RVA PWO KAREN

ပဆၧၥၭမၧၫ့ဖၧၩ့ ပဆၧဖံၭဆၧမၩလအီၪဘၪဒဲ ပဖၧၩ့ၥၭလၩ့မါမုနံၩလဖၪကအီၪဝ့ၫဒၪလီၫႉ ဆၧၥၭမၧၫ့ ကမံၩ့ အထၪ့အလၩ့အီၪဝ့ၫဒၪအကၠီၩ့ ဆၧအယီၩနီၪပကဒၪဆၧၫ့ယၫတၡါနီၪလီၫႉ ပဖၧၩ့ၥၭလၩ့မါယီၩ လၩ့ၥၭ အုၭဝ့ၫဒၪဒိၪမၬလီၫႉ ခိၭဘယီၩအၥိၭ ၦၡၩမိကဲၪနးဂၩအ့ၬႉ လါနၫ့ဂ့ၩ အ့ၪပဘၪဒၪဆၧၫ့ယၫယူၭစွါဘဲၫ ပကဘၪ ထိးဆၧၫ့ထၧၫ့အန့လီၫႉ အ့ၪပဖၧၩ့ၥၭ လၩ့မါဒၪပၧၩအခၫ ၥၭအုၭလဂ့ၩႉ မၩလၩ့မါခွံၬ ဆၧယိလါလဖၪလဂ့ၩႉ တရၩ့ကဘံၪ့အ့ၪဖိၭဘံၭအၥၭနီၪ လခဲၫ့တရၫ့ကဘံၪ့ ကဝဲထၪ့ထဲၩ့အ့ၪပၧၩလီၫႉ အီၪက့ၪထၬနၥၭဂုးဂုးဂီၩ့ မၩပျၩ့ခွံၬနဆၧကၪဆၧဂဲၩနီၪလါဆံၭႉ အခံၫ့အယီၩ ပကဘၪမၩမန့လဲၪႉ ဘဲၫပကန့ဘၪဆၧအနၧၩ့ကမံၩ့မံၩ့အဂး ပလိၪဝ့ၫဒၪ ဆၧကိၪ့ၥ့ၪကိၪ့ ဘၪလဖၪနီၪ မၩလၧၫ့ဎွ့ၩထၪ့ထၬႉ  ဘဲၫထီလ့ၩထၪ့လ့ၩထီၫအၥိၭ ပလိၪဝ့ၫဒၪ ကျိၪစ့ၩလဖၪ ကန့အဂး ပကဘၪ မၩထၪ့ထီၫ ပဆၧကိၪ့ၥ့ၪကိၪ့ဘၪလဖၪနီၪလီၫႉ…

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ မွဲဝ့ၫဒၪ ၥၫ့ဎွၩလ့ၫအိၫ ၁၄ ဂၩလဂၩ အဆၧၥီၪ့ဆၧၥၫ့နီၪမွဲဝ့ၫဒၪ နၥံၪအၥၭခံဖၧၩ့ ၥအုၩၥကၠၩ့ အ့ၪအီၪစွါဘဲၫ ကဆါဎြံၬနီၪ နၥံၪကြၨၭလကိၭဘၪလၧ နၥံၪအဖါနီၪလီၫႉ မုကနံၩယီၩနီၪ ၥၫ့ဎွၩလ့ၫအိၫ ၁၄ ဂၩလဂၩ အၪ့န့ ကဆါယ့ၫၡူၬအဆၧဘၩဆိၪဖၪအဂဲးဂီၩ့ ၥီၪ့ၥၫ့ ထၬပၧၩနီၪလီၫႉ ကဆါဎြံၬနီၪအီၪလၧပၧၩကိၭကၠၪနီၪလီၫႉ အဝ့ၫအီၪအကၠီၩ့နီၪ ပအီၪၥၭမၧၫ့ ဂ့ၩဂ့ၩဘၪဘၪန့ဝ့ၫဒၪနီၪလီၫႉ လၧလံၬဆံၫ့ဎံၪဖၧၩ့ ပကနါဂၧၫ့ဘၪ ကဆါဎြံၬၥီၪအ့ၪ အထံၩအဖျဲၥံၪ ကဆါယ့ၫၡူၬအဆၧဘၩဆိၪဖၪနီၪလီၫႉ ဆၧဘၩဆိၪဖၪယီၩ အီၪအကၠီၩ့နီၪ ရံၬဖိၪၥံၪအီၪဘၪ ယံၩယံၩၡီၩ့ၡီၩ့နီၪလီၫႉ ပအီၪၥၭမၧၫ့ဖၧၩ့ ပကနၪၥ့ၪအဂး ကၪအၪမၬဒ့ၭကမံၩ့နီၪ မွဲဝ့ၫဒၪ ပဘၩဆိၪဖၪဆၧ…

