RVA PWO KAREN

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ   Francis Assisi  အဂဲးအကၠီၩ့နီၪလီၫႉ ၦဆံၫ့ဎံၪ  Francis Assisi  ယီၩမွဲဝ့ၫဒၪ ၦကဲၪဒိၪကဲၪမုဖိၪကဂၩနီၪလီၫႉ ၦဆံၫ့ဎံၪ   Francis Assisi  ယီၩၥၭဘၪ့အခံၫ့ဒၪအိၩအီၪအၪ့ဘၪ ဂ့ၩဂ့ၩဘၪဘၪဂီၩ့ လၧခဲၫ့နီၪ ဘၪဒုၭဆၧဂီၩ့ ဘၪထိးဖီၫ့ၥၭနီၪလီၫႉ ၦဆံၫ့ဎံၪ Francis Assisi ယီၩ ကယဲဒၪအဝ့ၫ အဆၧပိၭဆၧလၫ့အီၪ ထီးလူၬနီၪ ဖ့ၪလၫ့အ့ၪၦၡၪ့ဖိၪၥံၪ ထီးအလူၬဂီၩ့ အဝ့ၫအီၪၥၭမၧၫ့ထဲၩ့ ချံၫ့ချံၫ့ၡူၪၡူၪနီၪလီၫႉ ၦဆံၫ့ဎံၪ Francis Assisi…

ယ့ၫၡုၬချဲၩ့ဆၧဘၪဆဲၫ့ဆၧလုဂံၪ့ အဆၧဂၭဂီၩ့. တၭၦလနၩ့နၩ့စံၭဝ့ၫ,လၧဆၧလုအဂံၪ့cအဂဲး, လၧအဘၪဆၧကယၧၩ့အၥၭလၧလိးဂ့ၩ, ဒဲလၧဆၧမၩဘိၪ့လဖၪတၭ, အဝ့ၫဒၪစံၭဝ့ၫ,- ဆၧလၧနၥံၪဒၪဘၪလဖၪယီၩ,အနံၩအၥၫ့မိဘၪဝ့ၫ လၧလိးအီၪဒၩ့ဒိၭလိၬအၥၭ နီၪ လလၩ့ဎီးခွံၬဘၪတၭ, အီၪလၩ့ထးဘၪနးဖျိၪ့အ့ၬ. ဆၧကၪဆၧဂဲၩဒဲဆၧမၩၡၪ့မၩနၭလဖၪ. တၭအဝ့ၫၥံၪအၪ့စၪ့ဆၧ, စံၭဝ့ၫဆရၫဧ့, ဆၧနီၪလဖၪမိမၩအၥၭဆံၭယံၬခိၬလဲၪ. ထီးအမိမၩအၥၭဘူၭထၪ့နီၪ, ဆၧလၩ့လၭမိမၩအၥၭလၧဆၧနီၪလမံၩ့လဲၪ.တၭအဝ့ၫဒၪစံၭဝ့ၫ, ဘဲၫၥိၭၦထီးအၪ့လီၫန့နၥံၪလဂ့ၩနီၪ,ထီးလၩ့နၥံၪအၥၭဆံၭ. အဂဲးဘဲၫယီၩ ၦမိဂဲၫထၪ့ဝ့ၫလၧယမံၩ့အၪဂၩတၭ, မိစံၭဝ့ၫ,ယဝ့ၫဒၪယီၩ ယမွဲအဝ့ၫလီၫ. တၭအမုအလၩနီၪမိဘူၭယူၭဝ့ၫလီၫ. မၩအၥၭဘဲၫနီၪတၭ, နၥံၪထီးဖိၬအခဲၫ့လဂ့ၩ.