ၦအလုၫလါအီၪလၧ အခွံၬၡိၬဆၧဘံၪၥိၭ လၧထံၫကၠီၪ့ဖၧၩ့နီၪ ကဂၩဒဲကဂၩ ဘၪဂၭလိၬၥၭၥ့ၪနီၪ နၥံၪမကနဲၩ့ဧၪႉ လၧပအီၪအလးနီၪ ၦလၧအခွံၬၡိၬ ဆၧဘံၪၥိၭလၧထံၫကၠီၪ့ဖၧၩ့ယီၫယီၫၥ့ၪ အ့ၪအီၪနီၪ အဝ့ၫမွဲခွံၬၡိၬ ယၧၩမွဲယကခွံၬၡိၬ ယထိးၡၪ့ယၥၭဂီၩ့ ယလ့ၩခွံၬၡိၬလၧ ဆၧ ဘံၪၥိၭကမၫနၧၩ့အ့ၬ ဆၧ ဘံၪၥိၭနီၪ အီၪခွံၬလၩ့စိၩဝ့ၫလၧ တၨၭဖၫ့ခိၪ ၦၡၩဘယီၩၥံၪ ဂဲၫအၪထၪ့ၥ့ၪနီၪလီၫႉ ဆၧအယီၩ မၩလၧ ၦၡၩကပဒၩ့လဂ့ၩ ယီၫအကၠီၩ့ လီၩ့မၩဒီၩ့ဝ့ၫကအၪထၪ့နီၪလီၫႉ ဆၧခွံၬၡိၬဆၧ ဘံၪၥိၭလၧ ထံၫကၠီၪ့ဖၧၩ့နီၪ ယီၫလါနၫ့ဂ့ၩ ကဆုးကဲၪ့ထၪ့ဝ့ၫအလးခဲၫ့ နီၪ ကအၧၩ့နၭထၪ့ ကဆံၭဆံၭနီၪလီၫႉ
အဆိၪထုၬကထံၪ ထံၫကၠီၪ့အဖၧၩ့က ဘၪ ဘံၭႇ ဆၧ ဘံၪၥိၭၥံၪၡၩအခံၫ့နီၪ လဖျီၪ့ ဘၪလါနၫ့ အ့ၪမွဲ ဂဲၫအၪထၪ့အခၫ ထံၫကၠီၪ့အဖၧၩ့က ဘၪ ဘံၭနီၪလီၫႉ အနီၫအခၫ ဆၧကၪဆၧဂဲၩကဂဲၫကဲၪထၪ့ႇ က ဘၪထဲၭ ဘၪဎဲး ၡၩခမျၧးအဆၧဆီၪ့ဆၧချဲၪ့ႇ နဲၩ့ဎီၩ့ကၥၭလိၪၥၭလံၬထၪ့ဂီၩ့ အစီၩ့ကနၧၫ့နၭထၪ့နီၪလီၫႉ
နံၫထံၪကထံၪနီၪ ဆၧဖိၪကဂဲၫအၪထၪ့ႇ ထံၫဆ့ၭယွၩလၩ့လၧထံၫကၠီၪ့ဖၧၩ့လဖၪ မွဲလဂ့ၩဘၪအကၠီၩ့ ဆၧဖိၪလဖၪကဖၬလၫ့ယီၫဂီၩ့ ဆၧဖိၪကအၪထၪ့နီၪလီၫႉ ၥွံၪလၩ့ယၪခိဆၧဆၫဒဲ ဆၧဆၫအဂူၫဂၩလဖၪ ကဂဲၫကဲၪ ထၪ့နီၪလီၫႉ