RVA PWO KAREN

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ  Wenceslas  အဂဲးအကၠီၩ့နီၪလီၫႉ ၦဆံၫ့ဎံၪ Wenceslas  ယီၩ အီၪဖျဲၪလၧ နံၪ့ (907) နံၪ့ နီၪလီၫႉ ၦဆံၫ့ဎံၪ Wenceslas  ယီၩမွဲဝ့ၫဒၪ ၦဎွၩကပၩနီၪလီၫႉ အဝ့ၫကကဲၪထၪ့ ကၭၥလ့ၬဖိၪကဂၩအဂး အဖံၫဖံၫၥီၪ့အ့ၪအဝ့ၫ ကၠဲၭလူၬကၠဲၭထၫအၪမၬဒ့ၭနီၪလီၫႉ လါနၫ့ အမိမိနီၪ ဘၩကၠဲၭနးကၠၪအ့ၬနီၪလီၫႉ အမိမိနီၪ မၩၥံၫအဝ့ၫအဖံၫဂီၩ့ ပၧၩ့ထဲၩ့ ခွးရိၩ့ နီၪလီၫႉ အဝ့ၫအခွးရိၩ့ဖၧၩ့ ဆၧကၪဆၧဂဲၩ့ ကဲၪထၪ့အကၠီၩ့နီၪ အဝ့ၫအလးလၩ့ထ့ၬဂီၩ့…

ကနံၪ့ယီၩဆၧယီၩခၫအထီ အီၪလၧမက္ကဆီကို ထံၪခးဖၧၩ့ ဖိၪၥၪလၧအဂံၪ့အဎၪ့လအီၪဘၪ၂၂ဂၩနီၪ အီၪဒုၩ ၥၭလၧကၭၥလံၬဆၧဘိၪ့ဆၧဘၩဖၧၩ့ န့ထၪ့ဝ့ၫဒၪနီၪလီၫႉ လကၭဘၪ ၦမူၩဒၩအီၪလဖၪနီၪ လီၩ့ဆုးကျိၭအ့ၪ ဖိၪၥၪၥံၪအမိဖါဘူၭထံးလဖၪဂီၩ့ လၧဂွာတာလုပေဘာ စီးလီကာၥရိၬဖၧၩ့ ဖ့ၪလၫ့အ့ၪ ဖိၪၥၪၥံၪလဖၪ ဆၧၥူၫဝၭဆံၫ့ဎံၪနီၪလီၫႉ ဖိၪၥၪအမိဖါလဖၪနီၪဆ့ အဂံၪ့အဎၪ့ လအီၪ ဘၪဂီၩ့ လီၩ့မံၫဒၪလၧဖၧၩ့ၥၭမုအဖၫ့ခိၪနီၪလီၫႉ အဝ့ၫၥံၪယီၩ ဘၪအီၪအၪ့လ့ၩထဲၩ့လၧ ဖၧၩ့ၥၭဖၫ့ခိၪအဂဲး ‘Hope of the Poor’ (ချို့တဲ့နွမ်းပါးသူတို့၏ မျှော် လင့်ချက်) ခရၧၫ့ဖိၪၥံၪ ဒၪဝ့ၫဒၪအကၠီၩ့ မၩဆၧၩ့ထၪ့ဝ့ၫန့ ဘဲၫယီၩအၥိၭနီၪလီၫႉ လါနၫ့ ခရၧၫ့အယီၩဆ့ ကျိၪစ့ၩအ လၧၫ့အဎွ့ၩလအီၪဘၪအကၠီၩ့ ဘၪထဲၩ့မၩဆၧၩ့ထၪ့ဝ့ၫ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ပကဘၪ ဘၩဆိၪဖၪန့ ၦၥၭၡါၥံၪအဂး လိၪဝ့ၫဒၪအဂဲး အကၠီၩ့နီၪလီၫႉ ဂံၪ့ဒီၪ့ကိၭဂံၪ့ဖၧၩ့နီၪ ၦၥၭၡါၥံၪ အီၪအၪမၬဒ့ၭနီၪလီၫႉ ၦၥၭၡါၥံၪအီၪ အကၠီၩ့နီၪ ဆိၩအၥၫ့ ကဲၪထၪ့န့နီၪလီၫႉ ပကမၩဆၧၩ့ ၦၥၭၡါၥံၪအဂး ဆၧထံၫလၩ့ဒီၪလၩ့ အီၪအၪမၬဒ့ၭနီၪလီၫႉ လါနၫ့ႇ ဆၧကိၪ့တဲၩ့ဒိၪနီၪ အီၪၡၩခိၬဒ့ၭနီၪလီၫႉ ပကဘၪယိဆၧၩ့ ၦၥၭၡါၥံၪ လၧဆၧအဲၪဆၧကွံၩဒဲ ၥုၪ့ဆၧၩ့ ၥၭဆၧၩ့လိၪဝ့ၫဒၪ အၪမၬဒ့ၭနီၪလီၫႉ လၩ့ဆၫ့ဒၪဆၧ ပကဘၪ ယိဆၧၩ့ ၦၥၭၡါၥံၪလၧ ဖူၬလူၭကူၭ နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပကယိလၧ ပထီအခံၫ့ယီၩစွါဘဲၫ…

