ယ့ၫၡုၬမွဲစဘံၭအမုလၩ့ထံးလၩ့ဆ့ၭ. (စယီဟၫ့ (၁၅:ၥ-၈) )

ယ့ၫၡုၬမွဲစဘံၭအမုလၩ့ထံးလၩ့ဆ့ၭ.  ယဝ့ၫဒၪယီၩ ယမွဲစဘံၭအမု လၩ့ထံးလၩ့ဆ့ၭတၭ,  ယဖါမွဲၦခိၭစဘံၭအလးလီၫ. ကယဲအထဲၩ့လၧယလီၩ့လၧအလၥၪဘၪဝ့ၫနီၪ, မွဲအဖ့ၬခွံၬဝ့ၫတၭ ကယဲအထဲၩ့လၧအၥၪဝ့ၫနီၪ, ဘဲၫၥိၭအမိၥၪအၪထၪ့တၭ, မၩဆံၫ့ထၪ့ဝ့ၫဒၪလီၫ. ဘိၩ့နဲၪ့ယီၩ မွဲလၧယလူလၧ ယလီၩဘၪနၥံၪအကၠီၩ့ယီၩ နၥံၪဆံၫ့ယူၭနၥံၪဝ့ၫလီၫ. အီၪဂုးခၧၫ့နၥံၪဝ့ၫလၧယဖၧၩ့တၭ, ယမိအီၪဂုးခၧၫ့ ယဝ့ၫလၧနၥံၪအဖၧၩ့လီၫ. ဘဲၫထဲၩ့အ့ၪလအီၪဂုးခၧၫ့ဘၪဝ့ၫ လၧစဘံၭမုအလီၩ့နီၪ ၥၪဒၪအဆၧလၥ့ၪဘၪအၥိၭနီၪ, နၥံၪဝ့ၫဒၪယီၩ နၥံၪအ့ၪလအီၪဂုးခၧၫ့ဘၪလၧယဖၧၩ့တၭ, နၥံၪလၥၪဘၪဘဲၫနီၪအၥိၭလီၫ. ယဝ့ၫ ဒၪယီၩ ယမွဲစဘံၭအမုတၭ, နၥံၪမွဲအထဲၩ့လီၫ. ၦလၧအအီၪဂုးခၧၫ့လၧယဖၧၩ့, ဒဲယအီၪလၧအဖၧၩ့နီၪ, ၥၪဝ့ၫအၪဖျိၪ့လီၫ. အဂဲးဘဲၫယီၩ အ့ၪလမွဲဘၪလၧ ယကၠီၩ့တၭ, နၥံၪမၩဆၧၥ့ၪနးမံၩ့အ့ၬ. ၦလဂၩဂၩ အ့ၪလအီၪဂုးခၧၫ့ဘၪဝ့ၫလၧယဖၧၩ့ယီၩ, ဘၪဆၧခွံၬၡိၭဝ့ၫ ဘဲၫဆၧအထဲၩ့အၥိၭတၭ, ဎဲၫ့ထၬခွံၬဝ့ၫဒၪလီၫ. ၦအၪ့ထုၫ့ကီၪ့အဝ့ၫၥံၪဖျႃၭလၩ့ဝ့ၫလၧမ့ၪဖၧၩ့တၭ, ဆူၭခဲၩထၪ့ဝ့ၫဒၪလီၫ. နၥံၪအ့ၪအီၪဂုးခၧၫ့လၧယဖၧၩ့, ဒဲယလူ ယထၫအီၪဂုးခၧၫ့လၧနၥံၪအဖၧၩ့တၭ, ထီးဒၪအဘၪနၥံၪအၥၭလၧ ဆၧလမံၩ့လါလါနီၪ, အၪ့ကံၩ့ဆံၭ, တၭဆၧမိမၩလၧနၥံၪအဂးလီၫ. လၧနၥံၪၥၪထၪ့အၪဖျိၪ့အကၠီၩ့နီၪ, မွဲယဖါအလၩအဖၩ့အီၪဖျီၪဝ့ၫတၭ, နၥံၪမိကဲၪထၪ့ယထံၩယဖျဲလီၫ.