RVA PWO KAREN

ၦခိၭနၪဆၧဖိၪၦလၧအကဲၪဝ့ၫဒၪမိဖါၥံၪဧ့ႇ လၧအဖီၩ့ခွံၬအခံၫ့ဒၪအိၩဆၧလဖၪယီၩ အ့ၪမွဲပမၩလထီၩ့လၪ့ထၪ့ဘၭဘၪနီၪစၭထၪ့လၧအထီဘဲၫယီၩကျ့ၭစၨၭအၪ့န့ထၪ့အခံၪ့ဂီၩ့အီၪဘၪလၧနၥံၪအဖိၪအဒံၪကနံၩနီၪ ဖိၭဘိၭ မံန့ ( ၃၀ )  ဘီၩနဲၪႉ ကနံၩနီၪ နၥံၪဘၪဖ့ၪလၫ့အ့ၪနၥံၪအဖိၪအဒံၪအခံၫ့ဖိၭဘိၭမံန့ (၃၀) နီၪစီၪဆီၫ့မီၪ့ဘၪလၧ အခံၫ့အၪ့ဝ့ၫဒၪလဂ့ၩနဲၪႉ ပဖိၪပဒံၪအဖိၪၥၪဆံၭအထီပအီၪလၧအဝ့ၫၥံၪအနဲၩ့ထံၭ ကနံၩနီၪအခံၪ့ဖိၭဘိၭမံန့ (၃၀) အကၠီၩ့အဝ့ၫၥံၪအထီလၧယၫကကဲၪထၪ့ အခိးအတၩဎွ့ၩပၥ့ၪလဲၪအဂဲးအ့ၪမွဲနၥံၪအဲၪဒိၭၥ့ၪယၫနီၪ မၩခွါယိဘီၩနဲၪႉ ပဖိၪပဒံၪအဖိၪၥၪဆံၭအထီ ပဖ့ၪလၫ့အခံၫ့ဖိၭဘိၭမံန့ (၃၀) နီၪအဝ့ၫၥံၪ အဆၧၥၭမၧၫ့အထီလၧယၫအဂးကကဲၪထၪ့အခိးအတၩဒိၪဒိၪဒ့ၭဒဲ ပကဲၪမိဖါလဖၪ ဆ့ပၥၭဂဲၫၡါထၪ့အခၫအဝ့ၫၥံၪအကၠီၩ့ပၥၭဘၪခိဘၪဝီၩကၡၩဝ့ၫဒၪအဂဲး ပအၪ့ဎၬ ဖီထၬဘၪလၧလံၬစီၩ့အဖၧၩ့ပအဲၪဒိၭဖ့ၪၥ့ၪယၫထၪ့ဘၪၦခိၭနၪဆၧဖိၪၦလၧအကဲၪဝ့ၫဒၪမိမိဖါဖါလဖၪနီၪလီၫႉ အဲၪကွံၩဘၪပခိၭနၪဆၧဖိၪ ၦလၧအကဲၪဝ့ၫဒၪမိဖါၥံၪဧ့ႇ စၭထၪ့လၧအထီဘဲၫယီၩ ပဖိၪပဒံၪအထီလၧယၫဘဲၫၥိၭကဂ့ၩဝ့ၫဒၪအဂး ကနံၩနီၪ ပကအီၪလၧအဝ့ၫၥံၪဘူၭဘူၭထံးထံးဂီၩ့ပကဘၪကွ့ၩၥဲၫလၧအဝ့ၫၥံၪႇပကဘၪချဲၩ့ကွ့ၩလၧအဝ့ၫၥံၪနီၪလီၫႉ

နံၪ့၂၀၂၄နံၪ့ လၩအီၭတိၫဘၧၫ ၁၉ၥၫ့ လဂီၩ၈နၩရံၫအခံၫ့နီၪ ဆၧဒိၭန့ထၪ့ Deacon အဆၧ ကဲၪ မံဆၩဆၧလုထၪ့အီၪဝ့ၫဒၪလၧ ဒိၩ့ပၥံၫ့ စံၫ့ပံတၧၫကၥံၫဒြဲၫ ၥရိၬလးဝၩ့ဖၧၩ့နီၪလီၫႉ ၦလၧအဒိၭ န့ထၪ့ Deacon အဆၧကဲၪလဖၪနီၪ Bro.Bartholomeus ချန်းလုံထွန်း (မေရီလန်းဆၧအီၪ ကီၪ့), Bro. Raymond စစံကျော်သူ(ချမ်းသာကုန်ဆၧအီၪကီၪ့), Bro.Sylvester စောဧဒင်ဦး (ဇောင်းတန်းဆၧအီၪကီၪ့) ဒဲ Bro.Christopher စနန်းဝင်း (ကနစိုးကုန်းဆၧအီၪကီၪ့) လဖၪ နီၪလီၫႉ ၦလၧအဖ့ၪလၫ့အဝ့ၫၥံၪ Deaconဆၧလၩဆၧဖၩ့နီၪဘိၭ မွဲဝ့ၫဒၪ ဒိၩ့ပၥံၫ့ၥၫ့ခိၪဒိၪ Bp.Henry Eikhlein နီၪလီၫႉ ၦလၧကဒိၭန့ထၪ့Deaconအဆၧကဲၪ၄ဂၩယီၩ…

