RVA PWO KAREN

အမေရိကန်ခးဒိၪအိၫဘၩမၩအမၫ မံၫၡဲၫအိၫဘၩမၩနီၪ  စံၭယံၩယါဝ့ၫဒၪ ဆၧချဲၩ့အီၪ ကမီၪ့ႉ ၦၡၩအမုၪၥံၪ အ့ၪမွဲနၥံၪဘၪထိးအီၪက့ၪထးခွံၬၥၭစွါဘဲၫ လၧဆၧၥုၪ့ဎွံၪၥၭယီၫဖၧၩ့ ဂဲထုၪ့ဒဲၩနၥံၪအစူၪအဂဲး အဝ့ၫယီၩ လီၩယံၩယါဝ့ၫဘဲၫနီၪႉ အနီၪအခၫ ပကအၪ့ဎၬထၪ့ဘဲၫယီၩဘီၪနဲၪ ဆၧပဘၪထိးခွံၬၡိၬထးပၥၭယူၭဘိၭ ပက ဘၪဆၧမုၬပၥၭဒံၭဧၫႉ အ့ၪပကအၪ့ဎၬထံၪထံၪဆၭဆၭစွါဘဲၫ အဝ့ၫလီၩနီၪမွဲအၡါမၪႉ ၦၡၩ လအဲၪလၧၩ့ဘၪပၧၩအကၠီၩ့ အဲၪဘိၩ့ပၧၩ ၦၡၩလအဲၪလၧၩ့ဘၪပၧၩအကၠီၩ့ န့ထဲၩ့လခဲၫ့ကဂၩႉ အနီၪဘိၭ အဝ့ၫယီၩအဲၪပၧၩလၧၩ့အ့ၬအကၠီၩ့ အ့ၪပဘၪ ထိးခွံၬၡိၬထးပၥၭအခၫ ပကဘၪ ဆၧမုၬပၥၭဂ့ၩဘၪစဲၪ့ႉ အၪ့ဎၬယိဘီၪနဲၪ စံၭမၬချၭ အဝ့ၫယီၩ ခွံၬၡိၬခီၫခွံၬၡိၬ ထးပၧၩန့ဧၪအ့ၬ အဲၪဘိၩ့ပၧၩဒံၭစွါဘဲၫ ခွံၬၡိၬပၡၩန့အ့ၬ ခွံၬၡိၬပၧၩန့အ့ၬ  အယီၩမၬကကဲၪထၪ့ ဆၧကၪဖၭဒိၪ မွဲအ့ၬဧၪႉ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ၥၭဘၪ့ဖိၪၥံၪ ကဘၪဒၪဆၧၫ့ယၫ ချဲၩ့ထၪ့ဒၩဆၧအဂဲး အကၠီၩ့နီၪလီၫႉ ပအီၪၥၭမၧၫ့ဂၪ့ခိၪဖၧၩ့ ဆၧလတီလဘၪ အီၪအၪမၬဒ့ၭႇ ဆၧနီၪအကၠီၩ့ ၥၭဘၪ့ဖိၪၥံၪ နၥံၪကဘၪချဲၩ့ထၪ့ဒၩဆၧအဂး ၥၭမဲၪဆၧလဂ့ၩ ဒၪဆၧၫ့ယၫဒူၩဒူၩနီၪလီၫႉ အဲၪကွံၩဘၪၥၭဘၪ့ဖိၪၥံၪ ထီးအလူၬၥံၪဧ့ႇ ဆၧပျီၩဖျ့ၭဒဲ ၥၭဂ့ၩၥၭဘွၩအီၪဂီၩ့ မၩချဲၩ့ထၪ့ဒၩဆၧနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလဂ့ၩဘၪႇ ဆၧလတီၩဘၪ နၥံၪဒၪစွါဘဲၫ ၥၭမဲၪဆၧ နးမံၩ့လဂ့ၩ ဒၪဆၧၫ့ယၫ ထီးအလူၬနီၪလီၫႉ ပအီၪၥၭမၧၫ့ဂၪ့ခိၪဖၧၩ့ ပကအီၪဘၪ ၡူၪၡူၪဘၩဘၩအဂး ၥၭဘၪ့ဖိၪၥံၪ ကဘၪကျ့ၭစၨၭ ချဲၩ့ထၪ့ ဒၪဆၧၫ့ယၫအဂး ၦၥၭၡါၥံၪ ယိလါဆၧနီၪလီၫႉ…

၁. စီၩ့ – ထီး ၂. ခိၪလုၬ – ဉီးထုပ် ၃. ခိၪမိၬ – ခမောက် ၄. ပလူၬဒၩ့ဆၧဆၧၩ့ – မိုးကာအက်ျီ ၅. စူၪဘဲၩ့နၩရံၩ – လက်ပတ်နာရီ ၆. ထိၪ့အွံၪချိၫ့ – ကျောပိုးအိတ်

