RVA PWO KAREN

၂၀၂၅နံၪ့ လၩနိုဝင်ဘာလ ၁၈-၁၉ ၥၫ့နီၪ ဒိၩ့ပၥံၫ့ဇိၫ့ဖၧၩ့ ၥၫ့မုၥၫ့ခၫလဖၪ လ့ၩမးၥံၫကၠၭဝ့ၫဒၪလၧ တောင်ယာကုန်း ဆၧအီၪကီၪ့နီၪလီၫႉ”လၩနိုဝင်ဘာနီၪ မွဲလၩလၧပဘၪအၪ့ကံၩ့ဘၩဆိၪဖ့ၪအ့ၪ ၦအၥံၫလဖၪအနးၥၭအဂးနီၪလီၫႉ လၧဆၧၥံၫ အလးခဲၫ့နီၪ ဆၧမၧၫ့ထၪ့ထဲၩ့အီၪဝ့ၫဒၪလီၫႉ ဆၧယီၩ မွဲကဆါဎြံၬဂဲၫထဲၩ့ဖ့ၪနဲၪထၬအ့ၪပၧၩနီၪလီၫႉ ကဆါဎြံၬမၧၫ့ထၪ့ ထဲၩ့နီၪ ၦဎြံၬဖိၪဆၧဘိၪ့ဆၧဘၩအဖးဖီၩ့ဖၧၩ့ မွဲအကၧၩ့ဒိၪထုၬလီၫႉ ကဆါဎြံၬနီၪ ဖ့ၪလၫ့ထၬအ့ၪပၧၩ ဆၧဆူနဲၩနီၪ လီၫႉ ဆၧအယီၩ ပကဘၪအီၪက့ၪဒိၪဝ့ၫလီၫႉ အ့ၪမွဲပလအီၪက့ၪဒိၪဘၪစွါဘဲၫ ပဆၧဆူနဲၩနီၪ မွဲကအွံၩလၫ့ဒၪခွံၬပၧၩ နီၪလီၫႉ ပန့ထၬဘၪ ဆၧဆူနဲၩနီၪ ဘဲၫၥိၭကဆုးထဲၩ့ဂုးခၧၫ့ႇ ကဆုးထဲၩ့ကၧၩ့ပၥံၭၥၭအဂး ပကထဲၩ့ကျ့ၭစၨၭ ကၠၭလါဆံၭႉ ပန့ထၬဘၪဆၧလဖၪအဖၫ့ခိၪ ပဘၪကျ့ၭစၨၭ ကလိၪဝ့ၫဒၪနီၪလီၫႉ အ့ၪလမွဲဘၪနီၪ…

ဟၫ့နၫနီၪ ဘဲၫအထံၩၥိၭလဖၪအၥိၭ မိမၩလဲၪ့ယဲးခၪ့အၥၫ့ကခိၪနီၪလီၫႉ ကနံၩအဝ့ၫ ထဲၩ့ထီၩ့လၧအဂံၪ့ကကၠၪ ဒၪဘၪအဖါအၪ့ထံၩ့အၪ့ဖီၪ့ဆၧ လၧဖၫခွၭဒူၭဖၧၩ့နီၪလီၫႉ အဖါနီၪ ဂဲၫထဲၩ့လၧအဆၧမၩလးဂီၩ့ လၧဆၧပွံၩဆၧထၩ့ၥၭဖၧၩ့ အၪ့ထံၩ့အၪ့ဖီၪ့ မုဂၫဆၧအၪ့အဂးနီၪ လီၫႉ ဟၫ့နၫအမိမိနီၪဆ့ ကနံၩကနံၩ ဘၪဆၭဆၧဂီၩ့ ဘၪလီၩ့ဎွါကျိၪစ့ၩနီၪလီၫႉ အမိအဖါ နံၫဂၩယီၩ လၧအဝ့ၫၥံၪအဂံၪ့ဒီၪ့အဂး ဘၪထိးၡၪ့အၥၭနီၪ ဟၫ့နၫယီၩ ထဲၩ့ဒၪဝ့ၫဂီၩ့ကကၠၪ နၪၥ့ၪထဲၩ့ဝ့ၫလၧ အမိအဖါနံၫဂၩယီၩ ဘၪၡၪ့ဝ့ၫအကၠီၩ့ ၥၭနၪ့ခွံၬကမိၩမၩဘၪ လဲၪ့ယဲးခၪ့အ ၥၫ့ကခိၪအဂဲးနီၪလီၫႉ ဂီၩ့နီၪအဝ့ၫယီၩ ယိထၪ့အလဲၪ့ယဲးခၪ့အလံၩနီၪဂီၩ့ နၪ့ထၪ့ထဲၩ့ဘၪ အလဲၪ့ယဲးခၪ့နီၪ လ့ၩၥိၫ့စိၩအဝ့ၫလၧ ဆၧမၩလိၪလးအဂဲးႇ မွဲလၧလဲၪ့ယဲးခၪ့ယီၩအကၠီၩ့ အဝ့ၫဂဲၫထဲၩ့မုၬလၩ ထၬဘၪအဂဲးလဖၪနီၪလီၫႉ ဂီၩ့အဝ့ၫယီၩ လ့ၩဖၧၫ့လ့ၬလၫ့…