-ထီးနၥံၪအ့ၪနါဂၧၫ့ ဆၧဒုၭၥုၭဒုၭၥ့ၪလဖၪ, ဒဲဆၧတုၩ့ထၪ့တုၩ့လၩ့အဂဲးတၭ, ၥၭမဲၪဆၧလဂ့ၩ, အဂဲးဘဲၫယီၩ ဆၧနီၪလဖၪဘၪမၩဆိၫအၥၭလီၫ. မွဲလါနၫ့ဘိၩအ ထုၬအီၪဒံၭချဲၫ့ဝါဒံၭအ့ၬ. ထီးနီၪလဖၧၫ့စံၭအဝ့ၫၥံၪ, ၦၡၩလဆၨၩမိထၫ့ဒုၪ ဒၩၦၡၩလဆၨၩဒၪတၭ, ဘၩ့မုးမိထၫ့ဒုၪဒၩဘၩ့မုးလီၫ.- တၭဂၪ့ခိၪမိဝၭၡိၩ့ၡိၬဝ့ၫ နၭနၭလ့ၬလၧအံၩလစီၪ့လၧအိၩလစီၪ့, ဒဲဆၧအီၪဝံအီၪဆံၩ့, ဒဲဆၧဆၫၥံၫ…

ဘဲၫၥိၭၦၡၩမိဘၩဆိၪဖၪ ဆၧလထံၪဎးဘီၩ့ဎးတၭ, ထီးအီၪက့ၪလၩ့ဆါအၥၭလဂ့ၩနီၪ, မွဲအလီၩ ထဲၩ့အဝ့ၫၥံၪလၧဆၧချဲၩ့ဒီၩ့လထံၪယီၩ,- ၦစ့ၩရၫ့ခွး လၧအလၥၭမဲၪဘၪယွၩ ဒဲလယူၭလယၪ့ဘၪၦၡၩ အီၪလၧဒိၩ့လဖျိၪ့အဖၧၩ့လဂၩလီၫ.- ၦမုၪမဲၪအီၪလၧဒိၩ့ နီၪအဖၧၩ့လဂၩတၭ, လ့ၩလၧအအီၪစံၭဝ့ၫ, စ့ၩရၫ့တီၩန့ယၧၩလၧယဒုၪယဒၩဆံၭ.- အဝ့ၫဒၪ လစ့ၩရၫ့ဘၪနီၪ အီၪဝ့ၫလယံၬလမီဘၪတၭ လၧခဲၫ့ထဲၩ့စံၭလၩ့အၥၭ, ယဝ့ၫဒၪယီၩ, ယလၥၭမဲၪဘၪယွၩ, ယလယူၭလယၪ့ဘၪၦၡၩလါနၫ့ဘိၩ,- မွဲလၧၦမုၪမဲၪလဂၩ မၩထံၬထၬယၧၩအကၠီၩ့တၭ, ယမိစ့ၩရၫ့တီၩန့အဝ့ၫဘဲၫၥိၭအထီး မၩပွံၭယၥၭ လၧအဆၧဂဲၫကိၭအဆၧၫ့အထီဒ့ၭအကၠီၩ့နီၪလဂ့ၩလီၫ. ကဆါစံၭဝ့ၫ, ၦစ့ၩရၫ့ခွးလၧ အလတီၩဘၪလဂၩ စံၭဆၧနီၪ ခိၭနၪနၥံၪဝ့ၫဆံၭ,- ယွၩအီၪလါနၫ့ယံၬယံၬနီၪ, မိစ့ၩရၫ့တီၩန့ အခ့ၫအၡၩလၧအရွံန့ဝ့ၫလၧအကိၭထၪ့အဝ့ၫလၧ မုနၩနၩလၧမုဆၫဆၫနီၪ,မွဲအ့ၬဧၪ.- ယစံၭနၥံၪလၧ အမိစ့ၩရၫ့တီၩန့အဝ့ၫၥံၪချဲၫ့ချဲၫ့လီၫ. မွဲလါနၫ့ဘိၩ,ထီးၦၡၩအဖိၪခွၫယီၩ ဂဲၫလၩ့တၭ, မွဲအမိဒၪန့ဆၧနဲၩလၧဂၪ့ခိၪချိၫ့ဆ့ဧၪ.

