ၥၫ့ခိၪဒိၪ John Gabriel မံၫမၪထဲၩ့လၧကဆါဎြံၬ အနံၪ့ဎွ့ၩထၪ့ ၃၂နံၪ့ ဆၧနၪ့ထၪ့

၂၀၂၆နံၪ့ လၩအီၭဂၧၭ၁၄ၥၫ့နီၪ ဒိၩ့ပၥံၫ့ဆၧအီၪကီၪ့ဖၧၩ့ ၥၫ့ခိၪဒိၪ John Gabriel မံၫမၪထဲၩ့လၧ ကဆါဎြံၬ ဎွ့ၩထၪ့ အနံၪ့ ၃၂နံၪ့ယူၭအကၠီၩ့ အဝ့ၫအန့ၥၭအဂး ၦၡၩလုထၪ့လၩ့ဎိၭမံဆၩဆၧလုထၪ့ ဂီၩ့ ၦၡၩမၩအ့ၪ ဆၧနၪ့ထၪ့လၧ ဝံးပၥံၫ့ႇ စံၫ့ပံၫတၧၫ ကၥံၫဒရဲၫ ၥရိၬလးဝၩ့ဖၧၩ့နီၪလီၫႉ

ၦအလ့ၩခိၪလ့ၩနါမံဆၩဆၧလုထၪ့နီၪမွဲဝ့ၫဒၪလၧ Fr. Justin Min Thit Lwin ဂီၩ့ လီၩဖျီၪထၪ့ထဲၩ့ ၥၫ့ခိၪဒိၪ အဆၧၥၭမၧၫ့အဂဲးႇ အဆၧဆူဆၧနဲၩအဂဲး ဒဲ ၦယူၬၥိၪလဂၩအီၪက့ၪၥုၪ့အီၪက့ၪၥၭအဂဲးလဖၪဂီၩ့ အၪ့ကံၩ့ဘၩဆိၪဖၪအ့ၪ ၥၫ့ခိၪဒိၪအနးၥၭအဂးနီၪလီၫႉ ဆၧနၧၩ့ဆၧၫ့ဆၧန့ထီးလူၬနီၪ အီၪဒၪဆၧအဲၪဆၧကွံၩလီၫႉ ဆၧနီၪအကၠီၩ့ လၧပၥၭဖၧၩ့အီၪဝ့ၫဒၪ ဆၧဂ့ၩဆၧဘွၩလဖၪ အ့ၪပကယိဂ့ၩယိဘၪထဲၩ့မၬ လၧကဆါဎြံၬအဖၫ့ခိၪဒဲ လၧၦၡၩလဖၪအဖၫ့ခိၪ မွဲပအီၪက့ၪထၬ ဆၧအဲၪဆၧကွံၩကန့ဂ့ၩဂ့ၩလီၫ အဂဲး ၥၫ့ခၫ Fr. Justin ယီၩ လီၩလၩ့လၬလၩ့ဆၧၥၭထိၬပရၧၫ့ ဘဲၫယီၩအၥိၭနီၪလီၫႉ

No results