RVA PWO KAREN

RVA PWO KAREN

  • Joined: August 15, 2024
  • Articles: 1344

Synodal အဖုၫၥံၪလဖၪ  ကဘၪကဲၪ ၦလၧဆၧမွဲဆၧတီၩအီၪ ၥၫထနၫဖိၪၥံၪနီၪအကၠီၩ့ ၥၫ့ဎွၩ Leo XIV ပဂၧၫ့ထၪ့ထၬဆၧအဂဲး

ပအီၪၥၭမၧၫ့ဂၪ့ခိၪနီၪ ဆၧဘၪထံၭဘၪဆၫအီၪအၪမၬဒ့ၭအကၠီၩ့နီၪ ဆၧၡူၪဆၧမုၬဒဲ ဆၧယံၩၡီၩ့ကန့ထၪ့ထဲၩ့အဂး အရ့ၩဎိၩထုၬနီၪ ပကဘၪအီၪလၧ ကဆါဎြံၬဘူၭထဲၭနီၪလီၫႉ ပကမၩၥၫထနၫဆၧမၩအဂး ၥၫထနၫဖိၪၥံၪနီၪ အၥၭနီၩ့အၥၫ့ကဘၪအီၪအဂး ၥၫ့ဎွၩ Leo XIV အၪ့က့ၩထၪ့ဝ့ၫလၧ Synodal ဆၧအီၪကီၪ့ ခိၪနါၥံၪအီၪနီၪလီၫႉ Africa ဆၧအီၪကီၪ့ဖိၪၥံၪနီၪ မၩၥၫထနၫဆၧမၩလၧ ၥုၪ့ဎွံၪၥၭယီၫအကၠီၩ့ အၪ့အူၭဝ့ၫဂီၩ့ အဝ့ၫၥံၪကဘၪ မၩအုၩ့လၫ့ထီၫလၫ့ထဲၩ့ ဆၧယံၩၡီၩ့ဒဲ ဆၧၡူၪဆၧမုၬအဂး ၥၫ့ဎွၩ Leo XIV ပဂၧၫ့ထၪ့ထဲၩ့ Africa ဆၧအီၪကီၪ့ဖိၪၥံၪနီၪလီၫႉ Oceania အဂး ၥၫ့ဎွၩ Leo XIV အၪ့န့ ၥၫ့ဎွၩ ဖရၫ့စ့ၭ…

ဆၧလီၩလၩ့လၧခိၪလီၩ့ခိၪ — (စမၭၥုၫ (၅:၁-၁၂)

ဒၪဘၪဝ့ၫလၧၦခမျၧးနီၪ, အဝ့ၫဒၪလ့ၩထၪ့ဝ့ၫလၧ ခိၪလီၩ့လဖျိၪ့အလီၩ့ဆၧၫ့နၩ့ဝ့ၫဂီၩ့တၭ, အထံၩအဖျဲၥံၪဂဲၫလၧအအီၪလီၫ. အဝ့ၫဒၪအၩ့ထၪ့အနိၭတၭ, ၥီၪ့ထဲၩ့ၥၫ့ထဲၩ့အဝ့ၫၥံၪ, စံၭဝ့ၫဒၪ, ၦၥၭၡၪ့လဖၪနီၪအီၪမုၬဝ့ၫဒၪ အဂဲးဘဲၫယီၩမူၭခိၪ အဘၩ့အမုး မွဲအဝ့ၫၥံၪအဆၧလီၫ. ၦၥုၪ့ခါၥၭလၩ့လဖၪနီၪ အီၪမုၬဝ့ၫဒၪ အဂဲးဘဲၫယီၩ အဝ့ၫၥံၪမိဘၪ ဆၧမၩမုၬမၩၡုၪဝ့ၫလီၫ. ၦၥၭဆၧၩ့လဖၪနီၪ အီၪမုၬဝ့ၫဒၪ အဂဲးဘဲၫယီၩ အဝ့ၫၥံၪမိန့ၥၫထံၫၥံၪခးၥံၪလီၫ. ၦၥၭဝံအၥၭဒဲၥူၫအီၩအၥၭလၧ ဆၧတီၩဆၧလီၩ့လဖၪနီၪ အီၪမုၬဝ့ၫဒၪ အဂဲးဘဲၫယီၩအဝ့ၫၥံၪ မိဘျဲၩအၪ့ဘျဲၩအီၩဝ့ၫလီၫ. ၦယၫ့ၥုၪ့ယၫ့ၥၭဆၧလဖၪနီၪအီၪမုၬဝ့ၫဒၪ အဂဲးဘဲၫယီၩ အဝ့ၫၥံၪမိဘၪ ဆၧယၫ့ၥုၪ့ယၫ့ၥၭဝ့ၫလီၫ. ၦၥၭဆံၫ့ဎံၪလဖၪနီၪ အီၪမုၬဝ့ၫဒၪ အဂဲးဘဲၫယီၩ အဝ့ၫၥံၪ မိဒၪဘၪယွၩလီၫ. ၦမၩဘၪလိၬထဲၩ့ဆၧလဖၪနီၪ အီၪမုၬဝ့ၫဒၪ အဂဲးဘဲၫယီၩအဝ့ၫၥံၪ မိဘၪဆၧကိၭဝ့ၫလၧယွၩအဖိၪခွၫၥံၪလီၫ. ၦဘၪဆၧမၩအၧၩ့မၩနၭဝ့ၫ လၧဆၧတီၩဆၧလီၩ့…

