RVA PWO KAREN

စမၭၥုၫ ( 25:31-46 )

ကၭၥလံၬဆၧအီၪကီၪ့ဖိၪၥံၪလဖၪနီၪ အ့ၪထၪ့ၡါဂီၩ့စွါဘဲၫအဝ့ၫၥံၪနီၪ နံၩဂၩမွဲလၫ့အ့ၬ မွဲဒၪလဂၩဎးနီၪလီၫႉ အဝ့ၫၥံၪအကျၩကဆါယွၩနီၪအီၪဝ့ၫလီၫႉ အ့ၪပထၪ့ၡါဂီၩ့ ပကဘၪထုၪ့ၥုၪ့ထုၪ့ၥၭနီၪလီၫႉ ပထၪ့ၡါနီၪဆၧအဲၪကမံၩ့လီၩလၧၫ့ဎွ့ၩအ့ၬမုကိၭနံၩအဖၧၩ့ ပထၧၫ့မၫဝၩနံၩဂၩနီၪ ပကဘၪအဲၪကွံၩလိၬၥၭ ပကဘၪနၪၥံၪအ့ၪလိၬၥၭ ပကဘၪယူၭယၪ့လိၬၥၭနီၪလီၫႉလဂၩဆၧကၪဆၧဂဲၩနီၪလဂၩကဘၪခိၭနၪအ့ၪလိၬၥၭနီၪလီၫႉ ထၧၫ့မၫဝၩနံၩဂၩနီၪ ကဘၪအၪ့ကံၩဘၪဆိၪဖၪဆၧကိၭမုနံၩဂီၩ့ ကဘၪမၩန့အခိးအတၩလၧကဆါယွၩအီၪနီၪလီၫႉ ပဂံၪ့ဒီၪ့အဂးဆၧမုၬဆၧချံၪ့နီၪ အီၪဒၪလၧကဆါယွၩအီၪနီၪလီၫႉအ့ၪပကဒိၭနဲၩ့ပၥၭလၧကဆါယွၩအီၪနီၪ ပဂံၪ့ဒီၪ့ ကဂုးခၧၫ့ဒဲဆၧမုၬဆၧလၩကအီၪအၪမၬနီၪလီၫႉ

ယ့ၫၡုၬလၧၫ့ဎွ့ၩဝ့ၫလၧၥၭမုဆံၫ့ဎံၪ, ထဲၩ့ခွံၬဝ့ၫလၧယီၫဒၫ့တၭ, ၥၭမုနီၪ လ့ၩၥိၫ့ဝ့ၫ လၧမံၩ့လၬကျၩတၭ,ဘၪဆၧကျဲၩ့ဖစီၩ့ လၧမုၪခီၩလဲး အၥၫ့လံဆံၫလီၫ. လၧအနံၩအၥၫ့နီၪ လအၪ့ဘၪဆၧနးမံၩ့တၭ, ထီးအထုၬဝ့ၫဒၪနီၪ ဆၧၥၭဝံအၥၭလီၫ. မုၪခီၩလဲးစံၭဝ့ၫ, နအ့ၪမွဲယွၩအဖိၪခွၫတၭ, ဘဲၫၥိၭလိးလဖျိၪ့ယီၩမိကဲၪထၪ့ကိၪတၭ, ချဲၩ့ထၪ့ဘီၪ. ယ့ၫၡုၬချဲၩ့ဆၧၫ့ဝ့ၫတၭ, စံၭဝ့ၫ,ဆၧကွ့ၭအၥၭ, ၦၡၩမၧၫ့ဝ့ၫန့ၫကိၪလမံၩ့ယီၩမွဲအ့ၬ. မွဲလၧကယဲယွၩအလူလမံၩ့လါလါနီၪလီၫ. မုၪခီၩလဲးၥိၫ့ထၪ့ဝ့ၫ လၧခိၪလီၩ့ထီၫလဖျိၪ့ အလီၩ့တၭ, လၧလဆိဖိၪအထးဖၧၩ့နီၪ, ဒုၭနဲၪဝ့ၫကယဲဘၩ့ၥံၪမုးၥံၪလၧဂၪ့ခိၪချိၫ့လီၫ. မုၪခီၩလဲးစံၭဝ့ၫ, ကယဲ ဆၧအစီၩ့အမၩ့ယီၩ, ဒဲအလၩအဖၩ့နီၪ ယမိဖ့ၪလၫ့နၧၩလီၫ. အဂဲးဘဲၫယီၩ ဆၧဖ့ၪလၫ့ယူၭလၧယစူၪဖၧၩ့တၭ, ထီးဒၪၦလၧဆၧမိဖ့ၪလၫ့ဘၪ ယၥၭလဂၩဂၩနီၪ, ယဖ့ၪလၫ့ယဝ့ၫဒၪလီၫ. မၩအၥၭဘဲၫနီၪတၭ, နအ့ၪဘိၪ့ထၪ့ဘၩထၪ့ယၧၩတၭ, ဆၧမိကဲၪထၪ့နဆၧထီးအလူၬလီၫ. ယ့ၫၡုၬချဲၩ့ဆၧၫ့အဝ့ၫတၭ, စံၭဝ့ၫဒၪ,ဆၧကွ့ၭအၥၭ, ယွၩနကဆါနီၪနဘၪဘိၪ့ထၪ့ဘၩထၪ့အဝ့ၫဆံၭ…

စလုကၭ ( 5:27-32 )

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ  Theresa of Avila  အဂဲးအကၠီၩ့နီၪလီၫႉ  ၦဆံၫ့ဎံၪ  Theresa  အဂံၪ့ဒီၪ့နီၪ အီၪလၧ ကၠဲၬလူကၠဲၬထၫအၪမၪဒ့ၭနီၪလီၫႉ ၦဆံၫ့ဎံၪ  Theresa  ခီၫလၧ ဖိၪၥၪအခံၫ့ဒၪအိၩ  ဒၪဘၪ ကဆါယွၩ ဒၪဆၧလၧယၫနီၪလီၫႉ ၦဆံၫ့ဎံၪ  Theresa  အၥၭအီၪ ၁၄ နံၪ့နီၪ အမိမိ ၥံၫဖီၩ့ခွံၬဒၪအဝ့ၫနီၪလီၫႉ ဆၧနီၪအကၠီၩ့ အဝ့ၫအဖါဖါနီၪ လ့ၩၥိၪ့အဝ့ၫလၧ Augustine မံၭထၬမုၪၥံၪအီၪနီၪလီၫႉ ၦဆံၫ့ဎံၪ  Theresa …

လံၬဆိၫ့ဂ့ၩဆိၫ့ဘွၩအခီၫပယီၫနီၪ မွဲကဲၪဒၪဝ့ၫ ကဆါဎြံၬအဂးနီၪလီၫႉ ၦမၩၥၫထနၫဖိၪ ၥၫ့ခၫၥံၪထီးလူၬယီၩ ပလံၬဆိၫ့ဂ့ၩဆိၫ့ဘွၩ ကဘၪအၪ့န့ ဆၧၥ့ၪယၫနၧၥ့ၪလၧကဆါဎြံၬအီၪ့ဂီၩ့ ကဘၪအီၪလၧ ကဆါဎြံၬကၠၧၫ့ကၠၧၫ့ နီၪလီၫႉ ကဘၪမၩအ့ၪၦဂူၫဂၩအဂး လၧဆၧဆံၫ့ဖျ့ၪဖၧၩ့နီၪလီၫႉ ကၭဒ့ၭဘၪ ပဘၪအီၪ့ဘူၭထဲးလၧ ကဆါဎြံၬနီၪလီၫႉ လကၭဒ့ၭဘၪ ကဘၪဒၪဆၧၫ့ယၫ ဂၪ့ခိၪလုၫလါဒဲ အနဲၩအဎီၩ့နီၪလီၫႉဆၧလၧၥၫထနၫအဆၧမၩနီၪ ပကဘၪမၩ ကဂၩလီၫ လမွဲဘၪအကၠီၩ့ ပမၩဆၧမၩကဘၪၥ့ၪလၧ ၦဂူၫဂၩနီၪလီၫႉ အရ့ၩဎိၩထုၬကမံၩ့နီၪ ပဘၪအီၪ့ထးန့ၫ ကဂၩလီၫ ပစီၪလၩ့ပၥၭစွါဘဲၫ ပကဘၪဖျၭထုၬခွံၬဆၧအယီၩနီၪလီၫႉ ၥၫ့ခၫၥံၪအဆၧမၩ အရ့ၩဎိၩထုၬနီၪ ကဘၪအီၪလၧကၠဲၬဘူၭဘူၭဂီၩ ကဘၪၥိၫ့ ၦၡၩလၧကဆါယွၩအီၪနီၪလီၫႉ ဆၧအဂဲးယီၩနီၪမွဲဝ့ၫဒၪ ၥၫ့ဎွၩလ့ၫအိၫ ၁၄ ဂၩလဂၩ  ၥိၫ့လံၬဆိၫ့ဂ့ၩဆိၫ့ဘွၩလၧ…