လၧခး Italy ဝံး Napal နီၪ ၥၫ့ဎွၩလ့ၫအိၫ ၁၄ ဂၩလဂၩ  လ့ၩအၪ့မ့ၩကၠၧၫ့ကၠၧၫ့လၧ ၦၡၪ့ဖိၪၥံၪအဂၩ ၁၃၀၀ နီၪလီၫႉ ပကအၪ့မ့ၩလၧ ၦၡၪ့ဖိၪၥံၪကၠၧၫ့ကၠၧၫ့အဂး ၥၫ့ဎွၩဖရၫ့စ့ၭ အၥၭလူၬအီၪအၪမၬဒ့ၭအကၠီၩ့နီၪ  ပနၪ့ထၪ့ဘၪအဝ့ၫအကၠီၩ့  ၦလၧၥံၫဖီၩ့ခွံၬဒၪပၧၩ ၥၫ့ဎွၩဖရၫ့စ့ၭအဂး ပကမၩလၩ့မၩဖၩ့လၧ ဆၧဒဲၩအစူၪနီၪအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩဝ့ၫဂီၩ့ ၦၡၪ့ဖိၪၥံၪ ဒဲၩအစူၪထီးလူၬနီၪလီၫႉ ၥၫ့ဎွၩလ့ၫအိၫ ၁၄ ဂၩလဂၩနီၪ အၪ့မ့ၩလၧ ၦၡၪ့ဖိၪၥံၪမုၬမုၬလၩလၩနီၪလီၫႉ

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩ Leo ၁၄ ဂၩလဂၩ အဆၧၥီၪ့ဆၧၥၫ့နီၪမွဲဝ့ၫဒၪ ၦၥၭဂ့ၩၥၭဘွၩအီၪ အဆၧဆူၩနဲၩနီၪ ၥၫထနၫအဂး နဲၪထၪ့ဖၧၩ့ၥၭအဂဲးအကၠီၩ့နီၪလီၫႉ  လၩစဲၭတံၫ့ဘၧၫ ၂၈ ၥၫ့ ၥၫ့ဎွၩ Leo ၁၄ ဂၩလဂၩ မၩလၩ့မၩဖၩ့ၡီၩ့ ဆၧအီၪကီၪ့ဆၧရၫႇ ဆရၫမုၪလဖၪ အယူၩဘလံၫလၧ ဝံး Roma, St. Peter ဝးဖၧၩ့နီၪလီၫႉ ၦၥၭဂ့ၩၥၭဘွၩအီၪ အဆၧဆူၩနဲၩနီၪ ၥၫထနၫအဂး နဲၪထၪ့ဖၧၩ့ၥၭန့ဝ့ၫဒၪအကၠီၩ့ ၥၫ့ဎွၩ Leo ၁၄ ဂၩလဂၩ အၪ့န့ ၦဆံၫ့ဎံၪ Ambrose…

