(၅နွ့ၫလနွ့ၫမုအီၪပွံၩနံၩ ဝီအဆၧၫ့အထီ)

စလၭဇရၧၭၥံၫအဂဲး. (စယီဟၫ့ (၁၁:၁-၄၅) ၦဘၪဆၧဆၫလဂၩ, မွဲစလၭဇရၧၭလၧဘ့ၭၥနံၫ, အထၧၫ့ဖုဝဲမုၪ နးမၫရံၫaဒဲနးမၫၥၫအတဝၫ့ဖၧၩ့နီၪလီၫ.- ၦလၧအဘၪဆၧဆၫစလၭဇရၧၭလဂၩနီၪ,မွဲအထၧၫ့ဖုဝဲလၧနးမၫရံၫလဂၩလၧအဂုၪကဆါလၧၥိၪနၧၫ့မၧၫ့နီၪ,ထူၭခွံၬဝ့ၫအခၪ့လၧအခိၪၥူၫလီၫ.-မၩအၥၭဘဲၫနီၪတၭ, အထၧၫ့ဖုဝဲမုၪလဖၪ အၪ့မၧၫ့ၦလ့ၩလၧအအီၪတၭ, စံၭဝ့ၫ,ကဆါဧ့, ယိခွါ, ၦလၧနအဲၪဝ့ၫလဂၩ နီၪ,ဘၪဆၧဆၫလီၫ. ယ့ၫၡုၬနါဂၧၫ့ဝ့ၫတၭ,စံၭဝ့ၫ, ဆၧဆၫနီၪလမွဲဘၪဆၧဆၫ ထီးအမိၥံၫဝ့ၫတၭ, မွဲလၧ ယွၩအလၩအဖၩ့အဂး, ဘဲၫၥိၭယွၩအဖိၪခွၫအလၩ အဖၩ့မိအီၪဖျီၪထၪ့လၧအဝ့ၫနီၪအကၠီၩ့လီၫ. ယ့ၫၡုၬအဲၪနးမၫၥၫ, ဒဲအထၧၫ့ဖုဝဲမုၪ, ဒဲစလၭဇရၧၭနီၪလီၫ.- မၩအၥၭဘဲၫနီၪတၭ, ထီးအနါဂၧၫ့ဝ့ၫလၧအဆၫတၭ, အီၪဝ့ၫထီးအလးနီၪနံၫနံၩလီၫ.- လၧခဲၫ့ထဲၩ့တၭ, စံၭအထံၩအဖျဲၥံၪ, မွဲပထဲၩ့ထဲၩ့ၡီၩ့လၧခးယုဒၫအဖၧၩ့ဘီၪ.- အထံၩအဖျဲၥံၪစံၭအဝ့ၫ,ရၭဘံၫဧ့,ဘိၩ့လမီခိၬဒၪလ့ၬ ၦယုဒၫဖိၪၥံၪအၪ့ဎၬနၧၩဘဲၫၥိၭ အမိခွံၬနၧၩလၧလိးတၭ, မွဲနမိထဲၩ့ထဲၩ့ဒီၭလၧနီၪဆ့ဧၪ. ယ့ၫၡုၬချဲၩ့ဆၧၫ့ဝ့ၫ, ဆၧလၧမုဆၫနီၪအီၪလဆံၫ နံၫနၩရံၫမွဲအ့ၬဧၪ. ၦအ့ၪစဲၪ့လၧမုဆၫလခီၫတၭ, ဘၪဆၧနးမံၩ့အ့ၬ. အဂဲးဘဲၫယီၩဒၪဘၪဂၪ့ခိၪယီၩ အဆၧဖၩ့လီၫ.- မွဲလါနၫ့ပအ့ၪစဲၪ့လၧမုနၩလခီၫတၭ,မွဲလၧ ဆၧဖၩ့လအီၪဘၪ လၧအဖၧၩ့အကၠီၩ့နီၪ, အခၪ့မိဘၪထၧၩ့ဝ့ၫလီၫ. ချဲၩ့ဆၧလဖၪနီၪဂီၩ့တၭ,စံၭအဝ့ၫၥံၪ, ပတခွၫစလၭဇရၧၭမံၫမၪiဝ့ၫဒၪလီၫ.မွဲလါနၫ့ဘိၩယမိလ့ၩထိၪဂဲထုၪ့အဝ့ၫလီၫ.