မုကိၭနံၩဆၧၥၭထိၬပရၧၫ့ (စမၫကၨၭ(၁၁:၁၁-၂၅))

ယ့ၫၡုၬလ့ၩနုၬဝ့ၫလၧယရုစလံၫ့, ဒဲလၧဆၧလုအဂံၪ့ဖၧၩ့တၭ, ယိဝၬဝၬဆၧထီးအလူၬလီၫ. နၩရံၩထီးနီၪမွဲမုဂၪလၩ့တၭ, အဝ့ၫဒၪစဲၪ့ထၪ့ဝ့ၫလၧၦလဆံၫနံၫဂၩ အၥိၭလၧခီၫ့နီၪ နုၬလၧဘ့ၭၥနံၫအဖၧၩ့လီၫ.

ယ့ၫၡုၬဆိၪအၧၩ့ချိၪ့ဒိၩ့.
ကဲဂီၩလနံၩ,လၧအဝ့ၫၥံၪစဲၪ့ထၪ့ခွံၬဝ့ၫ လၧဘ့ၭၥနံၫအဖၧၩ့နီၪ, အဝ့ၫဒၪၥၭဝံအၥၭလီၫ.- ဒၪစိၩချိၪ့ဒိၩ့ လထံၭအီၪလၧအလၪတၭ, ဘၪလဘၪမိဒၪဆၧအီၪ လၧအလီၩ့လမံၩ့မံၩ့တၭ, လ့ၩယိဝ့ၫ, အ့ၪလမွဲဘၪအလၪနီၪ ဒၪဘၪဆၧနးမံၩ့အ့ၬ. အဂဲးဘဲၫယီၩ ချိၪ့ဒိၩ့ၥၪအမုအလၩလဘၪဒံၭဘၪလီၫ.- ယ့ၫၡုၬချဲၩ့ထၪ့ဆၧတၭ, စံၭဝ့ၫ, ထီးယီၩလၧယၫလခီၫ မွဲပထီးအၪ့ဘၪလၧၩ့နၥၪ နးဂၩနးဆိၭလဂ့ၩ. အထံၩအဖျဲၥံၪနါဂၧၫ့ဝ့ၫလီၫ.