လၧဖျိၩ့ဖျိၩ့အိၩ ထွံၪမိဎွါၥၧၫ့ဘံၩအီၪဝ့ၫကဒုၩလီၫႉ ထွံၪမိဎွါယီၩ အဖိၪမုၪအီၪဝ့ၫ နွ့ၫဂၩတၭ ကိၭနံၩဒ့ၭ အဖိၪမုၪၥံၪယီၩ ကအၪ့ကအီၩအဂး ဘၪလီၩ့ဎွါအ့ၪဝ့ၫ ၡၪ့ၡၪ့ယါယါနီၪလီၫႉ အခံၫ့ယံၬထၪ့ ဖိၪမုၪနွ့ၫဂၩယီၩ ဂဲၫဎိၩထၪ့အခၫ ၥ့ၪယၪဝ့ၫလၧ အမိနီၪ မွဲၦၡၩအ့ၬ မွဲဝ့ၫလၧ ထွံၪအကၠီၩ့တၭ မ့ၬမဲဝ့ၫအၪမၬလီၫႉ လၧခဲၫ့ ဖိၪမုၪၥံၪယီၩ မ့ၬမဲ မွဲလမိအီၪလၧၩ့ဘၪလၧ အမိကၠၧၫ့ကၠၧၫ့တၭ လ့ၩအီၪလၧ ၦဂူၫဂၩ အီၪထးဒၪကၠၧၫ့ကၠၧၫ့လၧ အမိ အဖိၪမုၪဒၪဘၨၩကဂၩလီၫနီၪလီၫႉ ဖိၪမုၪၥံၪလၧ အခွံၬၡိၬထး မိၥံၪလဖၪနီၪ အ့ၪမွဲဒၪဎီၩ့အမိလၧ ဖၧၩ့ၥၭအခၫ လုဝ့ၫလၧ လိးခိလီၫ့ လမွဲဘၪ လီၩ့ထးဝ့ၫ နီၪလီၫႉ လါနၫ့…

စလုကၭ (၁၇:၂၉-၃၇) မွဲလါနၩ့ဘိၩ, မုလနံၩ လၧစလီၭ စဲၪ့ထၪ့ခွံၬလၧစီဒၧၫ့အဖၧၩ့နီၪ, ဆၧဂဲၫဆၧၩ့လၩ့မ့ၪ ဒဲကးလၧမူၭခိၪတၭ, မၩဂၭဂီၩ့ခွံၬၦၡၩကိၭအဂၩဒ့ၭလီၫ.- မုနံၩလၧၦၡၩအဖိၪခွၫယီၩ မိအီၪဖျီၪထၪ့တၭ, ဆၧမိမၩအၥၭဘဲၫနီၪအၥိၭလီၫ.ဆၧလၧမုလနံၩနီၪ, ၦအ့ၪအီၪလၧအဂံၪ့ခိၪတၭ, အဆၧဖိၪဆၧလံၩအီၪလၧအဒူၭဖၧၩ့နီၪ, မွဲအထီၩ့စဲၪ့လၩ့ မၩန့ထဲၩ့အဆၧနီၪလဂ့ၩ. ဘဲၫနီၪအၥိၭ ၦအီၪလၧဆံၬဖၧၩ့တၭ, ထီးထဲၩ့ထဲၩ့လၧအလးခဲၫ့လဂ့ၩ.- နၪ့ထၪ့ထဲၩ့စလီၭအမၫနီၪဘီၪ.- ထီးဒၪၦလၧအအၪ့ဎၬ ထိးထဲၩ့တၩ့ထဲၩ့အၥၭမၧၫ့လဂၩဂၩနီၪ, မွဲအမိမၩလၩ့မါခွံၬဝ့ၫဒၪလီၫ. ထီးဒၪၦလၧအၥၭမၧၫ့လၩ့မါခွံၬလ ဂၩဂၩနီၪ,မိထိးထဲၩ့တၩ့ထဲၩ့ဝ့ၫဒၪလီၫ. ယစံၭနၥံၪဆၧလၧမုလနံၩနီၪ, ၦခွၫနံၫဂၩမိအီၪ လၧအလးမံၫလစီၪ့ဎး, ဆၧမိမၩန့ထဲၩ့ဝ့ၫနးဂၩတၭ, အလဂၩမိအီၪလၩ့ထးဝ့ၫလီၫ.- ၦမုၪနံၫဂၩမိဂူၬဆုၪ့ဂူၬလစီၪ့ဎးတၭ ဆၧမိမၩန့ထဲၩ့နးဂၩတၭ,အလဂၩမိအီၪထးဝ့ၫလီၫ.- ၦခွၫအီၪလၧဆံၬဖၧၩ့နံၫဂၩ, ဆၧမိမၩန့ထဲၩ့နးဂၩတၭ, အလဂၩမိအီၪလၩ့ထးဝ့ၫလီၫ. ၦလဖၪချဲၩ့ဆၧၫ့ဆၧတၭ, အၪ့စၪ့ဝ့ၫ, ကဆါဧ့, ခီၫခီၫလဲၪ. အဝ့ၫဒၪစံၭအဝ့ၫၥံၪ,…

