ကဆါယွၩဖ့ၫထၬပၧၩ ၥၭမၧၫ့နီၪ ပကဘၪပဒၩ့ထၬ လိၪဝ့ၫအဂဲး

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ကဆါယွၩဖ့ၫထၬပၧၩ့ ၥၭမၧၫ့နီၪ ပကဘၪပဒၩ့ထၬ လိၪဝ့ၫအဂဲး အကၠီၩ့နီၪလီၫႉ ဆၧလၧပကဲၪပၡၩနီၪ ခီၫလၧကဆါယွၩတဲၩ့လၩ့ထၬပၧၩ့ဒၪအိၩ ဆၧလၩဆၧဖၩ့အီၪကိၭဂၩနီၪလီၫႉ ဆၧလၧၦၡၩနီၪ လဂၩဘၪလဂၩကဘၪဖံၭၥိၭလိၬၥၭႇ ကဘၪယူၭယၫ့လိၭၥၭႇ ကဘၪယိဂဲၩယိဘၪလိၭၥၭနီၪလီၫႉ လကၭဒ့ၭဘၪ အ့ၪပၥၭဎိၩထၪ့အခၫ ပစူၪ ပခၪ့ၥံၪယီၩ မၩဆၧမၩနၧၩ့လၧအ့ၬႇ ပမိဎွါယီၩမၩဆၧန့နးမံၩ့လၧအ့ၬႇ ပၥိၩ့ထၪ့န့နးမံၩ့လၧအ့ၬ ပကစီၪဘၪႇ ပလီၩဘၪကိၭဂၩဒ့ၭနီၪလီၫႉ

လါနၫ့ ကဆါယွၩတဲၩ့လၩ့ထၬပၧၩ့နီၪ ဆၧလၩဆၧဖၩ့ အီၪကိၭဂၩဒ့ၭအကၠီၩ့နီၪ ပမိဎွါယီၩ ပၥိၩ့ထၪ့လန့လၧဘၪန့ဆ့ၬႇ ကိၭဆၧဘံၪၥိၬလၧပခွံၬၡိၬ ဘုၪဘုၪယီၩယီၩန့အ့ၬႇ ပကဘၪပဒၩ့ထၬထၧပၥံၫဂီၩ့ ပထဲၩ့တီၩ့ ကဆါယွၩအဂံၪ့ ပကဘၪ ပကဘၪယိဂ့ၩယိဘၪ လိၪဝ့ၫအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩၥ့ၪရၫထၬပၧၩ့ ဆၧၥ့ၪယၫနၫၥ့ၪဘဲၫယီၩၥိၭအဂဲး ယရါလၩ့န့အ့ၪဘၪနၥံၪနီၪလီၫႉ