RVA PWO KAREN

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪမွဲဝ့ၫဒၪ ဆၧလၧ ဆၧၥံၫနီၪ ပကဘၪဒိၭန့ဘဲၫၥိၭအီၪထၬဝဲၩ အဂဲးအကၠီၩ့နီၪလီၫႉ ဂီအထီယီၩ အဆၫ့လၧၫ့ထုၬ ပူၬတပၠါမုနံၩ ပၡၩဂူၫ ဖံၫ့ချၪနီၪ ပကဘၪနၫ့ထၪ့ထဲၩ့ ပထံၫ့ခးနီၪလီၫႉဘၪမနီၪလဲၫစွါဘဲၫ အထီဘဲၫယီၩ ပဂၪ့ခိၪ မ့ၪအၪ့ႇ ပထံၫခး မ့ၪအၪ့ ႇပထၧၫ့ဖုထၧၫ့ဝဲၥံၪ ဘၪထိးဎူၬၥၭလၧမ့ၪ ဆၧအယီၩၥံၪယီၩနီၪ ကဲၪထၪ့ဖံၪ့ချၪ ထီးလူၬ ပကဘၪနၪ့ထၪ့ထဲၩ့အကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩၥ့ၪယၫပၧၩနီၪလီၫႉ ၥၫ့ဎွၩလ့ၫအိၫ ၁၄ ဂၩလဂၩ  လီၩဝ့ၫဒၪ ဆၧမၪအီၪနံၫမံၩ့နီၪလီၫႉ အဆၫ့လၧၫ့ထုၬကမံၩ့နီၪ…

ဆၧၥီၪ့လိၪဘၪဆဲၫ့ဆၧမၪလူၬအဂဲး. ဆၧမၪလူၬလဖၪမွဲဂ့ၩ, မီၪၥံၪမွဲဂ့ၩတၭ, ထီးဆီၫ့မီၪ့ လၧယဂဲၫမၩဂၭဂီၩ့နီၪလဂ့ၩ ယလဂဲၫမၩဂၭဂီၩ့ ဘၪယဝ့ၫတၭ, မွဲယဂဲၫမၩလၧၫ့ထၪ့ဎွ့ၩထၪ့လခီၫလီၫ. အဂဲးဘဲၫယီၩ ယလီၩဘၪနၥံၪတီၩတီၩယီၩ, မူၭခိၪဒဲဂၪ့ခိၪ လချႃၭဒံၩခွံၬဒံၩဖျိၭဒံၭဘၪတၭ, လံၬ ဆၧမၪလူၬအဖျိၪ့ဆံၭလဖျိၪ့ မွဲဂ့ၩ, အနိၪ့ဖိၪလနိၪ့မွဲဂ့ၩ,လချႃၭလၧၫ့ထၪ့ဎွ့ၩထၪ့ဒံၭဘၪ ထီးအလူၬတၭ, မွဲအဂၭဂီၩ့ဝ့ၫအ့ၬ.  မၩအၥၭဘဲၫနီၪတၭ,ထီးဒၪၦလၧအလၨၪခၫ့ဖၬ ဆၧမၪလူၬ လၧအဆံၭထုၬလၧအကျၩလထံၪနီၪ, ဒဲၥီၪ့လိၪၦၡၩဘဲၫနီၪအၥိၭလဂၩဂၩတၭ, မိဘၪဆၧကိၭဝ့ၫလၧအဆံၭထုၬ လၧမူၭခိၪအဘၩ့အမုးအဖၧၩ့လီၫ. အ့ၪမွဲထီးဒၪ ၦလၧအထီးန့ဝ့ၫဒဲ ၥီၪ့လိၪဝ့ၫလဂၩဂၩနီၪ, မိဘၪဆၧကိၭဝ့ၫလၧအဒိၪလၧမူၭခိၪအဘၩ့အမုးအဖၧၩ့လီၫ.

