လၩခူၭခဲးစူၪ ဖျိၩ့အပျူၪလၩ
ပျူၪလၩ ပျူၪလၩ ပျူၪလၩ
ဂဲၫထဲၩ့ ဂဲၫထဲၩ့ ဂဲၫထဲၩ့
အီၪဒုၩအီၪထိ ပျူၪခိၭထဲၩ့လၧ ၦနွ့ၫမုၪ ၦနွ့ၫခွၫၥံၪ အမိၡါလီၩ့ယီၩလါဆံၭႉ နၥံၪအစီၩ့အမၩ့ အလၩလဖၩ့ ဆၧဎံၪဆၧလၩၥံၪလၧအမွဲဝ့ၫ ၥၭမုဆံၫ့ဎံၪႇ အခ့ၬဂ့ၩဘၪႇ ၥ့ၪယၫနၪၥ့ၪႇ ဖ့ၪဘိၪ့ဖ့ၪဘၩ ကိၪ့ၥ့ၪကိၪ့ဘၪႇ မ့ၬမဲအရဲၫႇ ၥၭမဲၪဆၧဒဲၩဘၭႇ ပဝံၫပလၩနွ့ၫဘံၪ့ယီၩ ပျူၪထၬလါဆံၭႉ
ပလံၫနၧၩနဲၩလဂ့ၩ ပလီၫနၧၩနဲၩလဂ့ၩႉ အီၪဘဲၫနးချီအၥိၭလဂ့ၩႉ အီၪဘဲၫနးလီၫအၥိၭလဂ့ၩႉ ၥံၪ့ဖီးလီၩ့လဂ့ၩႉ ဝၪဖီးလီၩ့လဂ့ၩႉ
ယဖျိၩ့ဆၨၩယဝ့ၫဧ့ ၦဂူၫဂၩၥံၪ အဆၧအၪ့လံၬအၪ့လီၫနီၪ နဲၩဘၪလၩလါလဂ့ၩႉ အ့ၪမွဲနၥံၪနဲၩ ၦဂူၫဂၩအဆၧအၪ့လံၬအၪ့လီၫနီၪ မုကနံၩ ဆၧနိၫ့ဆၧနၬ ဆၧၡၪ့ဆၧယၬ ကဘၪနၥံၪၡါမၬလီၫႉ ဆၧနိၫ့ဆၧနၬ ဆၧၡၪ့ဆၧယၬ ဘဲၫလဘၪဘၪနၥံၪၥိၭ ခိၭနိၭခိၭနၪ စီၪနိၩ့စီၪနါႉ ထီးန့ထၬထဲၩ့ဆၧ လၥ့ၪဘၪ ဘဲၫချီအၥိၭ အီၪလဂ့ၩႉ ပထိးဆၧၫ့ဆၧကိၭမံၩ့ ပဂဲးဘၭဘဲၫကအီၪၥိၭ မၩလူၬပျီၩလူၬဂီၩ့ ဆၧလဂ့ၩႉ ဆၧဖီးပြံၩဖီးပြူၭ ကိၭမံၩ့ဒ့ၭနီၪ မွဲပဆၧဒုၪဆၧဒၩအ့ၬႉ နါဂၧၫ့ၥံၪ့ဖီးတၭ ဂဲထုၪ့လီၩ့ႉ ဝၪဖီးတၭ ဂဲထုၪ့လီၩ့နီၪ ဆၧကပွံၩပျီၩဂီၩ့မၬ နၥံၪအၥၭလီၫႉ ဆၧဘဲၫနီၪအကၠီၩ့ ဆၧဒုၪဆၧဒၩ ဆၧနိၫ့ဆၧနၭ ဆၧၡၪ့ဆၧယၬ ဘဲၫလဘၪဘၪနၥံၪအၥိၭ ၦဂူၫဂၩအၪ့လံၬအၪ့လီၫနၥံၪ ဘဲၫလန့ ဘၪအၥိၭ ဆၧကမံၩ့ဘၪကမံၩ့နီၪ အၪ့ဎူၫအၪ့ဎၬ လၩ့ထံးလၩ့ဆ့ၭဂီၩ့မၬ မၩလါဆံၭႉ
ပျူၪလၩ ပျူၪလၩ ပျူၪလၩ
ဂဲၫထဲၩ့ ဂဲၫထဲၩ့ ဂဲၫထဲၩ့ အီၪဒုၩအီၪထိ ပျူၪခိၭထဲၩ့လၧ ၦနွ့ၫမုၪ ၦနွ့ၫခွၫၥံၪအလီၩ့ယီၩလါဆံၭႉ ပလံၫနၧၩနဲၩလဂ့ၩႉ ပလီၫနၧၩနဲၩလဂ့ၩႉ အီၪဘဲၫနးချီအၥိၭလဂ့ၩႉ အီၪဘဲၫနးလီၫအၥိၭလဂ့ၩႉ ၥံၪ့ဖီးလီၩ့လဂ့ၩႉ ဝၪဖီးလီၩ့လဂ့ၩႉ ဂဲၫထဲၩ့ဘိၭလၫ့ ဘုၪဖၫ့ႇ ဂဲၫထဲၩ့ဘိၭလၫ့ အဲၩ့ဖၫ့ႇ ဂဲၫထဲၩ့ဘိၭလၫ့ စ့ၩဖၫ့ႇ ဂဲၫထဲၩ့ဘိၭလၫ့ ထီၫ့ဖၫ့ႇ ဆီၪ့ဘဲၫချံၪႇ လီၩ့ဘဲၫဖျါႇ အဲၪ့လိးဖၭ အဲၪ့ထၭထ့ၬႇ အီၪဆီၪ့ အီၪချဲၫ့ ကဲၪဒိၪကဲၪမု ဘိၪ့ဎိၩၥၭထီၫ စီၩ့မၩ့ဎိၩဒိၪ ကိၭဂၩဒ့ၭလါဆံၭႉ
ပျူၪလၩ ပျူၪလၩ ပျူၪလၩ