ဂီအထီယီၩ အဆၫ့လၧၫ့ထုၬ ပူၬတပၠါမုနံၩ ၦၡၩဂူၫ ဖံၫ့ချၪလၧ အနၫဖူၫနီၪ ပကဘၪနၫ့ထၪ့ထဲၩ့ ပထံၫ့ခးနီၪလီၫႉဘၪမနီၪလဲၫစွါဘဲၫ အထီဘဲၫယီၩ ပဂၪ့ခိၪ မ့ၪအၪ့ႇ ပထံၫခး မ့ၪအၪ့ ႇပထၧၫ့ဖုထၧၫ့ဝဲၥံၪ ဘၪထိးဎူၬၥၭလၧမ့ၪ ဆၧအယီၩၥံၪယီၩနီၪ ကဲၪထၪ့ဖံၪ့ချၪ ထီးလူၬပကဘၪနၪ့ထၪ့ထဲၩ့အကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩၥံၪရၫပၧၩနီၪလီၫႉ ၥၫ့ဎွၩလ့ၫအိၫ ၁၄ ဂၩလဂၩ  လီၩဝ့ၫဒၪဆၧမၪအီၪနံၫမံၩ့နီၪလီၫႉ အဆၫ့လၧၫ့ထုၬကမံၩ့နီၪ ပၥံၪယၫလၩ့ပၥၭဆၧမၪဒဲ လၧခဲၫ့ကမံၩ့နီၪ ၦဂူၫဂၩၥ့ၪယၫပၧၩ ဆၧမၪနီၪလီၫႉဆၧလၧဆမၪနီၪ မၩနၧၩ့မၩစၪ ပၥၭဂီၩ့ အၪ့န့အလးလၧ ပၥၭဖၧၩ့နီၪလီၫႉ ဆၧနီၪအကၠီၩ့ ဂီအထီယီၩနီၪ ပကဘၪအီၪပထုၬခွံၬပဆမၪကမံၩ့လီၫမွဲအ့ၬ ပကဘၪ အၪ့လဲၩထၪ့ပၥၭ…