ၦအထၪ့ဆၧမၩလိၪလၧ ပြည့်စုံချမ်းသာဆၧဆီၪ့ဆၧချဲၫ့ၥဖၠး အဂၩ၂၀နီၪ ၥဖၠးဂီၩ့ခွံၬဝ့ၫဒၪအဂဲး

ၥၭဘၪ့ အၥၭဆုးလီၩ့အၥၭလၧ ၥံၪ့ဎွံၪဖၭစၧၩ့အဂဲးလဖၪႇ ဆၧဆီၪ့ဆၧချဲၫ့အဆၧဖံၭဆၧမၩဖၧၩ့လဖၪနီၪ ထၪ့ကၠၭဆၧမၩလိၪယီၩနီၪလီၫႉ အဝ့ၫၥံၪယီၩထၪ့ ၁ဖၠးဂီၩ့ကကၠၪ လီၩ့မၩဆၧမၩလၧ ဆၧအၪ့ဆၫ ၥံၪ့ဎွံၪဖၭစၧၩ့ဒူၭလဖၪအဖၧၩ့ဒဲ လီၩ့မၩဆၧမၩလၧ ဆၧဆၫဒူၭလဖၪအဖၧၩ့န့ဂီၩ့ လီၩ့ဎွါကျိၪစ့ၩန့ဝ့ၫဒၪနီၪလီၫႉ

ကၫဒံၫနဲၫ ချားလ်စ်မောင်ဘို ၇၇နံၪ့ အီၪဖျဲၪမုနံၩ

နံၪ့၂၀၂၅နံၪ့ လၩအီတိၫဘၧၫ ၂၉ၥၫ့ လဂၫလၩ့ ၅နၩရံၫအခံၫ့နီၪ ကၫဒံၫနဲၫအၥၭထၪ့ဘၭ ၇၇နံၪ့ အီၪဖျဲၪမုနံၩ မံဆၩဆၧလုထၪ့အီၪဝ့ၫဒၪလၧ ဝံးတခိၩ့ စံၫ့မ့ၫရံၫ ကၥံၫဒြဲၫ ၥရိၬဖၧၩ့နီၪလီၫႉ လၧမံဆၩဆၧလုထၪ့နီၪအဖၧၩ့ ဘၫတံၫကၫ့အၥီၫ့ မွန်ဆီညှော် အန်ဒရီးယား ဖယ်ရန်တေ၊ ဝံးတ ခိၩ့ဆၧအီၪကီၪ့ ၥၫ့ခိၪဒိၪ Bp.စောနောဧ, Bp.ရေမွန် ဝေလင်းထွန်းႇ ပြည်ဆၧအီၪကီၪ့ ၥၫ့ခိၪဒိၪ Bp.ပီတာတင်ဝေ ဒဲ ၥၫ့မုၥၫ့ခၫလဖၪ ဂဲၫထၪ့ဖ့ၪဂဲးဖ့ၪဘၭဝ့ၫလီၫႉ မွန်ဆီညှော် စောဖရန်စစ်နီၪ စံၭဝ့ၫဒၪ “အခံၫ့ယံၭယံၭအဖၧၩ့ ကၫဒံၫနဲၫဂဲၫထဲၩ့ ဖ့ၪဆၧၫ့လၩ့ၥၭ လၧမိဆၧအီၪကီၪ့အဂးယီၩနီၪ မွဲလၧဆၧဆူနဲၩ အခိးအတၩကမံၩ့အဂဲးနီၪလီၫႉ” လကၭဘၪ…

