ၦဆံၫ့ဎံၪ Vicent De Paul အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရါလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Vicent De Paul အဂဲးအကၠီၩ့နီၪလီၫႉ ၦဆံၫ့ဎံၪ Vicent ယီၩ ဂဲၫအီၪဖျဲၪလၧ ၦမၩဆံၭဖိၪ အဂံၫ့ဒီၪ့နီၪလီၫႉ အဝ့ၫအၥၭအီၪ ၂၀ နီၪ ကဲၪၥၫ့ခၫနီၪလီၫႉ အဝ့ၫကဲၪၥၫ့ခၫဂီၩ့ မၩၥၫထနၫအဆၧမၩအခံၫ့ ပၫ့လဲၫ ထမၠၬၥံၪ ထဲၩ့ဖီၫ့န့အဝ့ၫနီၪလီၫႉ ထမၠၬၥံၪဖိၪၥံၪနီၪ အၪ့ဆၫအၪ့ အဝ့ၫအကၠီၩ့နီၪ ၦဆံၫ့ဎံၪ Vicent De Paul ယီၩ ဘၪကဲၪၦၡၩအဎီးအခံၫ့ယံၬအၪမၬဒ့ၭနီၪလီၫႉ နံၪ့ ၁၆၀၇ နီၪ ဂဲၫထဲၩ့ဖီၩ့ဖျ့ၭလၫ့ထဲၩ့နီၪလီၫႉ
အဝ့ၫယီၩ ဂဲၫထဲၩ့မၩၥၫထနၫအဆၧမၩလၧ ခးၦ့ၭၥ့ၭနီၪလီၫႉ လၧခး ၦ့ၭၥ့ၭ ဝံး ပၫရံၫဖၧၩ့ ကယဲဒၪ ၦၡၪ့ဖိၪၥံၪအီၪထီးလူၬနီၪ အဝ့ၫလ့ၩ ဒၪဝ့ၫႇ လ့ၩယိဂ့ၩယိဘၪဝ့ၫကိၭနံၩနီၪလီၫႉ ၦဆံၫ့ဎံၪ Vicent De Paul မၩဆၧၩ့ၦၡၪ့ဖိၪၥံၪႇ ကၭဒ့ၭဘၪ ၦလၧအီၪလမုၬဘၪၥံၪ ဒဲၦလၧအဆၧမၩလအီၪဘၪၥံၪအဂး မၩဆၧၩ့အ့ၪဝ့ၫ ကိၭကၠၪနီၪလီၫႉ ၦဆံၫ့ဎံၪ Vicent De Paul အၥၭအီၪ ၈၀ နီၪ ၥံၫဖီၩ့ခွံၬဝ့ၫဒၪနီၪလီၫႉ ၦဆံၫ့ဎံၪ Vicent De Paul ယီၩ ၦလၧမၩၡၩခံးဂး အဆၧမၩၥံၪ ဘၪဒိၭနဲၪၥၭ မွဲဝ့ၫၦဆံၫ့ဎံၪ့နီၪလီၫႉ အဝ့ၫ ဘိၪ့မုနံၩနီၪ မွဲဝ့ၫဒၪ လၩစဲၭတၧၫဘၧၫ ၂၇ ၥၫ့နီၪလီၫႉ
