Bleessed Miguel Augustine Pro, SJ အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ Bleessed Miguel Augustine Pro, SJ အဂဲး အကၠီၩ့နီၪလီၫႉ Bleessed Miguel ယီၩ အီၪဖျဲၪလၧ နံၪ့ (1891) လၧ ခး Mixco နီၪလီၫႉ အဝ့ၫအၥၭအီၪ၂၀ နီၪ ကဲၪထၪ့ Jesuit ၥၫ့ခၫနီၪလီၫႉ ကဲၪၥၫ့ခၫဂီၩ့ ဂဲၫထဲၩ့လၧ Mixco အခံၫ့နီၪ ဘၪထွ့ၫလၧ ၥၫထနၫအဂဲးဂီၩ့ ဆၧမၩနၧၩ့မၩဒၪဆၧအီၪနီၪလီၫႉ ပဒိၪၥံၪနီၪ ဖီၫ့ၥၫ့ခိၪဒိၪၥံၪႇ ၥၫ့ခၫၥံၪဂီၩ့ ခွံၬလၩ့ဝ့ၫလၧ ထီၫ့ဖၧၩ့နီၪလီၫႉ
ဆၧနီၪအကၠီၩ့ Bleessed Miguel Augustine ယီၩ ဘၪလိၫထၪ့အၥၭ ဘဲၫၥိၭ ၦအၪ့ခြးဆၧကဂၩလၧဂီၩ့ ဘၪလီၩဖ့ၪ အ့ၪဖိၪၥၪၥံၪ ဆၧၥူၪဝၭစကြၫမၫ့တူၩႇ ဘၪလီၩဖ့ၪအ့ၪဎရံၬဖိၪၥံၪ ဆၧဖျါဖျ့ၭခွံၬစကြၫမၫ့တူၩႇ ဘၪလ့ၩမၩမံၭဆၩဆၧလုထၪ့ ဆံၫ့ဎံၪလၧ မုနၩအခံၫ့နီၪလီၫႉ လၧခဲၫ့ထုၬနီၪ Bleessed Miguel Augustine ယီၩ ဘၪထိးဖီၫ့ၥၭဂီၩ့ ၦၡၩမၩၥံၫနီၪလီၫႉ အဝ့ၫကၥံၫထီနီၪ ၦလၧမၩၥံၫအဝ့ၫလဖၪၥံၪအဂး အဝ့ၫၥံၪဆၧမၪနီၪ ဖျါဖျ့ၭခွံၬဝ့ၫထီးလူၬအကၠီၩ့ ဆိၪဂ့ၩအ့ၪဝ့ၫဂီၩ့ ၥံၫဖီၩခွံၬဝ့ၫဒၪနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬႇ နၥံၪကထီးန့ထၬဘၪ Bleessed Miguel Augustine အဂဲးအကၠီၩ့ကန့အဂး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧအဲၪဆၧကွံၩလါဆံၭႉ