ၦဆံၫ့ဎံၪ Alphonsus Rodriguiz  အဂဲး 

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩနီၪမွဲဝ့ၫဒၪ  လၩအီၭတိၫဘၧၫ (၃၁) ၥၫ့ၦဆံၫ့ဎံၪ Alphonsus Rodriguiz အဘိၪ့မုနံၩနီၪလီၫႉ ဆၧနီၪအကၠီၩ့ မုကနံၩယီၩ နၥံၪကထီးန့ထၬဘၪ ၦဆံၫ့ဎံၪ Alphonsus အဂဲးအကၠီၩ့ကန့အဂး ယကရၩလၩ့န့အ့ၪဘၪနၥံၪနီၪလီၫႉ ၦဆံၫ့ဎံၪ Alphonsus ယီၩ မၩၦအၪ့ဆၫၥိၪဆီၪ့ အဆၧမၩဂီၩ့ လၧခဲၫ့နီၪကဲၪထၪ့ Jesuit ခရၧၫ့ၥၫ့ခၫကပၩနီၪလီၫႉ ၦဆံၫ့ဎံၪ Alphonsus ယီၩ အီၪလၧယွၩလူၬယွၩထၫအၪမၬဒ့ၭ လကၭဒ့ၭဘၪ အီၪလၧဆၧဆၫ့လၩ့ၥၭအၪမၬဒ့ၭအကၠီၩ့နီၪ ဘၪထွ့ၫလၧနးၥၭနီၪ ၦဘၪအၪ့န့ ဆၧမၩလိၪလၧ အဝ့ၫအီၪ ကိဂၩနီၪလီၫႉ   ဆၧနီၪအကၠီၩ့…

ခးပယၩ့ၥၫ့ခိၪဒိၪလဖၪ ထုၬထၪ့လံၬဘၪထွ့ၫလၧ ၦဘၪကၪဘၪဂဲၩဖိၪလဖၪအဂး

နံၪ့၂၀၂၅နံၪ့ လၩအီတိၫဘၧၫ ၂၉ၥၫ့နီၪ ခးပယၩ့ၥၫ့ခိၪဒိၪလဖၪ ထုၬထၪ့လံၬ ဘၪထွ့ၫလၧ ခးပယၩ့ဖိၪ ၦဘၪကၪဘၪဂဲၩလဖၪအဂး ဆၧယၫ့ၥုၪ့ယၫ့ၥၭဒဲ ဆၧယိလါအဂဲးနီၪလီၫႉ အဲၪကွံၩယူၭယၪ့ဘၪ ခးပယၩ့ဖိၪ အီၪလၧထံၫခးဖၧၩ့ဒဲ ထံၫယဲၩ့ခးယဲၩ့လဖၪၥံၪဧ့ လၧ ဆၧနိၫ့ ဆၧနၭဆၧၡၪ့ဆၧယၬ အီၪဝ့ၫဒၪအၪမၬ အခံၫ့ယီၩ ပနးခီၫ့ယီၩပအီၪလၧနၥံၪအကျၩ လန့ဘၪလါနၫ့ ပၥၭယီၩနီၪအီၪလၧနၥံၪကဖျိၪ့ဎးနီၪလီၫႉ ခးပယၩ့ ထၧၫ့ဘံၪ့ယၫ ၦခမျၧးလဖၪ ဘၪဒၪဆၧၫ့ယၫလၧ ဆၧဒုၭဆၧခၭႇ ဒဲ ဂၪ့ခိၪဆၧလၩ့အၪ့ယိၫ ဆၧနိၫ့ဆၧနၭဖၭဒိၪလဖၪနီၪလီၫႉ မွဲလၧဆၧလဖၪယီၩအကၠီၩ့ ထံၫခးခီၫ့ၡၩလၩ့ဆ့ၭလၩ့ယွၩဂီၩ့ ၡၩခမျၧးလဖၪဆ့ အၥုၪ့ၥၭကဲၩ့ဖၭ ကၠၭလိၬၥၭနီၪလီၫႉ ပဝ့ၫၥံၪအဂး မုနံၩလဖၪနီၪ ဎၧၫ့ဝ့ၫဒၪ ဒဲ မုနၩလဖၪနီၪ…

