စမၭၥုၫ(၁၉:၃-၁၂)
ၦဖၫရစံၫၥံၪဂဲၫလၧအအီၪကျဲၩ့ဖစီၩ့ဝ့ၫတၭ, စံၭဝ့ၫဒၪ, ထီးဒၪဆၧအဂဲး လမံၩ့လါလါအကၠီၩ့နီၪ, ၦခွံၬၡိၭအမၫနီၪဘၪမိဂ့ၩဆ့ဧၪ.
အဝ့ၫဒၪချဲၩ့ဆၧၫ့ဆၧတၭ, စံၭအဝ့ၫၥံၪ, လၧဆၧမၩ ကဲၪထၪ့ၥၫ့ၦၡၩလၧအခၪ့ထံၭနီၪ, မၩကဲၪထၪ့ဝ့ၫၦမုၪလဂၩဒဲၦခွၫလဂၩနီၪ, မွဲနၥံၪဖီဘၪဒံၭအ့ၬဧၪ. တၭစံၭဝ့ၫ, အ ခိး မွဲ ဘဲၫ နီၪ တၭ, ၦ ခွၫ မိ ဘၪ စဲၪ့ဒၪ အ မိ အ ဖါ တၭ, မိ ဘၪ ၥုၭ ဘူၭ အ ၥၭ လၧအ မၫ တၭ, ဆၧလၧ ၦနံၫဂၩနီၪ မိကဲၪထၪ့လၥွံၪဎး လယၪဎးလီၫ.
မၩအၥၭဘဲၫနီၪတၭ, မွဲလၧၩ့ၦနံၫဂၩအ့ၬ. မွဲလၥွံၪဎး လယၪဎးလီၫ. မၩအၥၭဘဲၫနီၪတၭ, ဆၧလၧယွၩအီၪက့ၪဎုၬဝ့ၫနီၪ မွဲၦၡၩထီးထုၭလၩ့ၡၪလဂ့ၩ. အဝ့ၫၥံၪစံၭ, အ့ၪမွဲဘဲၫနီၪတၭ, မွဲဘၪနီၪလၧစမိစ့ၭမၪလူၬဝ့ၫလၧ ၦမိဖ့ၪလၫ့လံၬလၩ့ၡၪလဘံၪ့တၭ, ခွံၬၡိၭဝ့ၫနီၪလဲၪ. အဝ့ၫဒၪချဲၩ့ဆၧၫ့ဝ့ၫ မွဲနၥံၪအၥုၪ့နီၩ့အၥၭနီၩ့အကၠီၩ့တၭ, စမိစ့ၭဒုၭခွံၬၡိၭနၥံၪလၧနၥံၪအမၫလီၫ. မွဲလါနၫ့ဘိၩလၧအၥၫ့လၧအခၪ့ထံၭနီၪမွဲဘဲၫနီၪၥိၭအ့ၬ.- ယဝ့ၫဒၪယီၩ, ယလီၩဘၪနၥံၪထီးဒၪၦလၧအခွံၬၡိၭအမၫ လၧအလမွဲဘၪဆၧအဲၪဘိၩ့အကၠီၩ့တၭ, အီၪဎုၬလၧၦမုၪဂူၫဂၩလဂၩဂၩနီၪ, မွဲအအဲၪဘိၩ့အမၫလီၫ. ၦလၧအအီၪဎုၬလၧ ၦမုၪလၧအဘၪဆၧခွံၬၡိၭဝ့ၫနီၪ, မွဲအမၩမၪၦမၫလီၫ.အထံၩအဖျဲလဖၪ,စံၭဝ့ၫဒၪ,ၦၡၩအီၪလၧအမၫနီၪ ဆၧအ့ၪမၩအၥၭဘဲၫနီၪတၭ,ဂ့ၩအီၪဎုၬအ့ၬ.အဝ့ၫဒၪစံၭဆၧၫ့ဝ့ၫ, ဆၧချဲၩ့လထံၪယီၩ, ၦထီးန့ဝ့ၫ ကိၭဂၩဒ့ၭကဲၪအ့ၬ. ထီးန့ဝ့ၫကဲၪန့ၫ ၦလၧဆၧဖ့ၪထီးန့ဝ့ၫလဖၪနီၪလီၫ. အဂဲးဘဲၫယီၩ ၦလနၩ့နၩ့ မွဲၦဖၫဆွံၪ လၧ အမိဒၧၩ့လးဖၧၩ့လံၩလံၩတၭ, လနၩ့နၩ့ကဲၪထၪ့ ၦဖၫဆွံၪလၧၦၡၩအစူၪတၭ, လနၩ့နၩ့မၩဒၪအၥၭလၧ ၦဖၫဆွံၪလၧမူၭခိၪအဘၩ့အမုးအကၠီၩ့လီၫ.ၦလၧအထီးန့အ့ၪကဲၪနီၪ, မွဲအထီးန့ဒၪဝ့ၫဆံၭ.