မၩအၥၭဘဲၫနီၪတၭ, အထံၩအဖျဲၥံၪ စံၭဝ့ၫ,ကဆါဧ့, အဝ့ၫဒၪအ့ၪမံၫမၪဝ့ၫတၭ, မိနၪ့ထၪ့အၥၭလီၫ.- ယ့ၫၡုၬစံၭဆၧလၧအၥံၫဝ့ၫအဂဲးလါနၫ့တၭ, အဝ့ၫၥံၪဆီၫ့မီၪ့လၧအစံၭ, အဝ့ၫအီၪပွံၭမံၫမၪဝ့ၫအဂဲးလီၫ.- ထီးနီၪလဖၧၫ့ယ့ၫၡုၬလီၩဘၪအဝ့ၫၥံၪလၩ့ထံးလၩ့ဆ့ၭ, လၧစလၭဇရၧၭနီၪၥံၫယူၭဝ့ၫယူၭ.- မွဲယလအီၪဘၪထီးနီၪအကၠီၩ့, ယၥၭထိၬလၧနၥံၪအဂး, ဘဲၫ ၥိၭနၥံၪမိနဲၩဆၧလီၫ. မွဲလါနၫ့ဘိၩ, မွဲပလ့ၩၡီၩ့လၧအအီၪဘီၪ.- မၩအၥၭဘဲၫနီၪတၭ,စထီမၭကိၭထဲၩ့ဝ့ၫ လၧစဒံဒမၧၭလဂၩ, စံၭအထံၩအဖျဲၥံၪ လၧအဂူၫဂၩ လဖၪနီၪ, မွဲပလ့ၩၥံၫၡီၩ့လၧအဝ့ၫနီၪဘီၪ. ယ့ၫၡုၬမွဲဆၧဂဲထုၪ့မၧၫ့ထၪ့ထဲၩ့ဒဲဆၧမၧၫ့. မၩအၥၭဘဲၫနီၪတၭ, ယ့ၫၡုၬလ့ၩထီၩ့တၭ, ဒၪဘၪအဝ့ၫနီၪ အီၪလၧဆၧၥွၪခိၪအဖၧၩ့ လံၥၫ့ယူၭတၭ ဘ့ၭၥနံၫအီၪယဲၩ့လၧယရုစလံၫ့ ဘူၭထၪ့လဆံၫယဲစတ့ဒအၧၫ့တၭ, ၦယုဒၫဖိၪအၪဂၩ ဂဲၫဝ့ၫဘဲၫၥိၭအမိ ချဲၩ့မုၬချဲၩ့လၩနးမၫၥၫ,ဒဲနးမၫရံၫလၧအထၧၫ့ဖုဝဲခွၫအကၠီၩ့လီၫ. မၩအၥၭဘဲၫနီၪတၭ, ထီးနးမၫၥၫနါဂၧၫ့လၧယ့ၫၡုၬဂဲၫဝ့ၫနီၪ, လ့ၩအၪ့ဂၬအဝ့ၫတၭ, အ့ၪမွဲနးမၫရံၫလဂၩဆၧၫ့နၩ့အီၪဝ့ၫလၧဂံၪ့ဖၧၩ့နီၪလီၫ.မၩအၥၭဘဲၫနီၪတၭ, နးမၫၥၫစံၭယ့ၫၡုၬ, ကဆါဧ့, နအ့ၪအီၪထီးယီၩယထၧၫ့ဖုဝဲခွၫၥံၫဝ့ၫအ့ၬ.- မွဲလါနၫ့ဘိၩ့နဲၪ့ယီၩဒၪလ့ၬ, ယၥ့ၪယၫထီးဒၪနအၪ့ကံၩ့ဆၧလၧယွၩလမံၩ့မံၩ့နီၪ, ယွၩမိဖ့ၪလၫ့နၧၩလီၫ.- ယ့ၫၡုၬစံၭအဝ့ၫ,နထၧၫ့ဖုဝဲခွၫနီၪမိဂဲထုၪ့ထဲၩ့ဝ့ၫလီၫ.- နးမၫၥၫစံၭဆၧၫ့ဝ့ၫ, မွဲအမိဂဲထုၪ့ထဲၩ့ဝ့ၫလၧမုနံၩထုၬခိၬအဆၧဂဲထုၪ့ထဲၩ့နီၪ ယၥ့ၪယၫယဝ့ၫလီၫ.- ယ့ၫၡုၬစံၭဆၧၫ့အဝ့ၫ, ယဝ့ၫဒၪယီၩ ယမွဲဆၧဂဲထုၪ့ထဲၩ့ဒဲဆၧမၧၫ့လီၫ.