RVA PWO KAREN

စလုကၭ ( 5:27-32 )

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ  Theresa of Avila  အဂဲးအကၠီၩ့နီၪလီၫႉ  ၦဆံၫ့ဎံၪ  Theresa  အဂံၪ့ဒီၪ့နီၪ အီၪလၧ ကၠဲၬလူကၠဲၬထၫအၪမၪဒ့ၭနီၪလီၫႉ ၦဆံၫ့ဎံၪ  Theresa  ခီၫလၧ ဖိၪၥၪအခံၫ့ဒၪအိၩ  ဒၪဘၪ ကဆါယွၩ ဒၪဆၧလၧယၫနီၪလီၫႉ ၦဆံၫ့ဎံၪ  Theresa  အၥၭအီၪ ၁၄ နံၪ့နီၪ အမိမိ ၥံၫဖီၩ့ခွံၬဒၪအဝ့ၫနီၪလီၫႉ ဆၧနီၪအကၠီၩ့ အဝ့ၫအဖါဖါနီၪ လ့ၩၥိၪ့အဝ့ၫလၧ Augustine မံၭထၬမုၪၥံၪအီၪနီၪလီၫႉ ၦဆံၫ့ဎံၪ  Theresa …

လံၬဆိၫ့ဂ့ၩဆိၫ့ဘွၩအခီၫပယီၫနီၪ မွဲကဲၪဒၪဝ့ၫ ကဆါဎြံၬအဂးနီၪလီၫႉ ၦမၩၥၫထနၫဖိၪ ၥၫ့ခၫၥံၪထီးလူၬယီၩ ပလံၬဆိၫ့ဂ့ၩဆိၫ့ဘွၩ ကဘၪအၪ့န့ ဆၧၥ့ၪယၫနၧၥ့ၪလၧကဆါဎြံၬအီၪ့ဂီၩ့ ကဘၪအီၪလၧ ကဆါဎြံၬကၠၧၫ့ကၠၧၫ့ နီၪလီၫႉ ကဘၪမၩအ့ၪၦဂူၫဂၩအဂး လၧဆၧဆံၫ့ဖျ့ၪဖၧၩ့နီၪလီၫႉ ကၭဒ့ၭဘၪ ပဘၪအီၪ့ဘူၭထဲးလၧ ကဆါဎြံၬနီၪလီၫႉ လကၭဒ့ၭဘၪ ကဘၪဒၪဆၧၫ့ယၫ ဂၪ့ခိၪလုၫလါဒဲ အနဲၩအဎီၩ့နီၪလီၫႉဆၧလၧၥၫထနၫအဆၧမၩနီၪ ပကဘၪမၩ ကဂၩလီၫ လမွဲဘၪအကၠီၩ့ ပမၩဆၧမၩကဘၪၥ့ၪလၧ ၦဂူၫဂၩနီၪလီၫႉ အရ့ၩဎိၩထုၬကမံၩ့နီၪ ပဘၪအီၪ့ထးန့ၫ ကဂၩလီၫ ပစီၪလၩ့ပၥၭစွါဘဲၫ ပကဘၪဖျၭထုၬခွံၬဆၧအယီၩနီၪလီၫႉ ၥၫ့ခၫၥံၪအဆၧမၩ အရ့ၩဎိၩထုၬနီၪ ကဘၪအီၪလၧကၠဲၬဘူၭဘူၭဂီၩ ကဘၪၥိၫ့ ၦၡၩလၧကဆါယွၩအီၪနီၪလီၫႉ ဆၧအဂဲးယီၩနီၪမွဲဝ့ၫဒၪ ၥၫ့ဎွၩလ့ၫအိၫ ၁၄ ဂၩလဂၩ  ၥိၫ့လံၬဆိၫ့ဂ့ၩဆိၫ့ဘွၩလၧ…

ဂီအထီယီၩ အဆၫ့လၧၫ့ထုၬ ပူၬတပၠါမုနံၩ ၦၡၩဂူၫ ဖံၫ့ချၪလၧ အနၫဖူၫနီၪ ပကဘၪနၫ့ထၪ့ထဲၩ့ ပထံၫ့ခးနီၪလီၫႉဘၪမနီၪလဲၫစွါဘဲၫ အထီဘဲၫယီၩ ပဂၪ့ခိၪ မ့ၪအၪ့ႇ ပထံၫခး မ့ၪအၪ့ ႇပထၧၫ့ဖုထၧၫ့ဝဲၥံၪ ဘၪထိးဎူၬၥၭလၧမ့ၪ ဆၧအယီၩၥံၪယီၩနီၪ ကဲၪထၪ့ဖံၪ့ချၪ ထီးလူၬပကဘၪနၪ့ထၪ့ထဲၩ့အကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩၥံၪရၫပၧၩနီၪလီၫႉ ၥၫ့ဎွၩလ့ၫအိၫ ၁၄ ဂၩလဂၩ  လီၩဝ့ၫဒၪဆၧမၪအီၪနံၫမံၩ့နီၪလီၫႉ အဆၫ့လၧၫ့ထုၬကမံၩ့နီၪ ပၥံၪယၫလၩ့ပၥၭဆၧမၪဒဲ လၧခဲၫ့ကမံၩ့နီၪ ၦဂူၫဂၩၥ့ၪယၫပၧၩ ဆၧမၪနီၪလီၫႉဆၧလၧဆမၪနီၪ မၩနၧၩ့မၩစၪ ပၥၭဂီၩ့ အၪ့န့အလးလၧ ပၥၭဖၧၩ့နီၪလီၫႉ ဆၧနီၪအကၠီၩ့ ဂီအထီယီၩနီၪ ပကဘၪအီၪပထုၬခွံၬပဆမၪကမံၩ့လီၫမွဲအ့ၬ ပကဘၪ အၪ့လဲၩထၪ့ပၥၭ…