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Maximilian Kolbe  အဂဲးအကၠီၩ့နီၪလီၫႉ ၦဆံၫ့ဎံၪ Maximilian Kolbe  ယီၩ အီၪဖျဲၪလၧ နံၪ့ (၁၈၉၄) နံၪ့ လၧ ခး Poland နီၪလီၫႉ အဝ့ၫကဒိၭနဲၩ နးမၫရံၫယၩ ကၥ့ၪအဂး အမိမိဖါဖါ ၥီၪအ့ၪအဝ့ၫ ကိၭနံၩနီၪလီၫႉ နံၪ့ (၁၉၀၆) နံၪ့ နီၪ နးမၫရံၫယၩ နဲၪဖျီၪ  ဒၪဆၧလၧယၫ  ဂီၩ့ ဖ့ၪအ့ၪအဝ့ၫ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ပကဘၪမၧၫ့ထၪ့ ဂဲၩထၪ့လၧ ဆၧဆူနဲၩအဂဲး အကၠီၩ့နီၪလီၫႉ ကဆါဎြံၬအဆၧအဲၪႇ ဆၧဖ့ၪလၫ့ဒဲ မၧၫ့ထၪ့ဂဲၩထၪ့နီၪ မွဲဝ့ၫဒၪ ကဆါဎြံၬ အဆၧထိးတဲၩ့ အဝံအစၧၩ့နီၪလီၫႉ ဎရံၬဖိၪၥံၪ အၪဒၪဆၧနီၪ ၥ့ၪယၫဆၧဘိၪ့ဆၧဘၩအဂဲး ၡၩခိၬဂီၩ့ မံၫ့ၥၭအီၪဧၫနီၪ ပကဘၪ ဆီၫ့မီၪ့လၩ့ပၥၭ လိၪဝ့ၫဒၪနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပအီၪၥၭမၧၫ့လၧ ဆၧဆူနဲၩ ဘဲၫၥ့ၪလဲၪနီၪ ပကဘၪ ၥ့ၪယၫနီၪလီၫႉ ပအဲၪဒိၭ န့ထၪ့ ဆၧမုၬဆၧလၩ ကဆိၬကလးအဂး စွါဘဲၫ ပၥၭခံဖၧၩ့ ဆၧဆူနဲၩ ကအီၪဒၪ အိၩချိၩနီၪလီၫႉ…

ပဖ့ၪလၫ့နၧၩ့အကၠီၩ့ ဂဲၫမၩထံၩမၩၥိၭပၧၩထံၩၥိၭလဖၪနီၪ အ့ၪမွဲပဖ့ၪလၫ့လန့လၧၩ့ဘၪကကၠၪ ကခွံၬၡိၬထးပၧၩလီၫႉ ပဒုၭအၪ့ဒုၭအီၩနၧၩ့အကၠီၩ့ ဂဲၫမၩထံၩမၩၥိၭပၧၩ ထံၩၥိၭလဖၪနီၪ အ့ၪမွဲပဒုၭအၪ့ အီၩ လနၧၩ့လၧၩ့ဘၪကကၠၪ ကခွံၬၡိၬထးပၧၩနီၪလီၫႉ နမၩဆၧၩ့နၧၩ့အကၠီၩ့ ဂဲၫမၩထံၩမၩၥိၭနၧၩ ထံၩၥိၭ လဖၪနီၪ အ့ၪနမၩဆၧၩ့လနၧၩ့လၧၩ့ဘၪကကၠၪ ကခွံၬၡိၬထးနၧၩနီၪလီၫႉ အၪ့မၧၫ့ပၧၩန့အကၠီၩ့ ဂဲၫမၩ ထံၩမၩၥိၭပၧၩ ထံၩၥိၭလဖၪနီၪ အ့ၪမွဲအၪ့မၧၫ့ပၧၩလန့လၧၩ့ဘၪကကၠၪ ကခွံၬၡိၬထးပၧၩနီၪလီၫႉ ပအၪ့ လီးအ့ၪနၧၩ့အကၠီၩ့ ဂဲၫမၩထံၩမၩၥိၭပၧၩ ၦၡၩလဖၪနီၪ အ့ၪမွဲပအၪ့လီးအ့ၪလနၧၩ့လၧၩ့ဘၪကကၠၪက ခွံၬၡိၬထးပၧၩနီၪလီၫႉ ဆၧလၧထံၩၥိၭကမံၩ့နီၪ လီၩ့ထိၪဘၪလၧ ဆၧဖ့ၪဆၧၫ့လဂ့ၩႉ လီၩ့ထိၪဘၪလၧ ဆၧအၪ့န့လ ဂ့ၩႉ ထိၪဒၪလၧဆၧအဲၪဆၧကွံၩႇ ဆၧနၪၥ့ၪလိၬၥၭႇ ဆၧစီၪဒီၩ့ဘၪဎီၩ့လၩ့ၥၭ ဒဲ ဆၧယၫ့ၥၭလိၬၥၭဂီၩ့…