ၥၫ့ဎွၩလ့ၫအိၫ၁၄ဂၩလဂၩဒၪခီၩ့လိၬၥၭလၧ Lebanon ခၩ့ဒိၪခိၪ နီၪလီၫ

လၩအိၭတိၫဘၧၫ (၂၅) ၥၫ့ဒၪအိၩ ၥၫ့ဎွၩလ့ၫအိၫ ၁၄ ဂၩလဂၩ  ထုၬဆၧၫ့ချဲၩ့ဒၧၫ့ Lebanon ဝန်ကြီးချုပ် Nawaf Salam လၧ Vatican နီၪလီၫႉ လယံၬလမီးဘၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧလ့ၩဆၧထဲၩ့ ကအီၪလၧ Lebanon အကၠီၩ့နီၪ ကၩ့ကၩဎိၭလၩ့ချဲၩ့ဒၧၫ့လိၭၥၭနီၪလီၫႉ Lebanon ခးဖိၪၥံၪ ဆၧၡူၪဆၧမုၬကန့ထၪ့ထဲၩ့အဂး အဝ့ၫၥံၪမၩ အဆၧဖံၭဆၧမၩအဂဲးအဖးအီၪအကၠီၩ့နီၪ ကၩ့ကၩဎိၬလၩ့ဝ့ၫကၠၧၫ့ကၠၧၫ့နီၪလီၫႉ

ခး Iraq အဂး ၦၡၩရွံထၪ့ ၥၫ့ဎွၩဒိၪ အၥီၫ့ ၥၫ့ခိၪဒိၪအၥၫ့အဂဲး

လၩအီၭတိၫဘၧၫ ၂၆ ၥၫ့ဒၪအိၩ ၥၫ့ခၫ Mirostaw Stanistaw Wachowski နီၪၦၡၩရွံထၪ့ ၥၫ့ဎွၩဒိၪ အၥီၫ့ ၥၫ့ခိၪဒိၪအၥၫ့နီၪလီၫႉ ၥၫ့ခိၪဒိၪအၥၫ့ ဆၧထိထၧၫ့နီၪ မွဲဝ့ၫဒၪ ‘Gloria Deo Pax Hominibus’ နီၪလီၫႉ ၥၫ့ခိၪဒိၪအၥၫ့ Mirostaw Stanistaw Wachowski လီၩထၬဆၧချဲၩ့အရ့ၩဎိၩထုၬ ကမံၩ့နီၪ ဆၧလၩ့ဆၫ့နီၪ ၥၫ့ခိၪဒိၪထီးလူၬအဂး မွဲဝ့ၫပၩရမံၫအဆၫ့လၧၫ့ထုၬနီၪလီၫႉ အဘိၫယီၩၦလၧကဲၪထၪ့ ၥၫ့ခိၪဒိၪအၥၫ့နီၪ နံၪ့ (၁၉၇၀)နံၪ့ အီၪဖျဲၪလၧ ခး Poland ဂီၩ့ နံၪ့ (၁၉၉၆) နီၪ ကဲၪထၪ့ၥၫ့ခၫနီၪလီၫႉ…

ယ့ၫၡုၬမၩဘျၪထဲၩ့ၦအဆၫလဂၩ. (စလုကၭ (၁၄:၁-၆)

