ဆၧအဲၪတၩ့အဆၧဆုးကျိၭ
ကၭၥလံၬၥနိၫ့ဖၧၩ့ ဆၧအဲၪတၩ့အဆၧဆုးကျိၭနီၪ မွဲအခၪ့ယဲး လအီၪဘၪ လၧဆၧအဲၪဆၧကွံၩကမံၩ့လီၫတၭ မွဲဖၧၩ့ၥၭလၧအဘၪ လီၩ့ဖိၬခိၭနၪ ယွၩအဆၧအဲၪဆၧကွံၩအဒီၩ့နီၪလီၫႉ ဆၧနီၪအကၠီၩ့ ဆၧနၪၥ့ၪႇ ဆၧအွံၪၥၭဆၧၩ့ဒဲ ဆၧကွဲၪဖျါလဖၪနီၪ အရ့ၩဒိၪဝ့ၫအၪမၬလီၫႉ ဆၧနၪၥ့ၪလိၬၥၭလအီၪဘၪ ဆၧအဲၪဆၧကွံၩနီၪ ထိးယံၬယံၬအ့ၬႉ ကဂၩအဆၧဂဲးဆါဘၭဆါ ကဂၩထိးဆၧၫ့အ့ၪႉ ကဂၩအဆၧမၪ ကဂၩဖျါခွံၬအ့ၪ ဒဲ ခိၭနၪအ့ၪလိၬၥၭနီၪ မွဲလၧဆၧအဲၪဆၧကွံၩတၡါ အဆၧနဲၪ့လဖၪလီၫႉ
ဆၧအဲၪဆၧကွံၩနီၪ ထိးဆၧထီးအလူၬ, နဲၩဆၧထီးအလူၬ, ယိလါဆၧထီးအလူၬ, အွံၪၥၭဆၧၩ့ဆၧထီးလူၬလီၫ. (၁ကီရံၫ့ ၁၃:၇)
ၦအအဲၪဆၧတၡါလဂၩနီၪ လယိလၩ့ဘၪန့ၫအဝ့ၫအဂးလီၫတၭ နၪၥ့ၪအ့ၪ ၦဂူၫဂၩအၥၭဒဲ အဆၧကၪဆၧဂဲၩလဖၪလီၫႉ ဘၪန့လဲၪ ဘဲၫကဆါဎြံၬအဲၪပၧၩဒဲ နၪၥ့ၪအ့ၪပၧၩအၥိၭ ယွၩကိၭဖံၭၥိၭပၧၩလၧ ပကဘၪနၪၥ့ၪလိၬၥၭဒဲ ပကဘၪအဲၪလိၬၥၭအကၠီၩ့ နီၪလီၫႉ ဆၧအဲၪလၧ အီၪက့ၪထၬအခၪ့ယဲးလၧကဆါယွၩအဖၫ့ခိၪနီၪ ဘဲၫဆၧနၪၥ့ၪအီၪအၥိၭ ဆၧနၪၥ့ၪလိၬၥၭအီၪဝ့ၫဒၪ ဆၧအဲၪ ဖၧၩ့နီၪနးဆ့ မွဲကဆါယွၩအီၪဝ့ၫဆ့လီၫႉ