ထီးၦနါဂၧၫ့ဆၧနီၪလဖၪတၭ, မွဲအအီၪဘူၭလၧ ယရုစလံၫ့အကၠီၩ့, ဒဲၦဆီၫ့မီၪ့ဝ့ၫလၧယွၩအဘၩ့အမုး မိအီၪထၪ့ချဲၫ့မၬအကၠီၩ့တၭ, အဝ့ၫဒၪချဲၩ့အၪထၪ့ဆၧချဲၩ့အဒီၩ့တၭ, စံၭဝ့ၫ, ၦဒိၪလဂၩမိလ့ၩလၧထံၫယဲၩ့ခးယဲၩ့ဘဲၫၥိၭအမိမၩန့အဘၩ့အမုးတၭ, မိဂဲၫထဲၩ့ထဲၩ့ဝ့ၫလီၫ. မွဲအကိၭန့အဎီးအၡၩဆံၫဂၩတၭ, ဖ့ၪလၫ့အဝ့ၫၥံၪဆံၫမဲနၫတၭ, လီၩဘၪအဝ့ၫၥံၪ, အၪ့ခၩဆၧထီးယဂဲၫထဲၩ့ဆံၭ. အဎီးအၡၩၥံၪမ့ၬလဲၩဝ့ၫတၭ, အၪ့မၧၫ့ၦလဂၩ လ့ၩဆီးအဝ့ၫတၭ, စံၭဝ့ၫ, အဝ့ၫလဂၩယီၩ ကဲၪစဎွၩလၧပဖၫ့ခိၪ, ဘၪပၥၭအ့ၬ.ဆၧမၩအၥၭလၧအမၩန့အဘၩ့အမုးဂီၩ့တၭ, ဂဲၫထဲၩ့ထဲၩ့ဝ့ၫတၭ, အၪ့မၧၫ့ၦကိၭန့ဆၧအဎီးအၡၩလဖၪ လၧအဖ့ၪလၫ့အစ့ၩလၧ အစူၪဖၧၩ့နီၪ, ဘဲၫၥိၭအမိၥ့ၪယၫဝ့ၫ လဂၩဘၪလဂၩနီၪ, မွဲအမၩအၪထၪ့အဆၧ ဆံၭအၪဆံၭအၪလဲၪနီၪလီၫ. အခၪ့ထံၭလဂၩဂဲၫစိၩတၭ, စံၭဝ့ၫ, ကဆါဧ့, နစ့ၩလမဲနၫနီၪ, န့အၪထၪ့ယူၭ ဆံၫမဲနၫယူၭ.- တၭအဝ့ၫဒၪစံၭအဝ့ၫ, ဘၪယူၭဎီးအၡၩလၧအဂ့ၩဧ့, မွဲနအီၪလၧဆၧၡၩ အဖၫ့ခိၪနလူတီၩယူၭ.အီၪနဝ့ၫလၧဒိၩ့ဆံၫဒိၩ့အဖၫ့ခိၪဆံၭ.- ၦနံၫဂၩလဂၩဂဲၫဝ့ၫတၭ, စံၭဝ့ၫ,…

တၭအဝ့ၫဒၪ လ့ၩနုၬခၫ့ဂၬ ယ့ၫရခိၫအဘိၩ့ဘၭနီၪ, ယိခွါ, ၦကိၭဝ့ၫအမံၩ့ လၧစဇၭခံအၧၭ အီၪဝ့ၫလဂၩလီၫ. အဝ့ၫနီၪ မွဲၦအၪ့ကံၩ့အခီၫ့အခိၪ, ဒဲမွဲၦၥထံၫလဂၩလီၫႉ ယ့ၫၡုၬမွဲပလၫလဂၩလဲၪနီၪ, အၪ့ဎၬယိဝ့ၫတၭ, အဂၩ့ဖၨၪ ဒၪဝ့ၫလၥ့ၪဘၪ လၧၦခမျၧးနီၪအကၠီၩ့တၭ, လ့ၩစဲၪ့ဝ့ၫလၧယၫတၭ, ထၪ့ဝ့ၫလၧကူၪလထံၭအခံၫ ဘဲၫၥိၭအမိဒၪဘၪအဝ့ၫနီၪ အဂဲးဘဲၫယီၩ မိဂဲၫဝ့ၫလၧဖၧၩ့ၥၭနီၪလီၫ.- ထီးယ့ၫၡုၬလ့ၩထီၩ့ထီးနီၪ, ယိထၪ့ဆၧဒၪဘၪဝ့ၫတၭ, စံၭအဝ့ၫ, စဇၭခံအၧၭဧ့, ဂဲၫထဲၩ့လၩ့ချဲၫ့ချဲၫ့ဘီၪ. အဂဲးဘဲၫယီၩ ယဘၪအီၪလၧ နဂံၪ့ဖၧၩ့လနံၩယီၩလီၫ.- အဝ့ၫဒၪစဲၪ့လၩ့ဝ့ၫချဲၫ့ချဲၫ့တၭ, ထိးဆၧၫ့ဝ့ၫလၧ အၥုၪ့ထိၬအၥၭထိၬလီၫ.- ၦကိၭဂၩဒ့ၭ ဒၪဘၪဝ့ၫတၭ, ၥူၭဝံၪၥူၭလၩဆၧ, စံၭဝ့ၫ, အဝ့ၫ ဒၪ လ့ၩလၧၦဆၧဒဲၩဘၭဖိၪ အအီၪတၭ, မိမံၫမၪဝ့ၫလၧအဂံၪ့ဖၧၩ့နီၪကၨ.…