ဂံၪ့ဒီၪ့ကဖျိၪ့ဖၧၩ့အကၧၩ့ဒိၬထုၬလိၪဝ့ၫနီၪမွဲဒၪ ဘဲၫၥိၭကအီၪကၠၧၫ့ကၠၧၫ့လၧ ကဆါယွၩကၥံၪအဂးနီၪလီၫႉ ပဂံၪ့ဒီၪ့ဖိၪၥံၪနီၪ ကအီၪလၧ ဆၧမၩဆိၪဖၪအဖၧၫ့ စွါ ဘဲၫဂံၪ့ဒီၪ့နီၪ ဆၧမုၬဆၧၡူၪကအီၪဝ့ၫဒၪအၪမၬနီၪလီၫႉ ဘဲၫၥိၭ ပဂံၪ့ဒီၪ့ ကမုၬကၡူၪအဂး ပက ဘၪအီၪကၠၧၫ့ကၠၧၫ့လၧ ကဆါယွၩ ပကဘၪဒိၭနဲၩ့ပၥၭလၧ ကဆါယွၩနီၪလီၫႉ ပဂံၪ့ဒီၪ့ကဖျိၪ့ဖၧၩ့ ပဖိၪအဂးမွဲဂ့ၩ ပဝၩအဂးမွဲဂ့ၩ ပမၫအဂးမွဲဂ့ၩ ပကဘၪအၪ့ကံၩ့ဘၪဆိၪဖၪဆၧကိၭမုနံၩနီၪလီၫႉ ဘဲၫၥိၭ ဆၧအီၪဆီၪ့အီၪချဲၪ့ကအီၪအဂး ဆၧဖံၭဆၧမၩကဂံၩအဂး ပကဘၪအၪ့ကံၩဘၪဆိၪဖၪနီၪလီၫႉ ၦၡၩမၩဆၧၩ့ပၩလန့ဘၪလဖၪနီၪ ကဆါယွၩမၩဆၧၩ့ပၩန့ထီးအလူၬနီၪပကဘၪၥံၪယၪထၬနီၪလီၫႉ မွဲဆၧအနီၪအကၠီၩ့ ပဂံၪ့ဒီၪ့ဖၧၩ့ ဆၧမုၬဆၧၡူၪကအီၪအဂး ဆၧလ့ၩထၪ့လ့ၩထီၪကအီၪအဂး ပကဘၪဒိၭနဲၩ့ပၥၭလၧကဆါယွၩအီၪဂီၩ့ ပကဘၪအီၪလၧ ဆၧဘၪဆိၪဖၪဖၧၩ့ ကိၭမုနံၩမုနၩနီၪလီၫႉ