ၦလၧအနဲၩထဲၩ့ယၧၩယီၩ, အ့ၪၥံၫလါနၫ့နီၪ, မိမၧၫ့ဝ့ၫဒၪလီၫ. ကယဲၦလၧအမၧၫ့ဝ့ၫ, ဒဲနဲၩထဲၩ့ယၧၩလဂၩဂၩ နီၪ, အဆိၩဆိၩအကၠၪကၠၪၥံၫလၧၩ့နးဆိၭအ့ၬ. အယီၩလမံၩ့မွဲနနဲၩဆ့ဧၪ.- အဝ့ၫဒၪစံၭဆၧၫ့ဝ့ၫ ယနဲၩလီၫ, ကဆါဧ့, ယနဲၩနၧၩလၧနမွဲ ၦလၧအဂဲၫလၩ့လၧဂၪ့ခိၪချိၫ့ယီၩ, ယွၩအဖိၪခွၫဎရံၬနီၪလီၫ. ယ့ၫၡုၬအမ့ၬထံၫလၩ့ဝ့ၫ. ချဲၩ့ဆၧနီၪဂီၩ့တၭ, နးမၫၥၫထဲၩ့ကိၭၥူၪအထၧၫ့ဖုဝဲမုၪနးမၫရံၫတၭ, စံၭဝ့ၫ,ဆရၫဂဲၫထီၩ့ယူၭတၭ, ကိၭနၧၩလီၫ.- ထီးအဝ့ၫဒၪနါဂၧၫ့ဝ့ၫနီၪဂဲထုၪ့ဝ့ၫချဲၫ့ချဲၫ့လ့ၬတၭ,လ့ၩဝ့ၫလၧအအီၪလီၫ.  ယ့ၫၡုၬဂဲၫလထီၩ့ဒံၭဘၪ လၧတဝၫ့ဖၧၩ့နီၪအ့ၪမွဲအီၪဝ့ၫထီးနးမၫၥၫအၪ့ဂၬဝ့ၫအလးနီၪလီၫ.- မၩအၥၭဘဲၫနီၪတၭ, ၦယုဒၫဖိၪၥံၪလၧအချဲၩ့မုၬချဲၩ့လၩအဝ့ၫနီၪ,အီၪဝ့ၫလၧအၥိၭလၧဂံၪ့ဖၧၩ့တၭ, ဒၪဘၪနးမၫရံၫဂဲထုၪ့ချဲၫ့ချဲၫ့လ့ၬတၭ, စဲၪ့ထၪ့နီၪအဝ့ၫၥံၪဖိၬထၪ့အခဲၫ့တၭ,စံၭဝ့ၫ, မွဲအလ့ၩလၧဆၧၥွၪခိၪနီၪ, ဘဲၫၥိၭအမိဂၪ့ဝ့ၫထီးနီၪလီၫ. မၩအၥၭဘဲၫနီၪတၭ, ထီးနးမၫရံၫလ့ၩထီၩ့ဝ့ၫ ထီးယ့ၫၡုၬအအီၪနီၪ, ဒၪဘၪဝ့ၫတၭ, ထိၪလၩ့ထံၩဖါအၥၭလၧအခၪ့ထံၭနီၪ, စံၭဝ့ၫဒၪ, ကဆါဧ့, နအ့ၪအီၪထီးယီၩယထၧၫ့ဖုဝဲခွၫၥံၫဘၪဝ့ၫအ့ၬ.- မၩအၥၭဘဲၫနီၪတၭ, ယ့ၫၡုၬဒၪဘၪဝ့ၫလၧအဂၪ့ဆၧနီၪ, ဒဲၦယုဒၫဖိၪလၧအဂဲၫလၧအၥိၭ ဂၪ့ဝ့ၫဆ့တၭ, အဝ့ၫဒၪဂၪ့ အုၩလၧအၥၭခံဖၧၩ့တၭ, အၥၭခိထၪ့ဝ့ၫ, တၭစံၭဝ့ၫ, မွဲနၥံၪအီၪက့ၪဝ့ၫခီၫခီၫလဲၪ. အဝ့ၫၥံၪစံၭဝ့ၫ, ကဆါဧ့, ဂဲၫယိခွါ, နဝ့ၫဘီၪ.ယ့ၫၡုၬအမ့ၬထံၫလၩ့ဝ့ၫဒၪလီၫ.- မၩအၥၭဘဲၫနီၪတၭ, ၦယုဒၫဖိၪၥံၪစံၭဝ့ၫ,ယိခွါ, မွဲအအဲၪအဝ့ၫဒၪ လဂၩဆံၭဒိၪလဲၪ.