၂၀၂၅နံၪ့ လၩနိၫဝံၩဘၧၫ ၅ၥၫ့ ပူၬတပၠါမုနံၩအိၩ ၥၫ့ဎွၩဒၪဎီၩ့လိၬၥၭလၧ ၦခမျၧးလဖၪ လၧစံၫ့ပံတၧၫလးဒၩဖၧၩ့အထီ ၥၫ့ဎွၩလီၩလၩ့လၬလၩ့ဆၧဒဲ အၪ့ကံၩ့အၪ့ယၫထၪ့ဆၧ ဘဲၫယီၩ အၥိၭနီၪလီၫႉ “ထၧၫ့ဖုဝဲမုၪခွၫ ထီးလူၬၥံၪဧ့ႇ လၧဂၪ့ခိၪထၧၫ့ဘံၪ့ယၫအဖၧၩ့ ဆၧဒုၭဆၧခၭကဲၪထၪ့ အလးလဖၪအဂး ပကဝၩ့အၪ့ကံၩ့ဘၩဆိၪဖၪအ့ၪ ကၠၧၫ့ကၠၧၫ့လါဆံၭႉ နၥံၪကအၪ့ကံၩ့ဘၩဆိၪ ဖၪန့အ့ၪအဂးနးဆ့ ယကိၭဖံၭၥိၭဘၪနၥံၪႇ ယအၪ့ယၫဘၪနၥံၪနီၪလီၫႉ အရ့ၩဒိၪထုၬ ယနၪ့ထၪ့ ဘၪ ခးပယၩ့ဂီၩ့ ဂၪ့ခိၪချိၫ့ထံၫခးလဖၪနးဆ့ ထီးၥၭနၪ့ခွံၬဘၪ ခးပယၩ့အဂးလဂ့ၩဂီၩ့ လိၪဝ့ၫဒၪ ဆၧမၩဆၧၩ့လဖၪ နၥံၪကဖ့ၪလၫ့ဘၪအဂးနီၪ ယဆၫ့ထွ့ၫဘၪနၥံၪနီၪလီၫႉ ကဆါယ့ၫၡူၬနီၪ မွဲလၧပဆၧယိလါနီၪလီၫႉ ဘိၪ့လ့ၩဖၭအဆၧၫ့အထီယီၩနီၪ မွဲလၧမု ကိၭနံၩအဂး ဖ့ၪလၫ့ပၧၩ ဆၧယိလါနီၪလီၫႉ…

ၦဖၫရစံၫၥံၪအၪ့စၪ့အဝ့ၫ, လၧယွၩအဘၩ့အမုး မိဂဲၫဆံၭယံၬဆံၭယံၬလဲၪနီၪဂီၩ့, အဝ့ၫဒၪချဲၩ့ဆၧၫ့ဆၧ, စံၭဝ့ၫ, ယွၩအဘၩ့အမုးနီၪ, ဂဲၫဝ့ၫလၧဆၧယိနဲၪ့ အဂဲးအ့ၬ.- ၦစံၭဝ့ၫ, ယိခွါ, ထီးယီၩ, ယိခွါထီးနီၪမွဲအ့ၬ. အဂဲးဘဲၫယီၩ, ယိခွါ, ယွၩအဘၩ့အမုး အီၪလၧနၥံၪအဖၧၩ့လီၫ. တၭစံၭအထံၩအဖျဲၥံၪ, အနံၩအၥၫ့ မိဘၪလၧဆၧမိဒၪဘၪ နၥံၪအၥၭလၧ ၦၡၩအဖိၪခွၫအမုနံၩလနံၩနီၪ နၥံၪဒၪဘၪအ့ၬ.- ၦလဖၪမိစံၭနၥံၪ, ယိခွါ,ထီးယီၩ,ယိခွါ,ထီးနီၪ, လ့ၩလဂ့ၩ,ဖိၬအခဲၫ့လဂ့ၩ.- အဂဲးဘဲၫယီၩ ဘဲၫလၫ့ဝဲဒံၭလၧ မူၭထံၭအယီၩလခီၫတၭ, ဖၩ့ထၪ့ဖိးလၧမူၭထံၭ အနီၪလခီၫအၥိၭ, ၦၡၩအဖိၪခွၫ လၧအမုနံၩအဖၧၩ့နီၪ, မိမၩအၥၭဘဲၫနီၪအၥိၭလီၫ. မွဲလါနၫ့ဘိၩအဝ့ၫမိဘၪထိးဆိၫဆၧအၪမံၩ့တၭ, မိဘၪဆၧခွံၬၡိၭခွံၬဝ့ၫလၧ ၦလဆိၩယီၩအစူၪဖၧၩ့လီၫ.

