RVA PWO KAREN

၀၁. ဖီၫစိၭကပၩ့ – စွယ်တော်ပန်း ၀၂ႉ ဖီၫဆဲၩထီၫ့ – ခိုင်ရွှေဝါပန်း ၀၃. ဖီၫစူၪမု – သနပ်ခါးပန်း ၀၄ႉ တၨၭဖီၫ – တိုက်ပန်း ၀၅ႉ ဖီၫမုဂၪ – မဉ္စူပန်း ၀၆. ဖီၫနွ့ၫထၧၫ့ – စပယ်ကြီးပန်း

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ  Lorenzo Ruiz    အဂဲးအကၠီၩ့နီၪလီၫႉ ၦဆံၫ့ဎံၪ Lorenzo  ယီၩ အီၪဖျဲၪလၧ ခး Philipine  လၧ ဝံး Manilar နီၪလီၫႉ အဝ့ၫအဂံၪ့ဒီၪ့နီၪ အီၪလၧ ကၠဲၭလူၬကၠဲၭထၫနီၪလီၫႉ   ၦဆံၫ့ဎံၪ  Lorenzo ယီၩ လ့ၩနူၭလၩ့လၧ Dominican ဆၧဆံၫ့ဖျ့ၪ ဖဲၫဆံၫ့ဎံၪ အဖုၫဖၧၩ့နီၪလီၫႉ လယံၬလမီးဘၪ  ထၪ့ၡါဂီၩ့ အဖိၪန့(၃) ဂၩနီၪလီၫႉ လါနၫ့ နံၪ့…

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ႇ ၦဖျိၩ့ထၧၫ့ဆၨၩယၫအဂး (ဒီကလုၫခရၧၫ့)  အဆၧကျ့ၭစၨၭအကၠီၩ့ ၦဖျိၩ့ဆၨၩန့ထးဘၪ ဆၧန့ၥၪအၪမံၩ့အကျၩ ၦဖျိၩ့ဆၨၩအဆၧၥၭအွံၪဆ့ မွဲပၫဝ့ၫဒၪ ကမံၩ့အဖၧၩ့လီၫႉ ဒီကလုၫခရၧၫ့ ခိၪနါဒိၪ ၥရၫစၫ့ဘီၫလဂၩ အဆၧကျ့ၭစၨၭဎိၭဒီၪအကၠီၩ့ ၦဖျိၩ့ဆၨၩဆၧၥၭအွံၪယီၩ ဂဲၫအီၪထၪ့ဝ့ၫဒၪလီၫႉ ဆၧၥၭအွံၪယီၩ ဘၪဆၧၥံၫကျံၩဝ့ၫလၧ ၦဖျိၩ့နံၪ့ထၪ့ၥၫ့အထီမွဲဂ့ၩႇ ၦဖျိၩ့အဘိၪ့လဖၪအထီမွဲဂ့ၩ ဒဲ ဆၧထံၪလၩ့ဒီၪလၩ့လၧ အဘၪထွ့ၫဖျိၩ့ဆၨၩဆၬ အဆၧထံၪလၩ့ဒီၪလၩ့လဖၪအဖၧၩ့နီၪလီၫႉ ဆၧၥၭအွံၪယီၩအဖျိၪ့နီၪ မွဲၥရၫစၫ့ဘီၫကွ့ၭတၭ ၦလၧအကွ့ၭဆၧၥၭအွံၪအယွ့နီၪဘိၭ မွဲ ၦဒိၪစီၩၥၪအ့ၩကၠံၩနီၪလီၫႉ ကဲ အခီၫပယီၫ လၧၫ့ဎွ့ၩဝ့ၫဒၪ ၦဖျိၩ့ဆၨၩဆၧၥၭအွံၪယီၩ ပကခိၭနၪယိ ကၠၧၫ့ကၠၧၫ့နးဘျၩ့နဲၪႉ ထၧၫ့ဖုဝဲမုၪခွၫၥံၪဧ့ႇ အ့ၪပဝါကီၪ့ယိထဲၩ့ ဆၧၥၭအွံၪယီၩနီၪ ပကဒၪဘၪ ၦဖျိၩ့ဆၨၩအဆၧအီၪက့ၪဎိၩဒိၪဝ့ၫနီၪ မွဲလဘၪထွ့ၫဘၪလၧ…