ထၧၫ့ဖုဝဲမုၪခွၫၥံၪဧ့ႇ ထမင်းအသက်ခုနစ်ရက်၊ ရေအသက်တစ်မနက် ပယၩ့အဆၧချဲၩ့ဒီၩ့အီၪဝဲၩ လါနၫ့ ဂ့ၩ အၡါမၪနီၪ လံၩနီၪ အ့ၪမွဲလအီၪဘၪ ဆၧဖိၪဆၧဎါအၪဒၪဆၧ မွဲအၥၭကမၧၫ့နး အခံၫ့ ၃မံနံၬအ့ၬႉ ပဘၪအီၪလၧလံၩ ကိၭနံၩဒ့ၭလီၫႉပဘၪၥွံၭလံၩ ပန့ဘၪလံၩအခိးအတၩ လၧမိၡါခံးဂၩ့ဖၧၩ့ယီၩနးဆ့ လံၩအီၪထဂၩ ယၫလီၫႉ လါနၫ့ လံၩယီၩ ပဒၪၥ့ၪအ့ၬတၭ ပစီၪဘၪအီၪအ့ၬ ပထုၪ့ၥုၪ့ထုၪ့ၥၭဘၪအ့ၬနီၪလီၫႉ လံၩနီၪ လၩ့ဆၫ့ဝ့ၫဒၪ ဝၩ့ဖၩ့ထၬဂၪ့ခိၪထၧၫ့ဖျိၪ့ယၫ လံၩမၫဆမံၭဖၭဒိၪနီၪ ကိၭဝ့ၫလၧ လံၩအထၧၫ့နီၪလီၫႉ လံၩအထၧၫ့ယီၩ ဒၧၩ့ဎွ့ၩပၥ့ၪလဲၪနီၪ ၦၡၩၥ့ၪယၫဂ့ၩဂ့ၩနးဂၩအ့ၬနီၪလီၫႉ လံၩအီၪအကၠီၩ့ ပဂၪ့ခိၪချိၫ့ယီၩ ဆၧဖိၪဆၧဎါၥံၪ ဆၧထံၭဆၧဘီၩ့ၥံၪ အၥၭမၧၫ့ဎံၫလၩဝ့ၫဒၪနီၪလီၫႉ လံၩယီၩ အ့ၪမွဲလအီၪဘၪ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ပကဘၪ ယိဆၧၩ့ ၦဂူၫဂၩ အဝံခိၪထုၬ လိၪဝ့ၫဒၪအဂဲး အကၠီၩ့နီၪလီၫႉ ၦၡၩအၪဒၪဆၧနီၪ ၦဂူၫဂၩ ယိဆၧၩ့ပၧၩ အဝံခိၪထုၬနီၪ ပမိထိးဆၧၫ့နီၪလီၫႉ ဆၧအယီၩနီၪ မွဲဝ့ၫဒၪ န့ၩခၠၧၫ ကမံၩ့နီၪလီၫႉ လါနၫ့ႇ ပကဘၪ ယိဆၧၩ့ ၦဂူၫဂၩ အဝံခိၪထုၬနီၪ ပၥၭနၪ့ၥ့ၪဝ့ၫဒၪနီၪလီၫႉ ၦၡၩလနၩ့နၩ့နီၪ ကျဲၩ့မၩၥၭနၪ့အၥၭနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧ ပကဘၪ ယိဆၧၩ့ၦဂူၫဂၩ အဝံခိၪထုၬနီၪ ဆၪ့လၩ့ၥၭ ကဘၪအီၪနီၪလီၫႉ ပကမၩ ဆၧမၩယီၩအဂးနီၪ ဆၧကၪဆၧဂဲၩ အီၪအၪမၬဒ့ၭနီၪလီၫႉ…

