RVA PWO KAREN

၀၁ႉ ချံၭ – လိပ် ၀၂. ဒ့ၪ – ဖား ၀၃. ၥဒၪ့ – ပုဇွန် ၀၄. မၪ – မိကျောင်း ၀၅. ဆၧအူၭ – မျောက် ၀၆. ဖံၫဒိၭခၩ – လိပ်ပြာ

ယ့ၫၡုၬမၩဘျၪထဲၩ့ ၦမုၪလၧအီၪကူၭလၩ့အၥၭ လဂၩလၧမးၥံၫနံၩ. ——————- လၧမးၥံၫအနံၩလနံၩနီၪ, အဝ့ၫဒၪၥီၪ့ထဲၩ့ၥၫ့ထဲၩ့ ဆၧလၧၥရိၬလဖျိၪ့အဖၧၩ့,- ယိခွါ, ၦမုၪလၧဆၧနၪ အီၪလၧအလီၩ့, ဘၪဆၧနၭဆၧၡၪ့လဆံၫဎိၭနံၪ့လီၫ. အီၪကူၭလၩ့ဝ့ၫတၭ, စီၪ့လီၩ့ထၪ့အၥၭ ကဲၪလါလါအ့ၬ.- ယ့ၫၡုၬဒၪဘၪအဝ့ၫနီၪ, ကိၭထဲၩ့ဝ့ၫလၧအအီၪတၭ,စံၭအဝ့ၫ,ၦမုၪဧ့, နဆၧဆၫဘျၪထဲၩ့iယူၭ.- အီၪက့ၪအစူၪလၧအလီၩ့တၭ, အဝ့ၫဒၪစီၪ့လီၩ့ထၪ့အၥၭချဲၫ့မၬတၭ, စံၭထၪ့အၪ့အူၭယွၩလီၫ.- ယ့ၫၡုၬမၩဘျၪထဲၩ့ဆၧလၧမးၥံၫအနံၩအကၠီၩ့နီၪ ၦၥရိၬအခိၪအၥၭထၪ့ဝ့ၫနီၪ, ချဲၩ့ဆၧၫ့ဆၧတၭ, စံၭၦခမျၧးနီၪ ၦကြၨၭမၩဆၧအနံၩ အီၪဎူၫနံၩလီၫ. မၩအၥၭဘဲၫနီၪတၭ, လၧအဝ့ၫၥံၪအနံၩအထးဖၧၩ့နီၪ, ဂဲၫဒိၭမၩဘျၪထဲၩ့ဆၧဆံၭး- လၧမးၥံၫအနံၩနီၪမွဲအ့ၬ. မၩအၥၭဘဲၫနီၪတၭ, ကဆါချဲၩ့ဆၧၫ့ဆၧတၭ စံၭအဝ့ၫ, ၦအၪ့လီၫဆၧၥံၪဧ့, နၥံၪဝ့ၫဒၪလဂၩလါလါနီၪ, နၥံၪအချီဂ့ၩ, နၥံၪအကၥ့ၪယီၩ့ဂ့ၩ,နၥံၪကွဲၪဖျါလၧအလးတၭ, လ့ၩမီၩ့ဒုၭအီၩဝ့ၫလၧထံၫလၧမးၥံၫအနံၩမွဲအ့ၬဧၪ.- ၦစအၫဘြ ဟၫ့အဖိၪမုၪလၧမုၪခီၩလဲးစၧၩ့ထၬအဝ့ၫ,…

ဂံၪ့ဒီၪ့ကဖျိၪ့ဘဲၫၥိၭလၩ့ဖၭအၥိၭ ဆၧမၩကဲၪထၪ့ဆၧအဂဲး ၇ မံၩ့နီၪယမိလီၩၥံၪယၪအ့ၪဘၪနၥံၪနီၪလီၫႉမွဲယူၬ ပထၧၫ့မၫဝၩအကျၩ ပမိပဖါၥံၪနီၪ ကလီၩချဲၩ့ပၩ ပထၧၫ့မၫဝၩနံၩဂၩအကျၩဆၧကမံၩ့မံၩ့နီၪ  ကဂၩဒဲကဂၩ လလီၩချဲၩ့ဘၪလိၬၥၭ ထံၪထံၪဆါဆါ ပလအီၪဘၪလၧပမၫပဝၩအနဲၩ့ယံၬယံၬ ပမၫနီၪလဂ့ၩဘၪအကၠီၩ့ပဝၩနီၪလဂ့ၩဘၪအကၠီၩ့ပလီၩလၧပဂံၪ့နဲၩဎၫ့နဲၩ ပဂံၪ့ဒီၪ့အဂးပဖ့ၪလၫ့ဘၪအခံၪ့   ပအထီလၧယၫအဂး ပအၪ့ဎၬထၬဆၧအီၪအ့ၬ လၧထီအဂး ပဂံၪ့ဒီၪ့ဖၧၩ့ဆၧကၪဆၧဂဲၩကကဲၪထၪ့ကမံၩ့မံၩ့ ဆၧလဖၪယီၩထီးအလူအကၠီၩ့ ပဂံၪ့ဒီၪ့ဖၧဆၧကၪဆၧဂဲၪၥံၪကဲၪထၪ့ဂီၩ့ ပဂံၪ့ဒီၪ့နီၪလၩ့ဖၭၥ့ၪဝံၫနီၪလီၫႉ

