RVA PWO KAREN

ထွံၪဂၪ့ခိၪလဒုၩ အၪ့မၩစဘံၭၥၪလထုၭဘၪနီၪတၭစံၭထၪ့ဆၧ စဘံၭၥၪနီၪဆဲၪ့အကၠီၩ့ႇ ထၧၫ့ဖုဝဲမုၪခွၫထံၩၥိၭၥံၪထီးလူၬ ကနါဂၧၫ့ ယုၩယါဝ့ၫလၧၡါဖၧၩ့နီၪလီၫႉ စဘံၭၥၪလဖၪနီၪ နၧၫ့မၧၫ့ဝ့ၫႇ လၩ့အၪ့ဝ့ၫလါနၫ့ မွဲထွံၪဂၪ့ခိၪလဒုၩနီၪ လၥၭကွံၩလၧၩ့ ဘၪဝ့ၫတၭ စံၭထၪ့ဆၧ “စဘံၭၥၪလဖၪယီၩ အီၪဒံၭၥၪအၥံၪ့လီၫႉ လအွံၪလစၧၫ့ ဘၪဒဲ ဆဲၪ့ဝ့ၫနီၪအကၠီၩ့” စဲၪ့ထၪ့ခွံၬ လထံၪဎးလီၫႉ အဲၪကွံၩ ဘၪထၧၫ့ဖုဝဲမုၪခွၫထံၩၥိၭၥံၪဧ့ႇ မွဲဝ့ၫထွံၪဂၪ့ခိၪ အဆၧဂဲၩဆၧဝၭယီၩကြၨၭပအၪ့န့ထၪ့အဒီၩ့နီၪလီၫႉ ပလန့လၧၩ့ ဘၪဆၧလမံၩ့မံၩ့နီၪတၭ ဆၧအယီၩဂ့ၩအ့ၬအကၠီၩ့ႇ မွဲဆၧအၪ့ဎူၫအၪ့ဎၬဆၧဘနီၪ ကြၨၭပလထိးဆၧၫ့ ဘၪနီၪလီၫႉ လါတၫ့ဂ့ၩႇ ကဲၪလၥ့ၪလၧၩ့ဘၪ ဆၧလမံၩ့နီၪ ပၥုၪ့ကွံၩၥၭကွံၩ ကြၨၭလအီၪလၧၩ့ ဘၪအကၠီၩ့ႇ ဘၪထိးဆၧၫ့ဝ့ၫလီၫႉ မွဲတၡါလီၫႉ ပလအၪ့ ဘၪစ…

ထၧၨဖးဝဲထံၩၥိၭထီးလူၬၥံၪဧ့ႇ အဆိၪထုၬၥၭဎွံၫမုၬမုၬနဲၪႉ မုကနံၩယီၩလၧမုၬလၧၥၭဎွံၫဂံၪ့ဒီၪ့ဆံၫ့ဎံၪအနိၪ့ဖၧၩ့ယအဲၪဒိၭလီၩၥ့ၪယၫအ့ၪဘၪနၥံၪဆၧအဂဲးခမံၩ့နီၪလီၫႉ ဆၧလၧပမိနီၪ စၭထၪ့လၧဒၧၩ့ထၪ့န့ပၧၩအထီ ထီးပဂဲၫဎိၩဒိၪထၪ့ကကၠၪ မွဲလုအၪ့လုအီၩပၧၩ ဂ့ၩဂ့ၩဘၪဘၪနီၪလီၫႉ ပကဲၪဖိၪလဖၪယီၩ ပဂဲၫဎိၩထၪ့ပဆၧကိၪ့ဘၪကိၪ့ၥံၪ ဂဲၫလၧၫ့ဎွ့ၩထၪ့ကကၠၪပ ဘၪအီၪက့ၪထး ပမိပဖါဂီၩ့ဘဲၫပကအီၪဘၪအၪ့ဘၪဂ့ၩဂ့ၩဘၪဘၪၥိၭ မွဲပလ့ၩကၠၭလၧအယဲၩ့ဂီၩ့ပလ့ၩမၩကၠၭဆၧမၩဒဲ ပလီၩ့ဎွါကၠၭကျိၪစ့ၪလဖၪနီၪလီၫႉ ပကဲၪဖိၪလဖၪယီၩ ပလ့ၩလီၩ့ဎွါကျိၪစ့ၩဂီၩ့ ပၥိၫ့စိၩအ့ၪပမိပဖါန့စွါဘဲၫ ပစီၪဘၪဖိၪလဂၩအမူၩဒၩလၧၫ့ဎွ့ၩထၪ့ယူၭၥ့ၪနီၪလီၫႉ လါနၫ့ ပမိမိလဖၪနီၪ ကနံၩဘၪကနံၩ ခိၭယိလါပၧၩ ပကဂဲၫထဲၩ့အီၪကွ့ၭအဝ့ၫၥံၪပကဂဲၫထဲၩ့ယိထဲၩ့ခွါထဲၩ့အဝ့ၫၥံၪနီၪလီၫႉ ဆၧအဂဲးယီၩနီၪ ပကဲၪဖိၪလဖၪမွဲ ပလထုၪ့ပၥၭဘၪနီၪလီၫႉ လၧဖိၪလဖၪအအီၪမိဖါလဖၪခိၭယိလါဝ့ၫနီၪမွဲလၧဖိၪလဖၪဆၧယိထဲၩ့ခွါထဲၩ့ဖိၪလၧကအီၪကၠၧၫ့ကၠၧၫ့လၧအဝ့ၫၥံၪအဂးအခံၫ့လဖၪနီၪလီၫႉ ဆၧနီၪအကၠီၩ့ ပကဲၪဖိၪလဖၪတခၩပလ့ၩထီၩ့လၧဆၧအလးနးစီၪ့ မွဲပကဘၪကျ့ၭစၨၭ ဖ့ၪလၫ့ထဲၩ့ပမိပဖါလဖၪအခံၫ့နီၪလီၫႉ

ပအီၪလၧဂၪ့ခိၪချိၫ့ယီၩအထီ ပဘၪဒၪဝ့ၫထၧၡၪ့ဆၧနၭဆၧကၪထၧဂဲၩအၪအၪနၭနၭလ့ၬလီၫႉ ကကၠၪကၠၪတၭ အ့ၪဆၧဖံၭဆၧမၩလကဲၪထၪ့ဘၪမွဲဂ့ၩႇ မၩထၪ့ဘၪ ဆၧဘၪမၪလမံၩ့မံၩ့မွဲဂ့ၩႇ ၦဂူၫဂၩ့ၥံၪ ၥူၭဝံၪၥူၭလၩဆၧၥ့ၪအၪမၬနီၪလီၫႉလနၩ့နၩ့ဘၪဒၪခီၩ့ဆၧၫ့ယၫ ဆၧကၪဆၧဂဲၩ ဆၧလဖၪနီၪတၭအၥုၪ့ၥၭဂၭဂီၩ့ဒဲလကၭဘၪ ၦလနၩ့နၩ့မၩ့ၥံၫလၩ့အၥၭၥ့ၪနီၪလီၫႉ အဲၪကွံၩ့ဘၪထၧၫ့ဖုဝဲမုၪခွၫထံၩ့ၥိၭၥံၪဧ့ႇ ပဘၪဒၪခီၩ့ဆၧၫ့ယၫဆၧကၪဆၧဂဲၩမွဲဂ့ၩႇ ၦလဖၪၥံၪ ၥူၭဝံၪၥူၭလၩလၧၩမွဲဂ့ၩႇ ပလအဲၪဒိၭဘၪလါနၫ့ႇ ကြၨၭၥုၪ့ဂၭဂီၩ့ၥၭဂၭဂီၩ့လအီၪဘၪဒဲဆၧၥုၪ့လၩ့ဂီၫ့ၥၭလၩ့ထီၫ့ဆ့ႇ ကြၨၭလအီၪဘၪနီၪလီၫႇ ဆၧဘဲၫနီၪၥိၭထၭႇ ပယၩ့အဆၧချဲၩ့ဒီၩ့အီၪဝ့ၫ ၦအၪ့အူၭနၧၩ ကနၧၩ့ဝ့ၫ နွ့ၫၥၫ့ႇ အ့ၪအၪ့ကီၫနီၪဆ့ ကနၧၩ့ဝ့ၫဒၪနွ့ၫၥၫ့လီၫႇ အခံၫ့ဘၪနီၪ အနိၭကဖီၭဘံၭထၬအၥၭလီၫႉ ခိၪလၩဘွၩခီၫႇ ဆၧချဲၩ့ယီၩကွ့ၭထၬဝ့ၫ (Wait for three days) ခိၭၥၧၫ့နံၩ နီၪလီၫႉ ကကၠၪအိၩႇ မုအဆၧခိဎံၫလၩဝ့ၫအတုၬမုနံၩကနံၩနီၪ ၥၫ့ခၫလဂၩလၧဆၧၥုၪ့ဎွံၫၥၭထိၭအဖၧၩ့ စဲၪ့ထၪ့ဂၭဖၭဝ့ၫဒၪလၧ အကၠီးဝးဖၧၩ့နီၪလီၫႉ…

ခးအမ့ၫရံကၫ့ ခးခိဒိၪအၥၫ့ ဂၠိၩ့ဘဲၫ့ဒၫ့ အုၩ့လၩ့ဆၫ့လၩ့ၥၭ ဆၧထံၪလၩ့ဒီၪလၩ့အဖၧၩ့ ကဲၬၥလံၬဘိၪ့ခိၪၥၫ့ၫလဂၩမွဲဝ့ၫ ၥၫ့ခၫ လံၫယိၫဂၠိၩအိၪဒိၪနိၪဘၫ့ နီၪ ဝဲထၪ့ဘၪဆၧထံၪလၩ့ဒီၪလၩ့လၧ အဆၧဘၩဆိၪဖၪနီၪလီၫႉ အဝ့ၫအဆၧဘၩဆိၪဖၪနီၪဘိၭ “ကဆါယွၩလၧအယၫ့ၥၭဆၧလဂၩဧ့ လၩ့ဆၫ့လၩ့မဲၩဝ့ၫဒၪဆၧၫ့ ထီယီၩပထွံၩလၩ့ပခၪ့ဂီၩ့ ပဂဲၫထီၩ့ဝ့ၫလၧနမ့ၬယၫနီၪလီၫႉ ဘဲၫပမၩဒိၪထၪ့ထီၫထၪ့ ဆၧကၧၩ့ဖျိၪ့ထၪ့ၥၭဒဲ ဆၧမၩဂ့ၩမၩဘွၩဆၧလဖၪကန့အဂး ဘဲၫၥိၭပဖိၪပလံၩလဖၪအဆၧၥၭမၧၫ့ကအီၪဘၪလၧဆၧဎူၫဆၧဎၩ့ဖၧၩ့ကန့အဂး ထံၫခးယီၩပစူၭကီၪ့ထၬလၧ ဆၨၩဆၬအၪမံၩ့ ဆၧဘိၪ့ဆၧဘၩအၪမံၩ့ ဆၧလုၫလါအၪမံၩ့အကၠီၩ့တၭ ဘဲၫၥိၭထံၫကးထၧၫ့ဘံၪ့ယၫၦခမျၧးလဖၪ ကၧၩ့ဖျိၪ့ထၪ့အၥၭလဖျိၪ့ဎးကန့အဂး ပယိလါဝ့ၫဂီၩ့ပဂဲၫထီၩ့စိၩလၧနခၪ့ထံၭနီၪလီၫႉ လၧအဖီၩ့ခွံၬ ၂၃၂ နံၪ့အထီအိၩ ဂၠီၭဝၫၡံၫတၫ့အဆၧအုၩ့လၩ့ၥၭ ဆၧထံၪလၩ့ဒီၪလၩ့အဂး ၥၫ့ခိၪဒိၪခိၪနါးိၫ့ကဲၫရဲၫအၪ့ကံၩ့ဘၩဆိၪဖၪဝ့ၫအတဲၩ့လၩ့မူၭခိၪဂၪ့ခိၪဆၧထီးလူၬဖါကဆါယွၩဧ့ ၥၭမုဆံၫ့ဎံၪကဆါယွၩအဆၧကိၪ့ဆၧတဲၩ့ဒဲ အဆၧဂဲးစီၩ့ဘၭစီၩ့လဖၪအဖၧၩ့ မၩဆၧၩ့ထၪ့ဘၪ ပထံၪခး ခးဒိၪခိၪယီၩဂီၩ့အဝ့ၫဆ့လၧဆၧတီၩဆၧလီၩ့အဖၩ့ ဘဲၫဖီၪ့ထၪ့ဖံၭထၪ့ ထံၪခးဆၧဖံၭဆၧမၩကန့အဂးနီၪ မၩဆၧၩ့ထၪ့ဒၪလါဆံၭအဂဲးအဝ့ၫဆ့လၧဆၧတီၩဆၧလီၩ့အဖၧၩ့ ဘဲၫဖီၪ့ထၪ့ဖံၭထၪ့ထံၪခးဆၧဖံၭဆၧမၩကန့အဂးနီွ မၩဆၧၩ့ထၪ့ဒၪလါဆံၭအဂဲးအဝ့ၫအၪ့ကံၩ့ဘၩဆိၪဖၪဝ့ၫနီၪလီၫႉ ၥၫ့ခၪဒိၪလံယိၪဂၠိၪအိၪဒိၪနိၫဘၫ့နီၪ လၧဆၧဘၩဆိၪဖၪအဖၧၩ့…

ၦၡၩဒဲကယဲဆၧလၧအအီၪလၧအၥၭမၧၫ့လဖၪႇ လၧကမၧၫ့ဝ့ၫအဂးဘၪအၪ့ဆၧအၪ့ဆၧအီၩနီၪလီၫႉ ကယဲဆၧအထံၭအဘီၩ့လဖၪဆ့ လၧအဂးဒၪဝ့ၫလိၫဘၪဆၧအၪ့ဆၧအီၩဆုၬဆုၬလီၫႉ ပဝ့ၫၦၡၩလဖၪလၧပကအီၪမၧၫ့အဂးလၧပကြၨၭဒိၭန့ဘၪ ဆၧအၪ့ဆၧအီၩအလၧၫ့အဎွ့ၩ လနံၩဘၪလနံၩလီၫႉ ဆၧအၪ့ဆၧအီၩအလၧၫ့အဎွ့ၩစံၭဆၧနီၪႇ မွဲဆၧအၪ့လၧအဆံၫ့ဝ့ၫႇ လၧအဖီၩ့ဖျ့ၭဆၧစူၭဆၧဆၫအဎိၩ့အဎါထီးအလူၬ ဒဲလအီၪဘၪလၧဆၧအစုၪအဖျါလၧအမၧၩ့ၥ့ၪပၠိၭၥ့ၪပၧၩႇ ဒဲမွဲဆၧအၪ့ၥံၪ့ဆ့ၭလၧစီၩ့ဂဲးလအီၪဘၪ နးမံၩ့အဖၧၩ့လီၫႉ ဆၧအၪ့ဆၧအီၩဘဲၫနီၪအၥိၭလဖၪ မၩဆၧၩ့ပၧၩလၧပကအီၪမၧၫ့အီၪဂဲၩလၧ ဆၧအီၪဆီၪ့အီၪချဲၫ့ႇ ဒုၭဒိၪထၪ့ထီၫထၪ့ပမိၡါဒဲ ဖ့ၪလၫ့ပၧၩဆၧၥုၪ့ထိၬၥၭထိၬနီၪလီၫႉ ဆၧအၪ့ ဆၧအီၩဘဲၫနီၪအၥိၭ ပအၪ့နၩ့ဖၭထၬၥ့ၪ ဝ့ၫၥၧၫ့ဖုၫဘဲၫယီၩအၥိၭလီၫႉ ဆၧအခၪ့ထံၭလဖုၫနီၪႇ မွဲဆၧအၪ့လၧအဒုၭဒိၪထၪ့ထီၫထၪ့ ပမိၡါထၧၫ့ဂၩယၫလီၫႉ ဆၧအၪ့လဖၪနီၪမွဲဝ့ၫဒၪ ကယဲဆၧဖံၭဆၧယၪႇ ကယဲဘဲၩ့အၥၪလဖၪႇ ကယဲဆၧအဒံၪလၧဆၧအၪ့ဝ့ၫလဖၪႇ ၥဒၪ့ႇ ချိၪႇ ဆွ့ၪလဖၪနီၪလီၫႉ ဆၧအၪ့ဆၧအီၩနံၫဖုၫလဖုၫနီၪ မွဲဆၧအၪ့ဆၧအီၩလၧအဖ့ၪလၫ့ပၧၩပမိၡါအဆၧဂဲးဆၧဘၭနီၪလီၫႉ နၫ့ကွ့ၩအံၪႇ ထံၫလၪဆၧၫ့ႇ ဘုၪခဲၫၥၪႇ ကၠိၩ့ထံႇ ကၠီၩ့ထံႇ ဎူၫထံႇ…