ဆၧမၩအၥၭလၧမးၥံၫအနံၩ, ထီးအလ့ၩအၪ့ဆၧ လၧၦဖၫရစံၫအခိၪလဂၩ အဂံၪ့ဖၧၩ့တၭ, ၦလဖၪနီၪ ယိၥူၪအဝ့ၫလီၫ.- ယိခွါ, ၦဆၫယိၭထံၫလဂၩ အီၪ လၧအမ့ၬယၫလီၫ.- ယ့ၫၡုၬချဲၩ့ဆၧၫ့ဆၧတၭ, စံၭၦၥ့ၪ လံၬ,ဒဲၦဖၫရစံၫၥံၪ, စံၭဝ့ၫ, ဆၧလၧမးၥံၫအနံၩနီၪမၩ ဘျၪထဲၩ့ဆၧဆၫဘၪမိဂ့ၩဧၪ. လဂ့ၩဘၪဧၪ. တၭအဝ့ၫၥံၪအီၪလၩ့မါပံၭလီၫ.- အဝ့ၫဒၪမၩန့ၦဆၫနီၪ, မၩဘျၪထဲၩ့ဝ့ၫတၭ, ကွဲၪဖျါထဲၩ့အဝ့ၫလီၫ.- ချဲၩ့ဆၧၫ့အဝ့ၫၥံၪတၭ, စံၭဝ့ၫ, ၦလၧနၥံၪအကျၩအကၥ့ၪယီၩ့မွဲဂ့ၩ, အချီမွဲဂ့ၩ,အ့ၪလၩ့ထ့ၬလၧဆၧဖၧၩ့လၧမးၥံၫcအနံၩ, နီၪ,လထုၭထၪ့ထဲၩ့ဘၪဝ့ၫ ချဲၫ့မၬတၭ, မွဲပလၫလဂၩလဲၪ.- အဝ့ၫၥံၪချဲၩ့ဆၧၫ့ဝ့ၫလၧဆၧနီၪအဂဲးၥ့ၪအ့ၬ.

ကယဲနကမၩဆၧနးမံၩ့ ကဆါယွၩဒၪနၧၩလီၫ

စၡၪဖၩ့ယီၩ အဲၪဒိၭဆၧမုၬလၩလဖၪ အၪမၬဒ့ၭလီၫႉ အဝ့ၫယီၩ ကနံၩနံၩမုၬလၩလၧ ပၫတံၫဒဲလီၩ့ ကွ့ၭဆၧလီးဆၧထၩဆၧၥံၪနီၪဂီၩ့ လၩ့လၧဆၧဖံၭဆၧမၩခီၫ ယိဖၭခွံၬထၬဝ့ၫနီၪလီၫႉ အဝ့ၫအထံၩၥိၭလဖၪ နီၪဆ့ အီၪကၠၧၩ့ၦအလီၩ့ဆၧမုၬဆၧလၩလဖၪနီၪလီၫႉ အထံၩၥိၭလဖၪနီၪ စံၭအဝ့ၫ နၥၭအီၪဆံၭခိၬဖိၪဒံၭ လီၫႉ နကဲၪၥၭဘၪ့မွဲအ့ၬဧၪ နဘၪမုၬလၩအီၪနီၪ မုၬလၩနးထံၪလီၫႉ နဘၪလီၩ့ၥၭခိဆၧနးမံၩ့အ့ၬႉ ပမုၬလၩ ကန့ ပကဲၪၥၭဘၪ့အခံၫ့ယီၩလီၫႉ ဘဲၫနီၪလီၫႉ ကနံၩတၭ အဝ့ၫယီၩ အၪ့ဎၬလၩ့ထဲၩ့ၥၭအခံၫ့ ဒၪလၩ့အၥၭ အထီလၧယၫအဂး မၩထၬဆၧနးမံၩ့ဒံၭ အ့ၬႉ အထီးလဖၪဒဲ အဝ့ၫအခံၫ့လဖၪနီၪ မၩလူၬဂီၩ့လူၬစၪခွံၬဝ့ၫလၧ ဆၧမုၬဆၧလၩႇ ဆၧကွ့ၩထၩဆၧလဖၪ အီၪအၪလ့ၬယူၭႉ အဂဲးနီၪလီၫႉ ကနံၩတၭအဝ့ၫဒၪလံၬဆံၫ့ဎံၪဂီၩ့ ဝဲလၫ့ဖီယိဝ့ၫကကၠၪ…