၁. ပြာသို= ထဲၫ့ခူၬဖိၪ ၂. တပို့တွဲ = ထဲၫ့ခူၬဒိၪ ၃. တပေါင်း = တဖး ၄. တန်ခူး =လၩတၩ ၅. ကဆုန် = လၩယၫ ၆. နယုန် =လၩနွ့ၫ ၇. ဝါဆို = လၩဎိၭ ၈. ဝါခေါင် = လၩခူၭ ၉. တော်သလင်း = ဆံၫမု ၁၀. သီတင်းကျွတ် = ခတူၭဂီ ၁၁. တန်ဆောင်မုန်း =…

တၭထီးအလ့ၩဘူၭလၧယ့ၫရခိၫနီၪ, ၦအမ့ၬဘျီၪ ဆၧၫ့နၩ့အၪ့ကံၩ့ဆၧ လၧဖၧၩ့ၥၭအနဲၩ့ထံၭလီၫ. အဝ့ၫလဂၩ နါဂၧၫ့ၦခမျၧးဂဲၫဝ့ၫတၭ, အၪ့စၪ့ဝ့ၫ, မွဲဆၧနီၪလဲၪ.- တၭၦလီၩဘၪဝ့ၫ, မွဲၦနၭဇရ့ၭဖိၪယ့ၫၡုၬဂဲၫဝ့ၫလီၫ.- အဝ့ၫဒၪကိၭၡၭထၪ့တၭ, စံၭဝ့ၫ, စဒၫဝံၭအဖိၪခွၫယ့ၫၡုၬဧ့, ယၫ့ၥုၪ့ယၫ့ၥၭလါယၧၩဆံၭ.- ၦလ့ၩလၧယၫလဖၪနီၪ ဘဲၫၥိၭအဆၧမိအီၪလၩ့မါပံၭတၭ, အၪ့လၬအဝ့ၫလါနၫ့ဘိၩ့, မွဲအကိၭၡၭအၪထၪ့လခီၫနီၪ, စဒၫဝံၭအဖိၪခွၫဧ့, ယၫ့ၥုၪ့ယၫ့ၥၭလါယၧၩဆံၭ. ယ့ၫၡုၬအီၪထီတၭ, အၪ့မၧၫ့ၦၡၩကိၭန့အဝ့ၫဒၪလီၫ. ထီးအဂဲၫဘူၭတၭ, ယ့ၫၡုၬအၪ့စၪ့အဝ့ၫႇ စံၭ, နၥၭအီၪ လၧယမိမၩနၧၩ လၧဆၧနီၪလမံၩ့လဲၪ.- အဝ့ၫဒၪစံၭဝ့ၫ, ကဆါဧ့, မွဲဘဲၫၥိၭယမိဒၪထၪ့ထဲၩ့ဆၧလီၫ.

