RVA PWO KAREN

ဆၧဘၩဆိၪဖၪနီၪ ဖိၪၥၪအဂးမွဲဂ့ၩႇ ဂံၪ့ဒီၪ့ဖိၪၥံၪအဂးမွဲဂ့ၩ လိၫဝ့ၫတၡါနီၪလီၫႉ ဆၧလၧဆၧအဲၪဆၧကွံၩနီၪ အီၪစၭထၪ့လၧ ဂံၪ့ဒီၪ့ဖၧၩ့နီၪလီၫႉ လၧဆၧအဂဲးဖၧၩ့ယီၩ ၦမုၪနၩ့ဖိၪကဂၩနီၪ လၧဆၧဘိၪ့ဆၧဘၩအဂး ခိးဂဲးခိးဘၭနၭနၭလ့ၬအကၠီၩ့ ၦၡၩစီၪဘၪအဝ့ၫ ကကဲၪထၪ့လၧ sr ကဂၩနီၪလီၫႉ လါနၫ့အဝ့ၫယီၩ ကထၪ့ၡါအဂဲး ၦၡၩၥ့ၪယၫအခၫ မၩ့ကဂၩနီၪ လ့ၩအၪ့စၪ့အဝ့ၫ အဂဲးအဖးကကၠၪ ၦမုၪနီၪ စံၭဆၧၫ့ထဲၩ့အဝ့ၫ မၩ့ဧ့ ခီၫလၧအဂုအိၩ ယကထၪ့ၡါအဂး ယထိၪတွၭထၬအကၠီၩ့ ယဂဲၫထဲၩ့ခိးဂဲးခိးဘၭထၪ့ ဆၧဘိၪ့ဆၧဘၩအၪအၪလီၫႉ ဘဲၫနၥ့ၪယၫထၬဝဲၩ့အၥိၭ ဆၧလၧဆၧဒၩ့ဂံၪ့ဒၩ့ဎၫ့နီၪ မွဲယီၫအ့ၭဘီၪႉ ဆၧဒၩ့ဂံၪ့ဒၩ့ဎၫ့နီၪ လိၫဘၪကဆါယွၩအဆၧမၩဆၧၩ့အၪအၪလ့ၬ မွဲအ့ၬဧၪ ၦမုၪနီၪစံၭဆၧၫ့ထဲၩ့ဝ့ၫ ဘနီၪလီၫႉ မွဲလီၫ ဆၧကိၭအမံၩ့အဂး အဆိၪထုၬလိၫနီၪ…

လၧဆၧအဂဲးဖၧၩ့ယီၩ ၦလၧကဲၪဝၩနီၪ ကနံၩနံၩအီၩဂါထံၫ ဂဲၫထဲၩ့ဒိၪဖိထးဖိ အဖိၪအမၫ လီၩ့ဎွါမၩဘုၪလၩ့ အဖိၪအမၫန့နးမံၩ့အ့ၬႉ အမၫနီၪ လၧဆၧၡၪ့ၡၪ့ယၬယၬအဖၧၩ့ ဘၪလီၩ့ဎွါအၪ့နီၪလီၫႉ ကနၩတၭ အမၫနီၪမံၫမးဘၪဝ့ၫ အဝ့ၫထီၩ့စိၩလၧ မူၭခိၪဘၩ့မုးအဂဲး ၦလၧကဲၪမၫနီၪလီၩအ့ၪအဝၩနီၪလီၫႉ အနီၪအခၫအဝၩနီၪ အၪ့စၪ့ထဲၩ့အဝ့ၫ ယၧၩဧီၪ ယၧၩမွဲယထီၩ့စိၩလၧ မူၭခိၪဘၩ့မုးဆ့ဧၪ နီၪလီၫႉ အနီၪအခၫ အမၫနီၪစံၭဆၧၫ့ထဲၩ့အဝ့ၫ မွဲတီၩ နၧၩမွဲနထီၩ့စိၩလၧ မူၭခိၪဘၩ့မုးဆ့ ဆၧနီၪအကၠီၩ့ ယမံၫနၪ့ၥၭအခၫ ဆၧအနီၪမွဲဒၪလၧ ဆၧမံၫမးလီၫအဂဲး ပၥ့ၪယၫထဲၩ့ဂီၩ့ ယအီၪထဲၩ့ ယၥၭချံၫ့ချံၫ့ဘၩဘၩန့လီၫၥၨၩႉ အမၫနီၪစံၭဆၧၫ့ထဲၩ့ အဝ့ၫဘဲၫနီၪၥိၭလီၫႉ ဆၧအဂ့ၩခီၫ ပမၩနၧၩ့နးမံၩ့အ့ၬဂီၩ့ ပကမိထီၩ့စိၩလၧ မူၭခိၪဘၩ့မုးစွါဘဲၫ ပကထီၩ့စိၩလၧ…

