RVA PWO KAREN

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪ မွဲဝ့ၫဒၪ ပကဘၪအၪ့က့ၩဘၩဆိၪဖၪန့ ၦလၧဂဲးဆီၪ့ဘၭဆီၪ့လအီၪဘၪၥံၪ အဂဲးအကၠီၩ့နီၪလီၫႉ အနဲၩအဎီၩ့ ၦလၧဂဲးဆီၪ့ဘၪဆီၪ့ လအီၪဘၪၥံၪကဒီၪ့နီၪ ဘၪထံၭဘၪဆၫၥ့ၪ ဘုၪဘုၪယီၫယီၫနီၪလီၫႉ ၦလၧဂဲးဆီၪ့ဘၭဆီၪ့ လအီၪဘၪလနၩ့နၩ့နီၪ ဘၪထိးအီၪက့ၪပဲၩ့ၥၭနီၪလီၫႉ လၩ့ဆၫ့ဒၪဆၧ ဆၧလၧ ၦဂဲးဆီၪ့ဘၭဆီၪ့ လအီၪဘၪၥံၪကဒီၪ့နီၪ မၩဆၧၥ့ၪနးမံၩ့အ့ၬႇ ပၥိၩ့ၥ့ၪနးမံၩ့အ့ၬႇ ၦကိၭဂၩအၥၭခံဖၧၩ့ ၥၭစၧၩ့အီၪနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၦလၧဂဲးဆီၪ့ဘၭဆီၪ့ လအီၪဘၪၥံၪယီၩ မၩဆၧၥ့ၪႇ မၩဆၧန့ဘဲၫၥိၭ ၦၡၩအဂ့ၩႇ မၩဆၧၥ့ၪဘဲၫၥိၭ ၦၡၩအဂ့ၩ အီၪအၪမၬဒ့ၭနီၪလီၫႉ ပကယိလၧ အထီဘဲၫယီၩစွါဘဲၫ အဝ့ၫၥံၪအဂး အခွးအယါ အီၪအမံၩ့မံၩ့နီၪလီၫႉ…

ယအားနာနား (ယညၩၡၫနၧၩ)   ၂. ယမွတ်ထုတ်မုန်းယသာ့အေ့  (ယမိထိးမ့ၬလဲၩယၥၭအ့ၬ)   ၃. ယသိန်းထယုတ် (ယအီၪက့ၪထၬယူၭ) ၄. ယစိတ်ဓာတ်ကျ (ယၥၭဆါႇ ယၥၭလၩ့) ၅. ယနာလိုနားအေ့ (ယၥၭခ့ၬနၧၩ)  

ပဂံၪ့ဒီၪ့အဂးနီၪ ပကဘၪအီၪကံၪထၬ အဂုထုၬလီၫႉ ပဖိၪၥံၪနီၪ ပအီၪကံၪဖ့ၪဆိၫ အဝ့ၫၥံၪ အဂုထုၬစွါဘဲၫ အဝ့ၫၥံၪကန့ဘၪ ဆၧမုၬဆၧလၩဒဲဆၧလၫ့ဆၧဎွ့ၩအၪမၬနီၪလီၫႉ 2004 နံၪ့ဒၪအိၩ လၧ Thailand အထံၪအခးဖၧၩ့ ဆရၪမူၪ အမူၪနၩ့ ၥီၪ့လိၪလံၬကဂၩနီၪ ဖုၫလၩ့လၧ တၨၭဖၫ့လၬနီၪလီၫႉ ဖိၪၥၪမုၪနီၪ ဎံၪလၩဂီၩ့ ဆၧကိၪ့ဘၪကိၪ့ၥံၪလၫ့ဎွၩနၬမၬလ့ၬႉ လါနၫ့ဖိၪၥၪမုၪနီၪ ဘၪနီၪလဲၪ ဘၪဖုၫလၩ့လၧတၨၭဖၫ့လၬနီၪ ၦၡၩလဖၪ ကမိၥံၪယၪကၠၭဝ့ၫႉအနီၪအခၪ ၦၡၩၥံၪ အၪ့စိၭအၪ့စၪ့ဆၧဂီၩ့ အၪ့ဎၬထဲၩ့ဝ့ၫအခၪ ဖိၪၥၪမုၪအမိအဖါနီၪ အီၪဎုၬကၠၧၫ့ကၠၧၫ့လၩ့အ့ၬ လၩ့ဖၭယယူၭႇ  လကၭဒံၭဘၪ အမိအဖါနီၪ လၧအဝ့ၫ အဆံၭဆံၭဒံၭဒၪအိၩ ခွံၭၡိၭထၬအဝ့ၫႇ ဖိၪၥၪမုၪယီၩန့ဘၪ အမိအဖါ…