အဲၪကွံၩဘၪၦခိၭနၪဆၧဖိၪၥံၪဧ့ႇ ၥၭဎွံၫမုၬမုၬကိၭဂၩဒ့ၭလါဆံၭနဲၪႉဆၧလၧၦကဲၪၦၡၩနီၪ ဖီၫအခံၫ့ဘၪပကဘၪဖီၫထၪ့ဝ့ၫဒၪႇၥၪအခံၫ့ဘၪပကဘၪၥၪထၪ့ဝ့ၫဒၪနီၪလီၫႉ ၦဝ့ၫၥံၪလဖၪယီၩ လၧပဖိၪၥၪဆံၭအထီအိၩဖီၩ့မၬလၧမိဖါနီၪ ပကဘၪအဲၪတၧၩ့ၦဂူၫဂၩမွဲလအီၪဘၪလါနၫ့ ပၥၭဂဲၫဎိၩထၪ့ကနံၩကဆံၭဖိၪပကဲၪထၪ့ထဲၩ့ၥၭဘၪ့အထီ ပအၪ့ဎၬလီၩ့ဎွါထၪ့ ဆၧအဲၪဂူၫဂၩ နီၪလီၫႉပဆၧအဲၪလၧမိဖါအဖၫ့ခိၪ လၩ့ၡၩဝ့ၫဒၪဂီၩ့ ပအီၪက့ၪအၪထၪ့ထဲၩ့ပဆၧအဲၪလၧ ၦဂူၪဂၩအဖၫ့ခိၪနီၪလီၫႉၦခိၭနၪဆၧဖိၪၥံၪဧ့ႇပအီၪက့ၪထးပမိပဖါဂီၩ့ ပအၪ့ဎၬလီၩ့ဎွါထၪ့ထဲၩ့ ဆၧအဲၪအၥၫ့ဒဲ မုၪဒဲခွၫပအီၪက့ၪဆၧအဲၪလါခီၫလါဘၪ ဂုးခၧၫ့ဝ့ၫကကၠၪ ပထၪ့ၡါ အီၪဎုၬဒဲ ပမၩကဲၪထၪ့ဝ့ၫဒၪဂံၪ့ဒီၪ့လဒီၪ့နီၪလီၫႉၦခိၭနၪဆၧဖိၪၥံၪဧ့ႇ ဆၧအထူၫအဂူၫယီၩ ဂဲၫထဲၩ့ အီၪဝ့ၫဒၪခီၫလၧအခၫ့ထံၭၥၫ့ဒၪအိၩဒဲအီၪဂုးခၧၫ့ဝ့ၫထီၩ့ မုဆၫကနံၩယီၩလကၭဘၪ ကထဲၩ့အီၪဂုးခၧၫ့ထီၩ့ဂၪ့ခိၪဒံၩခွံၬကကၠၪနီၪလီၫႉ အ့ၪမွဲပကစံၭထၧၩ့ ၦၡၩနၪၥ့ၪနီၪဘိၭ ၦမုၪဒဲၦခွၫဒၩ့ဂံၪ့ဂၩ့ဎၪ့အဆၧအီၪဎုၬယီၩကအီၪဝ့ၫဒၪထီၩ့ အခံၫ့အဆၧၫ့အထီ လဆိၩၡၩနီၪလီၫႉ အခၪ့ထံၭၥၫ့အိၩပကဲၪဝ့ၫဒၪဖိၪၥၪဆံၭဖိၪလဖၪထီးနီၪပဂဲၪဎိၩထၪ့ဒိၪထၪ့ ကနံၩကဆံၭဖိၪ ဒဲ ပကဲၪထၪ့ထဲၩ့ၥၭဘၪ့ဂီၩ့နီၪပၥၭဂဲၫၡါထၪ့ကနံၩကဆံၭဖိၪတၭ ပကဲၪထၪ့ဝ့ၫဒၪ ဖံၫၥၭၡါႇ ဖူၪၥၭၡါ လခဲၫ့ထုၬကကၠၪပဘၪလၩ့စိၩဝ့ၫဒၪလၧဆၧၥံၫအလၩၡၪဖၧၩ့နီၪလီၫႉ ဘဲၫနီၪအၥိၭအခၪ့ထံၭနီၪ ပကဲၪထၪ့ဖိၪၥၪဂီၩ့နီၪပကဲၪထၪ့ၥၭဘၪ…

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ   Francis Assisi  အဂဲးအကၠီၩ့နီၪလီၫႉ ၦဆံၫ့ဎံၪ  Francis Assisi  ယီၩမွဲဝ့ၫဒၪ ၦကဲၪဒိၪကဲၪမုဖိၪကဂၩနီၪလီၫႉ ၦဆံၫ့ဎံၪ   Francis Assisi  ယီၩၥၭဘၪ့အခံၫ့ဒၪအိၩအီၪအၪ့ဘၪ ဂ့ၩဂ့ၩဘၪဘၪဂီၩ့ လၧခဲၫ့နီၪ ဘၪဒုၭဆၧဂီၩ့ ဘၪထိးဖီၫ့ၥၭနီၪလီၫႉ ၦဆံၫ့ဎံၪ Francis Assisi ယီၩ ကယဲဒၪအဝ့ၫ အဆၧပိၭဆၧလၫ့အီၪ ထီးလူၬနီၪ ဖ့ၪလၫ့အ့ၪၦၡၪ့ဖိၪၥံၪ ထီးအလူၬဂီၩ့ အဝ့ၫအီၪၥၭမၧၫ့ထဲၩ့ ချံၫ့ချံၫ့ၡူၪၡူၪနီၪလီၫႉ ၦဆံၫ့ဎံၪ Francis Assisi…