ၦခိၭနၪဆၧဖိၪၦလၧအကဲၪဝ့ၫဒၪမိဖါၥံၪဧ့ႇ လၧအဖီၩ့ခွံၬအခံၫ့ဒၪအိၩဆၧလဖၪယီၩ အ့ၪမွဲပမၩလထီၩ့လၪ့ထၪ့ဘၭဘၪနီၪစၭထၪ့လၧအထီဘဲၫယီၩကျ့ၭစၨၭအၪ့န့ထၪ့အခံၪ့ဂီၩ့အီၪဘၪလၧနၥံၪအဖိၪအဒံၪကနံၩနီၪ ဖိၭဘိၭ မံန့ ( ၃၀ )  ဘီၩနဲၪႉ ကနံၩနီၪ နၥံၪဘၪဖ့ၪလၫ့အ့ၪနၥံၪအဖိၪအဒံၪအခံၫ့ဖိၭဘိၭမံန့ (၃၀) နီၪစီၪဆီၫ့မီၪ့ဘၪလၧ အခံၫ့အၪ့ဝ့ၫဒၪလဂ့ၩနဲၪႉ ပဖိၪပဒံၪအဖိၪၥၪဆံၭအထီပအီၪလၧအဝ့ၫၥံၪအနဲၩ့ထံၭ ကနံၩနီၪအခံၪ့ဖိၭဘိၭမံန့ (၃၀) အကၠီၩ့အဝ့ၫၥံၪအထီလၧယၫကကဲၪထၪ့ အခိးအတၩဎွ့ၩပၥ့ၪလဲၪအဂဲးအ့ၪမွဲနၥံၪအဲၪဒိၭၥ့ၪယၫနီၪ မၩခွါယိဘီၩနဲၪႉ ပဖိၪပဒံၪအဖိၪၥၪဆံၭအထီ ပဖ့ၪလၫ့အခံၫ့ဖိၭဘိၭမံန့ (၃၀) နီၪအဝ့ၫၥံၪ အဆၧၥၭမၧၫ့အထီလၧယၫအဂးကကဲၪထၪ့အခိးအတၩဒိၪဒိၪဒ့ၭဒဲ ပကဲၪမိဖါလဖၪ ဆ့ပၥၭဂဲၫၡါထၪ့အခၫအဝ့ၫၥံၪအကၠီၩ့ပၥၭဘၪခိဘၪဝီၩကၡၩဝ့ၫဒၪအဂဲး ပအၪ့ဎၬ ဖီထၬဘၪလၧလံၬစီၩ့အဖၧၩ့ပအဲၪဒိၭဖ့ၪၥ့ၪယၫထၪ့ဘၪၦခိၭနၪဆၧဖိၪၦလၧအကဲၪဝ့ၫဒၪမိမိဖါဖါလဖၪနီၪလီၫႉ အဲၪကွံၩဘၪပခိၭနၪဆၧဖိၪ ၦလၧအကဲၪဝ့ၫဒၪမိဖါၥံၪဧ့ႇ စၭထၪ့လၧအထီဘဲၫယီၩ ပဖိၪပဒံၪအထီလၧယၫဘဲၫၥိၭကဂ့ၩဝ့ၫဒၪအဂး ကနံၩနီၪ ပကအီၪလၧအဝ့ၫၥံၪဘူၭဘူၭထံးထံးဂီၩ့ပကဘၪကွ့ၩၥဲၫလၧအဝ့ၫၥံၪႇပကဘၪချဲၩ့ကွ့ၩလၧအဝ့ၫၥံၪနီၪလီၫႉ

