ထၧၫ့ဖုဝဲမုၪခွၫၥံၪဧ့ႇ ဆၧလၧဆၧဘံၪၥိၭနီၪ မွဲၦၡၩအၥိၩ့လလိၫလၧၩ့ဘၪတၭ လ့ၩခွံၬၡိၬထၬဝ့ၫဆၧလ ဖၪနီၪလီၫႉ ကဲ အ့ၪမွဲဘနီၫ ပကအၪ့ဎၬယိနးထံၪနဲၪႉ ပခွံၬၡိၬခွံၬဆၧယီၩ ပၥိၩ့န့လၧၩ့အ့ၬတၡါဧၪႉ ပၥိၩ့ထၪ့ထဲၩ့ အဝ့ၫၥံၪလၧ ဆၧအဂူၫဂၩလၥ့ၪဘၪဧၪႉ မုဆၫကနံၩယီၩ ဂၪ့ခိၪချိၫ့ယီၩ ဆၧအအၪထုၬႇ ဖ့ၪလၫ့နဲၩ့ဎီၩ့ ဆၧကၪဆၧဂဲၩ အနၭထုၬႇ မွဲဆၧလၧအမၩဂၭဂီၩ့ဂၭစၪဆၧႇ ဆၧလဖၪၥံၪယီၩ ထီးအလူၬ အီၪဂဲၫကဲၪထၪ့ ဝ့ၫဒၪ ဆၧကမံၩ့နီၪမွဲ ပလၭစတ့ၭ ဆၧဘံၪၥိၭနီၪလီၫႉ
ထၧၫ့ဖုဝဲမုၪခွၫၥံၪဧ့ႇ ဆၧလၧ ပလၭစတ့ၭ ဆၧဘံၪၥိၭနီၪ ပကဒၪဘၪအလးဎံၩ့ဎီၩ့နီၪလီၫႉ လၩ့ဘၧၩ့လၧဖံၬ ကျၩအီၪဝ့ၫအၥိၭ ယွၩလၩ့လၧ ပၫ့လဲၪဖၧၩ့နီၪ မွဲပကဒၪဘၪဆ့နီၪလီၫႉ အဝ့ၫနီၪ အ့ၪပဎုလၫ့လၧမ့ၪဒီၭ ဆၧဖိၪဆၧဎါၥံၪ လကၭဘၪ နဲၩ့ဎီၩ့ထၧၫ့ဘံၪ့ယၫ ကဘၪထိးဝ့ၫ မ့ၪအခူၪဒဲ အစုၪအီၪဝ့ၫဒၪအစီၩ့လဖၪနီၪလီၫႉ ပလၭစတ့ၭယီၩ အခိးအတၩဂ့ၩဒိၪဝ့ၫကမံၩ့နီၪ မွဲပၥိၩ့ထၪ့န့ယီၫယီၫအကၠီၩ့နီၪလီၫႉ လါနၫ့ဂ့ၩ ၦခမျၧးၥံၪလဖၪ ၥိၩ့ထၪ့အဝ့ၫဂီၩ့ယူၭ စွါဘဲၫ ခွံၬၡိၬကၠၭဝ့ၫယီၫယီၫနီၪလီၫႉ