Life (ဆၧၥၭမၧၫ့)

“အ့ၪမွဲပအီၪၥ့ၪနီၪ ဆၧၥၭမၧၫ့ယီၩ လၩ့မံၫ့ၥုၪ့မံၫ့ၥၭတၡါ” ဆၧချဲၩ့ယီၩ မွဲဝ့ၫတၡါလီၫႉ မုဆၫ ကနံၩယီၩ ပထံၪပခးဖၧၩ့ ဆၧနိၫ့ဆၧနၭလဖၪ ကနံၩဂဲၫအၪထၪ့ကဆံၭလီၫႉ ဆၧနိၫ့ဆၧနၭ ဆၧၡၪ့ဆၧ ယၬ ဆၧခိဆၧဝီၩလဖၪယီၩ ပထိးဆၧၫ့ ကန့နီၪကၪဂဲၩလါနၫ့ အ့ၪမွဲပကထိးဆၧၫ့ “ဆၧလဖၪယီၩ မွဲလၧပဆၧၥၭမၧၫ့ဖၧၩ့ ပဘၪဂဲၩဖျူဝ့ၫဒၪလီၫ” အ့ၪပကအၪ့ဎၬထၪ့ထဲၩ့ ပကဒၪထၪ့ထဲၩ့ဘယီၩစွါဘဲၫ ပဆၧၥၭမၧၫ့နီၪ ကကဲၪထၪ့ထဲၩ့ဆၧမံၫ့ၥုၪ့မံၫ့ၥၭကမံၩ့လီၫႉ

လၧပဆၧၥၭမၧၫ့ဖၧၩ့ ဂဲၫကဲၪထၪ့ဝ့ၫလဖၪနီၪ လီၩ့စီၪလၧ ၦၡၩအနီၪအကၠီၩ့ ၦၡၩအယီၩအကၠီၩ့ လဂ့ၩဂီၩ့ ပဖျါခွံၬၦၡၩန့ထီးလူၬနီၪ မွဲဆၧၥၭမၧၫ့အခီၫပယီၫကမံၩ့ဆ့လီၫႉ ၥၭလိဖၭႇ ဆၧၥၭထၪ့ဒဲ ၥၭထၪ့ထီၫလဖၪနီၪ မွဲဆၧၥၭမၧၫ့အဆၧခိဆၧဝီၩကမံၩ့လီၫႉ ဆၧလဖၪယီၩ ပကဖီၪ့ထၬအဂး လကြၨၭဘၪတၭ ပဖျါလၩ့ခွံၬနီၪ အဂ့ၩထုၬလီၫႉ အ့ၪပကဆုးလ့ၩလၧ ဆၧအွံၪၥၭဆၧၩ့ႇ ဆၧကွဲၪဖျါခွံၬ ဒဲ ဆၧဒၪအဂ့ၩ စွါဘဲၫ ပဆၧၥၭမၧၫ့ယီၩအခီၫပယီၫ ကအီၪဝ့ၫအၪမၬလီၫႉ

ဆၧၥၭမၧၫ့အဆၧမၩနၧၩ့ခၪ့ဖျီၫ့နီၪမန့လဲၪ အ့ၪဆၧအၪ့စၪ့ကအီၪဘနီၪစွါဘဲၫ ပဆၧၥၭမၧၫ့ဖၧၩ့ ပအီၪဘၪမုၬမုၬလၩလၩဎွ့ၩၥ့ၪလဲၪနီၪ ကမွဲဒၪဆၧစံၭဆၧၫ့လီၫႉ