ဂၪ့ခိၪဒဲ ၦၡၩၥံၪအဂးထီလၧယၫအဂဲး  

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ဂၪ့ခိၪဒဲ ၦၡၩၥံၪအဂး ထီလၧယၫအဂဲး အကၠီၩ့နီၪလီၫႉ ဘၪထွ့ၫလၧ ဆၧအဂဲးယီၩ ၥၫ့ဎွၩလ့ၫအိၫ လီၩဖ့ၪနဲၪထၬပၧၩ အရ့ၩဎိၩထုၬအီၪ ၥၧၫ့မံၩ့နီၪလီၫႉ

-အဆၫ့လၧၫ့ထုၬကထုၪနီၪ – လဂၩဘၪလဂၩ  ပကဘၪဒိၬနဲၩလိၬၥၭ ဘဲၫၥိၭထၧၫ့ဖုဝဲၥံၪအဂဲး

ဂၪ့ခိၪဖိၪၥံၪနီၪမွဲဝ့ၫ ဂံၪ့ဒီၪ့ဖိၪၥံၪနီၪလီၫႉ ပအဲၪကဆါယွၩႇ ပအဲၪနဲၩဎီၩ့  ထၧၫ့ဖုထၧၫ့ဝဲၥံၪနီၪ မွဲဝ့ၫအရ့ၩဎိၩထုၬအကၠီၩ့ ၥၫ့ဎွၩလ့ၫအိၫ ပဂၧၫ့ထၪ့ထၬပၧၩနီၪလီၫႉ  

-နံၫထုၪကထုၪနီၪ -ၦၡၩဆၧလၩဆၧဖၩ့ဒဲ ဆၧဘၪလိၬဎွ့ၫဎီၩ့အဂဲး

ၡၩခံးဂး အဆၧမၩထီးအလူၬနီၪ ၦၡၩကိၭဂၩ ကန့ထၪ့ဘၪဆၧအဂ့ၩအဂး ပကဘၪမၩနီၪလီၫႉ ပမၩဘၪထံၭဘၪဆၫ ၦဂူၫဂၩ ဆၧလၩဆၧဖၩ့နးဆံၭအ့ၬႇ ပကဘၪဖၬထၬ ဆၧဘၪလိၬဎွ့ၫဎီၩ့ လိၪအၪမၬဒ့ၭအကၠီၩ့ ၥၫ့ဎွၩလ့ၫအိၫ ပဂၧၫ့ထၪ့ထၬပၧၩနီၪလီၫႉ  

-ၥၧၫ့ထုၪကထုၪနီၪ-ဒၪမ့ၬဖံၭ ဆၧမၩဆၧ အဂဲး 

ပဖီၪ့ထၪ့ဖံၭထၪ့ဆၧဘၪထွ့ၫလၧ  ၡၩခံးဂးဒဲ ထံၫခးအဂးအခံၫ့  ၦၡၩဆၧလၩဆဖၩ့နီၪ ပကဘၪဖၬထၬ အရ့ၩဎိၩထုၬ နီၪလီၫႉ ဆၧနီၪအကၠီၩ့ ပအီၪၥၭမၧၫ့မုကိၭဖၧၩ့ပကဘၪ ယူၭယၫ့ၦၡၩဆၧလၩဆၧဖၩ့ ကၥ့ၪအဂး ပကဘၪနၪ့ထၪ့ကိၭ ကၠၪဒ့ၭအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ  ပဂၧၫ့ထၪ့ထၬပၧၩနီၪလီၫႉ