နံၪ့၂၀၂၄နံၪ့ လၩအီၭတိၫဘၧၫ ၁၉ၥၫ့ လဂီၩ၈နၩရံၫအခံၫ့နီၪ ဆၧဒိၭန့ထၪ့ Deacon အဆၧ ကဲၪ မံဆၩဆၧလုထၪ့အီၪဝ့ၫဒၪလၧ ဒိၩ့ပၥံၫ့ စံၫ့ပံတၧၫကၥံၫဒြဲၫ ၥရိၬလးဝၩ့ဖၧၩ့နီၪလီၫႉ ၦလၧအဒိၭ န့ထၪ့ Deacon အဆၧကဲၪလဖၪနီၪ Bro.Bartholomeus ချန်းလုံထွန်း (မေရီလန်းဆၧအီၪ ကီၪ့), Bro. Raymond စစံကျော်သူ(ချမ်းသာကုန်ဆၧအီၪကီၪ့), Bro.Sylvester စောဧဒင်ဦး (ဇောင်းတန်းဆၧအီၪကီၪ့) ဒဲ Bro.Christopher စနန်းဝင်း (ကနစိုးကုန်းဆၧအီၪကီၪ့) လဖၪ နီၪလီၫႉ ၦလၧအဖ့ၪလၫ့အဝ့ၫၥံၪ Deaconဆၧလၩဆၧဖၩ့နီၪဘိၭ မွဲဝ့ၫဒၪ ဒိၩ့ပၥံၫ့ၥၫ့ခိၪဒိၪ Bp.Henry Eikhlein နီၪလီၫႉ ၦလၧကဒိၭန့ထၪ့Deaconအဆၧကဲၪ၄ဂၩယီၩ…

ထၧၫ့ဖုဝဲမုၪခွၫၥံၪဧ့ႇ ထမင်းအသက်ခုနစ်ရက်၊ ရေအသက်တစ်မနက် ပယၩ့အဆၧချဲၩ့ဒီၩ့အီၪဝဲၩ လါနၫ့ ဂ့ၩ အၡါမၪနီၪ လံၩနီၪ အ့ၪမွဲလအီၪဘၪ ဆၧဖိၪဆၧဎါအၪဒၪဆၧ မွဲအၥၭကမၧၫ့နး အခံၫ့ ၃မံနံၬအ့ၬႉ ပဘၪအီၪလၧလံၩ ကိၭနံၩဒ့ၭလီၫႉပဘၪၥွံၭလံၩ ပန့ဘၪလံၩအခိးအတၩ လၧမိၡါခံးဂၩ့ဖၧၩ့ယီၩနးဆ့ လံၩအီၪထဂၩ ယၫလီၫႉ လါနၫ့ လံၩယီၩ ပဒၪၥ့ၪအ့ၬတၭ ပစီၪဘၪအီၪအ့ၬ ပထုၪ့ၥုၪ့ထုၪ့ၥၭဘၪအ့ၬနီၪလီၫႉ လံၩနီၪ လၩ့ဆၫ့ဝ့ၫဒၪ ဝၩ့ဖၩ့ထၬဂၪ့ခိၪထၧၫ့ဖျိၪ့ယၫ လံၩမၫဆမံၭဖၭဒိၪနီၪ ကိၭဝ့ၫလၧ လံၩအထၧၫ့နီၪလီၫႉ လံၩအထၧၫ့ယီၩ ဒၧၩ့ဎွ့ၩပၥ့ၪလဲၪနီၪ ၦၡၩၥ့ၪယၫဂ့ၩဂ့ၩနးဂၩအ့ၬနီၪလီၫႉ လံၩအီၪအကၠီၩ့ ပဂၪ့ခိၪချိၫ့ယီၩ ဆၧဖိၪဆၧဎါၥံၪ ဆၧထံၭဆၧဘီၩ့ၥံၪ အၥၭမၧၫ့ဎံၫလၩဝ့ၫဒၪနီၪလီၫႉ လံၩယီၩ အ့ၪမွဲလအီၪဘၪ…