ဂၪ့ခိၪချိၫ့ယီၩ ခိဆၧၩ့ချံၪ့အၪ့လဲၩ့ထၪ့အၥၭအကၠီၩ့ ဆၧခိဂဲၫဆီၪ့ထၪ့ႇ ဆၧဆၧၩ့အၪႇ ထံၫဎိၩလၩ့ႇ လံၩမုလဖုၬဂဲၫႇ ၡၬလဲႇ ဆၧဆၧၩ့ၡၩ မွဲဝ့ၫနဲၩ့ဎီၩ့ဆၧလၩ့အၪ့ယိၫလဖၪ ဂဲၫကဲၪထၪ့ဝ့ၫနီၪလီၫႉ ပအီၪကၠၭလၧ ဂၪ့ခိၪချိၫ့ယီၩ မွဲဝ့ၫ ၡၩခမျၧးၥံၪႇ ဆၧဖိၪဆၧဎါၥံၪလၧအအီၪ ခီၫၥွံၪခိၪဒဲ ထံၫကျၩလဖၪႇ ၥံၪ့ထံၭလဖၪဒဲ နဲၩ့ဎီၩ့ၥံၪမွဲဂၭဂီၩ့ဂၭစၪၥ့ၪအကၠီၩ့ ဂၪ့ခိၪထံၫခး စဲၩ့ယၫ့ကိၪ့ၥ့ၪၥံၪလဖၪ ဖ့ၪလၫ့ဆၧထုၪ့ၥုၪ့ထုၪ့ၥၭနီၪလီၫႉ ခးပယၩ့ယီၩ ဂၪ့ခိၪထၧၫ့ဘံၪ့ယၫ ထံၫခးလၧ ဘၪဒၪဎီၩ့ဆၧၫ့ယၫ ခိဆၧၩ့ချံၪ့အၪ့လဲၩ့ထၪ့အၥၭဆၧကၪဆၧဂဲၩအဖၧၩ့နီၪ ပခးပယၩ့ယီၩမွဲပၫယူၭနီၪလီၫႉ ခိဆၧၩ့ချံၪ့အၪ့လဲၩ့ထၪ့အၥၭယီၩ ဖျီၪ့ထၪ့ဝ့ၫနံၫထံၪတၭ အဆိၪထုၬကထံၪနီၪမွဲ ဂၪ့ခိၪဆၧအခိ ဂဲၫအၪ့လဲၩ့ထၪ့အၥၭအကၠီၩ့နီၪလီၫႉ ဂၪ့ခိၪဆၧအခိဘၪဂဲၫအၪ့ထၪ့နီၪ မွဲၦၡၩၥံၪလၧအအီၪဂၪ့ခိၪချိၫ့ယီၩ အဆၧအၪ့အီၪႇ ဆၧဖီၪ့ထၪ့ဖံၭထၪ့အကၠီၩ့ ဂၪ့ခိၪချိၫ့ဆၧခိဂဲၫဆီၪ့ထၪ့ စီၩ့ဂဲးလဖၪ ထီၩ့လၧ…

စခးချံၪ့လဂၩ ၦမုၪနၩ့ဖိၪဎံၫလၩယီၩချဲၩ့ကွ့ၩတၭ စံၭဆၧၫ့ထဲၩ့ဝ့ၫ မနီၫလဲၪ မနီၫလဲၪ မီၪ့ဎီၩ့ဝဲခွၫအ့ၬမွဲဧၪ လၧအမ့ၬယၫအိၩ နဒၪယံၫယါယၧၩဧၪႉ ကထုၪ့ဎး ၦမုၪနၩ့ဖိၪနီၪ စံၭဆၧၫ့ထဲၩ့ မကၪထဲမၬလဲၪ ဝဲခွၫဧၪ ခီၫလၧဝဲခွၫစၭထၪ့ဂဲၫအီၪအလးထယီၩအိၩ ဒ့ၩမုၪၥံၪၥ့ၪယၫႉ စခးချံၪ့နးဆ့ နါဂၧၫ့ဘၪၦမုၪယီၩအဆၧချဲၩ့ ကဘၪလီၩ ဆၧၫ့ထဲၩ့ဝ့ၫပၥ့ၪလဲၪ ၥ့ၪယၫဝ့ၫလၧၩ့အ့ၬႉ             ဝဲခွၫ အၥၭနူန့ၭယူၭ ကဲၪယၥၭႉ ဘယီၩဘ့ၩ ဝဲခွၫဧၪ ခီၫလၧဝဲခွၫဂဲၫအီၪလယီၩအိၩ ဖုမုၪၥံၪလ့ၩလၧ ဝဲခွၫအဎုၬဖၧၩ့ ကိၭနံၩဒ့ၭလီၫႉ ဆၧဖိၪဆၧဎါၥံၪလၧအဂဲၫမၩဂၭဂီၩ့ဂၭစၪဝဲခွၫအဎုၭလးလဖၪဆ့ ဖုမုၪၥံၪနၪ့စဲၪ့ခွံၬ အ့ၪကိၭနံၩဒ့ၭလီၫႉ အနီၪ ဝဲခွၫၥ့ၪယၫ အ့ၬ မွဲအ့ၬဧၪႉ ဖုမုၪလီၩဆၧလဖၪယီၩ မီၪ့ဎီၩ့ဝဲခွၫမံၫမးဘၪဆၧလီၫ ဖုမုၪဧ့ႇ…