စလုကၭနီၪ လၧဆၧမၩလိၪလးဖၧၩ့ အခိၪနုၬဂ့ၩဝ့ၫဒၪအၪမၬနီၪလီၫႉ ဆၧနီၪအကၠီၩ့ အဝ့ၫယီၩ မိဒိၭ နဲၩ့အၥၭလၧၦၡၩနးဂၩအ့ၬႉ မိကျ့ၭစၨၭဒၪဝ့ၫကဂၩနီၪလီၫႉ အဆရၫႇမုၪၥံၪ အ့ၪမွဲဖ့ၪလၫ့အ့ၪအဝ့ၫ ဆၧကိၪ့ ဆၧတဲၩ့စွါဘိၩ အဝ့ၫယီၩ ယိဖၭခွံၬဝ့ၫ ခိၭမၬခိၭမၬနီၪလီၫႉ ကနံၩအဝ့ၫဘၪမၩဝ့ၫဒၪ ဆၧမၩလိၪကမံၩ့နီၪ ကၪဂဲၩဝ့ၫအၪမၬလ့ၬအကၠီၩ့ အဝ့ၫယီၩ ဆုးလ့ၩထၪ့ လၧအမ့ၬယၫ မွဲလန့ဘၪလီၫႉ လါနၫ့အဝ့ၫယီၩ ကဘၪလ့ၩအၪ့ကံၩ့အဆရၫ ဆၧမၩဆၧၩ့နီၪ စီၪဝ့ၫလၧ ဘၪထံၭအဝ့ၫ အၥၭထၪ့ထီၫအကၠီၩ့ မိလ့ၩအၪ့ကံၩ့ဝ့ၫအ့ၬႉ လၧခဲၫ့ထုၬနီၪအထံၩၥိၭ ဧမန်နူအဲလ် ဂဲၫစံၭအ ဝ့ၫ ဘဲၫကလ့ၩအၪ့ကံၩ့ဆရၫဆၧမၩဆၧၩ့အဂးနီၪလီၫႉ အနီၪအခၫ စလုကၭယီၩ ဆၪ့လၩ့ၥၭဂီၩ့ လ့ၩအၪ့ကံၩ့ ယိ ဆရၫဆၧမၩဆၧၩ့အခၫ…

ဆၧမၩအၥၭလၧ အလ့ၩစိၩလၧယရုစလံၫ့နီၪ, မွဲအလ့ၩခၫ့ဂၬခွံၬ စမ့ရအၫဒဲဂၫလလံၫအၥၭကျၩလီၫ. မိလ့ၩနုၬဝ့ၫလၧတဝၫ့လဖျိၪ့အဖၧၩ့တၭ, ၦခံၫထူၬဆၫအၧၩ့ဆံၫဂၩဂဲၫထၪ့လၧဖၧၩ့ၥၭနီၪ, ဆၧၫ့ထုၪ့ဆီၩ့ဆုၩဝ့ၫယဲၩ့ယိၬတၭ,- ကိၭၡၭထၪ့ဆၧ, စံၭဝ့ၫ, ယ့ၫၡုၬကဆါဧ့, ယၫ့ၥၭပၧၩဆံၭ.- မွဲအဒၪဘၪဝ့ၫတၭ, စံၭအဝ့ၫၥံၪ, လ့ၩဘီၪ, ဒုၭနဲၪနၥံၪအၥၭလၧ ၦလုဆၧအမ့ၬယၫဆံၭ. ဆၧမၩအၥၭ လၧအလ့ၩဆၧအဘိၩ့ဘၭနီၪ အဝ့ၫၥံၪဆံၫ့ထၪ့ထဲၩ့ဝ့ၫလီၫ. လၧၦလဖၪနီၪအကျၩအလဂၩ, ထီးအၥ့ၪယၫလၧ အဆံၫ့ထၪ့ထဲၩ့ဝ့ၫတၭ, ဂဲၫထဲၩ့ထဲၩ့ စံၭထၪ့အၪ့အူၭ ယွၩလၧအလူဖၭဒိၪ,- ထွံၩလၩ့အခၪ့လၧအခၪ့ထံၭတၭ,စံၭထၪ့အၪ့အူၭအခိးအတၩလီၫ. ၦလဂၩနီၪမွဲ ၦစမ့ရအၫဖိၪလီၫ.