မုကိၭနံၩဆၧၥၭထိၬပရၧၫ့ (ဆၧစ့ၩရၫ့ၦဂူၫဂၩ(စမၭၥူၫ(၇:၁-၅) )
ဘဲၫၥိၭနၥံၪထီးဘၪ ဆၧစ့ၩရၫ့လဂ့ၩနီၪ, စ့ၩရၫ့နၥံၪဝ့ၫလဂ့ၩ, အဂဲးဘဲၫယီၩ နၥံၪမိဘၪဆၧစ့ၩရၫ့ဘဲၫနၥံၪ စ့ၩရၫ့ဆၧအၥိၭနီၪလီၫ. နၥံၪမိဘၪဆၧတိၪ့န့လၧနၥံၪအဂး ဘဲၫနၥံၪတိၪ့န့ဆၧလၧၦအဂးအၥိၭနီၪလီၫ. ၥံၪ့ဖုၫအီၪလၧနမ့ၬၥၪဖၧၩ့နီၪ, နလဆီၫ့မီၪ့ဘၪတၭ, မွဲဘၪနီၪ နယိနိၪကဲၩ့ဖိၪလၧ နထၧၫ့ဖုဝဲအမ့ၬၥၪဖၧၩ့နီၪလဲၪ. မွဲဘၪနီၪ နစံၭနထၧၫ့ဖုဝဲ, ဖ့ၪလၫ့ယခွ့ၭထၪ့ခွံၬ နိၪကဲၩ့ဖိၪ အီၪလၧနမ့ၬၥၪဖၧၩ့ဆံၭ, နီၪလဲၪ. ယိခွါ, ၥံၪ့ဖုၫအီၪဝ့ၫလၧနမ့ၬၥၪဖၧၩ့မၬကၨ. ၦလၧအအၪ့လီၫဆၧဧ့ ခွ့ၭထၪ့ခွံၬဆိၫဒၪခလူၬ ၥံၪ့ဖုၫအီၪလၧနမ့ၬၥၪဖၧၩ့နီၪဆံၭ. အနီၪတၭ, နမိဒၪဆၧထံၫထံၫဆၭဆၭ ဘဲၫနမိခွ့ၭထၪ့ခွံၬနိၪကဲၩ့ဖိၪ အီၪလၧနထၧၫ့ဖုဝဲအမ့ၬၥၪဖၧၩ့အၥိၭနီၪလီၫ.