ပြည်ကၭၥလံၬဆၧအီၪကီၪ့ ၥၫ့ခိၪဒိၪ Alexander ပြုံးချို ကအီၪပွံၩအကၠီၩ့ ၦလၧကထၪ့ ထဲၩ့အဝ့ၫအလးအဂး ၦဘၪထိးရွံထၪ့အၥၭနီၪ မွဲဝ့ၫဒၪလၧ မွန်ဆီညော် ပီတာ တင်ဝေနီၪလီၫႉ ဆၧနီၪအကၠီၩ့ ၥၫ့ခိၪဒိၪ ကာဒီနယ်ချားလ်စ်ဘို ကလ့ၩခိၪလ့ၩနါဂီၩ့ လၧၥၫ့ခိၪဒိၪ Alexander ပြုံးချို ဒဲ ၥၫ့ခိၪဒိၪ John စောယောဟန် ၥံၪအစူၪဖၧၩ့ မွန်ဆီညော် ပီတာတင်ဝေ ယီၩ ကထိးဆၧၫ့ဒိၭန့ထၪ့ ၥၫ့ခိၪဒိၪအလးအလၩနီၪလီၫႉ ကထိးဆၧၫ့ဒိၭန့ ၥၫ့ခိၪဒိၪအလးအလၩ ဘိၪ့မုနံၩနီၪ မွဲဝ့ၫဒၪလၧ လၩဖ့ၫဘြူၫအ့ၫရံၫ ၂၂ၥၫ့ လဂီၩ ၇နၩရံၫခီၫ အခံၫ့ဒဲ ကမၩဝ့ၫဒၪအလးနီၪ မွဲလၧ…

ဒုၪ့ထံၭအၥၪႇ ဒုၪ့ထၪ့ၥၧၫ့ႇ ဒုၪ့ထံၫႇ ဒုၪ့ထၬႇ အၪ့န့ဒုၪ့ႉ ဒုၪ့အီၩႇ ချဲၩ့ဒုၪ့ႇ ဒဲမၩဒုၪ့ႉ ဒုၪ့ဘၪကွ့ၩအလးအီၪထၪ့ႇ ကဲၪ့ပ့ၫငၭၥံၪ (-ၪ့) လၥၭနၪ့ႉ ဒုၪ့ထံၭ – မအူပင် ဒုၪ့ထၪ့ၥၧၫ့ – ဟင်းခပ်သည်။ ဒုၪ့ထံၫ – ရေခပ်သည်။

ပကဲၪၦၡၩနီၪ ပအီၪယဲၩ့လၧ ထံၪလန့ဘၪအၥိၭ ပအီၪယဲၩ့လၧ မိမိလန့ဘၪလီၫႉ ပအီၪယဲၩ့လၧ ကျိၪစ့ၩလန့ဘၪအၥိၭ ပအီၪယဲၩ့လၧ ဖါဖါလန့ဘၪနီၪလီၫႉ ဆၧမၩအၥၭထီးအလူနီၪပမၩကဲၪထၪ့လၧကျိၪစ့ၩနဲန့ လါနၧၫ့ဂ့ၩ မိဖါအဆၧအဲၪနီၪ ပမၩကဲၪထၪ့လၧ ကျိၪစ့ၩနဲလန့ဘၪနီၪလီၫႉ လၧဂၪ့ခိၪချိၫ့ယီၩ ထံၪဒဲကျိၪစ့ၩ လအီၪဘၪစွါဘဲၫ လလၧၫ့ဎွ့ၩဘၪအၥိၭ မိဖါလအီၪလၩ့ဘၪစွါဘဲၫ ပကဲၪဖိၪဒံၪၥံၪအဂး ဆၧလၧၫ့ဎွ့ၩအီၪလၩ့အ့ၬႉပကဲၪဖိၪဒံၪၥံၪယီၩ ပဘၪလီၩဎွါကျိၪစ့ၩအကၠီၩ့ ပလချုၭဘၪလါနၫ့ ခွံၭၡိၭထၬဘၪမိဖါၥံၪလဂ့ၩ ၥၭနၪ့ထၬမိဖါၥံၪလဂ့ၩႉ မိဖါအ့ၪအီၪစွါဘဲၫ ဆၧလၫ့ဎွ့ၩထီးအလူအကၠီၩ့ ပကဘၪအီၪကံၪထိးဆၧၫ့ထၬလၧပၥၭဖၧၩ့နီၪလီၫႉ ဆၧနီၪအကၠီၩ့ မိမိဖါဖါအ့ၪအီၪဒံၭစွါဘဲၫ ခွံၭၡိၭထၬဘၪလဂၩႉ ပကဘၪၥ့ၪယၫ အဝ့ၫၥံၪ အခိးအတၩနီၪလီၫႉ