မုထၪ့ လးကျဲၩအကျၩ ဆၧဒုၭဆၧခၭဆၧ ကအီၪပထုၬၥၭအဂး Asia ၥၫ့ခိၪဒိၪလဖၪ အၪ့က့ၩထၪ့ဆၧအဂဲး ၥၫ့ခိၪဒိၪလဖၪ FABC ၥၫ့ခိၪဒိၪလဖၪဘိၭဘၪၥ့ၪယၫဆၧအၪ့က့ၩ နီၪလီၫႉ FABC နီၪ မွဲဝ့ၫၥၫ့ဎွၩလ့ၫအိၫ ၁၄ ဂၩလဂၩ အၪ့က့ၩဆၧအၪ့ယၫနီၪလီၫႉ ဆၧလၧဆၧဒုၭဆၧနီၪ ၦဘၪခွံၬၡိၭထး အဂံၪ့ႇဘၪခွံၬၡိၭထး ဂံၪ့ဒီၪ့ဖိၪၥံၪဂီၩ့ ဘၪစဲၪဖီၩ့ခွံၬနီၪလီၫႉ ဆၧနီၪအကၠီၩ့ ဖိၪၥၪဒဲ ၥၭဘၪ့ဖိၪၥံၪထီလၧယၫအဂး ဆၧဂၭဂီၩ့အီၪအၪမၬဒ့ၭနီၪလီၫႉ ဆၧၡၪဆၧမုၬအဂး ဂၪ့ခိၭဖိၪၥံၪအကျၩ ဘၪလိၬဎွ့ၩဎီၩ့ ကဘၪအီၪအဂး လိၪအၪမၬဒ့ၭအကၠီၩ့ Asia ၥၫ့ခိၪဒိၪလဖၪချဲၩ့ဒုၭနၪၥ့ၪနီၪလီၫႉ လီၩနၪၥ့ၪဆၧကၪဆၧဂဲၩအဂး  Asia ၥၫ့ခိၪဒိၪလဖၪၥိၩ့ထၪ့ အၥီၫ့ဖၧၩ့ၥၭအကၠီၩ့  ၥၫ့ခိၪဒိၪၥံၪလဖၪ ပဂၧၫ့ထၪ့ထၬဆၧနီၪလီၫႉ လကၭဒ့ၭဘၪ…

ထီးနီၪလဖၧၫ့ စပံတၧၫဂဲၫလၧအအီၪတၭ,စံၭဝ့ၫဒၪ, ကဆါဧ့,ယထၧၫ့ဖုဝဲအ့ၪမၩမၪဘၪယၧၩတၭ, ယဘၪကွဲၪဖျါအဆၧနီၪ ဎွ့ဖၧၫ့လဲၪ ထီးအဎွ့ၩထၪ့နွ့ၫဖၧၫ့ဧၪ. ယ့ၫရှူၬစံၭဝ့ၫ, ယစံၭထီးအဎွ့ၩထၪ့နွ့ၫဖၧၫ့လကၭလၧၩ့ မွဲထီးအဎွ့ၩထၪ့နွ့ၫဖၧၫ့အဖၧၫ့နွ့ၫဆံၫလီၫ. အခိးမွဲဘဲၫနီၪတၭ, မူၭခိၪအဘၩ့အမုး မၩအၥၭဘဲၫစဎွၩလဂၩ လၧအၥၭအီၪလၧအမိမၩန့ဘၪအၥၭလၧ အဎီးအၡၩၥံၪအဆရၫ့လီၫ. မၩန့အဆရၫ့အဘိၩ့ဘၭနီၪတၭ, ၦဂဲၫၥိၫ့ၦလၧအဒ့ၪအမါအီၪဝ့ၫ လၧစ့ၩအတၫလၫ့လလၬ အဘၭလံဘၩ့ဘျဲၪၭ လဂၩလၧအအီၪလီၫ. မွဲအဆၧလအီၪဘၪလၧအမိလိၭထဲၩ့ဝ့ၫအ ကၠီၩ့တၭ, အကဆါမၪလူၬလၧအမိဘၪ ဆၧအၪ့ဆၫခွံၬဝ့ၫ, ဒဲအဖိၪအမၫ,အဖိၪအလံၩ, ဒဲကယဲဆၧအီၪ ထီးအလူၬ, ကိၭအမံၩ့ဒ့ၭတၭ, ဘၪလိၭထဲၩ့ဝ့ၫလီၫ. မၩအၥၭဘဲၫနီၪတၭ, အဎီးအၡၩထွံၩလၩ့လၧအမ့ၬ ယၫ,စံၭဝ့ၫဒၪ,ကဆါဧ့, အွံၪၥၭဆၧၩ့ဒၪခလူၬယၧၩဆံၭ.ယမိလိၭထဲၩ့နၧၩထီးအလူၬလီၫ. အဎီးအၡၩနီၪအကဆါလဂၩ အၥၭလၩ့ဝ့ၫကွဲၪဖျါထဲၩ့ဝ့ၫဒၪတၭ,ဆၧၫ့လၩ့ထူၬခွံၬဝ့ၫ အဒ့ၪအမါနီၪလီၫ. ဆၧလၧ အဎီးအၡၩလဂၩနီၪ,စဲၪ့ထၪ့ခွံၬဝ့ၫဒၪတၭ,ဒၪန့ဎီးအၡၩ ခီၫဎီးအၡၩလဂၩလၧအဒ့ၪအမါအီၪဝ့ၫ လၧအစူၪ ဖၧၩ့စ့ၩဒန့ရံၫလယၩဎအဘၭနံၫဆံၫဘျဲၪၭတၭ,ဖျဲးစိၩ…