ဂီအထီယီၩနီၪ ပကဘၪမၩဂ့ၩထၪ့ပဆၧဆူၩနဲၩအၥၫ့ဒဲ ပဆၧခိဆၧဂီၩအီၪထီးလူၬ ပလကြၧၭ လၩ့ဘၧၩ့ဘၪအကၠီၩ့ နဲၪဖျီၪထၪ့အ့ၪပၧၩဖၧၩ့ၥၭအခံၫ့နီၪလီၫႉ အဆၫ့လၧၫ့ထုၬနီၪမွဲဝ့ၫဆၧခိနၫနီၪလီၫႉ ပခိနၧဆၧၥ့ၪနီၪ လဂၩဘၪလဂၩ ပကကၧၩ့ထၪ့ဆၧဖံၭထံၩဖံၭၥိၭအဂး ဖၧၩ့ၥၭအဂ့ၩထုၬနီၪလီၫႉ ရ့ၩဎိၩထုၬ ပခိနၫကဆါဎြံၬအလူၬအထၫနီၪ ပအီၪၥၭမၧၫ့ဖၧၩ့ ပခိနၫဆၧကၥ့ၪလၧ ဆၧအဂ့ၩဖၧၩ့ႇ ဆၧအမၪဖၧၩ့အဂး ၥီၪ့အ့ၪပၧၩနီၪလီၫႉ ဂီအထီယီၩပကဘၪခိနၫဆၧအဂး မွဲဝ့ၫအခံၫ့အဂ့ၩထုၬနီၪလီၫႉ လၧခဲၫ့ကမံၩ့နီၪ မွဲဝ့ၫဒုၪဆၧအၪ့နီၪလီၫႉ ဒုၪဆၧအၪ့နီၪပကဒိၭန့ဘၪကဆါဎြံၬအလူအထၫအဂး ပကဘၪတဲၩဝဲၩ့လၩပၥၭအခံၫ့နီၪလီၫႉ ဆၧလၧဒုၪဆၧအၪ့နီၪ ပနးၥၭအဂး ပကဘၪနီၫယါလၩ့ ပဆၧမၪအီၪထီးလူၬနီၪလီၫႉ လၧခဲၫ့ကမံၩ့နီၪ မွဲဝ့ၫ ကၠၧၫ့ကၠၧၫ့နီၪလီၫႉ ဆၧခိနၫဆၧဒဲ ဒုၪဆၧအၪနံၫမံၩ့ယီၩအီၪကၠၧၫ့ကၠၧၫ့စွါဘဲၫ ပဂး လကၭဒ့ၭဘၪၦဂူၫဂၩအဂး အခိးအတၩကန့အၪမၬဒ့ၭအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩလၩ့ဆၧပရၧၫ့နီၪလီၫႉ

စမၭၥုၫ ( 9:14-15 )

လၧဖျိၩ့ဖျိၩ့အိၩ တဝၫ့ကတဝၫ့နီၪ ၦမုၪမဲၪဒဲ အဖိၪမုၪဖိၪအီၪဝ့ၫကဂၩနီၪလီၫႉ ဖိၪမုၪဖိၪယီၩ အဖါဖါၥၭဘီၩ့ၥံၫဒၪခီၫလၧ အဝ့ၫအဆံၭဆံၭဒံၭအိၩတၭ အမိမိလဂၩ ဘၪကဲၪအဝ့ၫ အမိအလးမွဲမွဲ အဖါအလးမွဲမွဲဆ့နီၪလီၫႉ အခံၫ့ယံၬထၪ့အခၫ ဖိၪမုၪယီၩ ဂဲၫမုၪနၩ့လၫ့တၭ ကနံၩနီၪ မိယီၩ ဘၪမၪလူၬ အဖိၪမုၪဆၧအီၪတၭ စံၭဝ့ၫ ဖိၪမုၪဧ့ႇ မိယီၩ ၡၪ့အကၠီၩ့ ဖိၪမုၪအဂး ကအီၪက့ၪထးအ့ၪ ခီၪ့အဲၩ့ အီၪနးမံၩ့အ့ၬႉ မိမိလအီၪလၧၩ့ဘၪအလးခဲၫ့ ကမိမၪလူၬထး ဖိၪမုၪနးမံၩ့နီၪလီၫႉ ဖိၪမုၪအဂး နံၪႇ ပလူၬႇ ၡၪ့ဒဲ ထိၪ့ၥံၪလဖၪ ဘဲၫနထၬထၪကန့အဂး ၦမုၪၥံၪလဖၪ ကြၨၭအီၪဝ့ၫဒၪ ဆၧပိၭဆၧလၫ့လဖၪနီၪ မိမိကအီၪက့ၪထးအ့ၪနၧၩနီၪလီၫႉ မိမိ…