မၠီၩ့မၠၭဇိၫ့အဖၧၩ့ မိခရၧၫ့လဖၪအဆၧဒၪလၩ့ဎိၭ

**မၠီၩ့မၠၭဇိၫ့ ဆၧအီၪကီၪ့လဖၪအဖၧၩ့ မိခရၧၫ့ၥံၪအဆၧဒၪလၩ့ဎိၭနီၪ မၩဝ့ၫဒၪလၧ ထံၫဖီးကၫဆၧအီၪကီၪ့နီၪလီၫႉ ဆၧဒၪလၩ့ဎိၭယီၩမၩဝ့ၫဒၪမုနံၩမုၥၫ့နီၪ မွဲလၧလၩအီၭတိၫဘၧၫ ၂၃-၂၅နီၪလီၫႉ

လၩအီၭတိၫဘၧၫ ၂၃ၥၫ့ အဂၫလၩ့ ၆နၩရံၫအခံၫ့နီၪ ဘၪဆၧဝဲထၪ့ဆၧထံၪလၩ့ဒီၪလၩ့နီၪလၧ ဆၧဘီၩ့ထၪ့ မိမၫရံၫအနိၪယါလၪနီၪလီၫႉ ၦအလ့ၩခိၪလ့ၩနါနီၪ မွဲလၧ မိခရၧၫ့ ခိၪနါဒိၪ မွန်ဆီညော်ဝီးလ်ဖရက်မြင့်စိုး နီၪလီၫႉ ဘီၩ့ထၫ့နိၪယါလၪဂီၩ့နီၪ ဆုးထဲၩ့ဝံဖဲၫ့ဆံၫ့ဎံၪ၅၀နီၪလီၫႉ ဂီၩ့နီၪ လၧမုနၩ ၇နၩရံၫအခံၫ့နီၪ မိခရၧၫ့ၥံၪ ဘၪဆၧလီၩၥ့ၪယၫလၩ့ကၠၭအၥၭအီၪနီၪလီၫႉ လၧဆၧထံၪလၩ့ဒီၪလၩ့နီၪအဖၧၩ့ မွန်ဆီညော် ဝီးလ်ဖရက်မြင့်စိုး၊ မွန်ဆီညော် Pius ဝင်းသန်း၊ မိခရၧၫ့ခိၪနါ၂ဂၩလဂၩမွဲဝ့ၫ ဖာသာရ်ကိုလန်ဘန်ထွန်းလင်း ဒဲ ထံၫဖီးကၫဆၧအီၪကီၪ့ ၥၫ့ခၫရစ်ချက်နေဇော်အောင်ၥံၪ ဂဲၫထၪ့ဖ့ၪဂဲးဖ့ၪဘၭဝ့ၫနီၪလီၫႉ

လၩအီၭတိၫဘၧၫ ၁၄ၥၫ့ လဂီၩ၆နၩရံၫအခံၫ့နီၪ မိခရၧၫ့ခိၪနါ ၥၫ့ခၫ ဖာသာရ်ကိုလန်ဘန်ထွန်းလင်း လ့ၩခိၪလ့ၩနါမံဆၩဆၧလုထၪ့နီၪလီၫႉ လဂီၩ ၈နၩရံၫအခံၫ့နီၪ ဆရၫမုၪ မွန်မွန်စိုးနီၪ အၪ့နၩ့လၩ့ လံၬဆံၫ့ဎံၪအဂဲးအဖးလဖၪႇ လဂီၩ၉နၩရံၫအခံၫ့နီၪ ဆရၫမုၪ အော်ဒီ လီၩလၩ့လၬလၩ့ ဂံၪ့ဒီၪ့အဂဲး ဒဲ ဆရၫမုၪ ခရစ္စတီးနားနီၪ လီၩလၩ့လၬလၩ့ ဆၧဆီၪ့ဆၧချဲၫ့အဂဲးလဖၪနီၪလီၫႉ လဂီၩ ၁၀နၩရံၫခီၫအခံၫ့နီၪ မၠီၩ့မၠၭဇိၫ့ခိၪနါ ဖာသာရ် အိုင်စီဒို နီၪ လီၩလၩ့လၬလၩ့ ဘၪထွ့ၫလၧ မိမိအဂဲးဒဲဂံၪ့ဒီၪ့အဂဲးလဖၪနီၪလီၫႉ

မုမ့ၬဎဲးလၩ့ ၁နၩရံၫအခံၫ့နီၪ မိမိၥံၪလဖၪ ချဲၩ့လၩ့ဎိၭကၠၭဆၧ လါခီၫလါဘၩဂီၩ့ အဂၫလၩ့ ၅နၩရံၫအခံၫ့နီၪ ဘိၪ့ဘၩထၪ့ၡီၩ့ ကိၪဘိၪ့ဆံၫ့ဎံၪနီၪလီၫႉ အဂၫလၩ့ ၇နၩရံၫခီၫအခံၫ့နီၪ ဆုးထဲၩ့မၩလၩမၩဖၩ့ ဆၧနူၬဆဲၭဆၧထံၪလၩ့ဒီၪလၩ့လဖၪတၭ အီၪပထုၬခွံၬ ဆၧထံၪလၩ့ဒီၪလၩ့လဖၪနီၪ လၧၥၫ့မုၥၫ့ခၫၥံၪအဆၧဆိၪဂ့ၩဆိၪဘွၩနီၪလီၫႉ

လၩအီၭတိၫဘၧၫ ၂၅ၥၫ့ လဂီၩ ၇နၩရံၫခီၫအခံၫ့နီၪ လုထၪ့လၩ့ဎိၭမံဆၩဆၧလုထၪ့ဆံၫ့ဎံၪတၭ ၦအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪလၧ မွန်ဆီညော် Pius ဝင်းသန်းနီၪလီၫႉ မံဆၩဆၧလုထၪ့ဂီၩ့ဝ့ၫကကၠၪ မွန်စီညော် ဝီးလ်ဖရက်မြင့်စိုး လ့ၩခိၪလ့ၩနါဂီၩ့ ကၠူၭလၩ့ထဲၩ့ မိမၫရံၫအနိၪယါလၪဒဲ အီၪပထုၬခွံၬ ၂၃-၂၅ၥၫ့ မိခရၧၫ့ၥံၪအဆၧဒၪလၩ့ဎိၭဆၧထံၪလၩ့ဒီၪလၩ့ကဘျၩ့ယီၩအဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ — #RVAPwoKaren #dioceseofpathein*