ဂံၪ့ဒီၪ့ဖၧၩ့ဘဲၪၥိၭကဎွ့ၩထၪ့ဘၪလၧကဆါယွၩအခိးအတၩအဂးနီၪ ပကဘၪအီၪကံၪကဆါယွၩလၧ ပထၧၫ့မၫဝၩနံၩဂၩအကျၩနီၪလီၫႉ ကဆါယွၩလအီၪဘၪလၧပၥိၭနံၩဂၩအကျၩစွါဘဲၫကဆါယွၩ အခိးအတၩလဖၪနီၪကယဲၩထဲၩ့လၧပဂံၪ့ဒီၪ့နီၪလီၫႉ မွဲဒၪလၧ ပကၭၥလံၬဂံၪ့ဒီၪ့ဖိၪၥံၪအဂး ကဆါယွၩနီၪအဂံၩထုၬနီၪလီၫႉ ပဂံၪ့ဒီၪ့ဖိၪၥံၪဒၪခိၩ့လၧ ဆၧကၪဆၧဂဲၩအခံၪ့ လခွံၬၡိၬထၬဘၪပဂံၪ့ဒီၪ့ဖိၪၥံၪနီၪမွဲဒၪကဆါယွၩနီၪလီၫႉ ကဆါယွၩနီၪအဲၪဆၧဘၪမၪဖိၪၥံၪ လါနၧၫ့ဂံၩဆၧဘၪမၩနီၪအဲၪဝ့ၫအ့ၬႉ ဆၧလၧပကဲၪၦၡၩနီၪမွဲဒၪဆၧဘၪမၪဖိၪၥံၪထီးအလူၬလီၫႉ   ပမၩဆၧဘၪမၪဂီၩ့ ပကဘၪမၩန့ထဲၩ့ ဆၧကွဲၪဖျါဆၧလၧကဆါယွၩအီၪနီၪပကဘၪၥံၪယၪထၬနီၪလီၫႉ ပၥုၪ့ထၪ့ဂံၪ့ဒီၪ့ကဖျိၪ့ဂီၩ့ယူၬစွဲဘဲၫပထၧၫ့မၫဝၩနံၩဂၩနီၪ ပကဘၪအၪ့ကံၩဘၪဆိၪဖၪဆၧကၠၧၫ့ကၠၧၫ့ ပကဘၪဖီလံၬဆံၫ့ဎံၪကၠၧၫ့ကၠၧၫ့နီၪလီၫႉ ပဒိၭနဲၩပၥၭလၧကဆါယွၩအီၪစွါဘဲၫကဆါယွၩနီၪ လခွံၬၡိၬထၬဘၪပၩဒဲကဖ့ၪလၫ့ပၩအခိးအတၩအၪမၬနီၪလီၫႉ ပဂံၪ့ဒီၪ့ဖၧၩ့ဘဲၫၥိၭပဂံၪဒီၪ့ဖၧၩ့ ကဎွ့ၩထၪ့ဘၪလၧကဆါယွၩဆၧဆိၪဂံၩဆိၪဘွၩအခိးအတၩအဂးပကဘၪအၪ့ကံၩဘၪဆိၪဖၪဆၧဒဲပကဘၪဒိၭနဲၩပၥၭလၧကဆါယွၩနီၪလီၫႉ  

၁. လဲၪ့ၥိၪ ၂ႉ လဲၪ့မ့ၪ ၃ႉ လဲၪ့ယဲးခၪ့ ၄ႉ လဲၪ့ၥၧၫ့ခီၫ ၅ႉ စဲၫကၧၫ(ခ) စဲၭလဲၪ့ယဲးခၪ့ ၆ႉ စဲၭချံၫ ၇ႉ ကဘၩ့ယူၩ

