ၦဆံၫ့ဎံၪ Patrick of Ireland အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရါလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Patrick အဂဲးအကၠီၩ့နီၪလီၫႉ ၦဆံၫ့ဎံၪ Patrick ယီၩအီၪဖျဲၪလၧ ခး Ireland နီၪလီၫႉ အဝ့ၫအဂံၪ့ဒီၪ့နီၪ မွဲဝ့ၫၦကဲၪဒိၪကဲၪမုၬနီၪလီၫႉ ၦဆံၫ့ဎံၪ Patrick အၥၭအီၪ ၁၆ နံၪ့နီၪ ၦပိၩ့ထၪ့ဆၧ ထဲၩ့ဖီၫ့အဝ့ၫနီၪလီၫႉ အဝ့ၫဘၪထိးဖီၫ့ၥၭအလးနီၪ ယိၥိၫ ၆ နံၪ့နီၪလီၫႉ လၧခဲၫ့နီၪ အဝ့ၫအနါဖၧၩ့နါဂၧၫ့ဘၪ ကဆါယွၩအလူၬ စဲၪဖီၩ့ခွံၬလၧအယဲၩ့ဆၧစ့ၭအဝ့ၫ ဆၧချဲၩ့ယီၩနါဂၧၫ့ဝ့ၫတၭ အဝ့ၫစဲၪဖီၩ့ခွံၬလၧဆၧအလး နီၪလီၫႉ ဆၧနီၪအကၠီၩ့ အဝ့ၫထဲၩ့ထီၩ့လၧ ခး ၦ့ၫ့ၥ့ၭ လ့ၩအီၪလၧ အဲၭၥဲၭကၠီးနီၪလီၫႉ လၧခဲၫ့နီၪကဲၪၥၫ့ခၫဂီၩ့ လကၭဒ့ၭဘၪ ကဲၪၥၫ့ခိၪဒိၪနီၪလီၫႉ
လၧခဲၫ့အရ့ၩဎိၩထုၬကမံၩ့နီၪ အဝ့ၫယီၩ နၪ့စဲၪထၪ့ ဎုၬန့ဝ့ၫဒၪနီၪလီၫႉ ပကလီၩလၧခဲၩ့ကမံၩ့နီၪ နၧၩ့ဆၧလဂ့ၩဘၪထီးလူၬနီၪလီၫႉ ၦဆံၫ့ဎံၪ Patrick ယီၩ ခး Ireland အဂး မၩဆၧမၩအၪမၬဒ့ၭနီၪလီၫႉ အဝ့ၫမၩၥၫထနၫဆၧကန့ဂ့ၩဂ့ၩဘၪဘၪအဂး ဘၪမၩ ဒုၪဆၧအၪ့ႇ အမံၩ့မံၩ့နီၪလီၫႉ အဝ့ၫယီၩ Ireland ခးဖိၪၥံၪ ဘၪဒိၭနဲၩၥၭမွဲဝ့ၫ ၦဆံၫ့ဎံၪ နီၪလီၫႉ အဝ့ၫ ဘိၪ့မုနံၩနီၪ မွဲဝ့ၫ လၩမ့ၫ ၁၇ ၥၫ့နီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬ နၥံၪထီးန့ထၬ ၦဆံၫ့ဎံၪ ၦဆံၫ့ဎံၪ Patrick အဂဲးကၠီၩ့ ကမံၩ့မံၩ့ကန့အဂး ယအဲၪဒိၭရၩလၩ့န့အ့ၪ ဘၪနၥံၪနီၪ လီၫႉ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧအဲၪဆၧကွံၩလါဆံၭႉ
