Blessed Franz Jagerstatter အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ Blessed Franz Jagerstatter အဂဲး အကၠီၩ့နီၪလီၫႉ Blessed Franz Jagerstatter ယီၩ အီၪဖျဲၪလၧ ခး Australia နီၪလီၫႉ အမိမိဖါဖါနီၪ မွဲဝ့ၫဒၪ ၦမၩဆံၬဖိၪၥံၪနီၪလီၫႉ Blessed Franz Jagerstatter ယီၩအဲၪဒိၭထၪ့ထုၬ မီၫတီၫစဲၫကၧၫ အၪမ့ၬနီၪလီၫႉ လကၭဒ့ၭဘၪ ၦၡၩကိအဝ့ၫလၧ ၦဒဲၩ့ဖိၪနီၪလီၫႉ ဘၪမနီၪလဲၪစွါဘဲၫ အဝ့ၫယီၩ မွဲဝ့ၫဒၪ ၦဒဲၩ့ဖိၪ ခိၪနါကဂၩနီၪလီၫႉ
လၧခဲၫ့နီၪ ၥုၭၥံၪ ထဲၩ့ဖီၫန့အဝ့ၫအထံၩ့အၥိၭၥံၪအခံၫ့ အဝ့ၫယီၩ စဲၪ့ဖီၩ့ခွံၬ လ့ၩထီၩ့လၧဝံးကဝံးနီၪလီၫႉ အနီဂီၩ့ဂဲၫထဲၩ့လၧ အခးဂီၩ့ ထဲၩ့မၩအၪ့ ၦမၩဆံၬဖိၪဆၧမၩနီၪလီၫႉ ထၪ့ၡါဂီၩ့ အဖိၪမုၪန့ ၃ ဂၩနီၪလီၫႉ လၧခဲၫ့နီၪအဝ့ၫကဘၪမၩ ၥုၭအဆၧမၩအဂး ဘၪထိးကိၭၥၭနီၪလီၫႉ အဝ့ၫကမိလ့ၩအ့ၬ လါနၫ့ဂ့ၩ အဝ့ၫၥံၪအခးနီၪ ဆၧမၩအယီၩနီၪ မွဲဝ့ၫဎရံၬဖိၪၥံၪအတၩလၫ့နီၪအကၠီၩ့ အဝ့ၫဘၪထိးဆၧၫ့နီၪလီၫႉ ဎရံၬဖိၪၥံၪ ဆၧဆူၩနဲၩအဂး လ့ၩဒုၭဆၧဒူၩဒူၩနီၪလီၫႉ နံၪ့ (၁၉၄၃) နံၪ့နီၪ လ့ၩဒုၭဆၧအခံၫ့ ၦၡၩဖ့ၬထ့ၬခွံၬအဝ့ၫ အခိၪဎွံၪဂီၩ့ ၥံၪဖီၩ့ခွံၬဝ့ၫဒၪနီၪလီၫႉ
နံၪ့ (၂၀၀၇) နံၪ့ လၩအီၭတိၫဘၧၫ (၂၆) ၥၫ့နီၪ ၦၡၩရွံထၪ့အဝ့ၫ Blessed Franz Jagerstatter နီၪလီၫႉ ဆၧနီၪအကၠီၩ့ ၦအဒဲၩ့ၥံၪယီၩ အ့ၪဒၪဆၧၫ့ယၫဘၪလၧ ကဆါဎြံၬစွါဘဲၫ အၪ့လဲၩထၪ့လၩ့ၥၭန့ ထီးလူၬနီၪလီၫႉ အဝ့ၫယီၩ အီၪၥၭမၧၫ့လၧ ၦဒဲၩ့ဖိၪဂီၩ့ ကဲၪထၪ့ Blessed Franz Jagerstatter နီၪအကၠီၩ့ ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬႇ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧအဲၪဆၧကွံၩလါဆံၭႉ