လၧမီၪစအံၫလဲၡၫအဆိၩနီၪ, ၦခံၫထူၬဆၫအၧၩ့ အီၪလါနၫ့ အၪဂၩလၧၦအံၫစရ့လၭဖိၪၥံၪအကျၩတၭ, ဆၧမၩဆံၫ့ဝ့ၫနးဂၩအ့ၬ, မၩဆံၫ့ထၪ့ဝ့ၫန့ၫ ၦစံရအၫဖိၪစနၫအမၫ့လဂၩနီၪလီၫ. ၦအီၪလၧၥရိၬဖၧၩ့နါဂၧၫ့ ဆၧလဖၪနီၪတၭ, အၥၭထၪ့ထီးအလူၬဎွ့ၩတံၭတၭ, ဂဲထုၪ့နၫ့ထၪ့ခွံၬ အဝ့ၫဒၪလၧ ဒိၩ့ဖၧၩ့လၧခီၫ့တၭ, လ့ၩၥိၫ့ဝ့ၫလၧခိၪလီၩ့ လၧအမၩထၪ့အဒိၩ့ လၧအလီၩ့အထိၭနၫနီၪ, ဘဲၫၥိၭအမိခွံၬလၩ့ခွံၬ အဝ့ၫဒၪလီၫ. မွဲလါနၫ့တၭ, အဝ့ၫဒၪလဂၩ ခၫ့ထ့ၬဝ့ၫလၧအဝ့ၫၥံၪ အၥၭကျၩတၭ, စဲၪ့ထၪ့ခွံၬဝ့ၫဒၪလီၫ.

စယီဟၫ့ (၄:၅-၄၂) မၩအၥၭဘဲၫနီၪတၭ,လ့ၩထီၩ့လၧဒိၩ့လဖျိၪ့ ကိၭဝ့ၫလၧစဲခၫအီၪလၧခး စမ့ရအၫဘူၭလၧဂၪ့ခိၪအဝၩ့ လၧစယၫကူၭဖ့ၪလၫ့အဖိၪခွၫစယိၥၭနီၪလီၫ. စယၫကူၭအထံၫဖၧၩ့ အီၪဝ့ၫထီးနီၪလီၫ. မၩအၥၭဘဲၫနီၪတၭ, ယ့ၫၡုၬလ့ၩဆၧနီၪ ဆၧပွံၭအၥၭတၭ, ဆၧၫ့နၩ့ဝ့ၫလၧထံၫဖၧၩ့အနဲၩ့ထံၭနီၪ,လၩ့ဘူၭဎူၫနၩရံၩလီၫ. ၦစမ့ရအၫမုၪလဂၩဂဲၫအၪ့ဒုၪ့ထံၫနီၪ, ယ့ၫၡုၬစံၭအဝ့ၫ, ဒုၭအီၩယၧၩနးဆံၭဘီၪ. အဂဲးဘဲၫယီၩ အထံၩအဖျဲလဖၪလ့ၩဝ့ၫလၧဒိၩ့ဖၧၩ့ ဘဲၫၥိၭအမိဎွ့ၩဆၧအၪ့နီၪလီၫ. မၩအၥၭဘဲၫနီၪတၭ, ၦစမ့ရအၫမုၪစံၭအဝ့ၫ, နဝ့ၫဒၪနမွဲၦယုဒၫဖိၪတၭ, နအၪ့ကံၩ့အီၩဆၧလၧၦစမ့ ရအၫမုၪယီၩမွဲဘၪလဲၪး အဂဲးဘဲၫယီၩ ၦယုဒၫဖိၪ,ဒဲၦစမ့ရအၫဖိၪယီၩ, ဖံၭၥိၭလိၬအၥၭအ့ၬ. ယ့ၫၡုၬချဲၩ့ ဆၧၫ့ဆၧတၭ, စံၭအဝ့ၫ, နအ့ၪၥ့ၪယၫယွၩအခိးအတၩ, ဒဲၦလဂၩလၧအလီၩဘၪနၧၩ, ဒုၭအီၩယၧၩဆံၭ, နမိအၪ့ကံၩ့ဆၧလၧအဝ့ၫနီၪတၭ, အဝ့ၫမိဖ့ၪလၫ့နၧၩလၧထံၫမၧၫ့လီၫ. ၦမုၪစံၭအဝ့ၫ, ကဆါဧ့,နအၪ့ဒုၪ့ထံၫ ယီၩနထံၫဆဲၩ လအီၪဘၪတၭ, ထံၫဖၧၩ့ယီၩယိၬမၬလီၫ. မၩအၥၭဘဲၫနီၪတၭ,…

