ၦဆံၫ့ဎံၪ Vicent Kaun အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Vicent Kaun အဂဲးအကၠီၩ့နီၪလီၫႉ ၦဆံၫ့ဎံၪ Vicent Kaun ယီၩ မွဲဝ့ၫ Koea ဆၨၩဖိၪကဂၩနီၪလီၫႉ နံၪ့ ၁၅၉၁ နံၪ့နီၪ ဘၪထိးဖီၫၥၭဂီၩ့ ၦၡၩထဲၩ့ကိန့လၧ ခး Japan နီၪလီၫႉ အဝ့ၫဘၪအီၪလၧ ခး Japan ယံၬထၪ့အခၫ အဝ့ၫကနုၬလၩ့လၧ ကၭၥလ့ၬဆၧအီၪကီၪ့ဖၧၩ့အဂး စ့ၩရၫ့လၩ့ၥၭနီၪလီၫႉ လၩ့မၬရံၬ အနံၪ့ ၃၀နီၪ စထၪ့ တရါလၩ့ ကဆါဎြံၬဆၧပရၧၫ့နီၪလီၫႉ
အဝ့ၫတရါလၩ့ ကဆါဎြံၬဆၧပရၧၫ့အကၠီၩ့နီၪ ဘၪထိမၩနၧၩ့မၩစၪၥၭ ကိၭမံၩ့လါနၫ့ အဝ့ၫအဆၧဆူၩနဲၩနီၪ ဖျါထုၬဝ့ၫနးဆိၬအ့ၪႉ ဆၧနီၪအကၠီၩ့ ၦၡၩထဲၩ့ဖီၫ့န့အဝ့ၫဂီၩ့ ၦၡၩဎုၬၥံၫလၧမ့ၪနီၪလီၫႉ ၦဆံၫ့ဎံၪ Vicent Kaun ယီၩ ဆၧဆူၩနဲၩအဂး ထိးၥံၫလၩ့ၥၭဒူၩဒူၩနီၪလီၫႉ နံၪ့ ၁၈၆၇ နံၪ့နီၪ ဘၪထိးရွံၥၭ ၦဆံၫ့ဎံၪနီၪလီၫႉ အဲၪကွံၩဘၪထၧၫ့ဖုဝဲထံၩ ၥိၭထီးအလူၬၥံၪဧ့ႇ ၦဆံၫ့ဎံၪ Vicent Kaun ဂဲၫထဲၩ့အီၪၥၭမၧၫ့ဘဲၫၥ့ၪလဲၪနီၪ နၥံၪထီးန့ထၬ ကမံၩ့မံၩ့ကန့အဂး ယရၩလၩ့န့အ့ၪဘၪနၥံၪနီၪလီၫႉ
