RVA PWO KAREN

ဖျိၩ့ဆၨၩၥံၪလဖၪနီၪ ခးတရူၭအလးခဲၫ့လံၩထံၭကကဲၩ့ခီၫ ကဆၫ့ လၧၥၫ့လွ့ၫဘံၩႇ မဲခီၫဘံၩဒဲ ရွံၫလံၫဘံၩ ဧရၫဝတံၫဘံၩ ဘံၩ(၃) ဘီၩ့ယီၩ ဂဲၫထဲၩ့ဖိၬထုၬလၩ့ဝ့ၫဂီၩ့ အီၪပျံၩပျၩလၩ့ထီးအဎံၩ့ လၧအဝ့ၫၥံၪထီးအလးၥံၪနီၪလီၫႉ လၧဘံၩယီၩ (၃) ဘီၩ့အဖၧၩ့ ဖျိၩ့ၥံၪအဂဲၫထဲၩ့ဖိၬလၩ့ ဧရၫဝတံၫဘံၩနီၪ အီၪလၧ ပခိၩခးဒီၪ့ ပၠ့ၫဒဲ တီၫ့ငူၫၥံၪနီၪလီၫႉ ထီးကဆၫ့ ဂဲၫထဲၩ့အီၪထီၩ့ထဲၩ့လၧ တခိၩ့ဝံးဒီၪ့နီၪလီၫႉ လၧခဲၫ့ ထီၩ့ဒံၭလၧ ပခိၩခိၪလီၩ့လီးဘီၩ့ႇ ထံၫထၪကျိၩ့ဒဲ ရခဲၫ့ခိၪလီၩ့လီးဘီၩ့ထၧၫ့ဘီၩ့ယၫနီၪလီၫႉ ဆၧလၧထံၫထၪကျိၩ့နီၪ ပခိၩခးဒီၪ့လံၩထံၭကကဲၩ့ခီၫႇ တခိၩ့ခးဒီၪ့ ဒဲ ဧရၫဝတံၫခးဒီၪ့ၥံၪနီၪ အီၪဂဲၫထဲၩ့ကိၭထၬဝ့ၫခီၫလၧ ခိၩလၩဘွၩပၧၩအထီဒံၭဒၪအိၩနီၪလီၫႉ ဆၧအလးၥံၪလဖၪယီၩ လၧအဖီၩ့ခွံၬနံၪ့ဆံၫလၩယံၬဒံၭဒၪအိၩ မွဲဝ့ၫဒၪ ပၫ့လဲၫ့ထံၫမ့ၬပၫနီၪလီၫႉ…

ဆၧမၩဂၭဂီၩ့ပၥၭန့အီၪဝ့ၫဒၪအၪမံၩ့အၪမၠိၩလီၫႉ ဆၧလဖၪနီၪ မွဲပကဘၪခွံၬၡိၬခွံၬနီၪလီၫႉ ဘဲၫပၥၭကဂၭဂီၩ့အၥိၭ ဘဲၫပၥၭကဘံၪဘူၪၥၭအၥိၭ မၩဝ့ၫဒၪန့နီၪ မွဲလၧပဖျါလုထၬပၥၭဂီၩ့ ပၥုၪ့ ၥၭဂဲၩဝၭထၪ့နီၪလီၫႉ ဆၧနီၪအကၠီၩ့ ၥုၪ့ခိၥၭဝီၩလဖၪနီၪ ပကဘၪမၩၡူၪလၩ့ထၬႇ ပကဘၪပၧၩ့ထၬပၥၭႇ ပက ဘၪခွံၬလၩ့ထၬ ၥၭထၪ့ထီၫလဖၪႇ ဆၧၥုၪ့လဲးၥၭဘျၪအီၪလၧ မုၪႇခွၫ အဖၫ့ခိၪလဖၪနီၪဆ့မွဲ ပက ဘၪပၧၩ့ထၬ ထၧၩ့အန့နီၪလီၫႉ အ့ၪမွဲနကမိအီၪလၧ ၥုၪ့မုၬၥၭၡူၪအဖၧၩ့နီၪဘိၭ အၪ့ယိၫခဲၫ့ကံၭဆၧ ဖျီးလၨၪလဂ့ၩ ဘၪၥၭ ခိဆၧအီၪနးမံၩ့အ့ၬႉ  ၥၭမဲၪဆၧနၭနၭလဂ့ၩ မွဲကကဲၪထၪ့အၡါမၪအ့ၬႉ အီၪက့ၪၥၭစၧၩ့ထၬဂီၩ့ မၩကၪထဲၩ့လဂ့ၩႉ ဖျါခွံၬလါဆံၭႉ ၦလဂၩအ့ၪမွဲလ့ၩထၪ့လ့ၩထီၫစွါဘဲၫ ထီးၥၭခ့ၬဘၪလဂ့ၩႉ ၥၭဎွံၪ အ့ၪ အဝ့ၫအဂးလါဆံၭႉ လၧပအီၪယီၩ ပန့ထၬဘၪ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪ မွဲဝ့ၫဒၪ ၦလၧ ဘၪထိးအီၪက့ၪပဲၩခွံၬၥၭ လအီၪဘၪအဂး ပကဘၪ ဘၩဆိၪဖၪန့လိၪဝ့ၫဒၪ အဂဲးအကၠီၩ့နီၪလီၫႉ ပအီၪၥၭမၧၫ့လၧ ဂၪ့ခိၪဖၧၩ့ယီၩ အလးအၪဒၪဆၧနီၪ ပကဒၪဘၪ ၦၡၪ့ဖိၪၥံၪ ကအၪ့အဂးအီၪအ့ၬႇ ကမံၫအလးအီၪအ့ၬႇ ဘၪအီၪလၧဖၧၩ့ၥၭႇ ဘၪမံၫလၧဖၧၩ့ၥၭႇ လၧခဲၫ့ထုၬနီၪ ဘၪၥံၫလၧ ဖၧၩ့ၥၭနီၪလီၫႉ   အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧအယီၩ့နီၪ ပကဒၪဘၪလၧ ဝံးဖၧၩ့အၪမၬဒ့ၭနီၪလီၫႉ အဝ့ၫၥံၪယီၩ မွဲဝ့ၫဒၪ ၦလၧ ဘၪထိးအီၪက့ၪပဲၩခွံၬၥၭၥံၪနီၪလီၫႉ ဆၧအယီၩနီၪ ပကဒၪဘၪ အလးကိၭဒီၪ့နီၪလီၫႉ ပကဲၪၦၡၩမီၫ့ဎီၩ့ဂီၩ့ လဂၩဘၪလဂၩ ပကဘၪအီၪက့ၪပဲၩလိၭၥၭ…

ထၧၫ့ဖုဝဲၥံၪဧ့ မိဖါကနၩ့နၩ့နီၪ လၧဖိၪဒံၪၥံၪအမ့ၬယၫ ချဲၩ့အၪလူအၪလိၬၥၭနးဆိၭအ့ၬ ဘၪထံၭဘၪ နဲၪ့လိၬၥၭအလူဆီၪ့ဆီၪ့ ဎၪလိၬဎၪဆံၫ့လိၬၥၭဘဲၫနီၪ အီၪနးကၠၪအ့ၬ မိဖါဘဲၫနီၪအၥိၭ အီၪဝ့ၫဒၪအၡါမၪနဲၪႉ ဘဲၫနီၪအၥိၭလမွဲဘၪဂီၩ့ လၧဖိၪဒံၪၥံၪ အမ့ၬယၫ ချဲၩ့အၪလူအၪလိၬၥၭ ဎၪလိၬဎၪဆံၫ့လိၬၥၭ ဘၪ ထံၭဘၪနဲၪ့လိၬၥၭ စံၭၥိၭလၩ့ဂၩလိၬၥၭ မိဖါလဖၪဆ့ မွဲအီၪအၪမၬဆ့ႉ ပယိထၪ့အယီၩစွါဘဲၫ ပကဒၪဘၪ မိဖါနံၫမံၩ့ယူၭ ဘဲၫနီၪအၥိၭ ဖိၪဒံၪလဖၪဆ့ ကဂဲၫလၩ့ဖၭကၠၭအၥၭနံၫမံၩ့ဆ့နီၪလီၫႉ ဖိၪဒံၪလၧအဘၪဂဲၫဎိၩထၪ့လၧ မိဖါအၡူၪအဘၩလဖၪအစူၪဖၧၩ့နီၪ ကအီၪၥ့ၪချံၫ့ချံၫ့ ကအီၪၥ့ၪ ၡူၪၡူၪဘၩဘၩဖိၪဂီၩ့အဝ့ၫၥံၪယီၩ လၧနဲၩ့ဎီၩ့ဖၧၩ့မွဲကန့ဘၪဆၧအဲၪဆၧကွံၩနီၪလီၫႉ လါနၫ့ ဖိၪဒံၪလၧအဘၪ ဂဲၫဎိၩထၪ့လၧ မိဖါအဘၪထံၭဘၪနဲၪ့လိၬၥၭအစူၪဖၧၩ့လဖၪနီၪ ကကဲၪဒီၩ့မိဖါၥံၪနီၪလီၫႉ လၧၦဂူၫဂၩအဖၫ့ ခိၪ လၧထၧၫ့ဖုထၧၫ့ဝဲအဖၫ့ခိၪ…

ဖၩ့ – ဧ့ ထံၩၥိၭ နကလ့ၩခလဲၪ? သူငယ်ချင်း မင်းဘယ်သွားမလို့လဲ?ချံၫ့ – လၧဂံၪ့အိၩ ဂူၫဆၫလူၬယူၭဘိၭ အနီၪ ယကလ့ၩဎွ့ၩ ဂူၫဆၫနးဆံၭဧၩဘိၩႉ အိမ်မှာဆန်ကုန်သွားလို့လေ အဲ့ဒါ ငါဆန်နဲနဲလောက် သွားဝယ်မလားလို့.ဘဲၫယီၩနနါဂၧၫ့ ဂူၫဆၫအနံၪ့ အီၪဎွ့ၩပၥ့ၪလဲၪယူၭလဲၪ? အခုဆန်ဈေးဘယ်လောက်ရှိပြီလို့ မင်းကြားမိလဲကွ.ဖၩ့ – ယနါဂၧၫ့နီၪ ဂူၫဆၫကတလိၭ အၡၩထုၬ အီၪ ၅၀၀၀ယူၭစွါဘဲၫႉ ငါကြားတာတော့ ဆန်တစ်ပြည်ကို အနည်းဆုံး ၅၀၀၀ရှိပြီတဲ့.ချံၫ့ – အိ ကတလိၭ အီၪ ၅၀၀၀နီၪ အၡၩထုၬဘဲၫဧၪ ? အို့ တစ်ပြည်၅၀၀၀က…

ပကဲၪၦၡၩယီၩ ပၥၭနီၪ မွဲအရ့ၩဒိၪထုၬဒ့ၭလီၫႉ ဆၧချဲၩ့အီၪဝ့ၫကမီၪ့ အ့ၪမွဲပၥၭဒၨၭလၩ့ပၧၩ နီၪပမိၡါဆ့ မွဲကလၩ့ဆိၩ့ဎိၫ့နီၪလီၫႉ ဆၧနီၪအကၠီၩ့ ပအၪ့လုပၥၭဘဲၫကၥ့ၪတီၩတီၩလီၩ့လီၩ့နီၪဆ့ အရ့ၩဒိၪဝ့ၫနၭမၬလီၫႉ ဆၧနီၪအကၠီၩ့အဆိၪထုၬ ပကဘၪအၪ့လုထၬၥၭအဂ့ၩအဘွၩနီၪလီၫႉ ၥၭလိဖၭႇ ဆၧၥၭ ထၪ့ ဒဲ ၥုၪ့ခံၭၥၭခံၭလဖၪ ဂဲၫနုၬလၩ့ပလၧၫ့ပၧၩအဂဲး အ့ၪမွဲပလၥ့ၪယၫလၩ့ဘၪပၥၭနီၪ ပၥုၪ့ၥၭ ကခိဝီၩဂီၩ့ ပကဒၪဘၪဆၧနၬနီၪလီၫႉ ဆၧဘိၪ့အၧၩ့ ကမံၩ့နီၪ ဖ့ၪလၫ့ဒၪပၧၩ ဆၧအအၧၩ့လီၫႉ ၦလၧအထိးဆၧၫ့ထၬအဝ့ၫနီၪ ကိၪ့ဝ့ၫထၧၩ့ဘၪလၩ့လၧဆၧနၬဖၧၩ့ ဆၧကၪဆၧဂဲၩဖၧၩ့လီၫႉ ဆၧနီၪ အကၠီၩ့ ကျ့ၭစၨၭစဲၪ့ထၪ့ခွံၬလၧ ဆၧဘိၪ့အၧၩ့အဖၧၩ့ယီၩထၧၩ့အန့လါဆံၭႉ ဆၧလဂ့ၩဘၪလဖၪနီၪ ဂၭဎ့ၬခွံၬလါဆံၭႉ အီၪက့ၪထၬၥုၪ့ဂ့ၩၥၭဘွၩနီၪလါဆံၭႉ ဆၧအဂ့ၩလဖၪနီၪ မၩထၪ့ကၠၭလါဆံၭႉ အီၪက့ၪထၬ နၥၭဘွၩဘွၩလါဆံၭႉ…

