ယူၭယၫ့ နမိနဖါဆံၭ

စဎရံၬ: ကနံၩယီၩ လၩ ဂၠူၫလဲၩ့ ၂၇ၥၫ့ မိဖါအဘိၪ့မုနံၩလီၫႉ အခံၫ့ဘယီၩ လၧၥရိၬအိၩ ၦၡၩၥံၪ ဘိၪ့ထၪ့ဘၩထၪ့ မံဆၩဆၧလုထၪ့ ကဂီၩ့ယူၭႉ ယထံၩၥိၭၥံၪ ထဲၩ့အဂံၪ့ဂီၩ့ ကထဲၩ့ ကလိၭထၪ့ အမိအဖါႇ ယၧၩဝ့ၫနီၪႉႉႉ

မၩ့ကၠဲၬ မၩ့ၥၭဎွံၪ – မၩ့ယီၥၭႇ ဂါမၫရံၫ ၦၡၩၥံၪထဲၩ့လူၬယူၬနဲၪႉ နၥံၪဆုးအၪ့ကံၩ့ဘၩဆိၪဖၪအ့ၪ ဖိၪခွၫ စဎရံၬ အဂးဧၪႉ

ဂါမၫရံၫ – မွဲ မၩ့ကၠဲၬဧ့ႇ ကနံၩယီၩ မိဖါအဘိၪ့မုနံၩဘိၭ ဒံၩ့ပနၪ့ထၪ့ဖိၪခွၫဒီၭႉ ၦၡၩအဖိၪအဒံၪၥံၪ ကလိၬထၪ့ အမိဖါဂီၩ့ ပဒၪထၪ့ဘၪ အၪ့ကံၩ့ကၠၭ ဆၧဆိၪဂ့ၩဆိၪဘွၩနီၪ ယယၪ့ၥၭ ယဖိၪခွၫ ဘၪမၩဆၧမၩလၧ အယဲၩ့အိၩ ကဂၩလီၫနီၪ မၩ့ကၠဲၬဧ့ႉ

မၩ့ကၠဲၬ မၩ့ၥၭဎွံၪ – (ပြုံးလျက်) အီၩ ၥၭမုၬအ့ၬလဂ့ၩ ဂါမၫရံၫႉ လၧကဆါယွၩ အဆၧမၪလူၬအဖၧၩ့ ‘’ယူၭယၫ့ နမိနဖါဆံၭ’’ အၥိၭ စဎရံၬနးဆ့ ဘၪအီၪလၧအယဲၩ့လါနၫ့ မၩဘုၪလၩ့အမိအဖါနီၪ မီၪ့ဎီၩ့ဖိၬထွ့ၫ ကဆါယွၩ အဆၧၥီၪ့ဆၧၥၫ့လီၫႉ အဝ့ၫအီၪလၧ အယဲၩ့နးဆ့ အဝ့ၫအဆၧအဲၪဆၧကွံၩနီၪ မွဲထီၩ့လၧ မိဖါၥံၪအီၪလီၫႉ

မၩ့ယီၥၭႇ ဂါမၫရံၫ – မွဲ ဆၧခိးဆၧတၩ မၩ့ကၠဲၬႉ

စဎရံၬ – မိမိ ဖါဖါ ကနံၩယီၩ မိဖါအဘိၪ့မုနံၩႇ နၥံၪလ့ၩဘၩယွၩလၧ ၥရိၬ ဂီၩ့ယူၭဧၪႉ ယကလိၭထၪ့နၥံၪလၧ နၥံၪအနဲၩ့ထံၭ လန့ဘၪအကၠီၩ့ ကွဲၪဖျါယၧၩအီႉ နၥံၪဂဲၫထဲၩ့ လုအၪ့လုအီၩယၧၩဂီၩ့ နၥံၪဖ့ၪလၫ့ယၧၩ ဆၧကိၪ့ဘၪကိၪ့ၥ့ၪဂ့ၩဒိၪနီၪ ခိးတၩဎိၩဒိၪဝ့ၫဒၪ တၡါလီၫႉ လၧမိမိ ဖါဖါၥံၪအဖၫ့ခိၪ အ့ၪယဆၧဘၪမၪအီၪ ကွဲၪဖါခွံၬလါဖိၪခွၫအကၠီၩ့ ဖိၪခွၫဆီၪ့မီၪ့စိၩ မိမိဖါဖါ အခၪ့ယၫခိၪဂီၩ့ ကအီၪကလိၭထၪ့စိၩနၥံၪ လၧအယဲၩ့ယီၩနီၪလီၫႉ

ဂါမၫရံၫ – မွဲနဒိၭန့ဒၪဝ့ၫ ဆၧဆိၪဂ့ၩဆၧဘွၩ ဖိၪခွၫဧ့ႉ ဖိၪခွၫအဂး မိမိၥံၪ အၥုၪ့ၥၭလမုၬဘၪအီၪအ့ၬႉ မိမိၥံၪ အၪ့ကံၩ့ဘၩဆိၪဖၪအ့ၪ ဖိၪခွၫအဂး လၧယွၩအီၪကိၭနံၩ ဘဲၫကအီၪမုၬဆီၪ့ချဲၫ့ဒဲ အဆၧဖံၭဆၧမၩကဂ့ၩ အဂးနီၪလီၫႉ

မၩ့ယီၥၭ – မွဲ ဖိၪခွၫဧ့ႇ ဖိၪခွၫနီၪ ဘၪအီၪလၧ မိဖါၥံၪအယဲၩ့လါနၫ့ မွဲဖိၪခွၫလၧ အယူၭယၫ့ပၭကၩ မိဖါလဂၩအကၠီၩ့ ဖါအီၪက့ၪဖိၪလိၪ (ဂုဏ်ယူ) အၪမၬလီၫႉ ၥၭလၩ့ဆါလဂ့ၩ ဖိၪခွၫဧ့ႇ ကျ့ၭစၨၭဆၧမၩအီႉ

စဎရံၬ – (ဝမ်းနည်းသောမျက်လုံးဖြင့် ပြုံးကာ) မွဲ မိမိ ဖါဖါဧ့ႇ ဖိၪခွၫ ကကျ့ၭစၨၭဆၧမၩဂီၩ့ ကဂဲၫထဲၩ့ထဲၩ့လၧဂံၪ့ အဖျဲၪနဲၪႉ မွဲဂံၪ့ဒီၪ့ဆံၫ့ဎံၪ ကယိထွ့ၫပဒၩ့ မိမိဖါဖါ လါဆံၭႉ

(ဆၧလၧ ယူၭယၫ့ နမိနဖါဆံၭနီၪ မွဲဒၪလၧ ပအီၪမိဖါအနဲၩ့ထံၭလီၫ လမွဲဘၪဒဲ ပထီၩ့လၧ မိဖါအယဲၩ့လါနၫ့ လၧမိဖါအဖၫ့ခိၪ ပဆၧၥ့ၪယၫနၪၥ့ၪႇ ပဆၧယူၭယၫ့ပၭကၩဒဲ ပဆၧအဲၪဆၧကွံၩၥံၪနီၪ မွဲပကဒိၭန့ဘၪ ဆၧဆိၪဂ့ၩဆိၪဘွၩ အဆူအယိၬနီၪလီၫႉ)