ဆၧမုၬလၩၥၭဎွံၪနီၪ ဆၧကဲၪဒိၪကဲၪမုဧၪႉ အ့ၪလမွဲဘၪဘိၭ ၦၡၩအဲၪပၧၩအၪမၬလ့ၬအီၪ ကဂၩဂၩနီၪဧၪႉ အ့ၪလမွဲဘၪဘိၭ ပၥၭဆံၭဆံၭဆိၭဆိၭအဖၧၩ့ ပမၩန့ဆၧမၩနၧၩ့ခၫ့ဖျီၪ့နီၪဧၪႉ အ့ၪလမွဲဘၪဘိၭ ကနံၩနံၩပလီၩ့ဎွါထီးန့အၪမၬနီၪဧၪႉ ဘၪထွ့ၫလၧ ဆၧမုၬလၩၥၭဎွံၪနီၪ မန့လဲၪအဂဲး ယလီၩ့အၪ့ဎၬထၪ့ကကၠၪနီၪ ယဖီဘၪ လၧ ပျော်ချင်ယောင်မဆောင်နဲ့ လံၬထုဖၧၩ့  ထံၪခးကခး အဆၧမုၬလၩၥၭဎွံၪနီၪ World Happiness report ခရၧၫ့ဖိၪၥံၪယီၩ ထိၪတွၭဝ့ၫဒၪလၧ ထံၪခးအနီၪ အကၠီၪ့အဖျီၩ့လီၫ စွါဘဲၫႉ Happiness is a Basic Human Right  ဆၧမုၬလၩၥၭဎွံၪနီၪ မွဲဝ့ၫလၧ အ ခြေခံလူ့အခွင့်အရေး(ၡၩအထးဂ့ၩထီးဘၪ အခၪ့ထံၭခၪ့ဎၧၩ့)လီၫစွါဘဲၫ. အဝ့ၫၥံၪ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪ မွဲဝ့ၫဒၪ ဎရံၬဖိၪၥံၪကိၭဂၩနီၪ ပကဘၪကဲၪ ဆိၬၥၫထနၫ ဎရံၬဖိၪလဖၪ အဂဲးအကၠီၩ့နီၪလီၫႉ ပဘၪမၩဆၧဖံၭဆၧမၩကိၭမံၩ့ႇ ပဘၪမၩ ပတၩလၫ့ကိၭမံၩ့ႇ ပဘၪ ဒၪဆၧၫ့ယၫလၧ ၦကိၭဂၩ ပကမၩဆၧအယီၩ ဂ့ၩဂ့ၩဘၪဘၪ ကန့အဂး ပကဘၪဒိၭန့ ၥၭမုဆံၫ့ဎံၪ ကဲၪခိၪကဲၪနါပၧၩနီၪလီၫႉ ဆၧနီၪအကၠီၩ့ႇ ပကန့ထၪ့ဘၪ ၥၭမုဆံၫ့ဎံၪ ကဲၪခိၪကဲၪနါပၧၩအဂး ပၥၭခံဖၧၩ့ ပကဘၪ ဝဲထၪ့ထၬဖၧၩ့ၥၭနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပမၩဆၧဖံၭဆၧမၩလၧ ကဆါဎြံၬ ဘၪဒၪဆၧၫ့ယၫ ဒဲ ကဲၪခိၪကဲၪနါပၧၩစွါဘဲၫ ဆၧအယီၩနီၪ မွဲပမၩဆၧမၩလၧ ကဆါဎြံၬနီၪအကၠီၩ့…