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ႇ ၡၩခံးဂးအဆၧၥၭမၧၫ့ လ့ၩထၪ့လ့ၩထီၫ့အၥိၭ ဆၧၥိၩ့ထၪ့ စီၩ့ဒိၪၥံၪ့ဎွံၪလဖၪနးဆ့ ဂဲၫအၪထၪ့နီၪလီၫႉ ဆၧထူၭထၪ့ စီၩ့ဒိၪၥံၪ့ဎွံၪ မွဲဂဲၫအၪထၪ့နီၪလီၫႉ လၧဆၧလီၩ့ဎွါအၪ့ဎၬအဖၧၩ့ ဒၪဝ့ၫဒၪ ဆၧထူၭထၪ့ စီၩ့ဒိၪၥံၪ့ဎွံၪအမံၩ့အၥၫ့ ၁၀၀၀ ဘျဲၪ ကိၭနံၪ့ဒ့ၭနီၪလီၫႉ လၧထံၫခးၥံၪလဖၪ ထူၭထၪ့ စီၩ့ဒိၪဆၧပိၭဆၧလၫ့ထီးအလူၬ ကအီၪ ၁၃ခွး ဘျဲၪယူၭနီၪလီၫႉ             စီၩ့ဒိၪၥံၪ့ဎွံၪလဖၪယီၩ ထူၭထၪ့ဝ့ၫ ၥိၩ့ထၪ့ဝ့ၫအထီ နဲၩ့ဎီၩ့ ထံၫအထုၪ့ လံၩအထုၪ့ ထီၩ့လၩ့လၧ ဖံၭအထုၪ့ဖၧၩ့အိၩဂီၩ့ ဘၪၥၭလိၪၥၭလံၭထၪ့ နဲၩ့ဎီၩ့နီၪလီၫႉ ၦၡၩဒဲ ဆၧဖိၪဆၧဎါၥံၪထီးလူၬအဂး ဂဲၫကဲၪထၪ့ ဆၧလၩ့အၪ့ယိၫနီၪလီၫႉ             လၧဂၪ့ခိၪယီၩ ၦခမျၧးၥံၪၥိၩ့ထၪ့…

ထၧၫ့ဖုဝဲထံၩၥိၭ ၦလၧအဲၪဒိၭခိၭနၪၦဖျိၩ့ၡါဖိၪၥံၪဧ့ အီၪဆီၪ့အီၪချဲၪ့ ကိၭဂၩဒ့ၭလါဆံၭနဲၪႉ မုကနွ့ၫယီၩ ၦဖျိၩ့ၡါဖိၪအနိၪ့ ယမိဆုးအဲၪဒိၭလီၩအ့ၪဘၪနၥံၪ နးမံၩ့ဖီၫဝီၩၡါဖိၪနီၪ ထီၩ့လၧ နးမံၩ့ဖီၫဝီၩအမိမိအဎွံၪၥံၪနီၪ ကဲၪထၪ့ထဲၩ့ ဖီၫစ့ၩကထံၭဒဲ ဖီၫထီၫ့ကထံၭတၭ စဎွၩအၪ့မၧၫ့အထံၫဖိၪခးဆါၥံၪထ့ၬ လကၭဒံၭဘၪ ခွံၬလၩ့ထၬအလူလၧ ၦလၧထ့ၬန့နီၪ ကရွံအၪ့ထုၪ့ဝ့ၫဒၪလၧ အဒဲၪအမၬၥံၪနီၪလီၫႉ နးမံၩ့ဖီၫဝီၩ အမိယါနးၥၭကဲၪ့လဂၩ နါဂၧၫ့ဆၧပရၧၫ့ယီၩအခၫ အၪ့မၧၫ့အဖိၪမုၪနံၫဂၩနီၪ လ့ၩထ့ၬလါနၫ့ မွဲထ့ၬဝ့ၫလန့ ဘၪလီၫႉထံၫဖိၪခးဆါၥံၪ ဂဲၫကျ့ၭစၨၭထ့ၬကၠၭလါနၫ့ မွဲၦၡၩထ့ၬလန့ဘၪ နးဂၩနီၪလီၫႉ ထီးနီၪ စဎွၩနီၪ စံၭဆၧ လၧယပၧၩ့ထံၫခးဖၧၩ့ယီၩ ၦၡၩအီၪထးကဂၩဂၩဒံၭဧၪ အၪ့စၪ့ဆၧဘဲၫယီၩၥိၭအခၫ လၧၦခမျၧးဖၧၩ့နီၪ ၦၡၩလဂၩ စံၭဆၧၫ့လီၩအ့ၪစဎွၩဒိၪ စဎွၩဒိၪဧ့ ၦမုၪနၩ့ဖိၪအီၪဒံၭကဂၩဒံၭ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪ မွဲဝ့ၫဒၪ ဆၧအၪ့ဆၧအီၩ အီၪထး ထီးအလူၬနီၪ ပကဘၪမၩဆၧၩ့ ၦလၧ ဆၧအၪ့ လအီၪဘၪၥံၪ အဂး လိၪဝ့ၫဒၪ အဂဲးအကၠီၩ့နီၪလီၫႉ ၦၡၩလနၩ့နၩ့နီၪ အၪ့ဆၧလလုၬဘၪ ခွံၬၡိၬဝ့ၫၥ့ၪ ဘုၪဘုၪယီၫယီၫနီၪလီၫႉ လၩ့ဆၫ့ဒၪဆၧႇ ဆၧမၩအယီၩနီၪ ၦကဲၪဒိၪကဲၪမုၥံၪ မၩအၪမၬဒ့ၭနီၪလီၫႉ ပအၪ့ဆၧဂီၩ အီၪထးကဒီၪ့နီၪ ကြၨၭပခွံၬရိၭ နးဆံၭအ့ၬ ပဖ့ၪလၫ့အ့ၪ ၦလၧဆၧအၪ့ လအီၪဘၪၥံၪနီၪ စွါဘဲၫ အဝ့ၫၥံၪ အၥၭကဎွံၪႇ ကဆံၭခိၭဆံၭတၩဆၧ အၪမၬဒ့ၭနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပအၪ့ဆၧဂီၩ့ အီၪထးကဒီၪ့…

ဖီၫ – နအၪ့ဆၫ ဆၧဂဲၪၥၪအီၪဧၪ? ငရုပ်သီးရောင်းဘို့ရှိလား?ဎံၫ – မွဲ ဆၧဂဲၪၥၪအီၪနဲၪႉ ဟုတ်ကဲ့ ငရုပ်သီးရှိပါတယ်.ဖီၫ – ဘဲၫယီၩ ဆၧဂဲၪၥၪ အနံၪ့ အီၪပၥ့ၪလဲၪ? အခု ငရုပ်သီးဘယ်ဈေးလဲ?ဎံၫ – ဆၧဂဲၪၥၪ ကဖးနီၪ ၉၀၀၀ဘီၪႉ ငရုပ်သီးတစ်ပိသာကို ၉၀၀၀ပါ.ဖီ – အိ ဆၧဂဲၪၥၪကဖးနီၪ ၉၀၀၀ယူၭဘိၩဧၪ ဆၧအနံၪ့ထၪ့မနၬမၬလဲၪ? အို့ ငရုပ်သီးတစ်ပိသာ၉၀၀၀တောင်လား ဈေးတွေအရမ်းတက်နေပါလား?ဎံၫ – မွဲဖီၫဧ့ ဆၧအနံၪ့ထၪ့ ကိၭနံၩႉ ဟုတ်တယ်ဖောင်ရေ နေ့တိုင်းဈေးတွေတက်တယ်ဆို.ဖီၫ – ကဲ အ့ၪမွဲဘနီၪ…