အိၩ့ပၩ့ဒီၩခရၧၫ့အဆၧထုၬဖျီၪထၪ့လၧ ၂၀၂၁ န့ၪ့စရၫ့အဖၧၩ့ ၦဎြံၬဖိၪၥံၪလၧအဘၪထိး မၩနၧၩ့မၩစၪၥၭ အဘၪထိးမၩၥံၫၥၭ အအၪထုၬထံၫခး (၅၀)  နီၪ ထုၬဖျီၪထၪ့ထၬဝ့ၫနီၪလီၫႉ ခးၥဲၫ့ထၧၫ့ဘံၪ့ယၫအဖၧၩ့ ၦဎြံၬဖိၪလဖၪနီွ ဘၪထိးမၩၥံၫအၥၭ ကနံၩနီၪ ကအီၪဖိၭဘိၭ ၁၃ ဂၩ အဂဲး ၦဎြၬဖိၪဖိၭဘိၭ ၁၂ ဂၩနီၪ ဘၪထိးဖီၪ့အၥၭဂိၩ့ ဘၪဆၧခွံၬလၩ့လၩဆၧဒုၭဎၭလးဖၧၩ့ကိၭဒံၩဂီၩ့ ၅ ဂၩနီၪဘၪထိးဖီၪ့အၥၭလၧၦအၧၫ့ၦၥၫ့လဖၪအစူၪဖၧၩ့အဂဲး လၧစရၫ့ဖၧၩ့နီၪထုၬဖျီၪထၪ့ထၬဝ့ၫနီၪလီၫႉ ဘဲၫစရၫ့နီၪအဆၧထုၬဖျီၪထၪ့အၥိၭ ၦဎြံၬဖိၪ (၃၀၉)  ခွးနီၪ ဘၪအီၪလၧ ၦအမၩနၧၩ့မၩစၪအဝ့ၫၥံၪဒိၪဒိၪဒ့ၭအလးလဖၪအဂဲး လၧဎြံၬဖိၪဘၪထိးမၩနၧၩ့မၫစၪအၥၭ အနၬထုၬထံၫခး ၅၀ အဖၧၩ့ လပၫထဲးဘၪထံၫခးဂူၪဂၩ ၂၄ ထံၫခးအဖၧၩ့ ဎြံၬဖိၪလၧ အဘၪထိးမၩနၧၩ့မၩဆၪအၥၭ အီၪဝ့ၫဒံၭ ၃၁ ခွးဒံၭအဂဲး ပၥ့ၪယၫဘၪနီၪလီၫႉ…

ဖုဒ့ၩဧ့ႇ လၧဖုဒ့ၩလၥ့ၪယၫဒံၭဘၪ စီၩစီၩ အၥၭဖၧၩ့ ဆၧအဲၪအီၪဘဲၫၥ့ၪလဲၪနီၪ ဖုဒ့ၩကၥ့ၪယၫအဂး စီၩကဘၪလီၩဖျီၪထၪ့ဝ့ၫဒၪလီၫႉ အ့ၪစီၩလီၩဖျီၪထၪ့ကကၠၪစီၩနီၪမွဲဆၧအဲၪၦဒူၩဖိၪႇ အဲၪဆၧၥ့ၪထုၬ ၦလဂၩအကၠီၩ့ႇ မိဂၧၫ့ထၪ့ၥၩလၩ့အၥၭ လအီၪဘၪ ဘဲၫၥ့ၪလဲၪအကၠီၩ့ႇ စီၩကမီဒုၭၥ့ၪယၫဘၪ ဖုဒ့ၩလီၫႉ ဖုဒ့ၩဧ့ႇ လၧဂၪ့ခိၪချိၫ့ယီၩ ၦၡၩလဖၪနီၪ ဂၧၫ့ထၪ့ၥၩလၩ့ဘၪဝ့ၫအဆၧအဲၪ ဆၧဖ့ၪဆၧနီၪ မွဲဝ့ၫဒၪ ဆၧအဲၪတၡါ တၭ ဖုဒ့ၩကနါဂၧၫ့ယုၩယါဝ့ၫလီၫႉ ဆၧနီၪအကၠီၩ့ႇ စီၩအဲၪဘၪဝ့ၫ ဖုဒ့ၩကဂၩနီၪတၭ လၧလလၧၫ့လဎွ့ၩဘၪ ဆၧၥၭမၧၫ့အလး ဖုဒ့ၩ ကဘၪအီၪနီၪ စီၩဒၪလထၪ့ဘၪနီၪလီၫႉ ဆၧနီၪအကၠီၩ့ႇ လၧလအီၪဘၪဆၧနးမံၩ့ယီၩ ကကဲၪထၪ့ဆၧလမံၩ့မံၩ့အဂး လၧဆၧအဲၪဆၧကွံၩအဖၧၩ့ စီၩတဲၩ့ဝဲၩထၬစိၩအ့ၪ ဖုဒ့ၩအဂး မွဲဝ့ၫမူၭဝၩ့ၥီၫ့ဒဲအဎံၫလၩ လၧၫ့ဎွ့ၩဝ့ၫဂၪ့ခိၪချိၫ့ယီၩလီၫႉ…

ကကၠၪအိၩတၭ ဝံးကဝံးနီၪ လၧမၫဆမံၭဖၧၩ့ ၦလၧအဘၪဒၪခီၩ့ဆၧၫ့ယၫဆၧၡၪ့ဆၧနၭၥံၪအဂး ဎိၭဒီၪထၪ့ထၬဝ့ၫ ဆၧထိးထဲၩ့တၩ့ထဲၩ့ခရၧၫ့နီၪလီၫ မွဲဝ့ၫခရၧၫ့နီၪ ၦလၧအၥုၪ့ဆီၪ့ၥၭဆီၪ့ ၦလၧအၥုၪ့ဒူၩၥၭဒူၩ ၦလၧအဝါချံၫန့ဂ့ၩဂ့ၩ ဒဲၦလၧအမိမၩဆၧၩ့ဆၧအၥၭအီၪမၬ ရွံထၪ့ဝ့ၫနီၪလီၫ ကနံၩနီၪတၭ မွဲခရၧၫ့နီၪဆၧပရၧၫ့န့ဝ့ၫဒၪလမံၩ့နီၪလီၫ လၧအဝ့ၫၥံၪ အီၪအလး ဝံးဒဲလယဲၩ့နၭဘၪမၫဆမံၭဖၧၩ့နီၪ ကဘၩ့ယါကဖျိၪ့ ဂၭဂီၩ့ဝ့ၫဒၪလီၫ ဆၧနီၪအကၠီၩ့ မွဲဝ့ၫခရၧၪ့နီၪဆၧပရၧၫ့န့ဝ့ၫဒၪလထံၪဎး ကလ့ၩထိးထဲၩ့တၩ့ထဲၩ့ အဝ့ၫၥံၪနီၪအကၠီၩ့ စၭထၪ့စဲၪ့ထၪ့လ့ၩဝ့ၫဒၪနီၪလီၫ အဲၪကွံၩဘၪထၧၫ့ဖုဝဲၥၭဘၪ့ဖိၪၥံၪဧ့ ချံၫလ့ၩစဲၪ့ထၪ့ဝ့ၫအၪအၪလ့ၬလါနၫ့ လဖုၬလကၠၭလၩ့ဝ့ၫ လပီၩဎိၩဝ့ၫ အနၬထုၬနီၪတၭ ချံၫအၪဖးိၪ့နီၪ ဆုးလ့ၩလဘၧၫ့လၧၩ့ဘၪလီၫ လါနၫ့ မွဲဒၪၥၭဘၪ့ဖိၪအချံၫလဖျိၪ့နီၪ ဆုးလ့ၩဝ့ၫဒၪထၧၩ့အထီၩ့နီၪလီၫ မွဲၥၭဘၪ့ဖိၪချံၫလဖျိၪ့နီၪ ဘၪလ့ၩကိၭဝ့ၫ ၦလၧအလၩ့အုၭလၩ့ယွၩၥံၪနီၪ ၡၪ့ၡၪ့ယါယါတၭ အစူၪၡၫခၪ့ၡၫထၪ့ဒဲ ဆၧပွံၭဆၧထၧၩ့ၥၭ…