ၥံၪ့ကျိၭဘၪလူၬပျီၩ့ခွံၬဝ့ၫဒၪ အဂဲးအဖးလဖၪနီၪမွဲ ၥံၪ့ကျိၭၥံၪနီၪ အၪ့လဲၩ့ထၪ့ထဲၩ့ဝ့ၫလၧ ဆၧၥုၪ့ဆၧဖါဖံၬအလးႇ ၥိၩ့ထၪ့ ၥံၪ့မု ၥွၪထီးအၪ့လၨၪဒဲ ထူၭထၪ့ၥံၪ့လၧ ခီၫ့ၡၩအဂးလဖၪ ပၫဝ့ၫနီၪလီၫႉ လကၭဒံၭဘၪ ၡၩအဝံဆၧနၭဂဲၫထီၪ့ထၪ့ႇ ထံၫခးဂူၫဂၩၥံၪ ဆၧထူၭထၪ့ၥံၪ့ကျိၭအဖၫ့ခိၪ လိၫဝ့ၫဒၪဂဲၫအၪထၪ့နီၪလီၫႉ လၧထံၫခးဖၧၩ့ ထံၫခးဂူၫဂၩ ဆၧအၪ့ဎွ့ၩအၪ့ဆၪဆၧအဂး ခးပယၩ့ယီၩ ဆၧဖိၪဆၧဎါအီၪလၧၡိၬကျၩလဖၪ ဘၪၥံၫဂီၩ့ ၥံၫစၪအၪနၭထၪ့နီၪလီၫႉ လကၭဒံၭဘၪ ဆၧခုၪ့ၥၭထုအကၠီၩ့ ကဲၪထၪ့ နဲၩ့ဎီၩ့ၥလိၪၥလံၬထၪ့ႇ ဘံၩထံၫဆ့ၭယွၩ လၩ့အၪ့လဲၩ့ထၪ့အၥၭ ဒဲ ဖီၪ့ယၪနၭလၨၪအကၠီၩ့ ကဲၪထၪ့ဆၧလၩ့အၪ့ယိၫနီၪ ဘံၩ ႇ ထံၫကၠီၪ့ႇ ကွံၩ ႇ နီၫ့ ဖၧၩ့ ယၪၥံၪလဖၪ…

စခးချံၪ့လဂၩ ဖိၪၥၪမုၪလၩ့မါဒၪလၧ အမ့ၬယၫအခၫ အဝ့ၫအီၪထးလၧဆၧလၩ့ဆၫ့အဖၧၩ့ လခဲၫကနံၩ မုမ့ၬလထၪ့ဒံၭဘၪ အခံၫ့နီၪ   အၪ့န့ထၪ့ ၦမုၪနၩ့ဖိၪဖ့ၪလၪ့ထၬ ၥံၪ့ဝံနီၪဂီၩ့ လ့ၩလၧ ၦမုၪနၩ့ဖိၪအီၪအလးတဝၫ့နီၪလီၫႉ အီၪယံၬကဆိဖိၪလီၫ အဝ့ၫလ့ၩထီၩ့ လၧ ၡိၬကျၩနီၪလါနၫ့ဂ့ၩ မွဲဒၪတဝၫ့နးတဝၫ့ဘိၭ ဆၧၫ့နၩ့အီၪပွံၭလၧၥံၪ့ခၪ့ထံၭလၧ ဆၧၥုၪ့ဎၧၫ့ၥၭဎၧၫ့အဖၧၩ့နီၪလီၫႉ             အထီနီၪ စခးချံၪ့လဂၩ နၧၫ့ဘၪဆၧအစီၩ့မုၬမုၬကဒုၩနီၪ အဝ့ၫအၥၭချံၪ့လၩ့ လယံၬလမီဘၪအထီ ဖိၪၥၪမုၪယီၩ ဂဲၫဖိးလၪ့လၧ အဝ့ၫအမ့ၬယၫဂီၩ့ နံမွံၪစိၩ စခးချံၪ့နီၪလီၫႉ ဝဲခွၫ နဂဲၫထီၩ့ယံၬယူၭဧၪႉ ဂဲၫ ပကထဲၩ့လၧဂံၪ့အိၩႉ ဖုမုၪၥံၪအဂံၪ့နီၪ အီၪခလဲၪ စခးချံၪ့အၪ့စၪ့ဘဲၫယီၩၥိၭအခၫ ၦမုၪနီၪဆၧၫ့နၩ့လၧၥံၪ့ခၪ့ထံၭနီၪကထုၪ့ဎး ၦမုၪနီၪလၩ့မါဂီၩ့ အဝ့ၫနါဂၧၫ့ၦၡၩၥံၪချဲၩ့အလူနီၪလီၫႉ…