မုကနံၩယီၩယမိအဲၪဒိၭလီၩလၩ့န့အ့ၪဘၪနၥံၪဆၧအဂဲးနီၪမွဲဝ့ၫဒၪလၧ ဖိၪလဖၪ ကဘၪၥ့ၪယၫထၪ့မိဖါခိးတၩအဂဲးနီၪလီၫႉ ၦကဲၪဖိၪလဖၪကိၭဂၩဒံၭ မွဲပကအၪ့န့အခံၫ့ဂီၩ့ ပကအၪ့ဎၬဆီၫ့မီၪ့လၩ့ထဲၩ့ပၥၭ ယဝ့ၫဒၪယီၩယမွဲဝ့ၫ ၦလၧအၥ့ၪယၫမိဖါခိးတၩကဂၩဧၪ ယမိယဖါအဂး ယမၩအ့ၪမန့လၪန့ဝ့ၫဒၪယူၭလဲၪ ၦခိၭနၪဆၧဖိၪၦလၧအကဲၪဝ့ၫဒၪဖိၪၥံၪဧ့ ယၩဝ့ၫစၭထၪ့လၧယဖိၪၥၪဆံၭအီၩထီၩ့မုဆၫကနံၩယီၩယမိယဖါအဖၫ့ခိၪ ယဖ့ၪလၫ့ဆၧၫ့ထဲၩ့ အခိးအတၩဎိၩဎိၩဒိၪဒိၪန့ကမံၩ့ယူၭဧၪႉ ပမိပဖါအၥၭမုၬအီၪပအီၪ့ကံၪထၬအဝ့ၫၥံၪ ဂံၩဂံၩ ဘၪဘၪန့ယူၭဧၪပကဘၪအၪ့ဎၬထၪ့ထဲၩ့နီၪလီၫႉ မိဖါၥံၪအီၪက့ၪထၬပၧၩဆၧမၩလိၪဒဲပၥီၪ့လိၪပၥၭဆၧမၩလိၪအထီပကၥီၪ့လိၪလံၬဂ့ၩဂ့ၩဘၪဘၪ ပကကျ့ၭစၨၭဖီလံၬ ပကလီၩ့ဎွါအၪ့ဎၬဆၧၥ့ၪယၫနၪၥ့ၪအဂ့ၩလဖၪစွါဘဲၫဆၧလဖၪယီၩ ပမိပဖါအဂးကကဲၪထၪ့ဆၧမံၫ့ၥုၪ့မံၫ့ၥၭဒဲကမီၪ့ဎီၩ့ဝ့ၫဘဲၫပဖ့ၪလၫ့ဆၧၫ့ထဲၩ့မိဖါအခိးအတၩလီၫမွဲအ့ၬဧၪႉ ဆၧနီၪအကၠီၩ့ ပဘၪမၩလိၪ ဆၧမၩလိၪအခံၪ့နီၪ ပကဘၪကျ့ၭစၨၭနီၪလီၫႉ ဆၧမၩလိၪလကၭဒံၭဘၪ ဆၧဖံၭဆၧမၩလဖၪထိးအလူၬနီၪလကဘၪကျ့ၭစၨၭမၩနီၪလီၫႉ ပကဲၪဖိၪလဖၪနီၪ ပနါလီၩ့မၭ ပမိပဖါအၥၭကဎွံၫလီၫႉ အ့ၪပနါကဲၪ့စွါဘဲၫပမိပဖါအၥၭကဘၪၡၪ့နီၪလီၫႉ အ့ၪပမိပဖါအၥၭဘၪၡၪ့စွါဘဲၫ ပကဲၪဖိၪလဖၪနီၪ ပကဒၪခိၩ့ဘၪလၧ ဆၧၡၪ့ဆၧနါလီၫႉ ပမၩၡၪ့ပမိပဖါအၥၭစွါဘဲၫ မီၩ့ဎီၩ့ဒၪပလၥ့ၪယၫ ဘၪမိဖါအခိးအတၩနီၪလီၫႉ

ဒဲၪ အဒဲၪမုၪ အ့ၪဘၪကွ့ၭတၭ ကဲၪ့ဆံၭ (-ၪ) ထီးန့ထၬ ကဲၪ့လၩ့ဒဲၪ အလူလအီၪ ကွ့ၭဆၧၥ့ၪယၫယီၫႉ ၁ႉ ဒဲၪ – ချွေးမ