ထၧၫ့မၫဝၩလဖၪနီၪ ကဂၩဒဲကဂၩအဖၫ့ခိၪ ကဘၪအီၪက့ၪထၬၥီၫကၠဲၪနီၪလီၫႉ မွဲလၧပ၁ုၪ့လဲးၥၭဘျၪအကၠီၩ့ ထီးပဖိၪပဒံၪလဖၪ အမ့ၬအနၫဘၪဆံၭဘၪ လၧၦၡၩအကျၩလဂ့ၩႉ မိဖါၥံၪ ထၧၫ့ၥုၪ့ထၧၫ့ၥၭကိၭဂၩဆံၭႉ

ဆၧအဲၪဆၧကွံၩနီၪ ကမၩလၩ့မါခွံၬ ဆၧၥၭမဲၪၥၭဖျဲၩ့လဖၪအဂး ဖ့ၪလၫ့ပၧၩ ဂဲးဘၭန့နီၪလီၫႉ နၧၩယီၩ အ့ၪမွဲနအဲၪဘၪၦၡၩ လၧဆၧအဲၪဆၧကွံၩတၡါအဖၧၩ့စွါဘဲၫ နကဘၪထိးဆၫနၥၭအဂး နၥၭမဲၪအ့ၬႉ အဝ့ၫအဂးနကဘၪဖ့ၪဆၧၫ့လၩ့နၥၭဆ့ မွဲနကၥၭမဲၪအ့ၬႉ အဝ့ၫအဂး နကဘၪထိးနိၫ့ ထိးနၭဆ့ မွဲနကၥၭမဲၪအ့ၬႉ နကဘၪထိးလူၬနအခံၫ့လဖၪဆ့ မွဲနကၥၭမဲၪလၧၩ့ဧၪအ့ၬႉ ပအဲၪဝ့ၫဒၪၦလဂၩအဂး ပကဘၪထိးဆၫပၥၭႇ ပကဘၪထိးနိၫ့ထိးနၭၥၭအဂး ၦလၧအၥၭ မဲၪဆၧနီၪ ၥုၪ့ထၪ့ဂံၪ့ဒီၪ့အမုၬအၡူၪလန့ဘၪနီၪလီၫႉ ဘၪန့လဲၪ အဝ့ၫအီၪနီၪ ဆၧအဲၪဆၧကွံၩတ ၡါလအီၪဘၪအကၠီၩ့နီၪလီၫႉ ဆၧအဲၪဆၧကွံၩတၡါ အီၪဝ့ၫဒၪၦလဖၪနီၪ အဝ့ၫၥံၪအဲၪဘၪ ၦလဂၩ အဂး အီၪက့ၪထးခွံၬဆၧလဖၪန့ထီးလူၬနီၪလီၫႉ ဆၧထယီၩယအဲၪဒိၭလီၩၥ့ၪယၫအ့ၪဘၪနၥံၪ စဎွၩ အဲဒွဲအဂဲး ကဆံၭကခ့ၭနီၪလီၫႉ စဎွၩအဲဒွဲယီၩနီၪ အဲၪဘၪလိၬၥၭလၧ…