နလၩ့ထံၩဖါန့ လါနၫ့ဂ့ၩ နလဂဲထုၪ့ထဲၩ့ဘၪနီၪန့အ့ၬ နလးခဲၫ့ ၦအဘၪဒိၭနဲၩနၧၩ နဂံၪ့ဒီၪ့ဖိၪၥံၪအီၪဒံၭႉ ဆၧနီၪအကၠီၩ့ ဆုးလ့ၩလၧအမ့ၬယၫလါဆံၭႉ နဒၪလၧဆၧကၪအခံၫ့ အ့ၪၦၡၩမၩဆၧၩ့နၧၩလအီၪဘၪအခၫ ၥၭဂၭဂီၩ့လဂ့ၩႉ အဝ့ၫၥံၪနီၪ ကမၩဆၧၩ့နၧၩအဂး ဂဲၫ အီၪဖျဲၪထၪ့မွဲအ့ၬႉ ဆၧအယီၩနၪၥ့ၪထၬလါဆံၭႉ နဆၧကၪဆၧဂဲၩလဖၪနီၪ မၩပျၩ့ထၪ့ဒၪနၧၩမွဲအ့ၪန့ႉ နလၩ့ဆ့ၭလၩ့ယွါအခံၫ့ ၦအမၩဆၧၩ့နၧၩလဖၪနီၪ ၥၭနၪ့ဘၪလဂ့ၩႉ ၦအနံဝဲၫ့နၧၩလဖၪနီၪဆ့ မၩထံၩမၭၥိၭနးဆိၭလဂ့ၩႉ ၦအနံဝဲၫ့နၧၩ ၦအအီၪကီၪနၧၩ ကအီၪနီၪလီၫႉ တခၩၦၡၩကလီၩ နၧၩနးမံၩ့ ၥၭအုၭလဂ့ၩႉ အ့ၪမွဲနကလီၩ့ၥၭအုၭနီၪ နဆၧၥၭမၧၫ့ဖၧၩ့ ဆၧမုၬဆၧၡူၪမွဲကအီၪ အ့ၬႉ နဘၪမၩဆၧအီၪလဖၪနီၪမၩႉ ဘဲၫကထီၩ့လၧနဖီၫတၧၩ့အဂးနီၪ ကျ့ၭစၨၩလ့ၩမၩ တီၩတီၩလီၫႉ မွဲလၧနၧၩအကၠီၩ့ အ့ၪၦဂူၫဂၩလဘၪထံၭဘၪနဲၪ့ဘၪနီၪန့ယူၭႉ နဆၧၥၭမၧၫ့…

ချံၫ့မုၬခီၫ့ဆၧအီၪကီၪ့ ထံၫနွဲတဝၫ့ သံယောဟန်ၥရိၬ ထၪ့ဘၭ၂၅နံၪ့ဒဲ ၥၫ့ခိၪဒိၪ ဟင်နရီအိုင်ခလိန် ကဲၪထၪ့ၥၫ့ခၫ ထၪ့ဘၭ၃၆နံၪ့ယူၩဘလံၫ မံဆၩဆၧလုထၪ့နီၪ ၦၡၩမၩလၩမၩဖၩ့ဝ့ၫဒၪလၧ ၂၀၂၅နံၪ့ လၩမၫၡါ၁၁ၥၫ့ လၧချံၫ့မုၬခီၫ့ဆၧအီၪကီၪ့ ထံၫနွဲတဝၫ့နီၪလီၫႉ လၧမံဆၩဆၧလုထၪ့ဖၧၩ့နီၪ ၥၫ့ခိၪဒိၪလီၩလၩ့လၭလၩ့ဝ့ၫဒၪ “မိဖါၥံၪလဖၪနီၪ ကဘၪဖ့ၪလၫ့ထးအ့ၪဖိၪဒံၪၥံၪ ဆၧဆူနဲၩဆၧန့ၥၫအဂဲးႇ မိဖါၥံၪယီၩ ဖ့ၪလၫ့ထးအ့ၪ ဖိၪဒံၪၥံၪ ဆံၬလး(၁၀)ဧ့ကၧၫ န့မၬကန့ႇ ဖ့ၪလၫ့ထးအ့ၪ ဖိၪဒံၪၥံၪ ထီၫဆၧန့ၥၫ ကဘၭတွၭ န့မၬကန့ လါနၫ့ ၦကဲၪမိဖါကိၭဂၩ ဖ့ၪလၫ့ထးအ့ၪ အဖိၪအဒံၪန့နီၪ မွဲလၧဆၧဆူနဲၩဆၧန့ၥၫလီၫ“ အဂဲး ၥၫ့ခိၪဒိၪ ဟင်နရီအိုင်ခလိန်ယီၩ ဆၫ့ထွ့ၫဘၪ မိဖါၥံၪ ဘဲၫကဖ့ၪလၫ့အ့ၪ…