အ့ၪဆၧ၂ထံၪယီၩအီၪနီၪ စဲၪ့ထၪ့ခွံၬယဲၩ့ယဲၩ့လါဆံၭ
၁. ဆၧအအၧၩ့ချုၭဘံၭပၧၩ
နဖိၪၥၪမုၪ ဖိၪၥၪခွၫအကၠီၩ့ နဘၪယဲၩ့ထၪ့လၧကဆါယွၩႇ နဘၪလၩ့လၧဆၧဘၪၥူၭဘၪမၪဖၧၩ့ႇ နလူနဎွ့ၩ ဘၪဂၭဂီၩ့ခွံၬ ဒဲ နဘၪလၩ့ဘၧၩ့လၧ ယွၩလအဲၪဒိၭဘၪ ဆၧမၩလဖၪအဖၧၩ့ယူၭစွါဘဲၫ ဆၧအဲၪတၩ့ဖၧၩ့ၥၭအယီၩနီၪ လၧနဂးမွဲအလၩ့အၪ့ယိၫထုၬယူၭလီၫႉ ကၠူၭလၩ့နၧၩ လၧဆၧခံၭကျၩဖၧၩ့ ဆၧအဲၪအယီၩ နကဘံၪ့ထၬနမ့ၬၥၪဂီၩ့ နကဆုးလ့ၩဧၪႉ အ့ၪလမွဲဘၪ နကထိးထဲၩ့တၩ့ထဲၩ့နနးၥၭအဂး နကမၩဖျ့ၭထၪ့ခွံၬနၥၭဧၪနီၪ နကဘၪအၪ့ဎၬ ထံၪထံၪဆၭဆၭလီၫႉ လၧလံၬဆံၫ့ဎံၪဖၧၩ့ ယွၩၥီၪ့ၥၫ့ထၬပၧၩထ့ၬထ့ၬလီၫႉ
လံၬဆံၫ့ဎံၪ(၁ကီရံၫ့(၁၅:၃၄)ဖၧၩ့ နၪ့ထၪ့ထဲၩ့နၥံၪအၥၭလၧ ဆၧတီၩဆၧလီၩ့အဂဲးဘီၪႉ မၩဆၧဒဲၩဘၭ လဂ့ၩႉ အဂဲးဘဲၫယီၩ ၦလနၩ့နၩ့လၥ့ၪယၫဘၪယွၩတၭ ယစံၭဆၧယီၩ မွဲလၧဆၧမၩမဲနၥံၪအမ့ၬလီၫႉ
ၦအမၩယဲၩ့ထၪ့နၧၩလၧကဆါဎြံၬနီၪ မွဲကဆါဎြံၬရွံထၪ့ထၬအ့ၪနၧၩအ့ၬႉ
- ၂ႉ ၦၥိၭနံၫဂၩအကျၩ ဆၧကၪဆၧဂဲၩလဖၪ အီၪထၪ့ခိၭမၬခိၭမၬ
- လၧပဆၧအဲၪတၩ့ဖၧၩ့ ဆၧကၪဆၧဂဲၩလဖၪ ကဲၪထၪ့ခိၭမၬခိၭမၬႇ လမွဲဘၪကမံၩ့မွဲကမံၩ့ အ့ၪလီၩ့ဎွါဒၪ ပဆၧမၪစွါဘဲၫႇ ဆၧအယီၩနီၪ ယွၩကမိစံၭပၧၩလၧ မၩယဲၩ့ထၪ့ခွံၬနၥၭလၧၦအနီၪအဂးလီၫႉ
- ဆၧနီၪအကၠီၩ့ အဲၪကွံၩဘၪ ၥၭဘၪ့ဖိၪၥံၪဧ့ ဆၧအဂဲး၂ထံၪယီၩဒဲ လၧအခီၩ့မုကနွ့ၫဒၪအိၩ ယဂဲၫထဲၩ့ လီၩထၬ ဆၧအဂဲး၃ထံၪနီၪ အ့ၪမွဲအီၪလၧနၥံၪအဆၧအဲၪတၩ့ဖၧၩ့စွါဘဲၫ ဖၧၩ့ၥၭအယီၩ ကြၨၭပဖ့ၬထ့ၬခွံၬ ယူၭနီၪဘိၭ လၧလံၬဆံၫ့ဎံၪဖၧၩ့ မွဲကဆါယွၩ ဖ့ၪလၫ့ပၧၩ ဆၧထုၪ့ၥုၪ့ထုၪ့ၥၭနီၪလီၫႉ