ပမဲၪပၥွၫမွဲဆၧလူဒိၪဎွ့ၩဒိၪလၧပဂးနီၪလီၫႉ လၧပမဲၪပၥွၫ အီၪအကၠီၩ့ ပအၪ့ဘၪအီၩဘၪဆၧၥ့ၪဝ့ၫလၧ ပကအီၪမၧၫ့အီၪဂဲၩဘၪအဂးနီၪလီၫႉ ဘဲၫၥိၭပမဲၪပၥွၫ အလၧၩ့လဖၪထီးစူၭဆၫလဂ့ၩအဂး အကၧၩ့ဒိၪဝ့ၫလၧ ပကဘၪယိထဲၩ့ခွါထဲၩ့ဝ့ၫ ဂ့ၩဂ့ၩဘၪဘၪနီၪလီၫႉ ထီးပအၪ့ဆၧအီၩဆၧကိၭမံၩ့ဒ့ၭအ့ၪဂီၩ့နီၪ ပကဘၪထူၭဆံၫ့ခွံၫပနိၭ ဒဲပမဲၪပၥွၫႇ မိၩဎွ့ၭၡီၩ့ၡိၭပနိၭနီၪလီၫႉ ပကမံၫထီဒဲပနၪ့ထၪ့ထဲၩ့ပၥၭဒၪလ့ၬနီၪ ပကဘၪထူၭဆံၫ့ပမဲၪပၥွၫနီၪလီၫႉ ဆၧအၪ့အဘုၭအဘၩ့အ့ၪအီၪထး ပမဲၪပၥွၫအဆူၭဖၧၩ့တၭကဲၪထၪ့ဆၧစူၭဆၧဆၫလၧပဂးၥ့ၪဝ့ၫလီၫႉ ပကဘၪဂၭဎ့ၬဆၧအဲၪ့ဆၧအနီၩ့ ဒဲဆၧအၪ့ဆၧအဆၧၫ့အၪနဲၪ့ဆၧကြၨၭအၪ့ဝ့ၫနီၪဆ့လီၫႉ ဆၧလဆံၫ့ဘၪလဖၪ ထီးဒုၭနုၬဘၪလၧပနိၭဖၧၩ့နးမံၩ့လဂ့ၩႉပကဘၪအၪ့ဆၧဖံၭဆၧယၪလၧအဆံၫ့ဝ့ၫႇ ဆၧဒိၭဆၧလၪႇ ဆၧၥူၪဆၧၥၪလၧအဂ့ၩဒဲၥံၪ့ဆ့ၭလဖၪနီၪလီၫႉ ပအ့ၪလပၭကၩဘၪပမဲၪပၥွံလဖၪတၭႇ ဆၧစူၭဆၧဆၫမိနုၬလၩ့မၩဂၭဂီၩ့ခွံၬဝ့ၫနီၪလီၫႉ ထီးပမဲၪပၥွၫစူၭဆၫနီၪ ပလီၩ့မိခိႇ ပအၪ့ဆၧလန့ဘၪႇ ပဂဲးပဘၭမိလၩ့ၡၩႇ ပၥွၫအလၧၩ့ၥံၪမိစူၭဆၫဒဲ ပကျိၪပစ့ၩ ပဆၧၫ့ပထီမိလူၬ ပျီၩဝ့ၫလီၫႉ ဆၧမၩလိၪဖိၪလၧအန့ဘၪဆၧမၩနၧၩ့လဂၩဒၪလ့ၬ မိစၪခွံၬလၧအဆၧမၩလိၪအဖၧၩ့တၬႇ ၦလၧအၥၭဆုးလီၩ့လၧဆၧလိၬကွ့ၩအဖၧၩ့လဖၪ မိစၪခွံၬလၧအဆၧအၪ့ထၩအဖၧၩ့နီၪလီၫႉ အထံး- ၦဖျိၩ့ၡိ…