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Jane Francis De Chantal အဂဲးအကၠီၩ့နီၪလီၫႉ ၦဆံၫ့ဎံၪ Jane ယီၩ အီၪဖျဲၪလၧ နံၪ့ (၁၅ရ၂) နံၪ့ လၧ ခးပၠ့ၫၥ့ၭ နီၪလီၫႉ အဝ့ၫၥံၪ အဂံၪ့ဒီၪနီၪ အီၪလၧကၠဲၭလူကၠဲၭထၫ အၪမၬဒ့ၭ နီၪလီၫႉ အဝ့ၫအၥၭအီၪ (၂၁) နံၪ့နီၪ ထၪ့ၡါဂီၩ့ အဖိၪန့ထၪ့ (၆) ဂၩနီၪလီၫႉ အဝ့ၫယီၩ အီၪဘၪလၧ အဂံၪ့ဒီၪ့…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဆၧဆၫဆါဒဲ ၦယိဆၧၩ့အကျၩ ဆၧလၩ့ဘူၭအဂဲး အကၠီၩ့နီၪလီၫႉ ဆၧလၧဆၧဆၫနီၪ အီၪအဖျီၪအမံၩ့မံၩ့နီၪလီၫႉ ပအီၪပဲၩထၬ ဆၧဆၫဆါၥံၪႇ ပယိဖၬခွံၬ ဆၧဆၫဆါၥံၪႇ လတီၩလဘၪ ၡၩဘၪထိးပျီၩဒဲ ၦလၧဘၪထိးဆိၪခွံၬ အခွးအယါနီၪ မွဲဝ့ၫဒၪ ဆၧဆၫအဖျီၪကမံၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၦလၧဘၪထိးဆၧဆၫၥံၪအဂး ထံးလၩ့ထီၩ့လၩ့ ဆၧအီၪဆီၪ့အီၪချဲၫ့ ယိထဲၩ့ခွါထဲၩ့ လိၪဝ့ၫဒၪ အၪမၬဒ့ၭနီၪလီၫႉ လၩ့ဆၫ့ဒၪဆၧ အရ့ၩဎိၩထုၬ လိၪဝ့ၫဒၪကမံၩ့နီၪ ၦလၧ ဘၪယိ ဆၧဆၫဆါၥံၪနီၪလီၫႉ ၦယိဂ့ၩယိဘၪ ဆၧဆၫဆါၥံၪ လၧအဘူၭထုၬနီၪ မွဲဝ့ၫဒၪ ဘၠၩ့ဆၧအဖျီၩ့ကမံၩ့နီၪလီၫႉ…

ၦၡၩမီၪ့ဎီၩ့လါနၫ့ ဆၧၥ့ၪယၫနၪၥ့ၪလမီၪ့ဎီၩ့ဘၪလီၫႉ ကကၠၪကၠၪ ယထယါၦၡၩဘၪမၪနီၪ မွဲယမ့ၬဘျီၪအ့ၬ မွဲဒၪယတီၩလီၩ့ဒဲယယၫ့ၥၭဆၧၥ့ၪအကၠီၩ့လီၫႉ ဘၪကကၠၪကၠၪ ယအဲၪၦၡၩဘၪ မၪနီၪ မွဲယဆၨၫအ့ၬ မွဲလၧယအီၪက့ၪဒိၪ ဆၧၥၭဆုးလီၩ့ယီၩ ဒိၪဒိၪယိၬယိၬအကၠီၩ့လီၫႉ ဘၪကကၠၪကၠၪယဂၪ့နီၪ မွဲယၥၭအုၭအ့ၬ ယဘၪထိးလတီၩလဘၪဘၪအကၠီၩ့လီၫႉ ဘၪက ကၠၪကၠၪ ယအွံၪၥၭဆၧၩ့ၦၡၩနီၪ ယအီၪယီၩဆၧနဲၪဆၧအဂဲး လအီၪဘၪမွဲအ့ၬ ယကဘၪ ဆၧချဲၩ့အၪ လိၬၥၭနီၪယလအဲၪဒိၭဘၪအကၠီၩ့နီၪလီၫႉ  ဘၪကကၠၪကၠၪနီၪ လယလဂ့ၩဘၪမွဲအ့ၬႉ ၦၡၩအၥုၪ့ အၥၭဖၧၩ့နီၪ မွဲပဒၪစိၩထူၬအ့ၬနီၪႉ လါနၫ့စၭထၪ့လၧအဂုအိၩ အီၪထၬဝဲၩလၧယအီၪ ဆၧၥုၪ့ဂ့ၩၥၭ ဘွၩနီၪဘိၭ ပကဆုးထဲၩ့ပၧၩ့ထၬဒံၭနီၪလီၫႉ အ့ၪပအီၪက့ၪထၬၥုၪ့ၥၭအဂ့ၩအဘွၩစွါဘဲၫ ဂၪ့ခိၪချိၫ့ယီၩ ဂ့ၩဝ့ၫအၪမၬဒ့ၭအဂဲး ယနဲၩဒိၪမၬလီၫႉ ပဆၧဘိၪ့အီၪအကၠီၩ့ ယဂဲၫထဲၩ့ဒၪခီၩ့ဘၪၦၡၩလဖၪနီၪ…