ဘိၪ့မုနံၩမုၬမုၬ Henry ၥၫ့ခိၪဒိၪ မၩ့အဲၪချံၫ့
ကနံၩယီၩနီၪ မွဲလၧဒိၩ့ပၥံၫ့ဆၧအီၪကီၪ့ၥၫ့ခိၪဒိၪ ဟင်နရီမၩ့အဲၪချံၫ့ အဘိၪ့မုနံၩအကၠီၩ့ အဝ့ၫ လ့ၩလုထၪ့လၩ့ဎိၭမံဆၩဆၧလုထၪ့လၧ ဝံးပၥံၫ့ st.Bruno ၦခွၫဆၧမၩလိၪဖိၪၥံၪအီၪအလးနီၪလီၫႉ
ၥၫ့ခိၪယီၩ လ့ၩခိၪလ့ၩနါ မံဆၩဆၧလုထၪ့တၭ “အ့ၪမွဲဆၧကိၪ့ဘၪကိၪ့ၥ့ၪလအီၪဘၪ ဖိၪၥၪၥံၪအထီလၧယၫအီၪန့အ့ၬႉ ဆၧကိၪ့ဘၪကိၪ့ၥ့ၪယီၩနီၪ အရ့ၩဒိၪဝ့ၫဒၪ အၪမၬဒ့ၭတၭ ဆၧမၩလိၪဖိၪၥံၪယီၩ ကဘၪကျ့ၭစၨၭမၩလိၪကၠၭအၥၭဆၧမၩလိၪနီၪလီၫႉ မွဲလၧထီဆၧတုၩ့ထၪ့တုၩ့လၩ့အကၠီၩ့ အလးကနၩ့နၩ့ ဖိၪၥၪၥံၪမိထၪ့ကၠီးလါနၫ့ ထၪ့ဘၪဝ့ၫအ့ၬဘနီၪ အီၪအၪမၬလီၫႉ အယီၩနၥံၪဝ့ၫ နၥံၪအဆၧဘိၪ့ဆၧထးဂ့ၩအၪမၬဒံၭႉ နၥံၪထၪ့ဘၪကၠီးအခံၫ့နီၪ မၩလိၪလံၬဂ့ၩဂၩဘၪဘၪဂီၩ့ ကိထီလၧယၫကိ မွဲလၧ မိဆၧအီၪကီၪ့အဂး မွဲလၧၡၩခမျၧးအဂး မွဲနၥံၪကဲၪထၪ့ဒၪဝ့ၫ ၦအဖ့ၪခိးဖ့ၪတၩဆၧလဖၪလါဆံၭ” အဂဲး ၥၫ့ခိၪဒိၪယီၩ လီၩလၩ့လါလၩ့ဝ့ၫဒၪ ဘဲၫယီၩအၥိၭနီၪလီၫႉ
ဘိၪ့မုနံၩအဂးဆၧမၩဘိၪ့နီၪ ၥၫ့ခိၪဒိၪယီၩ ဘုၪ့လၩ့ဆၧမၩလိၪဖိၪၥံၪလဖၪ လၧကိၪဆၫ့ကလ့ၬဒဲကိၪခီၫ့နိၫ့နီၪလီၫႉ
လကၭဘၪ ကနံၩယီၩနီၪ မွဲဒံၭလၧ စအဲၪၡီၩ့ ၥံၫဖီၩ့ခွံၬဒၪပၧၩ ထၪ့ဘၭလၩ၃ဘံၪ့အကၠီၩ့တၭ ပအၪ့ကံၩ့အ့ၪအဝ့ၫအဂး မံဆၩဆၧလုထၪ့ဂီၩ့ ပဖ့ၪလၫ့ထးဆၧမၩဘိၪ့ လၧ St.Bruno ကၠီးဒံၭလီၫႉ
