ဆၧဆူၩနဲၩဒဲ ဆၧဘၩဆိၪဖၪဆၧအဂဲး
လၧဎြံၬဆၧအဲၪဆၧကွံၩဖၧၩ့ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ အဆၧၥီၪ့ဆၧၥၫ့နီၪ မွဲဝ့ၫဒၪ ဆၧဆူၩနဲၩဒဲ ဆၧဘၩဆိၪဖၪအဂဲး အကၠီၩ့နီၪလီၫႉ နံၪ့ ၂၀၂၆ စၭထၪ့လၧ လၩစဲၭတ့ၫဘၧၫ ၂၅ ၥၫ့ဂီၩ့ ထၧထီၩ့ ၂၈ ၥၫ့နီၪ ၥၫ့ဎွၩလ့ၫအိၫ ၁၄ ဂၩလဂၩ လ့ၩလၧ ခး ၦ့ၫၥ့ၭ နီၪလီၫႉ ထီၩ့လၧ ခးၦ့ၫ့ၥ့ၭနီၪ လ့ၩဒၪလၧ ထံၫခးခိၪနါၥံၪႇ လ့ၩလၧ ဂူၫဂၩအဂး ဆၧမၩလးနီၪလီၫႉ
လကၭဒ့ၭဘၪႇ ဘၪထွ့ၫလၧ ဆၧကိၪ့ၥ့ၪကိၪ့ဘၪအဂးႇ ဘၪထွ့ၫလၧ ဆၧၡူၬဆၧမုၬအဂးႇ ဘၪထွ့ၫလၧ ဆၧဆူၩနဲၩအဂးႇ ကၧၩ့ကၩဎိၬလၩ့ဆၧနီၪလီၫႉ ဆၧဘၩဆိၪဖၪၥံၪအဂဲး အဝ့ၫလီၩ့လၩ့ရၩလၩ့ဝ့ၫနီၪလီၫႉ ထီၩ့လဂၫလၩ့အခံၫ့နီၪ လုထၪ့မံၭဆၩဆၧလုထၪ့ဆံၫ့ဎံၪလၧ ၥၭဘၪ့ဖိၪၥံၪကၠၧၫ့ကၠၧၫ့နီၪလီၫႉ လၧခဲၫ့ထုၬနီၪ ဆၧယံၩၡီၩ့ကအီၪအဂးႇ ဆၧလၧမီၪ့ဎီၩ့ဘၪဒဲ ဆၧၡူၪဆၧမုၬၥံၪနီၪ ပကဘၪယိဒီၪ လိၪဝ့ၫအကၠီၩ့ ပဂၧၫ့ထၪ့ထၬခးၦ့ၭၥံၭဖိၪနီၪလီၫႉ
