ကဆါယွၩ မုခိၪထံၫခးနီၪ ကအၪ့လဲၩထၪ့ၥၭမၧၫ့အဂး မွဲဝ့ၫဆၧလူဒိၪဎွ့ၩဒိၪအဂဲး  

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ကဆါယွၩ မုခိၪထံၫခးနီၪ ကအၪ့လဲၩထၪ့ ၥၭမၧၫ့အဂး မွဲဝ့ၫဆၧလူဒိၪဎွ့ၩဒိၪအဂဲး အကၠီၩ့နီၪလီၫႉ ပထီၩ့လၧကဆါယွၩ မုခိၪထံၫခးနီၪ ၥၭမၧၫ့အဂး ပဒၩ့ထၬဆၧမွဲအ့ၬႇ မွဲဝ့ၫဒၪ ၥၭမၧၫ့ကအၪ့လဲၩထၪ့ၥၭအၥၫ့အဂးနီၪလီၫႉ   

ဆၧဂၩ့ဒီၩ့မုၪခွၫၥံၪႇ ၦမၩဆံၬဖိၪၥံၪႇ ဖနံၬဖိၪၥံၪႇ ၦမၩယၪဖိၪၥံၪႇ ဆၥုၪ့ဆၧဒီၩ့ဖိၪၥံၪႇ ၦယိၥိၪၥံၪ အဝ့ၫၥံၪထီးအလူၬယီၩနီၪ မွဲဝ့ၫၦယိၩယိၩဖိၪၥံၪနီၪလီၫႉ ၦအယီၩၥံၪယီၩ အီၪၥၭမၧၫ့ ကဂၩကမံၩ့ႇ မၩဆၧမၩကဂၩကမံၩ့နီၪလီၫႉ လါနၫ့ဆၧလမီၫ့ဎီၩ့ဘၪယီၩထီးလူၬနီၪ ကဆါယွၩ မုခိၪထံၫခးနီၪအဂး ကဲၪထၪ့ဆၧဎံၫလၩအကၠီၩ့ ၥၫ့ဎွၩလ့ၫအိၫ လီၩ့လၩ့ဆၧပရၧၫ့နီၪလီၫႉ  

ဘဲၫနီၪအၥိၭ ပကယိလၧ ပၥၫထနၫဖၧၩ့စွါဘဲၫ ဆၧလမီၫ့ဎီၩ့ဘၪအီၪအၪမၬဒ့ၭနီၪလီၫႉ လါနၫ့ ၥၫထနၫဖၧၩ့ အီၪယံၩၡီၩ့ကၠၧၫ့ကၠၧၫ့နီၪလီၫႉ ဆၧအယီၩၥံၪထီးလူၬနီၪ မၩဎံၫလၩ ကဆါယွၩ မုခိၪထံၫခးနီၪလီၫႉ ဆၧအယီၩ မွဲဝ့ၫဒၪ ဆၧလူဒိၪဎွ့ၩဒိၪအကၠီၩ့  ၥၫ့ဎွၩလ့ၫအိၫ တရါလၩ့အ့ၪပၧၩဆၧပရၧၫ့နီၪလီၫႉ