ကၠၪခွံၬလၧနၥံၪအဆၧဒဲၩဘၭဆံၭ,အ့ၪလမွဲဘၪနၥံၪမိၥံၫလီၫ စလုကၭ ( 13:1-9 ) ဆၧအထီထီးနီၪၦအီၪဝ့ၫလနၩ့နၩ့လၧအလီၩဘၪအဝ့ၫလၧစပဲလၭလဲၩဎုၬၦဂၫလလံၫဖိၪအၥွံၪaလၧအဆၧလုအဂဲးလီၫ.ယ့ၫၡုၬချဲၩ့ဆၧၫ့ဆၧတၭ, စံၭအဝ့ၫၥံၪ, ၦဂၫလလံၫဖိၪဘၪဆၧဘဲၫနီၪအကၠီၩ့တၭမွဲနၥံၪဆီၫ့ မီၪ့လၧအမွဲၦဆၧဒဲၩဘၭဖိၪအၧၩ့နဲၪ့ ကယဲၦဂၫလလံၫဖိၪၥံၪထီးအလူၬဒံၭဧၪ.ယလီၩဘၪနၥံၪမွဲအ့ၬ.မွဲလါ နၫ့ဘိၩနၥံၪအ့ၪလနီၫ့ယါလၩ့ထဲၩ့ဘၪနၥံၪအၥၭ တၭနၥံၪမိထီၩ့လၧဆၧဂၭဂီၩ့ဘဲၫနီၪအၥိၭထီးအလူၬလီၫ.ၦလၧတဲၩခိၭဆၧစံလိၫအၫ့လၩ့ဎီးလၧအဖၫ့ခိၪတၭဘၪၥံၫၦၡၩလဆံၫဎိၭဂၩနီၪမွဲနၥံၪဆီၫ့မီၪ့လၧအဝ့ၫၥံၪမွဲၦဆၧဒဲၩဘၭဖိၪအၧၩ့နဲၪ့ၦအီၪလၧယရုစလံၫ့အဖၧၩ့ထီးအလူၬဒံၭဧၪ.ယလီၩဘၪနၥံၪမွဲအ့ၬ,မွဲလါနၫ့ဘိၩ,နၥံၪအ့ၪလနီၫ့ယါလၩ့ထဲၩ့ဘၪနၥံၪအၥၭတၭ,နၥံၪမိထီၩ့လၧဆၧဂၭဂီၩ့ဘဲၫနီၪအၥိၭထီးအလူၬဆ့လီၫ.ဆၧချဲၩ့ဒီၩ့လၩ့ဘၪဆဲၫ့ချိၪ့ဒိၩ့လၧလၥၪထၪ့ဘၪ.အဝ့ၫဒၪချဲၩ့ဒီၩ့လၩ့ဆၧယီၩလမံၩ့ဆ့ၦလဂၩလၧအချိၪ့ဒိၩ့ဘၪဆၧၥုၪ့လၩ့ဝ့ၫလၧအဆၧၥၪအလးဖၧၩ့အီၪဝ့ၫလထံၭတၭ,လ့ၩအၪ့ဎၬအဆၧၥၪနီၪဒၪန့ဝ့ၫအ့ၬ.အဝ့ၫဒၪလီၩဘၪၦလၧအပၧၩ့ဘၪဆၧၥၪအလးလဂၩနီၪယိခွါယဂဲၫအၪ့ဎၬယူၭမၬဆၧၥၪလၧချိၪ့ ဒိၩ့ယီၩအလီၩ့ၥၧၫ့နံၪ့ယူၭတၭယဒၪန့အ့ၬခူၬလၩ့ခွံၬအဝ့ၫဘီၪ မွဲဘၪနီၫလၧအအီၪထၬဂၪ့ခိၪလဲၪ.အ ဝ့ၫဒၪချဲၩ့ဆၧၫ့ဆၧတၭလီၩဘၪဝ့ၫ, ကဆါဧ့, အ ယီၩလနံၪ့ယီၩအီၪဒၪဝ့ၫခလူၬ ထီးယမိခုၪ့ဘွဲၪထၪ့ဝၬဖီၩ့အဝ့ၫဒဲအီၪက့ၪဆၧအ့ၪလၧအခၪ့ထံၭနီၪ,ဘၪ လဘၪမိၥၪဝ့ၫလၧယၫလခီၫတၭအ့ၪလမွဲဘၪနီၪနမိ ဘၪခူၬခွံၬဝ့ၫဒၪလီၫ.