ထၧၫ့ဖုဝဲမုၪခွၫၥံၪဧ့ႇ ဆၧခိခၫအထီ ဆၧခိနၭလၧၫ့ဂီၩ့ ဘဲၫထံၩၡၩနီၫ့ၡၩဝ့ၫအၥိၭ ဆၧဆၧၩ့ လံၩဂဲၫ လၫ့ဝဲဒံၩ့ လၫ့ဖျၭဆၧ မွဲဝ့ၫ ဆၧလၩ့အၪ့ယိၫလဖၪ ကဲၪထၪ့ဝ့ၫဒၪလီၫႉ ဆၧဆၧၩ့ခၫအထီ ဆၧဆၧၩ့နၭလၧၫ့ ကဲၪထၪ့ထံၫဎိၩလၩ့ဂီၩ့ ဘၪဒၪဎီၩ့ဆၧၫ့ယၫ ဆၧနိၪ့ဆၧနၭအၥိၭ ဆၧဆၧၩ့အ့ၬတၭ ဆၧဆၧၩ့ထံၫလန့ဘၪအကၠီၩ့ ထံၫလၧပအီၩအဂး ဒဲ ဆၧၥုၪ့ဆၧဖျါဆၧအဂး ဘၪဒၪဎီၩ့ဆၧၫ့ယၫ ဆၧကၪဆၧဂဲၩနီၪလီၫႉ ဆၧဂီးခၫအထီဆ့ ဆၧချံၪ့အ့ၬ ဆၩ့လၩ့အ့ၬ ဆၧခိအၥိၭ ဘၪဒၪဎီၩ့ဆၧၫ့ယၫယံၩယါၥ့ၪဒံၭလၧ ဆၧချံၫ့နၭလၨၪဒဲ ဆၩ့လၩ့နၭလၨၪၥံၪနီၪလီၫႉ ခိဆၧၩ့ချံၪ့ အၪ့လဲၩ့ထၪ့အၥၭ ဘဲၫယီၩၥိၭအကၠီၩ့ ခးပယၩ့ယီၩ ပဘၪဒၪဎီၩ့ဆၧၫ့ယၫ ဆၧဘၪထံၭဆၫဒဲ ဆၧဂၭဂီၩ့ဂၭစၪ အၪ့မၬယူၭနီၪလီၫႉ ဆၧအဆၧၫ့အထီယီၩ အခံၫ့ယံၬထၪ့…

ဖျိၩ့ဆၨၩၥံၪနီၪ အီၪလၧ ခးတရူၭ ယူၫနၫ့လးကျဲၩ့အထီ မွဲတရူၭၥံၪမၩနၧၩ့မၩစၪအဝ့ၫၥံၪအကၠီၩ့ ဂဲၫထဲၩ့ၥုၭအီၪထဲၩ့အၥၭလၧ မဲခီၫဘံၩချိၬဖျီၩ့ႇ ရွ့ၫလံၫ-အ့ၫယၫဝတံၫ ဘံၩချိၬဖျီၩ့ ဒဲ ၥၫ့လွ့ၫဘံၩချိၬဖျီၩ့အၥိၭဂီၩ့ ဂဲၫထီၩ့လၧ ခးပယၩ့ဖၧၩ့ ကဆံၭကဆံၭနီၪလီၫႉ ဖျိၩ့ဆၨၩၥံၪ ၥုၭအီၪအၥၭနီၪ ပကဒၪဘၪ ဂံၪ့ဒီၪ့ (၃) ဒီၪ့ နီၪလီၫႉ အဆိၪထုၬ ဂံၪ့ဒီၪ့ (၃၃) ဒီၪ့မွဲဝ့ၫ ဖျိၩ့ဆၨၩနီၪ အီၪဂဲၫလၧ ခးတရူၭ ဂဲၫဖိၬထူၭလၩ့ မဲခီၫဘံၩချိၬဖျီၩ့တၭ ထီၩ့လၧ ၥဲၫ့ထံၫခးႇ လီၩထံၫခးႇ ခးကၫ့ဘီၩဒံၩယၩဒဲ ခးဘံၫယဲၭနၫ့ၥံၪနီၪလီၫႉ လၧခဲၫ့ ဂံၪ့ဒီၪ့ (၃၃) ဒီၪ့မွဲဝ့ၫ ဖျိၩ့ဆၨၩၥံၪနီၪ…

