ဆၧလၧ ဆၧဆၫ့လၩ့ၥၭနီၪ မွဲဝ့ၫ ဆၧမွဲဆၧတီၩဒဲ ဆၧဘၠၩ့ဆၧအဖျီၩ့အဂဲး    

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ဆၧလၧ ဆၧဆၫ့လၩ့ၥၭနီၪ မွဲဝ့ၫ ဆၧမွဲဆၧတီၩဒဲ ဆၧဘၠၩ့ဆၧအဖျီၩ့အဂဲး ကၠီၩ့နီၪလီၫႉ ဘၪထွ့ၫလၧ ဆၧအဂဲးယီၩ ၥၫ့ဎွၩလ့ၫအိၫ ဖ့ၪထၬအဒီၩ့လၧ လံၬဆံၫ့ဎံၪဖၧၩ့ ဖၫရံၫၡဲၩ့ဒဲ ၦအၪ့ထၧၫ့ အခီၫ့အထးဖိၪ မၫတ့ၫအု အဂဲးနီၪလီၫႉ

ဘၪထွ့ၫလၧ နးၥၭနီၪ ၥၭထၪ့ထီၫအီၪစွါဘဲၫ ကယဲဒၪပမၩဆၧထီးအလူၬနီၪ ဆၧအဂ့ၩကကဲၪထၪ့နးမံၩ့အ့ၬႉ ဆၧနီၪအကၠီၩ့ ၦလၧနးၥၭႇ ၥၭထၪ့ထီၫအီၪကဒီၪ့နီၪ ခၪ့ကံၭၥံၫ့ဎွံၫဆၧရၫကဒၪ အဆၧဆၫ ဖၭဘၪထၭအဆၧဆၫ ဘဲၫဂိၭ ဆၧဆၫဖိၪၥံၪနီၪလီၫႉ ၦလၧနးၥၭ ၥၭထၪ့ထီၫ လအီၪဘၪကဒီၪ့နီၪ အဝ့ၫကထိးဘၠၩ့ၥၭအဂး ကယဲဒၪ အဆၧဆၫအီၪနီၪ လီၩ့ၥ့ၪယၫဘၪ ၥံၫ့ဎွံၫဆရၫထီးအလူၬနီၪလီၫႉ

ဘၪထွ့ၫလၧ နးၥၭနီၪ ၥၭထၪ့ထီၫအီၪစွါဘဲၫ ပကယဲၩ့လၧ ကဆါယွၩ ဂီၩ့နၬန့ ၦဂူၫဂၩနီၪလီၫႉ ဆၧနီၪအကၠီၩ့ ပဆၧဘၪမၪအ့ၪအီၪစွါဘဲၫ လၧကဆါယွၩအမ့ၬယၫ ပကဘၪ အုၩ့လၩ့ပၥၭ လၧဆၧဆၫ့လၩ့ၥၭနီၪလီၫႉ ကဆါယွၩ အထံၫခးနီၪ ၥၭထၪ့ထီၫၥံၪလဖၪကအီၪအဂး မွဲအ့ၬႇ မွဲဝ့ၫဒၪ ၦဆၧဆၫ့လၩ့ၥၭၥံၪလဖၪ ကအီၪအဂးနီၪအကၠီၩ့ ၥၫ့ဎွၩလ့ၫအိၫ ပဂၧၫ့ထၪ့ထၬပၧၩႇ ၥီၪ့ချဲၩ့ထၬပၧၩနီၪလီၫႉ