“လၧဝံးတခိၩ့ဖၧၩ့ မံၭထၭမုၪနံၫဂၩ ဒိၭန့ ဆၧအုၩ့လၩ့အဆိၪထုၬ”

၂၀၂၆နံၪ့ လၩအီဂၧၭ (၁၁)ၥၫ့ဒၪအိၩ စိန့်ဗင်းဆင့် ဒီပေါလ် (Suwon)မံၭထၭမုၪ နံၫဂၩနီၪ ဒိၭန့ထၪ့ ဆၧအုၩ့လၩ့အဆိၪထုၬ လၧဝံးတခိၩ့ဆၧအီၪကီၪ့ အင်းစိန်ဝံး စိန့်ပီတာ ဒဲ စိန့်ပေါလ်ၥရိၬလးဝၩ့ဖၧၩ့နီၪလီၫႉ

ၦအဒိၭန့ ဆၧအုၩ့လၩ့ နံၫဂၩနီၪ မွဲလၧ Sr. Maria Ephrem Eugenie ဒဲ Sr. Maria Lydwine Hkawn Bu လဖၪလီၫႉ

ၦအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪ ဝံးတခိၩ့ၥၫ့ခိၪဒိၪ Bp.ရေမွန်ဝေလင်းထွန်း ဂီၩ့တၭ ၥၫ့ခိၪဒိၪ စောနောဧႇ ၥၫ့မုၥၫ့ခၫလဖၪႇ မံၭထၭမုၪလဖၪ ဒဲ ၦဆူနဲၩဖိၪၥံၪလဖၪ ဂဲၫထၪ့ဝ့ၫဒၪလီၫႉ

ယွၩအဆၧအၪ့မၧၫ့ဖိၪ ဆၧၥၭမၧၫ့နီၪ မွဲပဘၪလုထၪ့ထၬ ပဆၧၥၭမၧၫ့ထၧၫ့ဖျိၫ့ယၫလၧယွၩအစူၪဖၧၩ့ဂီၩ့ ပထၪ့ၡါဘၪအ့ၬ ဆၧၡၪ့ဆၧယၬဒဲ ဆၧခိၭနၪ ဆၧအုၩ့လၩ့လဖၪယီၩ ပကဘၪခိၭနၪလီၩ့ဖိၬအဂး အရ့ၩဎိၩဝ့ၫဒၪအဂဲး ၥၫ့ခိၪဒိၪ ရေမွန်ဝေလင်းထွန်း လီၩလၩ့လၬလၩ့ဝ့ၫဒၪ ဘဲၫနီၪအၥိၭလီၫႉ
လကၭဘၪ ကအၪ့န့အဒီၩ့အထ့ၬ ဘဲၫစိန့်ဗင်းဆင့်ဒီပေါလ် အဆၧယၫ့ၥုၪ့ယၫ့ၥၭဆၧအၥိၭဂီၩ့တၭ ၦၡၪ့ဖိၪယၬဖိၪလဖၪႇ ၦလဆီၪ့ချဲၫ့ဘၪလဖၪ ဒဲ ၦဂဲးဆံၭဘၭဆါလဖၪ ၦအလိၪဘၪဆၧမၩဆၧၩ့လဖၪအဂး မွဲကဖ့ၪဆၧၫ့လၩ့ၥၭနီၪဘိၭ ၥၫ့ခိၪဒိၪဆုးထဲၩ့ဆၫ့ထွ့ၫဘၪအဝ့ၫၥံၪနီၪလီၫႉ

မံၭထၭမုၪနံၫဂၩယီၩ ဘဲၫခရၧၫ့ၥနိၫ့ကၠီၪ့ဖျီၩ့အီၪထၬဝဲၩအၥိၭ လၧယွၩမ့ၬယၫ လၧၡၩခမျၧးၥံၪအမ့ၬယၫ ကနံၪ့အဂး ကလီၩ့ဖိၬခိၭနၪ ဆၧဆံၫ့ဆၧဎံၪႇ ဆၧၡၪ့ဆၧယၬ ဒဲ ဆၧခိၭနၪလီၩ့ဖိၬ ဆၧအုၩ့လၩ့၃မံၩ့ယီၩအဂဲး အုၩ့လၩ့ၥၭ အဆိၪထုၬကဘျၩ့နီၪလီၫႉ

အဝ့ၫၥံၪအဆၧအုၩ့လၩ့ယီၩ လၧမိဆၧအီၪကီၪ့အဂး လၧၦဆူနဲၩဖိၪၥံၪအဂး မွဲအရ့ၩဒိၪဝ့ၫဒၪ ဆၧကမံၩ့နီၪလီၫႉ

ဆၧပရၧၫ့ယီၩ မွဲပန့ထၬလၧ RVA Sgaw Karen Service အအီၪနီၪလီၫႉ

နးအဲၪဖီၫဘွၩ