RVA PWO KAREN

ၥၫ့ဎွၩလ့ၫအိၫ ၁၄ ဂၩလဂၩ ဒၪလၧၥၭဘၪ့ဖိၪၥံၪလၧ အွန်လိုင်းအဂဲး

လၧခး လက်ဘနွန်နီၪ ကၫမဲၫလဲၬ အဲၩ့ၥဲၭမံၩ့ထၬမုၪၥံၪကၠီးအီၪနံၫကၠီၩ့နီၪ ၥၫ့ဎွၩလ့ၫအိၫ  ၁၄ ဂၩလဂၩ လ့ၩဒၪလၧအဝ့ၫၥံၪအီၪဂီၩ့ ချဲၩ့လၧမံၩ့ထၬမုၪခိၪနါနံၫဂၩနီၪလီၫႉ ၥၫ့ဎွၩလ့ၫအိၫ  ၁၄ ဂၩလဂၩဖ့ၪထးအ့ၪ အဝ့ၫၥံၪလၬဆီၪ့ ဆၧချဲၩ့ ၃ မံၩ့နီၪမွဲဝ့ၫဒၪ ဆၧလၩ့ဆၫ့ႇ ဆၧဘၩဆိၪဖၪဒဲ ကဘၪဖ့ၪလၫ့လၩ့ၥၭနီၪလီၫႉ

စလုကၭ (1:26-38 )

စမၭၥုၫ (11:11-15 )

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ပကဘၪ မၩန့ဆၧမၩလိၪလၧ ၦဆံၫ့ဎံၪၥံၪအီၪအဂး ၥုၪ့ဆီၪ့ၥၭဆီၪ့ကဘၪအီၪ အဂဲးအကၠီၩ့နီၪလီၫႉ ၦဆံၫ့ဎံၪၥံၪယီၩ အဝ့ၫၥံၪ ဂဲၫထဲၩ့ အီၪၥၭမၧၫ့ထၧၫ့ဘီၩ့ယၫနီၪ ကဆါဎြံၬဒဲ ဎရံၬဖိၪၥံၪအဂး အဝ့ၫၥံၪဖ့ၪလၫ့လၩ့ၥၭနီၪအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩထၬဝ့ၫလၧ ၦၡၩရွံထၪ့ ၦဆံၫ့ဎံၪ ၇ ဂၩမုနံၩဒၪအိၩနီၪလီၫႉ လၧခဲၫ့ကမံၩ့လီၩထၬဝ့ၫနီၪ ၦဆံၫ့ဎံၪၥံၪနီၪ  အ့ၪဘၪဒၪဆၧၫ့ယၫလၧ ဆၧမၩနၧၩ့မၩစၪဆၧအခံၫ့ ခွံၬၡိၭထးဎရံၬဖိၪၥံၪနးဆ့ၭအ့ၬႇ အဝ့ၫၥံၪယီၩ ဎရံၬဖိၪၥံၪအဂး မွဲဝ့ၫအဂဲးအဘၭနီၪလီၫႉ လကၭဒ့ၭဘၪ ဆၧဆူၩနဲၩအဂး ထိးၥံၫၥၭဘၧၫ့ဒူၩဒူၩနီၪလီၫႉ…

စမၭၥုၫ ( 11:28-30 )

စမၭၥုၫ ( 19:12-14 )

မၫ့ခၫဒိၪ ဖာသာရ်ဗင်းဆင်းမၩ့ၥူၫလဲၫ့ ကဲၪထၪ့ၥၫ့ခၫ ဎွ့ၩထၪ့၃၈နံၪ့ ယူၩဘလံၫ နံၪ့၂၀၂၅နံၪ့ လၩဒံၫဇဲၩ့ဘၧၫ ၇ၥၫ့ မုဆၫခီၫနီၪ ၥၫ့ခိၪဒိၪ လ့ၩထီၩ့စိၩလၧ ဆၧရွံခီၫ့ဆၧအီၪကီၪ့ မ့ၫရံၫကိၩ့တဝၫ့နီၪလီၫႉ အဂၫလၩ့ ၄နၩရံၫအခံၫ့နီၪ လုထၪ့လၩ့ဎိၭမံဆၩဆၧလုထၪ့ဒဲ မၩလၩမၩဖၩ့ၡီၩ့ ၥၫ့ခၫဖာသာရ်ဗင်းဆင်းမၩ့ၥူၫလဲၫ့ ကဲၪထၪ့ ဘိၪ့ခိၪၥၫ့ခၫ ဎွ့ၩထၪ့ ၃၈နံၪ့ ယူၩဘလံၫနီၪလီၫႉ ၦလၧအလ့ၩခိၪလ့ၩနါလုထၪ့ မံဆၩဆၧလုထၪ့နီၪ မွဲဝ့ၫဒၪလၧ ဒိၩ့ပၥံၫ့ဆၧအီၪကီၪ့ ၥၫ့ခိၪဒိၪ Bp.Henryမၩ့အဲၪချံၫ့ဂီၩ့ ထီးလူၬၥၫ့မုၥၫ့ခၫလဖၪ လ့ၩထၪ့ဖ့ၪဂဲးဖ့ၪဘၭ အီၪဝ့ၫဒၪ ဖိၭဘိၭ ၂၁ဂၩနီၪလီၫႉ ၥၫ့ခိၪဒိၪ ဒဲၥၫ့မုၥၫ့ခၫလဖၪ လုထၪ့လၩ့ဎိၭမံဆၩဆၧလုထၪ့လၧ ၦဆူနဲၩဖိၪၥံၪလဖၪ ကၠၧၫ့ကၠၧၫ့နီၪလီၫႉ