ယ့ၫၡုၬလ့ၩနုၬလၧဆၧလုဂံၪ့အဖၧၩ့.
အဝ့ၫၥံၪလ့ၩထီၩ့လၧယရုစလံၫ့တၭ, ယ့ၫၡုၬနုၬဝ့ၫလၧဆၧလုအဂံၪ့ဖၧၩ့တၭ, နၫ့ထၪ့ခွံၬၦဎွ့ၩဆၧ, ဒဲၦအၪ့ဆၫဆၧလၧဆၧလုအဂံၪ့အဖၧၩ့တၭ, ချႃၬလၩ့ခွံၬ ၦအၪ့လဲၩစ့ၩအစပွဲၥံၪ, ဒဲၦအၪ့ဆၫထိၪလွံအလးဆၧၫ့နၩ့လဖၪလီၫ. မွဲအဖ့ၪလၫ့ၦဆိၬဖၬဖၧၩ့ၥံၪ လၧဆၧလုအဂံၪ့နီၪနးဂၩအ့ၬ. ၥီၪ့ထဲၩ့ၥၫ့ထဲၩ့ဆၧတၭ, စံၭအဝ့ၫၥံၪ, ဆၧကွ့ၭအၥၭး ယ ဂံၪ့ မိ ဘၪ ဆၧ ကိၭ ဝ့ၫ လၧ ဆၧ ဘၩ ဆိၪ ဖၪ အ ဂံၪ့ လၧ က ယဲ ၦ ကိၭ ဆၨၩ ဒ့ၭ အ ဂး မွဲ အ့ၬ ဧၪ. အ့ၪ မွဲ န ၥံၪ ဝ့ၫ ဒၪ ယီၩ, နၥံၪ မၩ ယူၭ ဝ့ၫ လၧ ၦ ထ မျၬအဖၧၩ့ယူၭမၬကၨ.- ၦကွ့ၭလံၬဒဲၦလုဆၧအဒိၪၥံၪ နါဂၧၫ့ဝ့ၫတၭ, မိမၩၥံၫဘၪဝ့ၫဘဲၫၥ့ၪလဲၪဘဲၫၥ့ၪလဲၪနီၪ အၪ့ဎၬဝ့ၫလီၫ. အဝ့ၫၥံၪၥၭမဲၪအဝ့ၫဒၪတၭ, အဂဲးဘဲၫယီၩ ၦခမျၧးထီးအလူၬထီၫမံၫထီၫမၪလၧအဆၧၥီၪ့ဆၧၥၫ့အဂဲးလီၫ. ထီးမုဂၪလၩ့နီၪ, အဝ့ၫဒၪစဲၪ့ထၪ့ ခွံၬဝ့ၫလၧဒိၩ့ဖၧၩ့လီၫ.
ဆၧမၩလိၪလၧချိၪ့ဒိၩ့အအီၪ.
ဆၧဖၩ့ထၪ့နီၪ အဝ့ၫၥံၪလ့ၩဖီၩ့ခွံၬအဘိၩ့ဘၭတၭ, ဒၪဘၪလၧချိၪ့ဒိၩ့လထံၭဎဲၫ့ထၬလူၬဝ့ၫလၧအဝံလီၫ. စပံတၧၫနၪ့ထၪ့ထဲၩ့အၥၭတၭ, စံၭဝ့ၫ, ရၭဘံၫဧ့, ယိခွါ, ချိၪ့ဒိၩ့လၧနဆိၪအၧၩ့လထံၭနီၪ, ဎဲၫ့ထၬယူၭဝ့ၫယူၭ. ယ့ၫၡုၬချဲၩ့ဆၧၫ့ဆၧ, စံၭအဝ့ၫၥံၪ အီၪလၧဆၧနဲၩ လၧယွၩအဖၧၩ့ဆံၭ. အဂဲးဘဲၫယီၩ ယလီၩဘၪနၥံၪတီၩတီၩ ထီးဒၪၦလၧအစံၭခိၪလီၩ့ယီၩ, ၥုၭခွံၬနၥၭတၭ, ခွံၬၡိၭခွံၬနၥၭလၧမၫဆမံၭအဖၧၩ့ဆံၭ. အၥၭအ့ၪလဂံၩ့ဂၩ့ဘၪတၭ, အ့ၪနဲၩဝ့ၫလၧဆၧမိမၩအၥၭ ဘဲၫအစံၭဆၧအၥိၭနီၪ, ထီးဒၪအစံၭဆၧနီၪ, မိမၩအၥၭလၧအဂးလီၫ. မၩအၥၭဘဲၫနီၪတၭ, ယစံၭနၥံၪ ထီးဒၪနၥံၪအၪ့ကံၩ့ ဆၧလၧနၥံၪဘၩဆိၪဖၪဆၧအဖၧၩ့ ထီးအလူၬနီၪ, နဲၩလၧနၥံၪမိန့ဘၪဝ့ၫတၭ, မွဲနၥံၪမိန့ဘၪဆ့လီၫ.
ထီးနၥံၪဆၧၫ့ထုၪ့ဘၩဆိၪဖၪဆၧနီၪ, ဘဲၫၥိၭနၥံၪ အဖါအီၪလၧမူၭခိၪ မိကွဲၪဖျါခွံၬနၥံၪအဆၧမၪတၭ, နၥံၪအ့ၪအီၪက့ၪဆၧအမၪ လၧၦလဂၩဂၩအလီၩ့လမံၩ့မံၩ့နီၪ, ကွဲၪဖျါထဲၩ့အဝ့ၫဆံၭ.