ခၪ့ဘၪထၧၩ့နီၪတၭပကဲၪထၪ့ၦၡၩလမွဲဘၪလီၫ အဲၪကွံၩဘၪထၧၫ့ဖုဝဲထံၩၥိၭၥံၪဧ့ႇ ဂၪ့ခိၪချိၫ့ယီၩ ပဒိၭန့ဘၪအဆၧၫ့အထီလဖၪနီၪ မွဲဝ့ၪဒၪအလူဒိၪဎွ့ၩဒိၪထုၬလၬဆီၪ့လမံၩ့နီၪလီၫႉ မွဲလၥၭမၧၫ့နီၪဘဲၫထံၫကၠီၪ့ဖၫၩ့မ့ၬလဖီၫအၥိၭ ကထဲၩ့လၩ့ဆံၭဝ့ၫအဂးလမွဘၪလီၫႉ ဘဲၫခိၪလီၩ့လဖျိၪ့အၥိၭကဘၪထီၫထၪ့ဝ့ၫအဂးနီၪလီၫႉ ဂၪ့ခိၪချိၫ့ယီၩပကဲၪထၪ့ၦၡၩလဂၩနီၪ ခၪ့ဘၪထၧၩ့တၭခဲၪထၪ့ဝ့ၫလမွဲဘၪလီၫႉ ဆၧထိစိၩလမံၩ့မံၩ့အဂး ဂဲၫထီၩ့ဝ့ၫနီၪလီၫႉ  ထၧၫ့ဖုဝဲထံၩၥိၭၥံၪဧ့ႇ ဆုးဒီၪနါခိၭနၪထၪ့ဆၧဂၩ့မၧၫ့ယီၩလါဆံၭႉ

ပထၧၫ့မၫဝၩလဖၪနီၪ လၧဂံၪ့ဒီၪ့အဆၧၥၭမၧၫ့အဖၧၩ့ မွဲကဒၪဆၧၫ့ယၫလၧ ဆၧကၪဆၧဂဲၩ အမံၩ့မံၩ့နီၪလီၫႉ အနီၪအခၫ လမွဲဘၪကဘျၩ့မွဲကဘျၩ့ အၥုၪ့အၥၭလၩ့ဆါ ကအီၪထၪ့ဝ့ၫဒၪနီၪလီၫႉ အကဂၩအ့ၪမွဲ ၥုၪ့ၥၭလၩ့ဆါစွါဘဲၫ အကဂၩနီၪ ဖ့ၪဂဲးဖ့ၪဘၭဝ့ၫ ကဘၪၥ့ၪနီၪလီၫႉ ကဂၩဒဲကဂၩ ပဖ့ၪဂဲးဖ့ၪဘၭလိၬၥၭနီၪ ပကခၫ့ဂၬခွံၬ ဂံၪ့ဒီၪ့အဆၧကၪဆၧဂဲၩလဖၪအဂး မွဲ အခိးအတၩအီၪဝ့ၫအၪမၬနီၪလီၫႉ ၦကွ့ၭလံၬဆရၫ Natheniel Hawthorne နီၪ လၧအဝ့ၫအမံၩ့ လန့ဒံၭဘၪအထီအိၩ လၧအဆၧမၩလးဖၧၩ့ ၦၡၩထုၬထၪ့ခွံၬအဝ့ၫဆၧမၩအကၠီၩ့ အၥုၪ့အၥၭလၩ့ဆ့ၭ လၩ့ယွၩ နၭမၬဒ့ၭနီၪလီၫႉ အဝ့ၫအၥၭလၩ့အထီ အဝ့ၫအမၫၥၭဘီၩ့ Sofiaနီၪ စံၭအဝ့ၫ ဝၩဧ့ မၩၡၪ့နၥၭလဂ့ၩ လၧနၥၭ ဆုးလီၩ့နကမိကွ့ၭလံၬနီၪကွ့ၭမၬလီၫႉ ဂံၪ့ဒီၪ့အဖၧၩ့…