ထၧၫ့ဖုဝဲထံၩၥိၭထီးလူၬၥံၪဧ့ႇ မုကနံၩယီၩလၧမုၬလၩၥၭဎွံၫဂံၪ့ဒီၪ့ဆံၫ့ဎံၪ အဆၧထံၫလၩ့ဒီၪလၩ့ဖၧၩ့ယအဲၪဒိၭလီၩၥ့ၪယၫအ့ၪဘၪနၥံၪနီၪ ယဖီထၬဘၪလၧ သင်သိအပ်သောသင့်ဘဝ လံၬစီၩ့ဖၧၩ့ မိဖါလဖၪနီၪဖျါလုထၬဖိၪလဖၪအၥၭလုထီးလူၬလန့ဘၪအဂဲးနီၪလီၫႉ လၧပယၩ့ခီၫနီၪဘိၭ ပကဘၪစံၭဝ့ၫလၧ သားသမီးကို အလိုမလိုက်ပါနှင့် အဂဲးနီၪလီၫႉ မုဆၫကနံၩယီၩဖိၪအအၧၩ့အၥၫ့လဖၪအကၠီၩ့ မိဖါၥၭၡါလၧဘၪဒၪခီၩ့ဆၧၫ့ယၫ ဆၧၡၪ့ဆၧနၭလဖၪအီၪဝ့ၫအၪအၪဒ့ၭနီၪလီၫႉ မိဖါအဆၧချိၩ့လဖၪနီၪ လခိၭနၪဘၪဝ့ၫဂီၩ့ လၧမိဖါၥၭၡါ လဖၪအဖၫ့ခိၪလအီၪက့ၪထၠလၧၩ့ဘၪဆၧယူၭယၪ့လဖၪဒဲ ရၧးစၧးဝ့ၫဂ့ၩဘၪစဲၪ့ၥၭဘၪ့လဖၪပိၪဒံၪလဖၪအီၪဝ့ၫ ဎံၩ့ဎီၩ့ဒ့ၭနီၪလီၫႉ ကနၩ့နၩ့ဂၭဖၬလၧ ၥၭၡါလဖၪအမ့ၬယၫ ကယဲးထဲးဝ့ၫမၩဆဲဆဲလီၫ ၥၭဘၪ့မုၪခွၫ ဘဲၧနီၪၥိၭ ပဒၪဘၪကိၭမၪခိၭမၪနီၪလီၫႉ ဖိၪလံၩၥံၪလဖၪဘၪကဲၪထၪ့ဘဲၫယီၩၥိၭနီၪဘၪန့လဲၪႉ  ပဖိွပလံၩလဖၪဘၪကဲၪထၪ့ဘဲၫယီၩၥိၭနီၪ ဘၪထွ့ၪလၧဆၧအဂဲးနံၫမံၩ့ယီၩနီၪလီၫႉ အဆိၪထုၬကမံၩ့နီၪလၧပဖိၪပလံၩအဆံၭဆံၭအထီအိၩကယဲအဝ့ၫၥံၪအဲၪဒိၭမၩနးမံၩ့ ပမၩလၧၫ့ဎွၩထၪ့အ့ၪအဝ့ၫၥံၪထီးလူၬ ပဖျါလုထၬအဝ့ၫၥံၪအၥၭလုဂ့ဘၪစဲၪ့အကၠီၩ့နီၪလီၫႉ နံၫထံၪကထံၪနီၪဘိၭ လၧပဖိၪပဒံၪအဆံၭဆံၭအထီအိၩ ပကဲၪမိဖါလဖၪကဂၩဒဲကဂၩပဂဲၫဆဲၩ့အီၪအၪ့လၧပဖိၪပဒံၪအမ့ၬယၫဘဲၫၥ့ၪလဲၪနီၪလီၫႉ စံၭမၬချၭ-ပကဲၪမိဖါနံၫဂၩနီၪ ကနံၩဘၪကနံၩပကဎၪလိၬဎၪဆံၫ့လိၬၥၭ ပကဒိၪထးလိၬၥၭ ပကစံၭၥိၭလၩ့ဂၩလိၬၥၭ ကဂၩဒဲ ကဂၩပယူၭယၪ့လီၬၥၭအ့ၬအဂဲးပဖၪနီၪအ့ၪမွပကမၩနဲၪအ့ၪပဖိၪပဒံၪလဖၪစွါဘဲၫ…