ထၧၫ့ဖုဝဲမုၪခွၫၥံၪဧ့ႇ ၦခမျၧးၥံၪအီၪအလး မွဲဝ့ၫဂၪ့ခိၪချိၫ့ယီၩ ထီးမုဆၫကနံၩယီၩ အီၪဝ့ၫကဒုၩလီၫဒဲ ပအီၪအလး အဂူၫဂၩ မွဲလအီၪဒံၭဘၪနီၪလီၫႉ ပဂၪ့ခိၪချိၫ့ယီၩ အ့ၪမွဲနဲၩ့ဎီၩ့ဂၭဂီၩ့ဂၭစၪထၪ့ဂီၩ့ နဲၩ့ဎီၩ့ဆၧလၩ့အၪ့ယိၫအ့ၪကဲၪ့ထၪ့စွါဘဲၫ ၦခမျၧးၥံၪလဖၪ ကလ့ၩအီၪကၠၭအလးခလဲၪႉ ဆၧအၪ့စၪ့အယီၩအဂး မွဲဆၧစံၭဆၧၫ့ လအီၪဒံၭဘၪလီၫႉ မွဲဆၧဘဲၫနီၪ ဆၧကိၭဒံၭလၧ အီၪဝ့ၫကဒုၩလီၫ ဂၪ့ခိၪချိၫ့ (တစ်ခုတည်းသော ကမ္ဘာမြေ ) ဒံၭနီၪလီၫႉ လါနၫ့ဂ့ၩ ထီမုဆၫကနံၩယီၩ နဲၩ့ဎီၩ့ဂၭဂီၩ့ဂၭစၪထၪ့ အခိးတၩလဖၪနီၪ မွဲပဘၪဒၪဎီၩ့ဆၧၫ့ယၫယူၭနီၪလီၫႉ အ့ၪပအၪ့ဎၬယိ ထံၪထံၪနီၪ ပကဲၪၦၡၩလဖၪ ပမိမီၪ့ဎီၩ့ဒၪလၧ အီၩ့ဆၧဖိၪဆၧဎါနီၪလီၫႉ ဘၪန့လဲၪစွါဘဲၫ ဆၧလၧအီၩ့နီၪ အဝ့ၫၥံၪကအီၪအဂး မၩဂၭဂီၩ့ဂၭစၪ အနဲၩ့ဎီၩ့နီၪလီၫႉ အရ့ၩဒိၪထုၬဒၪလၧ…

စဎွၩ Charels  ဒဲနးဎွၩမုၪ Camilla နီၪ လၩအီၭတိၫဘၧၫ ၂၃ ၥၫ့ ဒၪအိၩ လ့ၩဒၪလၧ ၥၫ့ဎွၩ Leo လၧ Vatican နီၪလီၫႉ စဎွၩ Charels  နီၪ ဆၧအၪ့လဲၩထၪ့ၥၭအီၪဂီၩ့ အခံၫ့ လၧၦခမျၧးၥ့ၪအမ့ၬယၫ အဆၫ့လၧၫ့ထုၬ ဘၩဆိၪဖၪဆၧလၧ ၥၫ့ဎွၩ Leo နီၪလီၫႉ အဝ့ၫၥံၪဘၩဆိၪဖၪဆၧဂီၩ့ စဎွၩ Charels ဒဲ ၥၫ့ဎွၩ Leo နီၪ လ့ၩဒၪထဲၩ့လၧ ခီၫ့ၡၩဂးအၥီၫ့ၥံၪလဖၪနီၪလီၫႉ