- ၦလၧအဝ့ၫၥံၪအကျၩလနၩ့နၩ့စံၭဝ့ၫ, ၦလၧအမၩဒၪထၪ့ထဲၩ့ၦမ့ၬဘျီၪ ၥ့ၪဝ့ၫလဂၩယီၩ, ဘဲၫၥိၭအဝ့ၫနီၪထီးၥံၫလဂ့ၩတၭ, မွဲအမၩဝ့ၫၥ့ၪအ့ၬဧၪ. စလၭဇရၧၭဘၪဆၧမၩမၧၫ့ထၪ့ထဲၩ့ဝ့ၫ. မၩအၥၭဘဲၫနီၪတၭ, ယ့ၫၡုၬဂၪ့အုၩလၧအၥၭခံဖၧၩ့ ဒီၭတၭ,လ့ၩဝ့ၫထီၩ့လၧဆၧၥွၪခိၪအအီၪနီၪ, မွဲလိးအိၩ ဖၧၩ့နီၪဆၧချႃၬဘံၭထၬဝ့ၫလၧလိးလီၫ. ယ့ၫၡုၬစံၭဝ့ၫ,ၥုၭခွံၬလိးနီၪဘီၪ. ၦလၧအၥံၫအ ထၧၫ့ဖုဝဲမုၪ, နးမၫၥၫလဂၩ,စံၭအဝ့ၫ, ကဆါဧ့,ဘိၩ့နဲၪ့ ယီၩမွဲအအီၪယူၭလံၥၫ့ယူၭတၭ,yမိနၧၫ့အုၪဝ့ၫလီၫ. ယ့ၫၡုၬစံၭအဝ့ၫ, ယလီၩဘၪနၧၩ တီၩတီၩလီၩ့လီၩ့, နအ့ၪzနဲၩဆၧတၭ, နမိဒၪဘၪယွၩအလၩအဖၩ့မွဲအ့ၬဧၪ.- မၩအၥၭဘဲၫနီၪတၭ, အဝ့ၫၥံၪၥုၭခွံၬလိးလီၫ. ယ့ၫၡုၬစၪ့ထၪ့အမ့ၬၥၪယိထၪ့ဆၧတၭ, စံၭဝ့ၫ, ဖါဧ့, ယစံၭထၪ့အၪ့အူၭနခိးနတၩလၧနခိၭနၪ ယလူအကၠီၩ့လီၫ. ယၥ့ၪယၫလၧနခိၭနၪ ယလူထံၪဎးလီၫ.မွဲ လါနၫ့ဘိၩ ဘဲၫၥိၭၦခမျၧးလၧအအီၪဝၬဖီၩ့ယၧၩယီၩ မိနဲၩလၧနအၪ့မၧၫ့လၩ့န့ယၧၩတၭ, ယစံၭဆၧလၧ အဝ့ၫၥံၪအဂးလီၫ. စံၭဆၧနီၪလဖၪတၭ, ကိၭၡၭထၪ့လၧအလူဖၭဒိၪ, စလၭဇရၧၭဧ့,ဂဲထုၪ့ထၪ့ထဲၩ့ဆံၭ.- ၦလၧအၥံၫလဂၩ နီၪဂဲထုၪ့ထၪ့ထဲၩ့ဝ့ၫတၭ, အစူၪအခၪ့ဘၪဘီၪဘံၭ ထၬအၥၭလၧ ဆၧၥွၪခိၪအဆၧကီၩ့ဆၧၥိၭနီၪ, အမ့ၬဘၪချႃၬဘံၭထၬအၥၭcလၧပဝၫလီၫ. ယ့ၫၡုၬစံၭအဝ့ၫၥံၪ,ကွဲၪလၩ့ခွံၬတၭ, ဖျါခွံၬအဝ့ၫဆံၭ. ဆၧကိၪ့အၧၩ့ယ့ၫၡုၬ. (မၭ ၂၆:ၥ-0, မၫ ၥ0:ၥ-0, လု ၂၂:ၥ-0) မၩအၥၭဘဲၫနီၪတၭ, ၦယုဒၫဖိၪၥံၪ လၧအဂဲၫလၧ နးမၫရံၫအအီၪနီၪ, ဒၪဘၪယ့ၫၡုၬမၩဆၧတၭ,နဲၩထဲၩ့ဝ့ၫဒၪအၪဂၩလီၫ.-