ၥံၪ့ကျိၭလဖၪ အခိးအတၩဎိၩဒိၪဝ့ၫဒၪဎွ့ပၥ့ၪလဲၪနီၪ ပကအၪ့ဎၬထၪ့ထဲၩ့နးထံၪနဲၪႉ အီၪလၧဝံးဖၭဒိၪ တၨၭၥံၪ ဂံၪ့ၥံၪ စၭထၪ့လၧ ဆၧၥုၪ့ဆၧဒီၩ့ဖၭဒိၪလဖၪ ထီးထီၩ့ တဝၫ့အိၩ ကၠၩ့ဖိၪအထီ ကဖီၩ့လၧ စဲၪ့ထၪ့လၧၥံၪ့ကျိၭဖၧၩ့မွဲဝ့ၫ ၥံၪ့ၥံၪ ဝၪၥံၪ လပၫဘၪ မွဲလဂီၩ့ဘၪလီၫႉ ၦၡၩၥံၪ အၪ့အီၩ့ၥိၩ့ထၪ့ဝ့ၫဒၪ ဆၧအၪ့ဆၧအီၩ့လဖၪမွဲဂ့ၩ ၥံၪ့ဎွံၪဖၭဆၧၩ့ လဖၪမွဲဂ့ၩႇ ၥံၪ့ၥၪႇ ၥံၪ့ထံႇ ၥံၪ့လၪ ၥံၪ့ဝံၥံၪလဖၪနီၪ မွဲအရ့ၩဒိၪတၡါလီၫႉ အထီဘဲၫယီၩ ၦၥိၩ့ထၪ့အၪဝ့ၫဒၪ ဆၧဖိၭလိၬထၪ့ပလၭစတ့ၭ ၥိၩ့ထၪ့ဝ့ၫဒၪ ဆဲလျူလို့ နီၪ မွဲအီၪဂဲၫဝ့ၫဒၪလၧ ၥံၪ့ကျိၭနီၪလီၫႉ ဆၧဆၧးဎံၫဆၧလၩ အနိၪ့ကဆံၭကခ့ၭနးဆ့ မွဲဆုးကျိၭအၥၭလၧၥံၪ့ကျိၭဆ့နီၪလီၫႉ လၧခးပယၩ့ယီၩ ဆၧးဎံၫဆၧးလၩကမံၩ့မွဲဝ့ၫ…

ထၧၫ့ဖုဝဲထံၩၥိၭ ၦလၧအဲၪဒိၭခိၭနၪၦဖျိၩ့ၡါဖိၪၥံၪဧ့ အီၪဆီၪ့အီၪချဲၪ့ ကိၭဂၩဒ့ၭလါဆံၭနဲၪႉ မုကနွ့ၫယီၩ ၦဖျိၩ့ၡါဖိၪအနိၪ့ ယမိဆုးအဲၪဒိၭလီၩအ့ၪဘၪနၥံၪ နးမံၩ့ဖီၫဝီၩလဂၩ ဒၪဎီၩ့ထဲၩ့လိၬၥၭလၧအဖိၪခွၫယူၭနီၪလီၫႉ နးမံၩ့ဖီၫဝီၩအဝၩၥၭဘီၩ့ဒဲ အဖိၪခွၫနီၪ လ့ၩလၧအမိမိအီၪ ဖံၫၥၭၡါအဂံၪ့နီၪဂီၩ့ လ့ၩယိ အဖိၪခွၫဒဲ အထံၩၥိၭၥံၪကွ့ၩၥဲၪ နီၪလီၫႉလၧခဲၫ စဎွၩဖိၪနီၪ ၥ့ၪယၫဝ့ၫအမၫအီၪလၧ ဖံၫၥၭၡါအဂံၪ့နီၪတၭ လ့ၩထၪ့လီၩ့ဎွါဝ့ၫ ဒၪအမၫၥၭဘီၩ့လၧ ဂံၪ့ဖၧၩ့နီၪလီၫႉလၧခဲၫ့ စဎွၩဖိၪယီၩ ထဲၩ့ကိၭန့ထဲၩ့အမၫၥၭဘီၩ့လၧ နီးဖၧၩ့ဒဲ ဖံၫၥၭၡါနီၪဆ့ မွဲထဲၩ့ကိၭန့ထဲးဝ့ၫလၧ နီးဖၧၩ့ဆ့နီၪလီၫႉ စဎွၩဖိၪနီၪ ထဲၩ့ထီၩ့လၧအနီးဖၧၩ့အခၫ အၪ့န့ဎ့ၬနံၫဘံၪ့ဂီၩ့ ကဘံၪ့နီၪ မွဲယိၩယိၩဎ့ၬဖိၪဒဲ ကဘံၪ့နီၪမွဲ ထီဝီၩဎ့ၬနီၪလီၫႉ အဎ့ၬယိၩယိၩဖိၪနီၪ ဖ့ၪလၫ့အ့ၪအမၫၥၭဘီၩ့ဂီၩ့ ထီးဎ့ၬကဘံၪ့နီၪ ဖ့ၪလၫ့အ့ၪ…