Ad Gentes Studio၊ OSC Pathein ဒဲ RVA Pwo Karen ခရၧၫ့ဖိၪၥံၪ အီၪကီၪ့လၩ့ဎိၭ လၧၥၫ့ခိၪဒိၪအဂဲး

Ad Gentes Studio ခရၧၫ့ဖိၪလဖၪ၊ OSC Pathein ခရၧၫ့ဖိၪလဖၪ ဒဲ RVA Pwo Karen ခရၧၫ့ဖိၪလဖၪ အီၪကီၪ့လၩ့ဎိၭ လၧ၂၀၂၆နံၪ့ လၩအီၭဂၧၭ၁၀ၥၫ့ လဂီၩ၆နၩရံၫအခံၫ့နီၪလီၫႉ ဆၧအီၪကီၪ့နီၪ မၩဝ့ၫဒၪလၧ ဝံးပၥံၫ့ စံၫ့ပံတၧၫ ကၥံၫဒရဲၫ့ ၥရိၬလးဝၩ့ႇ ၥၫ့ခိၪဒိၪ အဆၧအီၪကီၪ့ရိၩ့ဖၧၩ့နီၪလီၫႉ ၥၫ့ခိၪဒိၪ ဟင်နရီမၩ့အဲၪချံၪ့ လ့ၩခိၪလ့ၩနါဂီၩ့ ကခရၧၫ့ဘၪကခရၧၫ့ လီၩၥ့ၪယၫလၩ့ ဆၧဖံၭဆၧမၩအဂဲးအဖးလဖၪႇ ဆၧကၪဆၧဂဲၩလဖၪဒဲ ထီလၧယၫဆၧဖံၭဆၧမၩအဂဲးအဖးလဖၪနီၪလီၫႉ လကၭဘၪ လၧပဆၧဖံၭဆၧမၩအဖၧၩ့ မွဲပကဘၪထံၭလၩ့ထဲး ဆၧအၪ့ကံၩ့ဘၩဆိၪဖၪ ဆၧဒိၭနဲၩ့ၥၭလၧယွၩ အၪအၪအဂဲး ဆၧဆူနဲၩနီၪ အရ့ၩဒိၪဝ့ၫဒၪဎွ့ၩပၥ့ၪလဲၪအဂဲး ၥၫ့ခိၪဒိၪစံၭဝ့ၫဒၪဂီၩ့ ပဆၧဖံၭဆၧမၩလဖၪဒဲ (Synodal Way)နီၪ ဆုးကျိၭလိၬၥၭဘဲၫၥ့ၪလဲၪအဂဲးလဖၪ ထံၭလၩ့ကၩ့ကၩဎိၭလၩ့ကၠၭဝ့ၫဒၪနီၪလီၫႉ လၧဆၧအီၪကီၪ့ဎိၭလၩ့နီၪအဖၧၩ့ ကဘၪအီၪက့ၪထၬအခၪ့ယဲးလၧ ဆၧဆူနဲၩဒဲ ဆၧအၪ့ကံၩ့ဘၩဆိၪဖၪဆၧအဖၧၩ့ဂီၩ့ ကဆုးထဲၩ့ဖီၪ့ထၪ့ဖံၭထၪ့ ဆၧဖံၭဆၧမၩလဖၪအဂးဒဲ လၧမိဆၧအီၪကီၪ့ဖၧၩ့ ဘဲၫၥိၭကဆုးထဲၩ့ဖီၪ့ထၪ့ဖံၭထၪ့ ဆၧဖံၭဆၧမၩလဖၪကန့အၪထၪ့အဂးနီၪ ချဲၩ့လၩ့ဎိၭကၠၭဝ့ၫဒၪနီၪလီၫႉ #ဒိၩ့ပၥံၫ့ကၭၥလံၬဆၧအီၪကီၪ့ #10.8.2026