စလုကၭ ( 2:13-22 ) မူၭခိၪအၥုၭမုခမျၧးအီၪထၪ့ချဲၫ့မၬလၧအၥီၫ့နီၪအၥိၭတၭ,အၪ့အူၭထၪ့ယွၩ,စံၭဝ့ၫဒၪ,ဆၧအလၩအဖၩ့မွဲအဘၪယွၩလၧဆၧထီၫထုၬဆံၭ,ဒဲဆၧဘၪလိၬအိၭလိၬအီၪလၧဂၪ့ခိၪချိၫ့ယီၩတၭ,ဆၧမုၬလၩလိၬအၥၭအီၪလၧၦၡၩၥံၪအကျၩလီၫ.ဆၧမၩအၥၭလၧအၥီၫ့လဖၪထဲၩ့ခွံၬလၧအဝ့ၫၥံၪအအီၪတၭထၪ့လၧမူၭခိၪနီၪ,ၦယူၬၥိၪလဖၪစံၭလိၬအၥၭ,မွဲပလ့ၩၡီၩ့လၧဘ့ၭၥလံၫဟံၫ့တၭ,ယိၡီၩ့ဆၧယီၩလၧကဆါဒုၭၥ့ၪယၫပၧၩဘီၪ.အဝ့ၫၥံၪလ့ၩဝ့ၫချဲၫ့ချံၭတၭ,ဒၪဘၪနးမၫရံၫ,ဒဲစယိၥၭ,ဒဲဖိၪၥၪအီၪလၧချီအၪ့အဆၪအလးလီၫ.ထီးအဒၪဘၪဝ့ၫနီၪ,ဆၧလၧအလီၩဘၪဝ့ၫလၧဖိၪၥၪလဂၩအဂဲးအကၠီၪ့လဖၪနီၪ,အဝ့ၫၥံၪမၩဂၧၫ့ထၪ့ၥၩလၩ့ဝ့ၫလီၫ.ကယဲၦလၧအနါဂၧၫ့ဝ့ၫလဖၪထီၫမံၫထီၫမၪလၧၦယူၬၥိၪၥံၪလီၩဘၪဆၧအကၠီၩ့လီၫ.ဆၧနီၪလဖၪနးမၫရံၫထီးန့ဝ့ၫထီးအလူၬတၭ,ဆီၫ့မီၪ့ဝ့ၫလၧအၥၭလီၫ.ၦယူၬၥိၪလဖၪနီၪ,စံၭထၪ့အၪ့အူၭဒဲၥံၫကျံၩထၪ့ယွၩလၧအနါဂၧၫ့ဆၧဒဲလၧအဒၪဘၪဆၧထီးအလူၬအကၠီၩ့ဘဲၫဆၧစံၭဝဲၩဝ့ၫအၥိၭနီၪတၭ,ထဲၩ့ထဲၩ့ဝ့ၫလီၫ.ဆၧဖျိၬယ့ၫၡုၬအမံၩ့.ထီးဎိၭနံၩလနံၩဎွ့ၩထၪ့ဖိၪၥၪဘၪဆၧကူၭတရံၭနီၪတၭ,ဆၧကိၭဝ့ၫအမံၩ့လၧယ့ၫၡုၬဘဲၫအၥီၫ့ဖျိၬဝဲၩဝ့ၫအၥိၭလၧအလချႃၭအီၪထၪ့ဒံၭဘၪလၧဆၧဒၧၩ့လးအဖၧၩ့နီၪလီၫ.ဆၧလ့ၩၥိၫ့ယ့ၫၡုၬလၧဆၧလုဂံၪ့ဖၧၩ့.ထီးအဝ့ၫၥံၪၥူၫဝၭဆံၫ့ဆၧအမုနံၩလဖၪလၧၫ့ထၪ့…