ပခိၪနုၬနီၪ လမွဲဘၪ ဆၧဘံၪ၁ိၭအလးလီၫႉ (အဆၫ့ ၂) နခံနလဲၫအီၪ ပၩရမံၫလဖၪနီၪ နမိ၁့ၪယၫဧၪႉ  အထီလၧယၫ နကကဲၪမနီၫလဲၪနီၪ နမိ၁့ၪယၫဧၪႉ အဝ့ၫနါဂၧၫ့ဆၧချဲၩ့နီၪကကၠၪႇ အဲၪဒိၭအၪ့စၪ့ဝ့ၫနီၪလီၫႉ ဆၧနီၪအကၠီၩ့ အဝ့ၫအၪ့ဎၬဝ့ၫလီၫႉ အနီၪဂီၩ့ ဖိၪ၁ၪခွၫနီၪ စံၭထၪ့ဝ့ၫ ဆရၫဧ့ႇ ဟီၩလၩ့အ့ၪယၧၩ ယခိၪဎွံၪယီၩနးထံၫဘ့ၩႇ ထၧၫ့ဖု၀ဲထံၩၥိၭၥံၪဧ့ႇ ဆုးဒီၪနါခိၭနၪထၪ့ဆၧဂၧၩ့မၧၫ့ယီၩလါဆံၭႉ

ၥၭဘၪ့ဒဲအထီလၧယၫအဂဲး အဲၪကွံၩဘၪထၧၫ့ဖုဝဲ၁ၭဘၪ့ဖိၪ၁°ၪဧ့ႇ မုကနံၩယီၩ ယအဲၪဒိၭလီၩအ့ၪဘၪနၥံၪ ဘၪဎၬလၧၥၭဘၪ့ဒဲအထီလၧယၫအဂဲးနီၪလီၫႉ အဲၪကွံၩဘၪထၧၫ့ဖုဝဲ၁ၭဘၪ့ဖိၪ၁°ၪဧ့ႇ ကကၠၪကကၠၪလစံၭဆၧ အီၪမုၬမုၬဒဲၥံၫမုၬမုၬလီၫႉ ဘၪဎၬလၧၥၭဘၪ့ဒဲအထီလၧယၫအဂဲး ဘဲၫပကၥ့ၪယၫထၪ့လၧၫ့လၧၫ့ဎွ့ၩဎွ့ၩအဂး ဆုးဒီၪနါခိၭနၪထၪ့ဆၧဂၧၩ့မၧၫ့ယီၩလါဆံၭႉ

ၥၭဘၪ့ဒဲဖၧၩ့ၥၭ အဲၪကွံၩဘၪထၧၫ့ဖုဝဲ၁ၭဘၪ့ဖိၪ၁°ၪဧ့ႇ ပကဲၪၦၡၩလမံၩ့နီၪ ဆၧလၧကဲၪထၪ့လၥ့ၪဘၪ ဘဲၫကကဲၪထၪ့အဂးႇ ဆၧလၧပဒၪလၥ့ၪဘၪ ဘဲၫပကဒၪထၪ့ဝ့ၫအဂး ဆၧလဖၪၥံၪနီၪ အပၧၩ့ထၬ ၦၡၩအၥၭမၧၫ့နီၪလီၫႉ အဲၪကွံၩဘၪထၧၫ့ဖုဝဲ၁ၭဘၪ့ဖိၪ၁°ၪဧ့ႇ မွဲၥၭဘၪ့ဒဲဖၧၩ့ၥၭအဂဲးယီၩ ဒီၪနါခိၭနၪထၪ့ ဆၧဂၩ့မၧၫ့ယီၩလါဆံၭႉ