬဝ့ၫန့စဎွၩထံၫခး အၪဒၪဆၧ ဖးဖီၩ့လဖၪနီၪ ကွ့ၭထၬဝ့ၫန့ၫ ဒီၩ့ဝိၩၥံၪအဂဲး အကၠီၩ့တၭ လၧခးပယၩ့ဖးဖီၩ့ဖၧၩ့နီၪ မွဲဆၨၩဆၬဖိၪၥံၪအနိၪ့လပၫဘၪလီၫႉ မွဲဆၧဘဲၫနီၪ ခးပယၩ့အဂးအီၪဝ့ၫဒၪ ဖးဖီၩ့နီၪ မွဲဒၪ ဒီၩ့ဝိၩအဖးဖီၩ့ဒဲ လမွဲဘၪ ခးစၧၩ့ကီၪ့ခးပယၩ့အဖးဖီၩ့နီၪလီၫႉ ထီးနီၪ ပကိၪ့ၥ့ၪဆၨၩဆၬဖိၪၥံၪလဖၪ လီၩထၪ့ဝ့ၫ ဘၪနီၪလဲၪ ခပယၩ့ခးစၧၩ့ကီၪ့ယီၩ ဆၧမုၬဆၧၡူၪန့အ့ၬအကၠီၩ့နီၪ…