ဆၧနၪၥ့ၪဆၧၫ့ထီ စလုကၭ ( 12:54-59 ) အဝ့ၫဒၪစံၭၦခမျၧးၥံၪ,ထီးနၥံၪဒၪဘၪဆၧအုၪ့ထၪ့လၧမုနုၬတၭးနၥံၪစံၭချဲၫ့မၬလၧဆၧမိဂဲၫဆၧၩ့တၭ,ဆၧမၩအၥၭဘဲၫနီၪလီၫ.ထီးလံၩဂဲၫလၧမုခံၫ့တၭနၥံၪစံၭလၧဆၧမိခိတၭ,ဆၧမၩအၥၭလီၫ.ၦအၪ့လီၫဆၧၥံၪဧ့,ဂၪ့ခိၪဒဲမူၭခိၪအမ့ၬနီၪ,နၥံၪယိနဲၪ့ၥ့ၪလီၫ.အ့ၪမွဲအမုအလၩဘိၩ့နဲၪ့ယီၩ,မွဲဘၪနီၫလၧနၥံၪလယိနဲၪ့ဘၪနီၪလဲၪ.မၩဘၪလိၬနၥၭလၧနဒုၪနဒၩ.ထီးဒၪနၥံၪအၥၭနၥံၪဝ့ၫဒၪယီၩမွဲဘၪနီၫလၧနၥံၪလစ့ၩရၫ့ဘၪလၧအတီၩအလီၩ့နီၪလဲၪ.ထီးနအ့ၪလ့ၩဆၧလၧဖၧၩ့ၥၭလၧနဒုၪနဒၩအၥိၭလၧၦဒိၪအအီၪတၭ,ဘဲၫၥိၭနမိဂၭဖျ့ၭလၧအဝ့ၫနီၪတၭ,အၪ့ဂူၬမၩဘီၪ.အ့ၪလမွဲဘၪတၭ,အဝ့ၫမိဖ့ၪလၫ့နၧၩလၧၦစ့ၩရၫ့ခွးတၭ,ၦစ့ၩရၫ့ခွးနီၪမိဖ့ၪလၫ့ထဲၩ့နၧၩလၧၦအၪ့ကံၩ့ဆၧအခိၪတၭ,ၦအၪ့ကံၩ့ဆၧအခိၪမိအီၪက့ၪလၩ့နၧၩလၧထီၫ့ဖၧၩ့လီၫ.ယလီၩဘၪနၧၩ, ထီးလၧအထုၬလဘံၪ့နီၪ, နလချႃၭလိၭထူၬခွံၬဒံၭဘၪတၭ, နစဲၪ့ထၪ့ခွံၬ ဘၪထီးနီၪအ့ၬ

ဘၪထွ့ၫလၧ မိလၨဆၧချဲၩ့နီၪ လၨဆၧချဲၩ့ကိၪ့ၥ့ၪ ယာမာမိုတို လီၩထၬဝ့ၫဒၪ လၧပၥၪလၧၩ့ဘၪ လံၩအီၪလၧၩ့အ့ၬႇ လၧပဂၭဖၭလၧၩ့ဘၪ ခးၥဲၫအီၪလၧၩ့အ့ၬႇ လၧပချဲၩ့လၧၩ့ဘၪ ဂၪ့ခိၪအီၪလၧၩ့အ့ၬ နီၪလီၫႉ ဆၧလၧလၨဆၧချဲၩ့နီၪ  လၩ့ၥၭဆုးလီၩ့ဝ့ၫတၡါလီၫႉ ၦၥိၩ့အၪဆၧချဲၩ့နီၪ အၪ့ယုခွံၬ ၦၥိၩ့ၡၩလၨဆၧချဲၩ့ၥ့ၪလါနၫ့ဂ့ၩ ထီးအလူၬ လမွဲဘၪလီၫႉ  ကြၨၭပယိအဒီၩ့အထ့ၭအဂ့ၩထုၬနီၪမွဲ ခိၪလၩဘွၩလၨဆၧချဲၩ့နီၪလီၫႉ  ခိၪလၩဘွၩဆၨၩဆၬနီၪ မွဲဒၪခိၪလၩဘွၩထံၫခးဆါဖိၪလါနၫ့ဂ့ၩ ခိၪလၩဘွၩလၨဆၧချဲၩ့နီၪ ဂဲၫကဲၪထၪ့ လၨဆၧချဲၩ့လၧ အဘၪၥိၩ့ထၪ့ ဂၪ့ခိၪထၧၫ့ဘံၪ့ယၫနီၪလီၫႉ ခိၪလၩဘွၩလၨဆၧချဲၩ့ လံၬလဲနီၪ မွဲဆၧကွ့ၭနဲၪ့ ဂ့ၩဒိၪဝ့ၫဒၪ တၡါလီၫႉ ပကလီၩဖျိၩ့ဆၨၩအဂဲးဧၪႇ ဘုၭဒၭအဂဲးဧၪ စၭထၪ့လၧ ယၩနံၪ့ ၁၈ဒဲ ထီးထီၩ့စိၩမုဆၫကနံၩယီၩ အီၪဝ့ၫအလၧၫ့အဎွ့ၩနီၪလီၫႉ…