- ယ့ၫၡုၬချဲၩ့ဆၧၫ့ဆၧတၭ, စံၭဝ့ၫ ၦဆံၫ့ထၪ့ယူၭဆံၫဂၩမွဲအ့ၬဧၪ. ၦခွံၫဂၩနီၪအီၪခီၫခီၫလဲၪ.- ၦဂဲၫထဲၩ့ထဲၩ့ စံၭထၪ့အၪ့အူၭယွၩအခိးအတၩအီၪအ့ၬ အီၪန့ၫၦလခီၫဘၩ့မုးဖိၪလဂၩယီၩမၬကၨ. တၭအဝ့ၫဒၪစံၭအဝ့ၫ ဂဲထုၪ့တၭ ထဲၩ့ထဲၩ့ဆံၭ.နဆၧနဲၩနီၪမၩဘျၪထဲၩ့ယူၭနၧၩယူၭ.

တၭၦလၧနၥံၪအကျၩလဂၩဂၩ အီၪလၧအဎီးအၡၩလဂၩ ထဲၫဆၧမွဲဂ့ၩ, ယိဆၧဖိၪဆၧဎါမွဲဂ့ၩ, အ့ၪဂဲၫထဲၩ့ထဲၩ့လၧဆံၬဖၧၩ့တၭ, မိစံၭအဝ့ၫ, ဂဲၫဘီၪ, ဆၧၫ့နၩ့ဒံၩ့ခံၫ့ချဲၫ့မၬ လၧစပွဲထံၭနီၪ, မွဲပလၫလဂၩလဲၪ.- အ့ၪမွဲမိစံၭအဝ့ၫ တဲၩ့ဝဲၩဆၧလၧယမိအၪ့ယဝ့ၫတၭ, ယအၪ့ဆၧအီၩဆၧအဘိၩ့ဘၭနီၪ, ခဲးထူၬနခၧၩ့ယး, ဒဲမၩယဎီးယၡၩ အဆၧမၩဘီၪႉ အနီၪဂီၩ့တၭ, အၪ့နဝ့ၫဆံၭနီၪ, မွဲအ့ၬဧၪ,- အခ့ၫအၡၩမၩဝ့ၫဘဲၫ အမၪလူၬဝ့ၫအၥိၭနီၪ, မွဲအမိစံၭထၪ့အၪ့အူၭဝ့ၫဆ့ဧၪ.ယဆီၫ့မီၪ့မွဲအ့ၬ.- ဘဲၫနီၪအၥိၭ နၥံၪဝ့ၫဒၪယီၩ, ဘဲၫဆၧမၪလူၬနၥံၪအၥိၭနီၪ, နၥံၪမၩထီးအလူၬ အ့ၪဂီၩ့တၭ, စံၭနၥံၪဝ့ၫ, ပဝ့ၫဒၪယီၩ, ပမွဲဆၧအဎီးအၡၩလၧ အလဒုၭန့ကဲၩ့န့ကၩဘၪဆၧလီၫ. အဂဲးဘဲၫယီၩ ဆၧလၧပမၩပဝ့ၫထီးအလူၬနီၪ, မွဲအန့ၫဆၧလၧပကြၨၭမၩလီၫ.