ဂၪ့ခိၪနဲၩ့ဎီၩ့မုနံၩ
ထၧၫ့ဖုဝဲမုၪခွၫၥံၪဧ့ႇ ဂၪ့ခိၪနဲၩ့ဎီၩ့မုနံၩနီၪ ကိၭနံၪ့ဒ့ၭ ဂၪ့ခိၪထၧၫ့ဘံၪ့ယၫ မၩလၩ့မၩ့ဖၩ့ၡီၩ့ယံၫယါဝ့ၫလၧ လၩ JUNE 5 ၥၫ့နီၪလီၫႉ ဂၪ့ခိၪနဲၩ့ဎီၩ့မုနံၩယီၩ စၭထၪ့ မၩလၩမၩဖၩ့ၡီၩ့ထၪ့ဝ့ၫ ခီၫလၧ ၁၉၇၄နံၪ့အိၩယူၭနီၪလီၫႉ ဂၪ့ခိၪနဲၩ့ဎီၩ့မုနံၩယီၩ ဘဲၫကပဒၩ့ထၬနဲၩ့ဎီၩ့အဂး ဆၧဂဲၩ့ဝၭဒဲ ဂၪ့ခိၪထၧၫ့ ဘံၪ့ယၫ ကဂဲၫထၧၫ့ၥုၪ့ထၧၫ့ၥၭပၫဝ့ၫအဂး အရ့ၩဒိၪထုၬ ကုလၭၥၭမဂၭ အဆၧဖံၭဆၧမၩကမံၩ့နီၪလီၫႉ
ခးအမ့ၫရံကၭ ခးစၧၩ့ကီၪ့ ခးခိၪဒိၪလံၩ လံဆံၫလံဂၩလဂၩမွဲဝ့ၫ အိၫဘၩမၩ လီၩထၬဝ့ၫ ကနံၩခိၭနီၪ ပဖိၪပလံၩၥံၪ ယိထၪ့ပၧၩဂီၩ့ ကအၪ့စၪ့ပၧၩႉ ဘၪထွ့ၫလၧ ခိဆၧၩ့ချံၫ့အၪ့လဲၩ့ထၪ့အၥၭနီၪ မပမၩထၪ့ထၬ ဎွ့ပၥ့ၪလဲၪႉ ပအီၪက့ၪထးအ့ၪအဝ့ၫၥံၪ နဲၩ့ဎီၩ့အဆံၫ့ဖျ့ၪဒဲ အီၪလၧဆၧဒူၩယးဂီၩ့ အမွဲဝ့ၫဂၪ့ခိၪလၧ ပမိအီၪဧၪႉ အခံၫ့အထီခိၭနီၪ ပကစံၭအဝ့ၫၥံၪလၧ ပမၩထၬန့ နီၪလီၫႉ
ဘဲၫထၧၫ့ဖုဝဲမုခွၫၥံၪလဖၪ ၥ့ၪယၫထၬအၥိၭ ပဂၪ့ခိၪချိၫ့ယီၩ ဂဲၫၥၭလိၪၥၭလံၬထၪ့ႇ ၡၩအဆၧဝံဆၧနၭဂဲၫအၪ့ထၪ့နၭလၨၪဒဲ ဂၪ့ခိၪချိၫ့ဂဲၫခိထၪ့ႇ ဆၧဖိၪဆၧဎါလၧအီၪၡိၭကျၩလဖၪ ဂဲၫလၩ့ၡၩထၪ့ ဆၧလဖၪၥံၪယီၩ ပကဆုးဖီၪ့ဂုးထၬဒဲ ပဒၩ့ထၬကန့အဂး မုနံၩယီၩ ဖ့ၪလၫ့ပၧၩ ဆၧထၧၫ့ၥုၪ့ထၧၫ့ၥၭနီၪလီၫႉ
ဂၪ့ခိၪနဲၩ့ဎီၩ့မုနံၩယီၩ ကိၭနံၪ့ဒ့ၭ ၦၡၩမၩလၩမၩဖၩ့ၡီၩ့ထၪ့ ထံၫခးထီးလူၬ ကအီၪဖိၭဘိၭ ၁၄၃ခး ဘျဲၪနီၪလီၫႉ
