စိန်ပေါလ်Broလဖၪ ဒိၭန့ ဆၧအုၩ့လၩ့အဆိၪထုၬအဂဲး ဆၧပရၧၫ့
၂၀၂၆နံၪ့ လၩအ့ၫဖြ့ၫ ၂၅ၥၫ့ လဂီၩ ၆:၃၀အခံၫ့နီၪ ဆၧမၩလၩမၩဖၩ့ ကာဒီနယ်ချားလ်စ်မောင်ဘို ဒိၭန့ နံၪ့၅၀ ထီၫ့ယူၩဘလံၫ ဒဲ စိန်ပေါလ်Broလဖၪ ဒိၭန့ ဆၧအုၩ့လၩ့အဆိၪထုၬ မံဆၩဆၧလုထၪ့အီၪဝ့ၫဒၪလၧ ဒိၩ့ပၥံၫ့ဆၧအီၪကီၪ့ ဒိၩ့ပၥံၫ့ဝံးႇ မြက်တိုႇ စိန်ပေါလ်ၥရိၬဝးဝၩ့ဖၧၩ့နီၪလီၫႉ ၦအကဲၪထၪ့ မံၭထၭခွၫအီၪဝ့ၫဒၪ ၆ဂၩနီၪလီၫႉ ၦလၧအလ့ၩခိၪလ့ၩနါမံဆၩဆၧလုထၪ့နီၪ မွဲဝ့ၫဒၪလၧ ကၫဒံၫနဲၫခၠၩစဘိၫနီၪလီၫႉ မိဖါလၧ အလုထၪ့ အဖိၪအဒံၪလၧ မိဆၧအီၪကီၪ့ဖၧၩ့ယီၩလဖၪဧ့ ယစံၭခိးစံၭတၩဘၪနၥံၪ ဒိၪဒိၪအၪအၪလ့ၬနီၪလီၫႉ ကၫဒံၫနဲၫယီၩ စံၭဘၪ မံၭထၭခွၫၥံၪ အမိဖါလဖၪ ဘဲၫယီၩအၥိၭနီၪလီၫႉ မုကနံၩယီၩ ၦအဒိၭန့ ဆၧအုၩ့လၩ့အဆိၪထုၬ မံၭထၭခွၫလဖၪဒဲ ယွၩအဆၧအၪ့မၧၫ့ဖိၪၥံၪကိၭဂၩဒ့ၭ လၧအဝ့ၫၥံၪ လိၪဘၪခိးတၩလဖၪနီၪ ဘဲၫကဆါယွၩကဖ့ၪလၫ့အဝ့ၫၥံၪအဂးဒဲ အဝ့ၫၥံၪယီၩ ဘဲၫကဆုးထဲၩ့ ဖီၪ့ထၪ့ဖံၭထၪ့ဘၪ ကဆါယွၩအဆၧဖံၭဆၧမၩ လၧဆၧမုၬဆၧၡူၪဖၧၩ့ဒဲ ဆၧဆီၪ့ဆၧချဲၫ့ဖၧၩ့ကန့အဂးနီၪ မွဲပကအၪ့ကံၩ့ဘၩဆိၪဖၪအ့ၪအဝ့ၫၥံၪအဂး ကိၭဂၩဒ့ၭလါဆံၭႉ #RVAPwoKaren#St.Paul #GoldenJubilee