Chagossians ဆၨၩဖိၪၥံၪနီၪ ၦဂူၫဂၩကိလၧ Chagos Islanders အ့ၪလမွဲဘၪ llois နီၪလီၫႉ ၥၫ့ဎွၩ Leo ၁၄ ဂၩလဂၩ ဒၪခီၩ့လၧ ၦတတုၬတနၭဖိၪၥံၪဂီၩ့ အဝ့ၫၥံၪ အခွးအယါ ကန့ထၪ့ထဲၩ့အဂး ဖ့ၪဂဲးဖ့ၪဘၭ အဝ့ၫၥံၪအဆၧဖံၭဆၧမၩ ထီးအလူၬနီၪလီၫႉ ၦတတုၬတနၭဖိၪၥံၪယီၩ လၧအီၪထးလးခဲၫ့နံၫနံၪ့အိ ဒၪခီၩ့ဘၪလၧ ၥၫ့ဎွၩဖရၫ့ဒ့ၭနီၪလီၫႉ အဝ့ၫၥံၪအခး ဆၧၡူၪဆၧမုၬကန့ထဲၩ့အဂး ဘၪဒူၭဆၧနီၪလီၫႉ အဝ့ၫၥံၪဘၪစဲၪထၪ့ဖီၩ့ခွံၬလၧအခးနီၪ အံၪ့ယံၬထၪ့အၪမၬဒ့ၭနီၪလီၫႉ Chagos အဖုၫနီၪ ၦၡၩစၭထၪ့ ကၧၩ့ထၪ့လၧ နံၪ့ ၁၉၈၃ နံၪ့နီၪလီၫႉ

Israel ခးခိၪနါ Isaac Herzog ယီၩ ဂဲၫဒၪလၧ ၥၫ့ဎွၩလ့ၫအိၫ  ၁၄ ဂၩလဂၩဂီၩ့ အဝ့ၫထံၫခးအဂဲးႇ ခီၫ့ၡၩဂးအဂဲးႇ ဘၪထွ့ၫလၧ ဆၧအဂဲးၥံၪယီၩ ကၧၩ့ကၩဎိလၩ့ဝ့ၫနီၪလီၫႉ အလ့ၫၥ့ၪအီၪအလးနီၪ ဆၧဒူၭၥုၭထၪ့ႇ ၦဘၪဒၪဆၧၫ့ယၫဆၧကၪဆၧဂဲၩႇ ၦတတုၬတနၬၥံၪအီၪအၪမၬဒ့ၭနီၪလီၫႉ လကၭဒ့ၭဘၪ အဝ့ၫၥံၪအီၪအလးနီၪ ၥၫထနၫအီၪအမံၩ့မံၩ့ဂီၩ့ အရ့ၩဎိၩထုၬၦၡၩ ၥၭဆုးလီၩအၥၭအလးနီၪ မွဲဝ့ၫဒၪ Garza နီၪလီၫႉ ဆၧအလးယီၩနီၪ ဆၧဘၪထံၭဘၪဆၫအီၪအၪမၬဒ့ၭနီၪလီၫႉ ၦလၧကမၩဆၧၩ့ ဆၧကၪဆၧဂဲၩယီၩ ကအီၪအဂးႇ ၦလၧမၩထၪ့ဖျီၪ ဆၧတီၩဆၧလီၩယီၩ ကအီၪအဂးႇ ၦလၧမၩ အီၪပထုၬ ဆၧကၪဆၧဂဲၩယီၩ အဖုၪၥံၪအမံၩ့မံၩ့ ကအီၪအဂး ကၧၩ့ကၩဎိလၩ့ဝ့ၫနီၪလီၫႉ…

