ၦဆံၫ့ဎံၪ Blaise အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရါလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Blaise အဂဲးအကၠီၩ့နီၪလီၫႉ ၦဆံၫ့ဎံၪ Blaise ယီၩမွဲဝ့ၫဒၪ ၥံၫ့ဎွံၫဆရၫနီၪလီၫႉ လၧခဲၫ့နီၪ လ့ၩနုၬလၩ့ကဲၪၥၫ့ခၫဂီၩ့ ကဲၪထၪ့ ၥၫ့ခိၪဒိၪနီၪလီၫႉ ၦမၩနၧၩ့မၩစၪဎရံၬဖိၪၥံၪအခံၫ့နီၪ ၦဆံၫ့ဎံၪ Blaise ဘၪထိးဖီၫ့ၥၭဂီၩ့ ၦၡၩမၪနၧၩ့မၩစၪအဝ့ၫအမံၩ့မံၩ့နီၪလီၫႉ အဝ့ၫအဆၧဆူၩနဲၩႇ အဝ့ၫဒိၭနဲၩကဆါဎြံၬအီၪထီးလူၬနီၪ ကဘၪခွံၬၡိၭဝ့ၫအကၠီၩ့ ၦၡၩလီၩအဝ့ၫကိၭမံၩ့လါနၫ့ အဝ့ၫထုၬဆၧၫ့နးဆံၭအ့ၭနီၪလီၫႉ ဆၧနီၪအကၠီၩ့ ၦၡၩဖ့ၬထ့ၬခွံၬ အဝ့ၫအခိၪဎွံၫနီၪလီၫႉ
ၦဆံၫ့ဎံၪ Blaise ယီၩ ၥၭဘၪ့ဖိၪကဂၩ ယၪဎွံၪဘၪဆ့ၭအခိၭဘီၩ့အခံၫ့နီၪ အဝ့ၫမၩဆၧၩ့အ့ၪဂီၩ့ ဘျၪထဲၩ့အကၠီၩ့နီၪ ၦလၧ အခိၬဘီၩ့ဆၫၥံၪလဖၪ ဘၪဒိၭနဲၩၥၭမွဲဝ့ၫ ၦဆံၫ့ဎံၪနီၪလီၫႉ ဆၧနီၪအကၠီၩ့ ၦဆံၫ့ဎံၪ Blaise ဘိၪ့မုနံၩအခံၫ့နီၪ ၥၫ့ခၫၥံၪလဖၪယီၩ မၩဆံၫ့ဎံၪအ့ၪ ဎရံၬဖိၪၥံၪအခိၭဘီၩ့လၧ ပနဲၫ့တၧၩ့နီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬ နၥံၪထီးန့ထၬ ၦဆံၫ့ဎံၪ Blaise အဂဲးကၠီၩ့ ကမံၩ့မံၩ့ကန့အဂး ယအဲၪဒိၭရၩလၩ့န့အ့ၪဘၪနၥံၪနီၪလီၫႉ