တၭအဝ့ၫဒၪ စံၭၦလဂၩ အဖိၪခွၫအီၪနံၫဂၩလီၫ.  အဖိၪခွၫဒၪဘၨၩလဂၩ လ့ၩလၧအဖါအအီၪတၭ, စံၭ ဝ့ၫ,ဖါဧ့, ဆၧဖိၪဆၧလံၩလၧ နမိဖ့ၪၥၫလဖၪနီၪ အၪ့နၩ့ဖၭ အဆၧၫ့တၭ, ဖ့ၪလၫ့ယၧၩဘီၪ. အဝ့ၫနီၪအၪ့နၩ့ဖၭ အဆၧဖိၪဆၧလံၩတၭ, ဖ့ၪလၫ့အဝ့ၫၥံၪလီၫ. လအၪနံၩအၪၥၫ့ဘၪတၭ, အဖိၪခွၫဒၪဘၨၩအီၪက့ၪကီၪ့န့ အစူၪလးအခၪ့ခိၪ ထီးအလူၬတၭ, လ့ၩဝ့ၫထီၩ့လၧ ထံၫယဲၩ့ခးယဲၩ့လီၫ. အၪ့ဂီၩ့ခွံၬ အစူၪလးအခၪ့ခိၪထီးနီၪ လၧဆၧလၨၪဖၬအဖၧၩ့လီၫ. အၪ့ဂီၩ့ကယဲအဆၧထီးအလူၬနီၪ, ဆၧၥၭဝံလၩ့ဒိၩဖၭဒိၪ အီၪထၪ့လၧခးလဘံၪ့နီၪအဖၧၩ့တၭ, အဝ့ၫဘၪၡၪ့ဘၪယၬဝ့ၫဒၪလီၫ. လ့ၩအီၪဝ့ၫလၧၦခးဖိၪလဂၩအၥိၭတၭ, အဝ့ၫဒၪအၪ့မၧၫ့အလ့ၩယိထိၭလဖၪလၧ မံၩ့လၬကျၩလီၫ. ဆၧမိအၪ့ဘၪအၥၭလၧၥံၪ့ကၩရိၬအၥၪလၧထိၭအၪ့ဝ့ၫနီၪ, ဆၧဖ့ၪဒုၭအၪ့ဘၪနးဂၩအ့ၬ. အဝ့ၫဒၪနၪ့လၩ့ထဲၩ့အၥၭတၭ, စံၭဝ့ၫ, ယဖါအဎီးအၡၩဒိၭအၪ့လံၩ့အၥၭလၧ အအၪ့ကုၭအီၩဎွ့ၩလဖၪ အီၪဎွ့ဂၩဎွ့ဂၩလဲၪနီၪ ယဝ့ၫဒၪယီၩ ယအီၪဝံအီၪဆံၩ့တၭ,…

ဒိၩ့ပၥံၫ့ဆၧအီၪကီၪ့ဖၧၩ့ မိမၫရံၫခရၧၫ့ ဂဲၫထဲၩ့အီၪထၪ့ ထၪ့ဘၭအနံၪ့ ၇၀ယူၭအကၠီၩ့ ၦၡၩမၩလၩမၩဖၩ့ ဘိၪ့မုနံၩယီၩ လၧမံဆၩဆၧလုထၪ့နီၪလီၫႉ ဆၧထံၪလၩ့ဒီၪလၩ့ယီၩနီၪ ၦၡၩမၩဝ့ၫဒၪလၧ ဒိၩ့ပၥံၫ့ဆၧအီၪကီၪ့ႇ မယၩ့ခၠီၩ့ႇ ယ့ၫၡူၬအၥၭဆံၫ့ဎံၪၥရိၬအနဲၩ့ထံၭ မိမၫရံၫအလိးအိၩအမ့ၬယၫနီၪလီၫႉ မံဆၩဆၧလုထၪ့စၭထၪ့ဝ့ၫဒၪ ၂၀၂၆နံၪ့ လၩမၫၡါ ၁ၥၫ့ လဂီၩ၆နၩရံၫအခံၫ့နီၪလီၫႉ ၦလၧအလ့ၩခိၪလ့ၩနါမံဆၩဆၧလုထၪ့ယီၩနီၪ မွဲဒိၩ့ပၥံၫ့ဆၧအီၪကီၪ့ၥၫ့ခိၪဒိၪ Bp.Henry မၩ့အဲၪချံၫ့နီၪလီၫႉ ၁၊၃၊၂၀၂၆