ဂီအထီယီၩနီၪ ပကဘၪမၩဂ့ၩထၪ့ပဆၧဆူၩနဲၩအၥၫ့ဒဲ ပဆၧခိဆၧဂီၩအီၪထီးလူၬ ပလကြၧၭ လၩ့ဘၧၩ့ဘၪအကၠီၩ့ နဲၪဖျီၪထၪ့အ့ၪပၧၩဖၧၩ့ၥၭအခံၫ့နီၪလီၫႉ အဆၫ့လၧၫ့ထုၬနီၪမွဲဝ့ၫဆၧခိနၫနီၪလီၫႉ ပခိနၧဆၧၥ့ၪနီၪ လဂၩဘၪလဂၩ ပကကၧၩ့ထၪ့ဆၧဖံၭထံၩဖံၭၥိၭအဂး ဖၧၩ့ၥၭအဂ့ၩထုၬနီၪလီၫႉ ရ့ၩဎိၩထုၬ ပခိနၫကဆါဎြံၬအလူၬအထၫနီၪ ပအီၪၥၭမၧၫ့ဖၧၩ့ ပခိနၫဆၧကၥ့ၪလၧ ဆၧအဂ့ၩဖၧၩ့ႇ ဆၧအမၪဖၧၩ့အဂး ၥီၪ့အ့ၪပၧၩနီၪလီၫႉ ဂီအထီယီၩပကဘၪခိနၫဆၧအဂး မွဲဝ့ၫအခံၫ့အဂ့ၩထုၬနီၪလီၫႉ လၧခဲၫ့ကမံၩ့နီၪ မွဲဝ့ၫဒုၪဆၧအၪ့နီၪလီၫႉ ဒုၪဆၧအၪ့နီၪပကဒိၭန့ဘၪကဆါဎြံၬအလူအထၫအဂး ပကဘၪတဲၩဝဲၩ့လၩပၥၭအခံၫ့နီၪလီၫႉ ဆၧလၧဒုၪဆၧအၪ့နီၪ ပနးၥၭအဂး ပကဘၪနီၫယါလၩ့ ပဆၧမၪအီၪထီးလူၬနီၪလီၫႉ လၧခဲၫ့ကမံၩ့နီၪ မွဲဝ့ၫ ကၠၧၫ့ကၠၧၫ့နီၪလီၫႉ ဆၧခိနၫဆၧဒဲ ဒုၪဆၧအၪနံၫမံၩ့ယီၩအီၪကၠၧၫ့ကၠၧၫ့စွါဘဲၫ ပဂး လကၭဒ့ၭဘၪၦဂူၫဂၩအဂး အခိးအတၩကန့အၪမၬဒ့ၭအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩလၩ့ဆၧပရၧၫ့နီၪလီၫႉ

စမၭၥုၫ ( 9:14-15 )

လၧဖျိၩ့ဖျိၩ့အိၩ တဝၫ့ကတဝၫ့နီၪ ၦမုၪမဲၪဒဲ အဖိၪမုၪဖိၪအီၪဝ့ၫကဂၩနီၪလီၫႉ ဖိၪမုၪဖိၪယီၩ အဖါဖါၥၭဘီၩ့ၥံၫဒၪခီၫလၧ အဝ့ၫအဆံၭဆံၭဒံၭအိၩတၭ အမိမိလဂၩ ဘၪကဲၪအဝ့ၫ အမိအလးမွဲမွဲ အဖါအလးမွဲမွဲဆ့နီၪလီၫႉ အခံၫ့ယံၬထၪ့အခၫ ဖိၪမုၪယီၩ ဂဲၫမုၪနၩ့လၫ့တၭ ကနံၩနီၪ မိယီၩ ဘၪမၪလူၬ အဖိၪမုၪဆၧအီၪတၭ စံၭဝ့ၫ ဖိၪမုၪဧ့ႇ မိယီၩ ၡၪ့အကၠီၩ့ ဖိၪမုၪအဂး ကအီၪက့ၪထးအ့ၪ ခီၪ့အဲၩ့ အီၪနးမံၩ့အ့ၬႉ မိမိလအီၪလၧၩ့ဘၪအလးခဲၫ့ ကမိမၪလူၬထး ဖိၪမုၪနးမံၩ့နီၪလီၫႉ ဖိၪမုၪအဂး နံၪႇ ပလူၬႇ ၡၪ့ဒဲ ထိၪ့ၥံၪလဖၪ ဘဲၫနထၬထၪကန့အဂး ၦမုၪၥံၪလဖၪ ကြၨၭအီၪဝ့ၫဒၪ ဆၧပိၭဆၧလၫ့လဖၪနီၪ မိမိကအီၪက့ၪထးအ့ၪနၧၩနီၪလီၫႉ မိမိ…