မုမ့ၬအဆၧဖၩ့လၧၩ့လၧၩ့ဖိၪနီၪ ဆ့ၭလၩ့စိၩလၧဒူၭဖၧၩ့ဒၪလူၬ လၧ စဂ့ၩၥၭ အၥၭဖၧၩ့နီၪ ချံၫ့ဆိ ဘၩ့ဂီၩ့ အီၪပျီၩပျီၩနီၪလီၫႉ န့ထၬဆၧနဲၪ့လၩဖၩ့ဂီၩ့ အီၪကနံၪ့ယူၭလါနၫ့ ခီၩနးမုၪယီၩကကၠၪ ကဘၪမၩမန့လဲၪအဂဲး ၥ့ၪယၫဝ့ၫဒံၭအ့ၬႉ အဝ့ၫအထံၩၥိၭလဖၪနီၪဘိၭ ကနၩ့နၩ့နုၬလၩ့မၩဆၧမၩ လၧ ကၫ့မနံၫဂ့ၩဂ့ၩအဖၧၩ့ႇ ကနၩ့နၩ့နီၪ မၩကၠၭဒၪအခီၫ့ၡၩနီၪလီၫႉ အဝ့ၫနီၪဘိၭ ကဘၪမၩ မန့လဲၪ လၥ့ၪယၫဘၪဝ့ၫအကၠီၩ့ ကဲၪခိၭချံၫကဖျိၪ့ အလၩ့ယွၩလၧအိၩ လၧယီၩနီၪလီၫႉ နကလီၩ့ဎွါဆၧမၩအဂး နအၪ့ဎၬထၬအီၪအ့ၬဧၫ အ့ၪမွဲအမိမိအၪ့စၪ့အဝ့ၫဘဲၫနီၪအခၫ အဝ့ၫယီၩ ၡီၫ့လၩ့ခိၪဂီၩ့ စံၭဆၧၫ့ထဲၩ့အမိမိ ၥ့ၪနးမံၩ့အ့ၬႉ လီၩဖီယိလံၬလဖၪႇ ၦအမၩနၧၩ့ ခၫ့ဖျီၫ့ထၬဆၧအဂဲးလဖၪလါနၫ့ မန့လဲၪနီၪအဝ့ၫအဂးလဲၪအဂဲး လီၩ့ဎွါထၪ့ဝ့ၫမွဲလန့ဘၪလီၫႉ အဝ့ၫအၥၭဆုးလီၩ့မန့လဲၪႉ အဝ့ၫအဂဲးစီၩ့နီၪ…

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪနီၪ  မွဲဝ့ၫဒၪ  ဆၧၥၭမဲၫဆၧဒဲ ဆၧလၩ့ဆၫ့အဂး ၥၫ့ဎွၩလ့ၫအိၫ ၁၄ ဂၩလဂၩ ဘၩဆိၪဖၪန့ဆၧအဂဲး အကၠီၩ့နီၪလီၫႉ ၥၫ့ဎွၩလ့ၫအိၫ ဘၩဆိၪဖၪန့ ဆၧအဂဲးနီၪ မွဲဝ့ၧဒၪ ကဆါယွၩဧၪႇ နၩယီၩမွဲဝ့ၫဒၪ ပၥၭမၧၫ့ႇ မွဲဝ့ၫဒၪ ပၥိၭႇ နကဒၪခီၩ့လၧ နဖိၪနလံၩၥံၪအဂး ဆၧပွံၩနၥၭအီၪနးကၠၪအ့ၬႇ ပယိလါ နဆၧမုၬဆၧၡူၪ အၪမၬဒ့ၭနီၪလီၫႉ ဂၪ့ခိၪဖိၪၥံၪကိၭဂၩနီၪ ကဂၩဒဲကဂၩ မွဲဝ့ၫဒၪ ထၧၫ့ဖုထၧၫ့ဝဲထီးအလူၬနီၪ ၥၭနၫ့ဝ့ၫဒၪနီၪလီၫႉ ဆၧနီၪအကၠီၩ့ ဖ့ၪလၫ့အ့ၪပၧၩ ၥၭမုဆ့ၫ့ဎံၫဂီၩ့ အၪ့လဲၩထၪ့အ့ၪပၧၩ ပၥၭခံဖၧၩ့ႇ လဂၩဘၪလဂၩ ခိၭနၫလိၬၥၭႇ နၫၥ့ၪလိၬၥၭႇ ယူၭယၪ့လိၬၥၭ…