စလုကၭ ( 9:22-25 )

အဎံၫနီၪ မွဲၦမုၪလၧအၥၭဖျဲၪအၥၭဖုၫ ၥၭဘၪ့မုၪကဂၩလီၫႉ ကနံၩတၭအဝ့ၫအထံၩၥိၭမုၪနီၪ လီၩၥ့ၪယၫ အဝ့ၫနးမံၩ့အ့ၬဂီၩ့ ထိးဆၧၫ့ဆၧဖံၭဆၧမၩကမံၩ့နီၪလီၫႉ အနီၪအခၫအဎံၪယီၩၥ့ၪယၫထၪ့ကကၠၪ အၥၭထၪ့ဒိၪဒိၪ ဒ့ၭဂီၩ့ အဲၪ့လိၬအဲၪ့ဆံၫ့အထံၩၥိၭမုၪနီၪ ဂ့ၩဘၪစဲၪ့ဂီၩ့ လၧခဲၫ့နီၪ ချဲၩ့ဒုၪ့ဘူၭဝ့ၫလၧၩ့အ့ၬႉ အဝ့ၫယီၩထဲၩ့ထီၩ့လၧအဂံၪ့ကကၠၪ နၪ့ထၪ့စိၩဘၪ လံၬဆံၫ့ဎံၪ ဒီၩ့လၩ့ ၁၅:၁နီၪလီၫႉ “ဆၧချဲၩ့ဆၧၫ့ဖူၬလူၭ နီၪ ဘိၭကၠၪခွံၬဆၧၥၭထၪ့ႇ အ့ၪမွဲဆၧချဲၩ့ဆီၪ့နီၪ ထိၪဂဲၩဆၧၥၭထၪ့လီၫႉ” အဝ့ၫယီၩနၪ့ထၪ့စိၩဘၪ ဆၧအဂဲးယီၩဂီၩ့ ကကၠၪ ဆၧၥၭထၪ့ကမံၩ့နီၪ မၩဂၭဂီၩ့ခွံၬဆၧန့ကိၭမံၩ့အဂဲး ၥ့ၪယၫ့ထဲၩ့ဝ့ၫလီၫႉ ဂီၩ့နီၪအဝ့ၫယီၩ လ့ၩဒၪစိၩအထံၩ ၥိၭမုၪနီၪဂီၩ့ အၪ့ယၫထၪ့ထဲၩ့ဝ့ၫလီၫႉ အထံၩၥိၭမုၪနီၪဆ့ အၪ့ယၫထဲၩ့အဝ့ၫဆ့လီၫႉ အဝ့ၫၥံၪယီၩ အၪ့ယၫထဲၩ့လိၬၥၭဂီၩ့ကကၠၪ လၧအဝ့ၫၥံၪအၥၭဖၧၩ့နီၪ ဎွံၪပျၩ့ထၪ့ထဲၩ့နီၪလီၫႉ…

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ပကဘၪထုၭဖျီၪထၪ့ ဆၧအဲၪကွံၩဒဲ ဆၧၡူၪဆၧမုၬအဂဲး  အကၠီၩ့နီၪလီၫႉ ပအီၪလၧ လံၬဆံၫ့ဎံၪနဲၪထၪ့ပၧၩဖၧၩ့ၥၭနီၪ ၦဂူၫဂၩအဂး ပဖ့ၪအ့ၪ ဆၧအဲၪဆၧကွံၩကန့အကၠီၩ့နီၪ ၥၫ့ဎွၩလ့ၫအိၫ ၁၄ ဂၩလဂၩ ပဂၧၫ့ထၪ့ထၬ Servants of Mary ခရၧၫ့ၥၫထနၫဖိၪၥံၪဘဲၫယီၩၥိၪနီၪလီၫႉ လကၭဒ့ၪဘၪ နၥံၪ အဆၧဆူၩနဲၩဒဲ နၥံၪဖ့ၪလၫ့လၩ့နၥံၪအၥၭအဂး ၥၫ့ဎွၩလ့ၫအိၫ ၁၄ ဂၩလဂၩ အၪ့အူၭဘၪ Servants of Mary ခရၧၫ့ ၥၫထနၫဖိၪၥံၪနီၪလီၫႉ လကၭဒ့ၭဘၪ…